Morgunblaðið - 25.05.2018, Qupperneq 22
22 UMRÆÐAN
MORGUNBLAÐIÐ FÖSTUDAGUR 25. MAÍ 2018
Það var á sólríkum
degi í maí 2014 þegar
náttúran öll var að
vakna til lífsins og
farfuglarnir flestir
komnir til eyjunnar
bláu, að á tröppum
þjónustumiðstöðvar
Kópavogs birtist vel
greiddur prúðbúinn
maður í jakkafötum.
Hann var með bindi
og ilmaði af rakspíra. Þessi maður
var í vel pússuðum skóm og kom
einkar vel fyrir og bauð starfs-
mönnum af rausn upp á góðgerðir
og kruðerí í matsal þjónustu-
miðstöðvar.
Hann sagði yfir fullan sal af
fólki að útlitið hefði sjaldan eða
aldrei verið jafn gott og einmitt
núna til þess að bæta þessum
lægst launuðu starfsmönnum bæj-
arins launaskerðingu
þá sem þeir höfðu orð-
ið fyrir í hruninu.
Þegar hluti yfirvinnu
hafði verið tekinn af
starfsfólki þjónustu-
miðstöðvar Kópavogs.
Hann brosti blíðlega
eins og enginn væri
morgundagurinn og
sagði eins og sá er
öllu ræður: þið þurfið
ekki að vinna þessa
yfirvinnu heldur verð-
ur þetta sem launa-
uppbót fyrir ykkur. Mér líkar vel
hér sem bæjarstjóri og hef áhuga
á að vera hér áfram ef þið veitið
mér umboð til þess að vinna að
góðum málum fyrir ykkur og fólk-
ið í bænum.
Hvílík lukka sem var með
starfsfólki þjónustumiðstöðvar
Kópavogs á þessum sólríka sum-
ardegi að fá boðbera svo góðra
tíðinda í heimsókn. Og kannski
engin tilviljun heldur, því að deg-
inum á eftir átti að kjósa til bæj-
arstjórnar í Kópavogi.
Margir starfsmenn þjónustu-
miðstöðvar Kópavogs skunduðu
prúðbúnir á kjörstað á kjördag
2014 og kusu þennan vingjarnlega
og brosmilda bæjarstjóra, „boð-
bera þessara góðu tíðinda“. Og
horfðu með bjartsýni til framtíðar
þar sem þeir væru komnir með
svo öflugan málsvara í æðstu
stjórn bæjarins sem léti sér svo
annt um hag þeirra sem minnst
mega sín.
Ármann Kr. Ólafsson bæj-
arstjóri efndi aldrei þetta loforð
sem hann gaf sínum minnstu
bræðrum daginn fyrir kosning-
arnar 2014. Undirritaður skrifaði
bréf til bæjarstjóra fyrir hönd
starfsfólks þar sem undirritaður
ítrekaði að bæjarstjóri mundi
standa við gefin loforð. Aldrei kom
bæjarstjóri sjálfur í eigin persónu
til þess að gera grein fyrir sínu
máli og loforðið komið í gleymsk-
unnar hólf. Ármann var nú kom-
inn í örugga höfn, í „stólinn“, með
fulltingi starfsmanna þjónus-
umiðstöðvar sem kusu hann í
góðri trú en voru nú með öllu
gleymdir.
Nú berast fréttir af launa-
kjörum bæjarstjórans sem hækk-
aði launin sín á einu bretti um
612.000 krónur á mánuði og hefur
nú í laun 2.500.000 króna á mánuði
og um 30 milljónir í árslaun. Ein-
ungis þessi hækkun bæjarstjórans
er um það bil tvöföld laun þessara
starfsmanna bæjarins sem hann
sveik um launauppbótina á kjör-
tímabilinu.
Skyldu starfsmenn þjónustu-
miðstöðvar Kópavogs skunda aftur
prúðbúnir á kjörstað þann 26. maí
næstkomandi og kjósa áfram til
valda þennan brosmilda loforða-
glaða bæjarstjóra?
