Morgunblaðið - 15.02.2012, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 15. FEBRÚAR 2012
BAKSVIÐ
Baldur Arnarson
baldura@mbl.is
Húsaleiga á höfuðborgarsvæðinu
hækkaði á síðustu mánuðum síðasta
árs eftir stöðugar hækkanir á árinu.
Samkvæmt gögnum Leigulistans
hækkaði meðalverð fyrir leigu á
stúdíóíbúð á höfuðborgarsvæðinu
um 4% í fyrra í 75.000 krónur undir
lok ársins. Tveggja til fjögurra her-
bergja íbúðir hækkuðu um 6-8% í
fyrra og var húsaleiga á tveggja her-
bergja íbúð 105 þús., þriggja her-
bergja íbúð 135 þús. og fjögurra her-
bergja íbúð um 155 þús. í lok árs.
Stöðugt framboð á þessu ári
Spurður um þessar hækkanir seg-
ir Guðlaugur Örn Þorsteinsson,
framkvæmdastjóri Leigulistans, að
jafnvægi sé að skapast á markaði.
„Framboðið hefur verið nokkuð
stöðugt hjá okkur það sem af er ári.
Markaðurinn gæti tekið við meiru.
Það er engin spurning. Þörfin er þó
ekki jafn mikil og á árunum 2009 og
2010. Íbúðalánasjóður og bankarnir
hafa sett eignir á markaðinn og það
hefur átt þátt í að mæta eftirspurn.“
Hækkaði meira framan af
Tölur frá Hagstofu Íslands renna
frekari stoðum undir að húsaleiga
fari hækkandi í Reykjavík og nálæg-
um sveitarfélögum.
Lára Guðlaug Jónasdóttir, sér-
fræðingur á Hagstofu Íslands, segir
húsaleigu um allt land sem mæld er í
vísitölu neysluverðs hafa hækkað um
1,7% frá júlí í fyrrasumar og fram í
janúar á þessu ári. Til samanburðar
hafi leigan hækkað um 4,3% á tíma-
bilinu frá janúar 2011 og fram í júlí
sl. Var hækkunin því með öðrum orð-
um minni á síðari hluta ársins 2011
en á fyrstu sex mánuðum ársins.
Til samanburðar hækkaði vísitala
neysluverðs í heild um 4,5% á fyrri
hluta ársins og um 1,9% frá júlí 2011
og fram í janúar 2012. Fór hækkun
húsaleigu því nærri hækkun vísitöl-
unnar á þessum tveim tímabilum.
Hlutfall húsaleigu í vísitölu
neysluverðs er tæplega 3%. Hækkun
húsaleigu frá júlí 2011 til janúar 2012
jafngildir 0,05% hækkun vísitölunn-
ar í heild, að sögn Láru Guðlaugar.
Fasteignaverð fer hækkandi
Þróunin er einnig upp á við í vísi-
tölu Fasteignaskrár fyrir íbúðaverð
á höfuðborgarsvæðinu.
Eins og kortið hér til hliðar sýnir
hafði vísitalan í desember sl. ekki
verið jafn há síðan í febrúar 2009.
Er þá ekki tekið tillit til verðlags-
þróunar. Sé það gert nemur hækk-
unin 4,7% milli ára, frá desember
2010 til 2011. Verðið lækkaði hins
vegar um 2,5% 12 mánuðina áður.
Hefur fasteignaverð á höfuð-
borgarsvæðinu með öðrum orðum
farið hækkandi að teknu tilliti til
verðlagsþróunar. En eins og rakið er
hér til hliðar eru áhöld um hvort
verðið sé nógu hátt til að það standi
undir byggingu smærri íbúða.
Morgunblaðið/Kristinn
Nýbyggingar í Lundi í Kópavogi Framkvæmdastjóri Byggingarfélags Gylfa og Gunnars segir ekki hagkvæmt að byggja litlar íbúðir í dag.
