Morgunblaðið - 15.02.2012, Blaðsíða 2
2 FRÉTTIRInnlent
MORGUNBLAÐIÐ MIÐVIKUDAGUR 15. FEBRÚAR 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Ármann Kr. Ólafsson, oddviti sjálfstæðismanna,
var kjörinn bæjarstjóri Kópavogs á fundi bæjar-
stjórnar í gær. Málefnasamningur nýs meiri-
hluta var kynntur á fundinum. Ármann var kjör-
inn með sex atkvæðum en fulltrúar
Sjálfstæðisflokks, Framsóknarflokks og Y-lista
Kópavogsbúa standa að meirihlutanum. Í leyni-
legri atkvæðagreiðslu fékk Ómar Stefánsson eitt
atkvæði en fjórir fulltrúar greiddu ekki atkvæði.
Margrét Björnsdóttir, Sjálfstæðisflokki, var
kjörin forseti bæjarstjórnar. Rannveig H.
Ágeirsdóttir verður formaður bæjarráðs og þar
sitja með henni hinir oddvitar meirihlutaflokk-
anna. Gunnar I. Birgisson, fyrrverandi bæj-
arstjóri, verður formaður framkvæmdaráðs.
Ármann kosinn bæjarstjóri Kópavogs
Morgunblaðið/Eggert
Nýr meirihluti tók formlega við stjórnartaumunum í Kópavogi í gær
Sigrún Rósa Björnsdóttir
sigrunrosa@mbl.is
Ísland hefur fjögur ár, áður en næsta
úttekt fer fram árið 2016, til að koma
til framkvæmda þeim athugasemd-
um frá Mannréttindaráði Sameinuðu
þjóðanna sem það ákveður að sam-
þykkja. Ráðið setti fram tugi at-
hugasemda við kynbundið launamis-
rétti, kynferðisafbrot, fangelsis- og
innflytjendamál og trúfrelsismál.
Samkvæmt upplýsingum frá inn-
anríkisráðuneytinu er unnið að því
að taka afstöðu til athugasemdanna,
en Ísland á að skila viðbrögðum sín-
um til Mannréttindaráðsins í lok
þessa mánaðar. Komið var á þver-
faglegum hópi úr innanríkis-,
mennta- og menningarmála-, um-
hverfis-, utanríkis- og velferðarráðu-
neytum til að vinna skýrslu vegna
ábendinga nefndar SÞ. Er unnið að
mótun landsáætlunar í mannréttind-
um fyrir Ísland og litið til hennar um
viðbrögð við athugasemdum ráðsins.
Laga brotalamir í kerfum
„Við tökum þessi mál mjög föstum
tökum,“ segir Ögmundur Jónasson
innanríkisráðherra, en hann hafi
orðið var við að ráðið telji Íslendinga
vera að gera það.
„Við munum láta þetta verða okk-
ur að hvatningu til að laga þær
brotalamir sem er að finna í okkar
kerfum.“
Mannréttindaráðið taldi ástand
mannréttinda þó almennt gott og
fagnaði aðkomu almennings að
stjórnarskrá, jafnréttismálum, bar-
áttu í mansalsmálum og hjónabönd-
um samkynhneigðra.
Gagnrýni kom víða að
Alls tóku 25 sendinefndir ríkja
þátt í umræðum um Ísland. Gagn-
rýni kom á að ungir og eldri fangar
væru vistaðir saman en einnig að
dæmdir fangar og varðhaldsfangar
væru saman. Gagnrýni vegna út-
lendinga- og innflytjendamála sneri
helst að skorti á aðgerðum til að
vinna gegn kynþáttahatri og mis-
munun byggðri á því. Mörg ríki lýstu
yfir áhyggjum af því hve fáar kærur
bærust í kynferðisafbrotamálum og
vægum dómum í þeim. Flest ríkin
gagnrýndu að Ísland hefði annað-
hvort ekki staðfest sáttmála er sneru
að mannréttindum eða ekki gerst að-
ili að þeim.
Skýrsla vinnuhóps ráðsins byggist
á yfirferð hans með sendinefnd Ís-
lands sem Ögmundur fór fyrir í Genf
í desember í fyrra. Tók sendinefndin
þá afstöðu til tuga tillagna um úr-
bætur, tók undir sumar, þegar hefði
verið fjallað um þær, og aðrar yrðu
skoðaðar frekar.
Mannréttindaráð SÞ mun funda
um afstöðu Íslands á fundi sínum 15.
mars nk.
Fjögur ár til að bregðast við
Mannréttindaráð Sameinuðu þjóðanna með tugi athugasemda Setja út á
kynferðisafbrot, fangelsis- og innflytjendamál Skila á viðbrögðum í lok mánaðar
Hvatning til að
laga þær brotalam-
ir sem er að finna í
okkar kerfum.
