Morgunblaðið - 15.02.2012, Blaðsíða 16

16 FRÉTTIRViðskipti | Atvinnulíf
MORGUNBLAÐIÐ MIÐVIKUDAGUR 15. FEBRÚAR 2012
Stuttar fréttir ...
● Ríkissjóður Grikklands tók í gær til-
boðum fyrir 1,3 milljarða evra í ríkisbréf
til þriggja mánaða og er ávöxt-
unarkrafan 4,61%. Alls bárust tilboð
fyrir 2,701 milljarð evra í útboðinu sem
er það fyrsta sem ráðist er í eftir að
gríska þingið samþykkti verulegan nið-
urskurð á ríkisútgjöldum. Hann var skil-
yrði þess að Grikkir fengju 130 milljarða
evra björgunarpakka frá Evrópusam-
bandinu og Alþjóðagjaldeyrissjóðnum.
1,3 milljarða evra útboð
● Túnfiskeldisfyr-
irtækið Umami
Sustainable Sea-
food, sem er að
stærstum hluta í
eigu Íslendinga,
seldi fisk fyrir 55,6
milljónir Banda-
ríkjadala (6,8 millj-
arða króna) á
fyrstu sex mán-
uðum fjárhagsárs-
ins 2012, sem lýkur 30. júní næstkom-
andi.
Hagnaður félagsins á tímabilinu nam
hins vegar 16,9 millljónum dala (um
tveimur milljörðum króna). Í afkomuspá
fyrirtækisins fyrir fjárhagsárið í heild er
gert ráð fyrir 80 milljóna dala sölu,
eða um 10 milljarða króna.
Umami hagnast um
tvo milljarða króna
Lostæti Umami
selur túnfisk.
● Nýtt met var sett í útflutningi á
frönsku áfengi í fyrra en alls nam út-
flutningurinn frá Frakklandi rúmum 10
milljörðum evra, 1.623 milljarða
króna. Er það 10,55% aukning í tekjum
á milli ára, en magnaukningin í útflutn-
ingi er mun minni og nemur einungis
2,4%.
Útflutningur á áfengi er einn stærsti
liðurinn í útflutningstekjum Frakka.
Stærsti hluti útflutts áfengis frá
Frakklandi fer til annarra ríkja í Evrópu
en mikill vöxtur er í útflutningi til Asíu.
Frakkar settu nýtt met
í vínútflutningi í fyrra
Börkur Gunnarsson
borkur@mbl.is
Í lok síðustu viku birti Össur hf. ársuppgjör sitt og kom
þar fram að söluvöxtur á árinu 2011 hefði verið góður eða
um 9% og að heildarsalan hefði numið 401 milljón
Bandaríkjadala samanborið við 359 milljónir dala árið
2010.
Engu að síður er bæði hagnaðurinn og vöxturinn
minni en sumir greiningaraðilar höfðu gert ráð fyrir og
þegar Jón Sigurðsson, forstjóri Össurar, er spurður
hvort það valdi ekki einhverri óánægju segir hann svo
ekki vera: „Við höfðum stefnt að svona vexti og hagnaði
og þó svo að einhverjar greiningardeildir hafi talið að við
myndum vaxa enn meira en við reiknuðum með þá erum
við mjög ánægð með árið,“ segir Jón.
Jón mun halda fyrirlestur á Viðskiptaþingi Við-
skiptaráðs í dag þar sem hann spyr hvers virði sérstaða
Íslands sé. Þar mun hann meðal annars fjalla um muninn
á því að fá erlenda viðskiptamenn til Íslands og að koma
til annarra landa sem erlendur viðskiptamaður.
Fyrirtækið hefur stefnt að
svona vexti og hagnaði
Morgunblaðið/Árni Sæberg
Össur Fyrirtækið framleiðir stoðtæki aðallega fyrir
Bandaríkjamarkað, þar sem salan jókst um 9%.
 Jón Sigurðsson talar
á Viðskiptaþingi í dag Ársreikningur 2011
» Heildarsala Össurar var 401
milljón Bandaríkjadala.
» EBITDA nam 76 milljónum
Bandaríkjadala eða 19% af
sölu. Framlegð nam 249 millj-
ónum dala eða 62% af sölu og
hagnaður nam 37 milljónum
dala eða 9% af sölu.
» Árangur ársins þakka for-
svarsmenn fyrirtækisins að-
allega fjárfestingum í nýjum