Húsaleigan hækkar enn
 Leiga á höfuðborgarsvæðinu hækkaði um 4-8% í fyrra að mati Leigulistans
 Íbúðaverð á svæðinu hækkaði um 4,7% frá desember 2010-2011 að raungildi
Leigan
hrundi í
hruninu
Morgunblaðið/Ómar
Birgir Ottósson, forstöðumaður
þjónustudeildar Félagsbústaða, seg-
ir að í kjölfar efnahagshrunsins hafi
borið á því að húsnæðiseigendur
leigðu út eignir undir kostnaðar-
verði. Ráðstöfunin hafi verið neyðar-
brauð. Eigendurnir hafi fremur vilj-
að leigja út íbúðirnar á undirverði en
ekki til að lágmarka tapið.
Við þessar óvenjulegu aðstæður
hafi hluti viðskiptavina Félags-
bústaða leitað út á frjálsa leigu-
markaðinn og þar getað gengið að
ódýrum leiguíbúðum um tíma, eink-
um stórum íbúðum.
„Hluti þessa fólks er nú á biðlista
hjá okkur eftir húsnæði. Það er stór-
mál fyrir barnmargar fjölskyldur að
missa húsnæðið en auðveldara fyrir
einstaklinga að bjarga sér tíma-
bundið. Ég merki jafnframt mikinn
skort á litlum leiguíbúðum á mark-
aðnum. Rætt er um að framkvæmdir
við þær svari ekki kostnaði í dag.“
Hildigunnur Haf-
steinsdóttir, lög-
fræðingur Neyt-
endasamtakanna,
segir þeim fara
fjölgandi sem
leita til samtak-
anna vegna leigu-
húsnæðis.
„Það er tilfinn-
ing okkar að
eftirspurn eftir
leiguhúsnæði sé mun meiri en fram-
boðið. Við teljum þörf á að komið
verði á fót traustum leigumarkaði
þar sem boðið er upp á langtíma-
leigu í meira mæli en nú er, en slíkt
þekkist víðast erlendis. Það stefnir í
að til okkar leiti 1.600-1.700 manns í
ár með fyrirspurnir er varða leigu-
mál, en það sem af er ári höfum við
fengið 200 erindi vegna leigumála,“
segir Hildigunnur.
Eftirspurn
mun meiri
en framboð
Hildigunnur
Hafsteinsdóttir
Bandaríska matvæla- og lyfjaeftirlitsstofnunin (FDA)
mælir með að þær konur sem eru með sílikonbrjóstapúða
fari í segulómskoðun (MRI) þegar þrjú ár eru liðin frá
aðgerð og á tveggja ára fresti eftir það til þess að fylgjast
með hvort rof komi í púðana.
Íslensk heilbrigðisyfirvöld ákváðu hins vegar að bjóða
þeim konum sem eru með hina fölsuðu PIP-brjóstapúða í
ómskoðun til þess að kanna hvort þeir hafi lekið.
„Hér er um skimun að ræða þar sem fjölda kvenna er
boðið að koma í skoðun vegna gruns um leka í púðum.
Niðurstaða okkar að vel ígrunduðu máli var sú að gera
ómskoðun sem er besta aðgerðin til að vinna með þennan
hóp í þessu skyni,“ segir Geir Gunnlaugsson landlæknir.
Segulómanir segir hann mun stærri og dýrari skoðanir
sem séu annað val við mjög sértækar aðstæður. Þær
gætu hugsanlega verið notaðar sem næsta skerf í vafa-
tilfellum en það sé læknisfræðileg ákvörðun í tilfelli
hvers einstaklings fyrir sig.
Lyfjastofnun hefur sent framkvæmdastjórn Evrópu-
sambandsins upplýsingar um háa lekatíðni PIP-brjósta-
púðanna hér á landi. Búið er að ómskoða 105 konur og
hefur leki greinst í púðum hjá 71 konu eða um 68% þeirra
sem hafa verið skoðaðar. Ekki er vitað til þess að ráðist
hafi verið í skipulega ómskoðun á konum með PIP-púða
annars staðar í heiminum. kjartan@mbl.is
Ómskoðun best fyrir
skimun hjá konunum
 Bandarísk yfirvöld mæla með segulómun á brjóstum
Morgunblaðið/Þorkell
Ómskoðun MRI Segulómtæki á Landspítalanum.
