Fréttatíminn - 27.02.2015, Page 68

 Í takt við tÍmann Gyða Dröfn SveinbjörnSDóttir
Fylgist vel með ævintýrum
Kardashian-fjölskyldunnar
Gyða Dröfn Sveinbjörnsdóttir er 23 ára Akureyrarmær sem flutti til Reykjavíkur í haust og leggur
stund á nám í sálfræði með áherslu á markaðsfræði við Háskólann í Reykjavík. Gyða Dröfn er
fyrrum Íslandsmeistari í módelfitness og heldur úti vinsælu bloggi á gydadrofn.com.
Staðalbúnaður
Fatastíllinn minn er kvenlegur og klass-
ískur. Ég er yfirleitt í leggings eða sokka-
buxum og fínum skyrtum og kápum. Mér
finnst lang skemmtilegast að kaupa mér
yfirhafnir og hælaskó – en það tengist því
kannski að ég er 1,56 á hæð. Fötin kaupi
ég mest í útlöndum í H&M og Zöru en
hér heima í Zöru og Vero Moda.
Hugbúnaður
Ég er mjög dugleg að fara í ræktina þó
það sé orðið langt síðan ég keppti síðast
í módelfitness. Ég æfi í World Class og
fer líka í jóga og hot jóga. Ég fer mikið á
kaffihús. Ætli Te & kaffi sé ekki stærsti
útgjaldaliðurinn í heimilisbókhaldinu,
ég er fastagestur þar. Ég fer stundum á
djammið. Ekkert um hverja helgi en alveg
af og til. Mér finnst mjög gaman að fara
á viðburði og skemmtilega tónleika en ef
ég fer bara niður í bæ þá fer ég oftast á
Austur og b5. Ég horfi mjög mikið á sjón-
varpsþætti og er búin með endalaust mik-
ið af seríum. Ég horfi auðvitað á klass-
íska stelpuþætti eins og Sex and the City,
Gossip Girl og Desperate Housewives
en er líka fyrir Breaking Bad, Nip/Tuck
og fleiri þætti. Svo verð ég viðurkenna að
raunveruleikaþættir eru „guilty pleasure“
hjá mér. Ég fylgist mikið með Keeping up
with the Kardashians og Biggest Loser.
Vélbúnaður
Ég er Eplamanneskja alla leið, er með
Macbook Air og iPhone 5s. Ég nota
símann til að taka myndir fyrir bloggið
mitt en draumurinn er reyndar að eignast
flotta myndavél einhvern daginn. Uppá-
halds appið mitt er Instagram en ég nota
líka önnur samfélagsmiðlaöpp, Facebook,
Snapchat og Twitter.
Aukabúnaður
Mér finnst rosa gaman að elda en er
kannski ekki nógu dugleg við það. Þegar
ég elda reyni ég að hafa matinn hollan
og góðan, til að mynda pasta- og kjúk-
lingarétti eða afríska- eða marokkóska
pottrétti. Mér finnst líka gaman að baka
kökur – bæði hollar og óhollar.
Ég fæ mér oft sushi þegar ég
borða úti eða salat, til dæmis
á Local, og ég fer líka mikið
á Serrano. Mér finnst gaman
að spá í snyrtivörur og prófa
mig áfram með þær. Ég fer
aldrei út úr húsi án þess að
vera með maskara. Ég kaupi
mikið af snyrtivörum á netinu
og á orðið nokkrar fullar
skúffur heima. Ég keyri
um á rosalega krúttlegum
strumpabláum Polo. Hann er
2003-módel og hefur reynst
mér vel fyrir utan að það hafa
öll fjögur dekkin sprungið síð-
an ég flutti suður. Síðasta utan-
landsferð mín var til Noregs
en næst á dagskrá er að skella
sér til Glasgow til að heimsækja
vinkonu mína og versla. Í fyrra
fór ég til Madrídar og það er ein
skemmtilegasta borg sem ég hef
komið til, alveg dásamleg.
Lj
ós
m
yn
d/
H
ar
i
Nýjar
KLAPPARSTÍGUR 40
101 REYKJAVÍK · SÍMI 571 4010
peysur
 GerðarSafn SýninG blaðaljóSmynDara
Árleg sýning Blaðaljósmyndara-
félags Íslands á bestu myndum árs-
ins 2014 verður opnuð á morgun,
laugardaginn 28. febrúar, klukk-
an 15 í Gerðarsafni í Kópavogi. Á
sýningunni eru að þessu sinni 116
myndir sem valdar hafa verið af
dómnefnd úr 905 myndum 24 blaða-
ljósmyndara. Veitt verða verðlaun
í níu flokkum, fyrir Mynd ársins
og fyrir bestu fréttamyndina, um-
hverfismyndina, portrettmyndina,
íþróttamyndina, daglegt líf, tíma-
ritamynd, myndröð ársins og mynd-
skeið ársins. Við sama tækifæri
verða veitt blaðamannaverðlaun
í þremur flokkum, Blaðamanna-
verðlaun ársins, rannsóknarblaða-
mennska ársins og umfjöllun árs-
ins. Dómnefnd hefur tilnefnt þrjá
í hverjum flokki. Bók með bestu
blaðaljósmyndum ársins 2014 kem-
ur út við þetta tækifæri og verður
kynnt á sýningunni.
Þá opnar á neðri hæð safnsins á
sama tíma sýning á myndum Ragn-
ars Th. Sigurðssonar, sem hann
nefnir Ljósið. Ragnar Th. er þekkt-
ur fyrir einstæðar náttúruljósmynd-
ir. Hann hóf feril sinn sem blaðaljós-
myndari, en fór fljótlega að starfa
sjálfstætt. Hann á að baki yfir 30 ára
ljósmyndaferil og ferðast reglulega
á heimsskautasvæðin í leit að við-
fangsefni fyrir verk sín sem hvergi
annars staðar er að finna. Hann
hefur hlotið þrenn CLIO verðlaun,
tekið þátt í fjölda sýninga og lagt
til myndefni í fjölmargar bækur og
tímarit, bæði hér heima og erlendis.
Bestu blaðaljós-
myndir ársins
Arctic Images heldur utan um verk Ragnars Th. Sigurðssonar en allur ágóði af sölu
verka hans fer til styrktar Ljóssins endurhæfingar- og stuðningsmiðstöðvar fyrir
fólk sem hefur fengið krabbamein og aðstandendur þeirra.
68 dægurmál Helgin 27. febrúar–1. mars 2015