Sagnir - 01.06.2000, Page 67
197 dagar í útlöndum
Mikil vinna fer í gerð heimildarþátta segir Margrét. Hún segir
starfið erfitt á stundum. Til dæmis eyddi hún 197 dögum er-
lendis á síðasta ári við heimildaleit og tökur.
Margrét segir Síöasta valsinn hafa verið í um tvö ár í vinnslu.
Eftir að Stöð 2 ákvað að kaupa þættina liðu um tíu mánuðir uns
þeir voru tilbúnir. Þátturinn Hafmeyjar á háum hælum var um það
bil eitt ár í vinnslu. Margrét heldur enn sambandi við flesta þá
sem hún tók viðtöl við vegna þáttanna, einkum togarasjómenn-
ina í Hull. „Þeir hringja stundum í mig. Ég fæ jólakort frá heim-
ildunum mínum", segir Margrét.
En hyggst Margrét gera heimildarþáttagerð að ævistarfi
sínu? „Ég ætla bara að gera þetta meðan mér finnst þetta
skemmtilegt og nóg verkefni bjóðast", svarar hún. „Af nógu er
að taka og ég vinn bara verkefni sem mér finnast áhugaverð.
Annars getur margt breyst á stuttum tíma."
Margrét hefur að mestu verið að vinna við eigin verkefni en
getur vel hugsað sér að framleiða þætti í samvinnu við aðra síð-
ar. „Við hjá Magus leggjum mikið upp úr gæðum þáttanna. Við
höfum alltaf hagað okkar verkefnum þannig að þau séu gjald-
geng annars staðar en á íslandi", segir Margrét. „Við leggjum
metnað okkar í að standast alþjóðlegar kröfur og höfum verið
dugleg við að stofna til sambanda í útlöndum." Þess má geta að
sjónvarpsstöðin BBC keypti nýverið sýningarrétt á Síðasta vals-
inum og verður stytt útgáfa af þeim þætti sýnd í tengslum við
það að 2. júní 2001 eru 25 ár liðin frá því að samningur um lok
þorskastríðanna var undirritaður í Osló.
Sagnfræðingar eru gjaldgengir
í mörg og fjölbreytt störf
Aðspurð segir Margrét sagnfræðinga ekki þurfa að hafa áhyggj-
ur af því að hafa ekkert að gera úti í atvinnulífinu. Hún segist
ekki halda annað en að sagnfræðingar séu gjaldgengir í fjölda-
mörg og fjölbreytt störf og það megi sjá það á vinnumarkaðin-
um að sagnfræðinga er að finna á ólíklegustu stöðum. Mörg fyr-
irtæki vilji hafa breiðan hóp starfsfólks úr ólíkum greinum inn-
an sinna veggja. „Sagnfræðin er mjög almenn menntun og því
er sagnfræðingum kleift að fara margar leiðir. Þeir verða þó líka
að vera duglegir við að skapa sér tækifæri sjálfir, eins og reynd-
ar gildir um alla aðra", segir Margrét.
65