Gunnar Þorláksson, framkvæmdastjóri Byggingar-
félags Gylfa og Gunnars, segir byggingariðnaðinn að
taka við sér. „Markaðurinn er heldur að hjarna við.
Eftirspurnin er þó mikið háð staðsetningum. Mér
sýnist sem að það verði tröppugangur í þessu næstu
þrjú árin. Leiðin liggur upp á við. Almenningur þarf
þó að sjá margt annað gerast áður en markaðurinn
tekur við sér af fullum krafti,“ segir Gunnar.
Hann svarar því svo til að viðskiptavinir
fyrirtækisins leiti mest í þriggja til fjögurra her-
bergja nýjar íbúðir. Eins til tveggja herbergja íbúðir
séu dýr kostur sem sé ekki hagkvæmur í byggingu eins og sakir standi.
Þær litlu of dýrar í byggingu
VERKTAKI BENDIR Á BYGGINGARKOSTNAÐ
Gunnar
Þorláksson
Vísitala íbúðaverðs á höfuðborgarsvæðinu
2007
maí*
2009
febrúar*
2009
desember
2010
júní
2010
desember
2011
júní
2011
desember
*Vísitalan í desember 2011 hafði ekki verið jafn há síðan í febrúar 2009 og þar áður ekki jafn lág síðan í maí 2007.
Við þennan samanburð er hér ekki tekið tillit til verðlagsþróunar.
400
380
360
340
320
300
280
260
Íbúðarhúsnæði alls Fjölbýli Sérbýli Nafnverð Vísitala neysluverðs
271
320,2
327,7
335,7
366,7
386
316,3
324,9
332,5
362,3
–2,5% +4,7%
m.t.t. vísitöluþróunar m.t.t. vísitöluþróunar
302,1 302,6
Steingrímur J. Sigfússon, sjávarút-
vegs- og landbúnaðarráðherra, við-
urkennir að hafa gengið of langt í
þingsalnum á mánudag þegar hann
sagði Sigmundi Davíð Gunnlaugs-
syni, formanni Framsóknarflokks-
ins, að þegja.
Steingrímur sagði við fréttamenn
eftir ríkisstjórnarfund í gær, að
þetta væri ekki stór atburður í hans
huga, „en ég er nógu stór til að við-
urkenna það, að þetta er ekki viðeig-
andi orðbragð,“ sagði Steingrímur.
Hann sagði að þetta hefðu verið
orðahnippingar úti í þingsalnum og
ekki ætlaðar fyrir fjölmiðla eða í
hljóðritun. „Við þurfum væntanlega
báðir að sitja á strák okkar og stilla
skap okkar í framhaldinu,“ sagði
Steingrímur.
Gunnar Bragi Sveinsson, þing-
flokksformaður Framsóknarflokks,
sagði í umræðu á Alþingi um störf
þingsins í gær að Steingrímur hefði
farið yfir öll vel-
sæmismörk þeg-
ar hann sagði Sig-
mundi Davíð að
þegja.
Gunnar Bragi
sagði að ýmis orð
hefðu verið látin
falla í þingsal en
nýtt væri að
mönnum væri
sagt að þegja og
það væri hneyksli.
Velti Gunnar Bragi því fyrir sér
hvort Ásta Ragnheiður Jóhannes-
dóttir, forseti þingsins, þyrfti ekki að
grípa inn í og ræða við ráðherra
ríkisstjórnarinnar um það hvernig
þeim bæri að haga sér og koma fram
við þingið og þingmenn.
„Ég held að forseti þingsins ætti
að taka hæstvirtan formann Vinstri
grænna á kné sér og rassskella
hann,“ sagði Gunnar Bragi.
Var ekki viðeig-
andi orðbragð
Steingrímur J.
Sigfússon.