Morgunblaðið - 15.02.2012, Blaðsíða 36
MIÐVIKUDAGUR 15. FEBRÚAR 46. DAGUR ÁRSINS 2012
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Sláandi myndir af hótelherbergi
2. Búið að leysa gátuna?
3. Mamma, ég er lesbía
4. Fékk strax starfstilboð
»MEST LESIÐ Á mbl.is
FÓLK Í FRÉTTUM
Suspect B úr Breakbeat kemur til
með að þeyta skífum ásamt Wasabi
sem mun spila allt frá hipphoppi til
house- og bassamúsíkur á Fimmtu-
dagsforleik Hins Hússins í Pósthús-
stræti á fimmtudaginn kemur.
Breakbeat í Hinu
Húsinu á fimmtudaginn
Franska dag-
blaðið Marie
Claire mun verða
með hálfsíðu um-
fjöllun um rithöf-
undinn Auði Övu
Ólafsdóttur á
bókmenntasíðu
sinni í marshefti
blaðsins. Það er
ekki oft sem íslenskur rithöfundur
kemst á síður franskra tískublaða og
ætti umfjöllunin að hjálpa Auði að
marka sér nafn í Frakklandi.
Auður Ava á síðum
blaðsins Marie Claire
Prinspóló verður með tónleika á
Faktorý á fimmtudagskvöldið. Hljóm-
sveitin er að fara í tónleikaferð til Nor-
egs, Sviss og Belgíu fljót-
lega og því fer hver að
verða síðastur að
sjá sveitina á tón-
leikum á Íslandi í
bili. Loji mun hita
upp fyrir sveitina
með söng sínum
og einstökum
gamanmálum
sem slá alltaf í
gegn.
Prinspóló á þeysireið
mikilli um Evrópu
Á fimmtudag Suðvestan 10-15 m/s með éljum en 5-13 m/s og
bjartviðri NA-til. Frost víða 0 til 5 stig.
Á föstudag Suðvestlæg átt og él, en gengur í hvassa norðaustan-
átt með snjókomu fyrir norðan síðdegis og rofar til sunnanlands.
SPÁ KL. 12.00 Í DAG Rigning eða slydda V-til fyrst, þurrt að kalla
síðdegis en hvessir með éljum seint í dag. Hiti 3 til 10 stig.
VEÐUR
Rut Jónsdóttir, landsliðs-
kona í handknattleik, hef-
ur samið á ný við danska
toppliðið Team Tvis Hol-
stebro til tveggja ára.
„Þetta var besti kosturinn
og ég sé ekki ástæðu til
að fara frá liðinu,“ segir
Rut í viðtali við Morgun-
blaðið en hún er komin
með liði sínu í átta liða úr-
slit í Evrópukeppni og á
fyrir höndum leiki gegn
rússnesku liði. »1
Danirnir sömdu
á ný við Rut
Knattspyrnumaðurinn Steven Lenn-
on sér alls ekki eftir því að hafa yfir-
gefið Bretlandseyjar og gengið til liðs
við Fram í fyrrasumar. Hann er hrifinn
af landi og þjóð, kveðst njóta þess að
spila fótbolta á Íslandi, en hann hafi
aldrei áður skorað fimm
mörk í leik eins og
hann gerði gegn Ís-
lands- og bikar-
meisturum KR í fyrra-
kvöld. »2-3
Lennon nýtur þess að
spila fótbolta á Íslandi
Lionel Messi var einu sinni sem oftar
í aðalhlutverki þegar Evrópumeist-
arar Barcelona í knattspyrnu karla
unnu Leverkusen, 3:1, í Þýskalandi í
gærkvöldi í fyrri viðureign liðanna í
16 liða úrslitum Meistaradeildar Evr-
ópu. Hann skoraði eitt mark og lagði
upp annað fyrir meistarana sem
standa vel að vígi fyrir síðari leikinn
sem fram fer á heimavelli. »3
Messi í aðalhlutverki
hjá Barcelona
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ágúst Ingi Jónsson
aij@mbl.is
Verk er að vinna í Kópavogskirkju
þar sem brýn þörf er á að einangra
kirkjuna, sem á 50 ára vígsluafmæli í
lok ársins. Ýmislegt er á döfinni til að
afla fjár vegna þessa verkefnis en nú
um mánaðamótin verður haldinn há-
tíðarkvöldverður fyrir um hundrað
velunnara kirkjunnar. Matseðillinn
er forvitnilegur, en þarf kannski ekki
að koma á óvart því hann er sóttur í
Biblíuna, og kennir þar margra
spennandi grasa. Nefna má dúfur,
geitur og gráendur, fasana og fjöl-
breytt fiskmeti, kindakjöt og kjúkling
og úrval kryddtegunda.