Ps. Þegar ég hef verið að setja
saman þessar hugrenningar mín-
ar, þá hefur komið upp í huga mér
vísa sem ég heyrði fyrir margt
löngu og hefur verið í uppáhaldi
hjá mér. Þykir mér hún eiga
einkar vel við þessa frásögn. Vísan
var ort um prest að best ég veit,
sem þótti ekki við eina fjölina
felldur. Læt ég þessa vísu fylgja
með hér í niðurlagi þessarar
greinar.
Jónas bæði giftir og grefur,
bjart er í himnaranninum.
Þar er á ferðinni úlfur og refur,
og báðir í sama manninum.
Litli maðurinn og bæjarstjórinn
Eftir Einar
Hjaltason » Ármann Kr. Ólafs-
son bæjarstjóri
efndi aldrei þetta loforð
sem hann gaf sínum
minnstu bræðrum dag-
inn fyrir kosningarnar
2014.
Einar Hjaltason
Höfundur er stýrimaður og var í milli-
landasiglingum um árabil.
Helgafellshverfi er
líklega fallegasta bygg-
ingarlandið sem til er á
höfuðborgarsvæðinu,
suðurhlíðar með fallegu
útsýni og fjölbreyttri
byggð sem sam-
anstendur af tiltölulega
þéttum kjarna fjölbýla í
miðjunni í kringum
glæsilega skólalóð og
svo sérbýlum niður að
Varmánni, upp með Helgafelli niður
að Skammadalslæk.
Skipulag samkvæmt upphaf-
legum áætlunum
Skipulag hverfisins er niðurstaða
samkeppni um skipulag á meðal fag-
aðila sem fram fór árið 2005. Skipulag
hverfisins var í upphafi samstarf bæj-
arins og þeirra sem þá áttu landið
Helgafellsbygginga. Sú uppbygging
sem nú á sér stað byggist á því skipu-
lagi og hafa tiltölulega litlar breyt-
ingar verið gerðar á því frá upphafi.
Ekkert hefur bæst við í bygging-
armagni (það er byggðum fermetr-
um) þrátt fyrir orðróm þar um. Íbúð-
um hefur þó verið fjölgað lítillega til
að koma til móts við breyttar þarfir
og óskir eftir hrun, en upphaflega
voru íbúðirnar þarna of stórar að
margra mati og því hafa skipulags-
yfirvöld í einhverjum tilfellum fallist
á fjölgun íbúða þannig að íbúðir hafi
minnkað og þeim verið fjölgað. Hald-
ið er í fyrri bílastæðakröfur um tvö
stæði á hverja íbúð og
skal að minnsta kosti
annað þeirra vera í bíla-
kjallara. Til að koma til
móts við þörf á minni og
ódýrari íbúðum höfum
við samþykkt ákveðinn
fjölda minni íbúða, 70 fm
og undir, en þar er ein-
ungis krafa um eitt bíla-
stæði og þarf það ekki að
vera neðanjarðar. Jafn-
framt eru gerðar kröfur
um hjólastæði til að ýta
undir virkan ferðamáta.
Með þessu móti teljum við okkur
tryggja ákveðna blöndun og fjöl-
breytni í byggðinni. En það er einlæg
skoðun mín að til lengri tíma litið sé
mikilvægt að í hverfum sé góð blanda
íbúða af mismunandi stærðum bæði í
sérbýlum og fjölbýlum.
Ég er sannfærð um að þegar hverf-
ið verði fullbyggt verði það okkur öll-
um til mikils sóma. Við skipulag hverf-
isins eins og annara hverfa hefur verið
horft sérstaklega til þess að tryggja
græn svæði og gott aðgengi að nær-
liggjandi náttúruperlum eins og
Varmánni, Helgafelli og Reykjalund-
arskógi.
Skólar og leikskólar
Helgafellsskóli er nú í byggingu og
mun kennsla hefjast þar í janúar 2019.
Um er að ræða glæsilegan skóla sem á
endanum mun hýsa bæði leik- og
grunnskólabörn. Mikil áhersla hefur
verið lögð á góða og algilda hönnun
sem geti veitt sem besta umgjörð um
það fyrirmyndar skólastarf sem mun
fara þar fram. Þegar fram líða stund-
ir er gert ráð fyrir öðrum leikskóla í
hverfinu en hverfið mun á endanum
hýsa í kringum 1.200 íbúðir og þá er
oft horft til þess að þörf sé á tveimur
leikskólum og einum grunnskóla í
hverfi af slíkri stærð.
