Sagnir - 01.04.1988, Side 84

Rjómabú
Baugsstaðarjómabúið
í Stokkseyrarhreppi
Rjómabúið á Baugsstöðum í Stokks-
eyrarhreppi starfaði mun lengur en
önnur bú. Það hóf starfsemi sína
árið 1905 og starfaði á sumrin eins
og önnur rjómabú til 1928 að
undanskildum tveimur árum. Var
rjómabúið starfrækt allt árið frá
1928 til haustsins 1952 undir stjórn
Margrétar Júníusdóttur. Hún var
síðasta rjómabússtýran. Margrét
veitti einnig forstöðu pöntunarfélagi
í rjómabúinu og var það starfrækt til
1969 en hún lést það ár. Það var
Margréti að þakka að tekist hefur að
varðveita eitt rjómabú með tækjum
og tólum í upprunalegri mynd. Árið
1971 var stofnað varðveislufélag um
Baugsstaðarjómabúið að forgöngu
Búnaðarsambands Suðurlands og
Byggðasafns Árnessýslu. Frá 1975
hefur það verið almenningi til sýnis
á sumrin.
Heimildir: Helgi ívarsson: „Rjómabúið á
Baugsstöðum." Sunnlenskar byggðir II.
Self. 1981, 192-194.
Smjörmót
Smjörhnoðunarvél
Ostapressur
80 SAGNIR