Ögmundur Jónasson
Meðalaldur íslenska fiskiskipaflot-
ans hefur hækkað um sex ár á
fjórtán ára tímabili. Á sama tíma
hefur heildarfjöldi fiskiskipa
minnkað um 18%, úr 2.029 í 1.659
skip.
„Það er auðvitað stóralvarlegt
mál ef það er ekki verið að end-
urnýja fiskiskipaflotann,“ segir
Guðlaugur Þór Þórðarson, þing-
maður Sjálfstæðisflokksins, sem
fékk í gær svar frá innanríkisráð-
herra um aldur skráningarskyldra
íslenskra fiskiskipa aftur til 1998.
„Flotinn er að eldast og er mun
eldri en ég ætlaði,“ segir Guð-
laugur og tekur sem dæmi að
meðalaldur 24-45 m skipa sé nú
kominn upp í 35 ár og hafi hækkað
um níu ár á 15 ára tímabili. Það sé
alvarlegt mál ef ekki er verið að
endurnýja fiskiskipaflotann.
Hluti af öryggismálum
Guðlaugur bendir á að stutt sé
síðan Íslendingar voru minntir
rækilega á mikilvægi þess að ör-
yggismál sjómanna séu í lagi.
„Það vantar að komið sé meira
inn á þann þátt þegar verið er að
ræða sjávarútvegsmálin,“ segir
Guðlaugur. Endurnýjun fiski-
skipaflotans sé varla fyrirsjáanleg
á meðan ríkisstjórnin haldi sjáv-
arútvegsútmálum í óvissu.
sigrunrosa@mbl.is
Meðalaldur fiskiskipa
hækkað um 6 ár frá 1998
Meðalaldur íslenskra
fiskiskipa
í árum m.v. 1. janúar hvers árs
1998 2012
35
30
25
20
15
10
5
0
8-15 m
24-45 m
Öll fiskiskip
26
18
16
35
24
20
Heimild:
Siglingastofnun Íslands
Flotinn úreldist
jafnt og þétt
Til stendur að hækka bílastæðagjöld
í miðbænum um 100 krónur fyrir
klukkutímann og lengja gjald-
skyldan tíma.
Meirihluti umhverfis- og sam-
gönguráðs samþykkti á fundi sínum
í gær að beina því til borgarráðs að
hækka gjald fyrir bílastæði í Kvos-
inni og á Laugavegi úr 150 í 250
krónur fyrir klukkutímann. Er þetta
66% hækkun. Jafnframt hefst gjald-
skyldan klukkutíma fyrr á daginn,
eða klukkan 9 í stað 10, og gjald-
skyldu lýkur ekki fyrr en klukkan
fjögur á laugardögum. Stöðumæla-
gjaldið verður hækkað úr 80 í 150
krónur á gjaldsvæði tvö í miðborg-
inni, eða um 87%, og einnig verður
stöðumælagjald við háskólana og
sjúkrahúsin hækkað. Gjald í bíla-
stæðahúsum verður óbreytt.
Kristín Soffía Jónsdóttir, varafor-
maður umhverfis- og samgönguráðs,
segir að breytingin sé gerð í þeim
eina tilgangi að auka nýtingu bíla-
stæða í miðborginni. Hún bendir á
að bílastæðin séu ætluð fyrir við-
skiptavini stofnana og fyrirtækja.
Mælingar sýni hins vegar að bíla-
stæðin í miðbænum séu meira og
minna full allan daginn og við-
skiptavinir eigi erfitt með að finna
stæði. Á sama tíma séu laus stæði
aðeins lengra frá og í bílastæðahús-
unum. Gjaldinu sé ætlað að stýra
notkun stæðanna þannig að þau nýt-
ist betur.
Ansi brött hækkun
Fulltrúi VG í umhverfis- og skipu-
lagsráði studdi tillögu meirihlutans
en fulltrúar Sjálfstæðisflokksins
sátu hjá. Gísli Marteinn Baldursson
segir að færa megi ýmis rök fyrir
þessum breytingum en hækkunin sé
ansi brött. Hana verði einnig að
skoða í ljósi þess hversu mikið meiri-
hlutinn hafi aukið álögur á borgar-
búa. helgi@mbl.is
Stöðu-
gjöldin
hækkuð
Klukkutíminn mun
kosta 250 krónur
Morgunblaðið/Golli
Stæði? Mikið álag er á bílastæðum í
miðbænum og víða lagt ólöglega.
Alveg mátulegur
Heimilis
GRJÓNAGRAUTUR
H
V
ÍT
A
H
Ú
SI
Ð
/
SÍ
A