Morgunblaðið - 25.05.2018, Qupperneq 11
FRÉTTIR 11Innlent
MORGUNBLAÐIÐ FÖSTUDAGUR 25. MAÍ 2018
S C S S É OG Ú
BARNASKÓR
KE HER LITEBEAM L TTIR MJ KIR
ARNASKÓR MEÐ LJÓSUM Í BOTNINUM.
STÆRÐIR 27-35
VERÐ: 6.995
KRINGLU OG SMÁRALIND
Glæsilegt við
öll tækifæri
Kringlunni 4c – Sími 568 4900
. , . ,
30% afsláttur af yfirhöfnum
Suðurlandsbraut 30 • sími 553 3755
Guðni Einarsson
Gunnlaugur Snær Ólafsson
Þjóðskrá Íslands hefur fellt niður
skráð lögheimili Einars Birkis Ein-
arssonar, bæjarfulltrúa í Hafnar-
firði, og telur
það vera í Kópa-
vogi. Kjörskrá
verður uppfærð
til samræmis við
það.
Sigríður Krist-
insdóttir bæjar-
lögmaður sagði
aðspurð að Hafn-
arfjarðarbæ
hefði borist bréf
í tölvupósti frá
Þjóðskrá síðdegis 23. maí, um
klukkustund fyrir setningu bæjar-
stjórnarfundar sem hófst kl. 17.
Hún sagði í gær að ekki hefði náðst
að skoða málið ítarlega á þeim
stutta tíma sem liðinn væri frá
móttöku bréfsins.
Þjóðskrá flutti lögheimilið
Þjóðskrá Íslands vakti athygli
Hafnarfjarðarkaupstaðar á breyttu
lögheimili bæjarfulltrúans og vísar
í kafla um kjörskrár í lögum um
kosningar til sveitarstjórna. Í bréf-
inu kemur fram að á viðmiðunar-
degi kjörskrár, 5. maí 2018, hafi
Einar verið með skráð lögheimili í
Hafnarfirði og því tekinn á kjör-
skrárstofn þar. Síðan er tilkynnt
að Þjóðskrá Íslands hafi fellt niður
skráningu lögheimilis Einars í
Hafnarfirði og teljist það vera í
Kópavogi. Þjóðskrá Íslands leið-
rétti þjóðskrá þessu til samræmis.
Í lögum um kosningar til sveitar-
stjórna segir að forsenda kjör-
gengis til sveitarstjórnar sé að eiga
kosningarétt í sveitarfélaginu. Til
að eiga kosningarétt í sveitarfélagi
þarf maður að eiga þar lögheimili.
Lesin var tilkynning frá Einari
Birki í upphafi bæjarstjórnarfund-
arins 23. maí þar sem hann til-
kynnti að hann myndi ekki sitja
fundinn. Jafnframt óskaði hann öll-
um bæjarfulltrúum velfarnaðar og
þakkaði fyrir samstarfið.
Veit ekki forsendur Þjóðskrár
Einar Birkir kvaðst í samtali við
mbl.is í gær vera ósammála Þjóð-
skrá Íslands um hvar réttmætt
lögheimili hans væri. Hann sagðist
ekki hafa kynnt sér hvort hann
hefði andmælarétt í málinu eða
hver næstu skref yrðu. Þá sagðist
Einar Birkir ekki vita á hvaða
grundvelli Þjóðskrá Íslands byggði
ákvörðun sína þar eð hann hefði
ekki fengið annað en stutta til-
kynningu frá stofnuninni.
Einar Birkir var kjörinn í bæj-
arstjórnina sem fulltrúi Bjartrar
framtíðar. Hann og flokkssystir
hans, Guðlaug S.S. Kristjánsdóttir,
forseti bæjarstjórnar, sögðu sig úr
flokknum 4. apríl og ákváðu að
starfa sem óháðir bæjarfulltrúar út
kjörtímabilið.
Lögheimili bæj-
arfulltrúa flutt
Færður úr Hafnarfirði í Kópavog
Einar Birkir
Einarsson
Guðrún Erlingsdóttir
ge@mbl.is
„Mér finnst ég niðurlægður þegar
kemur að því að nýta kosningarétt-
inn af því að ég er gamall maður,“
segir íbúi á dvalarheimilinu Jaðri í
Ólafsvík sem er ósáttur við aðstæður
sem íbúum heimilisins er boðið upp
á við utankjörfundaratkvæða-
greiðslu á dvalarheimilinu.
Fólk á að fá að kjósa í einrúmi
Helgi Kristjánsson, íbúi á Jaðri,
segir að í síðustu alþingiskosningum
og aftur núna sé íbúum sem ekki
treysta sér á kjörstað boðið að kjósa
við þær aðstæður að fulltrúi frá
Sýslumannsembættinu á Vestur-
landi sitji fyrir framan kjósendur og
geti, ef vilji sé fyrir hendi, séð hvað
íbúar þar kjósa.
„Enginn er samt að ætla fulltrú-
anum neitt slíkt,“ segir Helgi, sem
sjálfur fer á kjörstað á kjördag.
„Ég þekki vel til kosningalaganna.
Þau eru mjög stíf og þess gætt vand-
lega að fólk kjósi í einrúmi. Að-
staðan sem íbúum á Jaðri er boðið
upp á er ekki í anda laganna og það
ætti ekki að vera mikið mál að
skerma af aðstöðu fyrir utankjör-
fundaratkvæðagreiðslu,“ segir
Helgi, sem heyrði það hjá sambýl-
ingum sínum í gær að þeim væri
misboðið vegna aðstöðunnar í síð-
ustu alþingiskosningum og sveit-
arstjórnarkosningunum nú.
Ekki heyrt af óánægju
Daði Jóhannesson, fulltrúi Sýslu-
mannsins á Vesturlandi, segir að
kosningin á Jaðri hafi farið fram
með þeim hætti að kjósandi og kjör-
stjóri sitji í sama herbergi þegar
kosning fari fram en kjörstjóri snúi
sér undan á meðan kosið er.
„Ég hef ekki heyrt um óánægju
íbúa Jaðars fyrr og vegna þessa
kvartana munum við fara yfir málið
með stjórnendum á Jaðri fyrir
næstu kosningar,“ segir Daði.
Íbúar á Jaðri ósáttir
við kosningaaðstöðu
Málið skoðað fyrir næstu kosningar