Hugmyndin að þessari tilbreytingu
kviknaði í spjalli séra Sigurðar Arn-
arsonar, sóknarprests í Kópavogs-
kirkju, og Baldurs Sæmundssonar,
fagstjóra í Hótel- og matvælaskól-
anum í Menntaskólanum í Kópavogi.
Verkefnið vatt upp á sig og meðal
þeirra sem einnig koma að því má
nefna Ragnar Wessman, Guðmund
Guðmundsson og fleiri kennara í
skólanum, um 40 nemendur í mat-
reiðslu, Ástu Ágústsdóttur djákna og
sóknarnefnd Kópavogskirkju.
Andinn kom yfir þá
„Það má segja að í þessu spjalli
okkar Baldurs hafi andinn komið yfir
okkur og þegar grannt er skoðað er
víða minnst á mat og drykki í Biblí-
unni,“ segir Sigurður. „Samstarfið við
skólann hefur verið einstakt, en nem-
endur hafa kynnt sér matarmenningu
frá þessu tímabili. Við höfum víða leit-
að fanga og tekist að halda hráefnis-
kostnaði í lágmarki, auk þess sem
þeir sem fram koma fá ekki greitt.
Boðið verður upp á tónlistaratriði, en
meðal annars mætir Matthías V.
Baldursson með stóran hluta af sín-
um fjölmenna og fína Vocal Project-
kór. Sannarlega höfum við fundið fyr-
ir góðum hug í garð kirkjunnar, sem
hefur verið gífurlegt átak að byggja á
sínum tíma fyrir ekki stórt samfélag.“
Sigurður segir að lengi hafi verið
vandamál að Kópavogskirkja er ekki
einangruð og margir hafi kvartað yfir
kulda í henni. Hann segist hafa heyrt
að á sínum tíma hafi verið til umræðu
að setja kopar utan á hana til ein-
angrunar. Það hefði hins vegar breytt
ásýnd kirkjunnar mikið, sem ekki sé
aðeins eitt helsta tákn Kópavogs
heldur kennileiti mjög víða á höfuð-
borgarsvæðinu.
„Það er til skoðunar hvernig best
verður staðið að því að einangra hana,
en það er flókið,“ segir Sigurður.
„Ein lausnin er að setja klæðningu
utan á hana og hún þyrfti að vera
nokkrir sentimetrar á þykkt. Þá
þyrfti meðal annars að gæta vel að
dýpt á steindum gluggum listakon-
unnar Gerðar Helgadóttur sem prýða
kirkjuna og setja mikinn svip á hana.“
MGrúskað í matarfræðum »14
Biblíumatur til einangrunar
Forvitnilegir og
fjölbreyttir réttir
á matseðlinum
Morgunblaði/RAX
Samstarf kirkjunnar og skólans Þau koma að undirbúningi kvöldverðarins, frá vinstri Baldur Sæmundsson, Guð-
mundur Guðmundsson, Ásta Ágústsdóttir djákni, Ragnar Wessman, Sigmar Pétursson og séra Sigurður Arnarson.
Kópavogskirkja var
reist á árunum 1958-
1962 eftir teikn-
ingum frá embætti
húsameistara ríkis-
ins sem Hörður
Bjarnason veitti for-
stöðu. Ragnar Emils-
son, arkitekt hjá
embættinu, vann ásamt húsameist-
ara mikið að teikningu kirkjunnar.
Grunnur hennar var helgaður hinn
16. ágúst 1958 og hornsteinn lagð-
ur ári síðar. Kirkjan var vígð 16. des-
ember 1962 af dr. Sigurbirni Einars-
syni þáverandi
biskupi.
Séra Gunnar Árna-
son þjónaði í Kópa-
vogi frá árinu 1952 og
var prestur við kirkj-
una frá 1962-71.
Sóknarprestar
Kársnesprestakalls
hafa verið Árni Pálsson 1971-90,
Ægir Fr. Sigurgeirsson 1990-2009
og Sigurður Arnarson frá 2009. Þá
þjónaði Þorbergur Kristjánsson við
kirkjuna 1971-1994 sem sóknar-
prestur Digranesprestakalls.
Fáir sóknarprestar á Kársnesi
HÁLF ÖLD FRÁ VÍGSLUAFMÆLI KÓPAVOGSKIRKJU