Sagnir - 01.06.2000, Blaðsíða 5

Ritstjóraspjall
„Nú er það í heiminn borið og það er þitt lesandi góður og sögunema
framtíðarinnar að kveða á um hvort það eigi skilið að eignast systkini
eður ei."
Svo komust ritstjórar 1. árgangs Sagna að orði í ritstjórapistli sínum
árið 1980 eftir að hafa eignast „afkvæmi í blaðaformi". Systkini þess eru
nú orðin 20. Fjölskyldan fer því óðum stækkandi. Flestum hefur þeim
verið vel tekið og hafa þau verið foreldrum sínum til sóma. Vonum við
að svo verði einnig að þessu sinni.
Fæðing þessa 21. árgangs Sagna gekk þokkalega þó að hríðirnar
hafi tekið alllangan tíma. Tæpt ár er nú síðan undirrituð hófu að ganga
á eftir sagnfræðinemum og krefja þá um efni í ritið. Kunnum við öllum
þeim þakkir sem lögðu lóð á vogarskálarnar. Oft mega börn bera brigsli
foreldra eins og málshátturinn kveður á um og því skal það tekið fram
að það sem miður kann að hafa farið er auðvitað á ábyrgð ritstjóra.
Ritstjórum 1. árgangsins þótti afkvæmi sitt ekki eins útlitsfagurt
sem skildi þar sem þeir þurftu sjálfir að vélrita allt efni upp og hanna
ritið. Lesendur voru þó beðnir um að virða viljann fyrir verkið. Útlit
Sagna hefur tekið nokkrum stakkaskiptum í áranna rás, þó að smám
saman hafi það orðið fastmótaðra. A þessum tímum lýtaaðgerða og
fegurðardýrkimar var fenginn útskriftarnemandi við Listaháskóla ís-
lands til að flikka upp á afkvæmið.
Lesendur Sagna og sagnfræðinemar hafa kveðið upp dóm sinn.
Sagnir eru komnar til að vera. Bera systkinin 20 þess skýrt vitni. Ekkert
ætti að vera því til fyrirstöðu að systkinin verði 20 í viðbót, jafnvel fleiri.
Njótið heil.
Benedikt Eyþórsson
Sif Sigmarsdóttir
Karólína Stefánsdóttir
Benedikt Eyþórsson
ER FÆDDUR ÁRIÐ 1976. HaNN STUNDAR
BA NÁM í SAGNFRÆÐI VIÐ HÁSKÓLA ís-
SlF SlGMARSDÓTTIR
ER FÆDD ÁRIÐ 1978. HÚN STUNDAR
BA NÁM í SAGNFRÆÐI VIÐ
HÁSKÓLA Íslands.
Karólína Stefánsdóttir
ER FÆDD ÁRIÐ 1977. HÚN STUNDAR
BA NÁM í SAGNFRÆÐI VIÐ
HÁSKÓLA Íslands
LANDS.