sölukerfum sem jók söluna,
stöðugu framboði á nýjum
vörum og nýju verksmiðjunni í
Mexíkó.
Barack Obama
Bandaríkja-
forseti hefur lagt
til að arðgreiðslur
tekjuhárra ein-
staklinga – þeirra
sem eru með
meira en 200 þús-
und Bandaríkja-
dali í árslaun (25
milljónir króna) –
verði skattlagðar eins og um tekjur
væri að ræða. Í slíkum tilfellum
myndi skattprósentan hækka úr
15% í 39,6%.
Þetta kemur fram í fjárlaga-
tillögum fyrir árið 2013 sem Obama
kynnti fyrir Bandaríkjaþingi á
mánudag. Tillögurnar gera einnig
ráð fyrir því að hæsta tekjuskatts-
þrepið hækki úr 35% í 39,6%. Að
sögn stjórnmálaskýrenda vestan-
hafs er ljóst að frumvarpið mun
mæta mikilli andstöðu hjá Repúblik-
anaflokknum, en hann hefur meiri-
hluta um þessar mundir í full-
trúadeild Bandaríkjaþings.
Boðar hærri
skatta á ríka
 Bandaríkjaforseti
kynnir fjárlög 2013
Barack Obama
Skráð atvinnu-
leysi í janúar var
7,2% en að með-
altali voru 11.452
atvinnulausir í
janúar og fækk-
aði þeim um 0,1
prósentustig.
Fækkun skýr-
ist einkum af
tvennu. Annars vegar að flestir
þeirra ríflega 900 einstaklinga sem
tóku þátt í námsátakinu „Nám er
vinnandi vegur“ halda áfram námi
vormisserið 2012.
Í annan stað rann út um síðustu
áramót bráðabirgðaákvæði um
minnkað starfshlutfall. Í kjölfarið af-
skráðust um áramótin nálægt 500
manns af atvinnuleysisskrá sem
höfðu fengið greiddar atvinnuleys-
isbætur með hlutastarfi.
7,2% at-
vinnuleysi
 Atvinnulausum
fækkar í janúar
Fjármálaráðuneytið hafnar því að líf-
eyrissjóðirnir njóti einhvers konar
fjárhagslegrar ívilnunar gagnvart
öðrum fjárfestum sem taka þátt í
gjaldeyrisútboði Seðlabanka Íslands.
Samkvæmt samkomulagi við fjár-
málaráðuneytið munu lífeyrissjóðirn-
ir taka þátt í útboði Seðlabankans í
því augnamiði að fjármagna hlut
þeirra vegna greiðslu sérstakra
vaxtabóta árin 2011 og 2012. Rósa
Björk Brynjólfsdóttir, upplýsinga-
fulltrúi fjármálaráðuneytisins, segir í
samtali við Morgunblaðið að sam-
komulagið hafi verið gert í samráði
við Seðlabankann.
Rétt eins og greint var frá í Morg-
unblaðinu í gær þá hefur eignarhalds-
félagið Salander Holdings Ltd., sem
er skráð á Möltu, kvartað til umboðs-
manns Alþingis vegna framkvæmdar
á gjaldeyrisútboði bankans þar sem
fjárfestar sitji ekki við sama borð. Ró-
bert Guðfinnsson, talsmaður félags-
ins, segir að sjóðirnir fái sérlega góð
kjör þar sem þeir „geti boðið lægra
verð í útboðinu og tekið hagnaðinn
inn í gegnum skattaívilnanir sem
þeim bjóðast“.
Fá sama verð
Í svari frá Seðlabankanum segir að
lífeyrissjóðunum bjóðist ekki betri
kjör í útboðinu. „Þátttaka lífeyris-
sjóðanna í útboðum bankans verður
með hliðstæðum hætti og annarra
fjárfesta og munu þeir sæta sömu
skilmálum og aðrir. Útboðsfyrir-
komulag verður með þeim hætti að öll
samþykkt tilboð bjóðast aðalmiðlur-
um á sama verði. Hæsta samþykkta
verð ræður útboðsverði. Fjárfestar fá
því sama verð fyrir gjaldeyri sinn í út-
boðinu.“
Í gjaldeyrisútboði Seðlabankans,
sem fer fram í dag, er ætlunin að
kaupa erlendan gjaldeyri fyrir 100
milljónir evra. Annars vegar af lífeyr-
issjóðunum í skiptum fyrir verð-
tryggð RIKS30-bréf og hins vegar af
langtímafjárfestum sem eru reiðu-