Fjölbreyttar og góðar sam-
göngur
Aðalgatnakerfið út úr Helgafells-
hverfi er í dag frá hringtorgi við
Varmá en á næstu árum mun hverfið
jafnframt tengjast Reykjahverfi og
nýjum Hafravatnsvegi auk þess sem
tenging verður út á Þingvallaveg.
Þannig er gert ráð fyrir þremur út-
gönguleiðum úr hverfinu. Strætó hóf
akstur í Helgafellshverfi um síðustu
áramót enda mikilvægt að tryggja
svo stóru og fjölmennu hverfi góðar
almenningssamgöngur. Mikilvægt er
að ganga frá göngu- og hjólreiða-
stígum í hverfinu samhliða frekari
uppbyggingu og tryggja þannig fjöl-
breyttar og góðar samgöngur til
framtíðar.
Mikil uppbygging
í Mosfellsbæ
Eftir Bryndísi
Haraldsdóttur »Mikil uppbygging
hefur verið í Mos-
fellsbæ á síðustu árum
og ljóst að svo verður
áfram enda nægt fram-
boð lóða í sveitar-
félaginu.
Bryndís Haraldsdóttir
Bæjarfulltrúi í Mosfellsbæ
bryndis@mos.is
Að undanförnu hef-
ur verið unnið að end-
urskoðun á mennta-
stefnu
Reykjavíkurborgar og
voru drög að nýrri
menntastefnu lögð
fram á fundi borg-
arráðs 3. maí sl. Því
miður er ekkert minnst
á kennslu í kristinfræði
í drögunum. Það kem-
ur hins vegar ekki á óvart. Kennsla í
kristinfræði á ekki upp á pallborðið
hjá Degi B. Eggertssyni borg-
arstjóra og meðreiðarsveinum hans.
Það sem kemur hins vegar á óvart er
að fulltrúar Sjálfstæðisflokksins í
borgarráði skuli hafa samþykkt að
drögin skyldu send í umsagnarferli
án þess að bætt hafi verið úr þessum
augljósa annmarka.
Kristinfræði í menntastefnuna
Frambjóðendur Borgarinnar okk-
ar – Reykjavíkur telja nauðsynlegt
að í menntastefnunni sé mælt fyrir
um kennslu í kristinfræði. Þegar upp-
komnir Íslendingar sátu í barnaskóla
var kennd kristinfræði, sem oft var
einfaldlega kölluð biblíusögur. Nauð-
synlegt er fyrir nemendur að þekkja
biblíusögurnar, skilja trúarlega
merkingu þeirra, menningaráhrif og
tengsl við daglegt líf. Að öðrum kosti
er erfitt fyrir nemendur að skilja
margt í því samfélagi sem við búum í.
Við þurfum nefnilega fræðslu til að
skilja hvar við erum, hvers vegna, og
hvert við stefnum. Það
er miður að fulltrúar nú-
verandi meirihluta átti
sig ekki á þessu. Þá seg-
ir það margt um afstöðu
hinnar nýju kynslóðar
sjálfstæðismanna að
þeir skuli ekki hafa
spyrnt við fótum þegar
drög að hinni nýju
menntastefnu voru lögð
fyrir borgarráð.
Við hjá Borginni okk-
ar – Reykjavík viljum
breyta þessu. Við teljum nauðsynlegt
að kristinfræði sé hluti af mennta-
stefnunni og teljum sjálfsagt að Gí-
deonfélaginu verði heimilað að gefa
nemendum Nýja testamenntið.
Sveinbjörg Birna Sveinbjörnsdóttir
er oddviti Borgarinnar okkar og und-
irrituð skipar annað sæti framboðs-
ins. Veljum kristin gildi í borg-
arstjórn. Veljum X-O fyrir Borgina
okkar – Reykjavík í borgarstjórn-
arkosningunum 26. maí nk.
Kristinfræði í
menntastefnuna
Eftir Edith
Alvarsdóttur
Edith Alvarsdóttir
»Nauðsynlegt er fyrir
nemendur að þekkja
biblíusögurnar, skilja
trúarlega merkingu
þeirra, menningaráhrif
og tengsl við daglegt líf.