búnir að kaupa krónur samkvæmt
fjárfestingaleið Seðlabankans.
hordur@mbl.is
Seðlabankinn segir fjárfestum
ekki mismunað í gjaldeyrisútboði
Aflandskrónur Lífeyrissjóðirnir
munu taka þátt í gjaldeyrisútboði
Seðlabankans sem fer fram í dag.
Morgunblaðið/Ernir
Hörður Ægisson
hordur@mbl.is
Alþjóðlega marsfyrirtækið Moody’s
hefur breytt efnahagshorfum Bret-
lands, Frakklands og Austurríkis úr
stöðugum í neikvæðar. Það eru því
auknar líkur á því að lánshæfismat
ríkjanna, sem öll eru með AAA-láns-
hæfiseinkunn, verði lækkað á næstu
12-18 mánuðum vegna neikvæðra
áhrifa af evrópsku skuldakreppunni.
Moody’s lækkaði jafnframt láns-
hæfiseinkunn Ítalíu, Spánar, Portú-
gals, Slóveníu, Slóvakíu og Möltu.
Fram kemur í rökstuðningi Moodýs
að lítill hagvöxtur í flestum Evrópu-
ríkjum – og í sumum tilfellum sam-
dráttur – grafi undan þeim aðgerðum
sem stjórnvöld hafa kynnt til sögunn-
ar til að auka innlenda eftirspurn og
ýta yndir kerfislægar efnahagsum-
bætur. Matsfyrirtækið hefur sömu-
leiðis töluverðar efasemdir um að þær
aðgerðir sem þegar hafi verið gripið
til í þeim tilgangi að renna styrkari
stoðum undir myntbandalagið skili
tilætluðum árangri.
Þrátt fyrir að tilkynning Moody’s
hafi ekki haft mikil áhrif á evrópska
hlutabréfamarkaði í gær er ljóst að sú
ákvörðun að setja Bretland á nei-
kvæðar horfur er ákveðið pólitískt
áfall fyrir bresk stjórnvöld. George
Osborne, fjármálaráðherra Bret-
lands, brást við viðvörun Moodýs með
því að minna á mikilvægi þess að
haldið yrði fast í áætlanir stjórnvalda
um að skera niður í ríkisrekstri og
draga úr miklum halla ríkissjóðs.
Hann bætti því ennfremur við að í
ljósi núverandi óvissuástands sem
ríkti í efnahagsmálum heimsins – ekki
síst á evrusvæðinu – væri þetta aðvör-
un til þeirra sem álitu að Bretland
þyrfti ekki að grípa til harkalegra að-
gerða til að lækka skuldabyrði ríkis-
ins. Bresk stjórnvöld hafa legið undir
töluverðu ámæli á síðustu misserum
af hálfu stjórnarandstöðunnar fyrir
að slaka ekki á niðurskurðaráformum
sínum til að auka líkurnar á því að
hagvöxtur taki við sér.
Fari svo að Bretland missi hæstu
lánshæfiseinkunn telja flestir fjár-
málasérfræðingar að það hafi engu að
síður lítil sem engin áhrif á fjár-
magnskostnað Bretlands. Áhættuá-
lagið á bresk ríkisskuldabréf til tíu
ára stóð nánast í stað í viðskiptum á
skuldabréfamarkaði í gær. Það er
hins vegar ljóst að það verður erfitt
fyrir breska ráðamenn að færa rök
fyrir því að núverandi staða efnahags-
mála réttlæti að breska ríkið sé með
hæstu lánshæfiseinkunn. Fjárlaga-
halli síðasta árs nam 8,4%, sem er
töluvert meira en í mörgum öðrum
ríkjum á evrusvæðinu sem standa
höllum fæti.
Lánshæfismat margra Evrópuríkja endurskoðað
Moody’s metur horfur
neikvæðar í Bretlandi
AP
Óvissar horfur Bretland gæti misst
hæstu lánshæfiseinkunn.
 


   
  
   
  

 




 
  
  

 
  
!"# $% " &'( )* '$*
+,,-,.
+/,-0,
+,,-12
,+-234
,+-.31
+5-102
+11-40
+-4042
+5/-+/
+0+-10
+,,-41
+/1-3/
+,,-21
,+-20/
,+-.00
+5-.,+
+11-/1
+-4231
+5/-24
+0+-5+
,,,-+34.
+,,-5,
+/1-40
+,1-3/
,+-511
,+-4,/
+0-.24
+1.-1
+-42./
+/3-1+
+0,-,0
Skannaðu kóð-
ann til að sjá
gengið eins og
það er núna á