Höfundur skipar 2. sætið á lista Borg-
arinnar okkar – Reykjavíkur.
edithalvars@gmail.com
Hreyfing er loksins
komin á byggingu
meðferðarkjarna við
Landspítala - Há-
skólasjúkrahús við
Hringbraut þó mikill
meirihluti Reykvík-
inga og þjóðarinnar
telji mun skyn-
samlegra að byggja
þess í stað nýtt þjóð-
arsjúkrahús á betri
stað eins og á Keldum.
Miðflokkurinn hefur lagt fram til-
lögu á Alþingi um alvöru stað-
arvalsgreiningu spítala á Keldum
eða Vífilsstöðum borið saman við
Hringbrautina. Þessi tillaga hefur
verið „svæfð“ í velferðarnefnd Al-
þingis af fulltrúa VG
svo umræður og af-
greiðsla tillögunnar
frestast fram á haust-
ið.
Staðarvalsgreining
og forhönnun á
bara að taka 1 ár
Helstu fylgismenn
byggingar Landspítala
við Hringbraut bera
fyrir sig þá þvælu að
það muni seinka bygg-
ingu spítalans um 10-
15 ár að hugleiða ann-
an stað, einkum vegna tíma við
staðarvalsgreiningu, deiliskipulag
og opinberar leyfisveitingar! Þann
11. maí sl. efndu samtökin Betri
spítali á betri stað til málþings um
byggingu þjóðarsjúkrahúss og flutti
íslenski arkitektinn Hallgrímur Þór
Sigurðsson, meðeigandi Nordic
arkitektastofunnar í Osló, þar er-
indi um staðarvalsgreiningu, hönn-
un og byggingu tíu spítala í Noregi
og Danmörku, en arkitektastofan
hans hefur mikla sérfræðiþekkingu
með um 50 arkitekta sem vinna ein-
göngu við staðarvalsgreiningu,
hönnun og skipulagningu spítala og
heilsutengdra verkefna.
Í erindi sínu taldi Hallgrímur upp
átta nýleg sjúkrahús sem hafa verið
byggð eða sem verið er að byggja í
Danmörku og Noregi þar sem
heildartími staðarvals, hönnunar og
byggingar spítalanna er 5-10 ár eft-
ir stærð þeirra og staðsetningu. At-
hyglisvert var að allir þessir spít-
alar hafa verið byggðir á nýjum
stað í útjaðri viðkomandi borga í
staðinn fyrir gömlu spítalana í mið-
borginni. Hallgrímur kynnti sér-
staklega verkefni sem hann er að
vinna að sem er nýtt háskólasjúkra-
hús í Stavanger í Noregi sem á að
þjóna 360.000 íbúum svæðisins en
íbúar Stavanger í dag eru um
140.000 eða svipað og Stór-
Reykjavíkursvæðið. Sjúkrahúsið
verður 205.000 fm með 650 rúmum.
Staðarvalsgreining var gerð á
þremur stöðum í Stavanger og fór
fram árin 2015-2016, og fólst í sex
mánaða staðarvalsgreiningu og for-
hönnunarferli og sex mánaða póli-
tískum ferli (deiliskipulag og leyf-
isveitingar). Hönnun og bygging
sjúkrahússins á þeim stað sem val-
inn var tekur sjö ár og verður það
tekið í notkun 2023. Staðarvals-
greiningin sýndi fram á að það var
tveimur árum skemmri tími og mun
ódýrara en að byggja við gömlu
spítalana í miðborg Stavanger.
Kjósandi góður, hvers vegna tek-
ur staðarvalsgreining sjúkrahúsa,
deiliskipulag og leyfisveitingar tíu
ár á Íslandi, en Norðmenn klára
það á aðeins einu ári?
Staðarvalsgreining sjúkrahúss á Keldum taki bara eitt ár
Eftir Jón Hjaltalín
Magnússon »Hvers vegna tekur
staðarvalsgreining
sjúkrahúsa, deiliskipu-
lag og leyfisveitingar tíu
ár á Íslandi, en Norð-
menn klára það á aðeins
einu ári?
Jón Hjaltalín Magn-
ússon
Höfundur er verkfræðingur og fram-
bjóðandi Miðflokksins í Reykjavík.
jhm@simnet.is