Morgunblaðið - 25.05.2018, Page 37
DÆGRADVÖL 37
MORGUNBLAÐIÐ FÖSTUDAGUR 25. MAÍ 2018
W W W. S I G N . I S
Stjörnuspá
21. mars - 19. apríl
Hrútur Einhver gömul vandamál kunna að
skjóta upp kollinum og þá er um að gera að
bregðast við þeim af öryggi og festu. Gamall
vinur hefur samband og vill hitta þig.
20. apríl - 20. maí
Naut Ertu enn að pæla í hvers vegna þú hefur
ekki meiri viljastyrk, aga og drifkraft? Kannski
er markmiðið ekki það rétta. Dæmdu aldrei
það sem þú þekkir ekki.
21. maí - 20. júní
Tvíburar Taktu áhættu í stað þess að fara
öruggu leiðina. Þú ert ekki fyrir að ræða
einkamál við vinnufélagana og rekur upp stór
augu þegar samstarfsmaður vill gera þig að
trúnaðarvini.
21. júní - 22. júlí
Krabbi Viðkvæmni og ástúð í garð þinna nán-
ustu heltekur þig í dag. Smá veikindi skjóta
upp kollinum hjá ungviðinu en þau hrista slíkt
af sér fljótt og örugglega.
23. júlí - 22. ágúst
Ljón Það er eitt og annað sem þú hefur látið
sitja á hakanum að undanförnu. Þú skalt
hrista af þér slenið og hefjast handa. Ekki
spenna bogann of hátt í íbúðamálum.
23. ágúst - 22. sept.
Meyja Þú skalt ekki halda að þú sért minni
maður þótt þú eigir ekki alla hluti. Hafðu aug-
un á takmarkinu og ekki hvika frá því. Þú
bræðir hjarta einhvers fyrr en seinna.
23. sept. - 22. okt.
Vog Þú þarft að taka á honum stóra þínum í
dag til að fá vinnufrið. Yfirmaðurinn hefur allt
á hornum sér en það bítur ekkert á þig ef þú
ákveður það.
23. okt. - 21. nóv.
Sporðdreki Það er gaman að kynnast nýjum
mönnum og málefnum og sjálfsagt að vera
opin/n fyrir nýrri upplifun. Vinur kemst í kast
við lögin og þú getur hjálpað til.
22. nóv. - 21. des.
Bogmaður Það er tímabært að þú leggir spil-
in á borðið gagnvart vini þínum eða maka. Illu
er best aflokið. Þú leitar að hlut sem þú týnd-
ir, ef þú hættir að leita birtist hann.
22. des. - 19. janúar
Steingeit Áhugaverðir einstaklingar koma
inn í líf ykkar á næstunni. Þú lætur í minni
pokann fyrir makanum því þú veist að hann
hefur rétt fyrir sér.
20. jan. - 18. febr.
Vatnsberi Sköpunarkraftur þinn er mikill um
þessar mundir jafnvel svo að þú átt erfitt með
að velja og hafna. Forðastu að láta neikvæðn-
ina ná tökum á þér.
19. feb. - 20. mars
Fiskar Farðu varlega í vinnunni í dag, einhver
reynir hugsanlega að beita þig blekkingum.
Viðurkenningin kemur en hún tekur sinn tíma.
Baldur Hafstað prófessor í ís-lensku við Kennaraháskólann
varð sjötugur á föstudaginn. Á fés-
bókarsíðu sinni þakkaði hann góðar
kveðjur. – „Lífið virðist vera þrepa-
skipt,“ bætti hann við. „Ég var t.d.
einu sinni á Muenchenarþrepinu
síðara. Og nú er ég kominn á þetta
þrep:
Þitt mun líf í þrepum mælt
- þungur er rökkurkliður.
Löngum er gruflað, leitað og pælt:
liggja þau upp eða niður?
Lifið heil!“
Helgi R. Einarsson yrkir og auð-
vitað er þetta „hneyksli“:
Bóndinn við gaflinn græna
í gáleysi var að spræna
er gekk þar hjá
og horfði ’ann á
hneyksluð landnámshæna.
Ég var að fletta í gömlum Munin,
skólablaði Menntaskólans á Akur-
eyri. Þar rakst ég á þetta ljóð Krist-
jáns Einarssonar, sem síðar kenndi
sig við Djúpalæk. „Skógarmaður“
heitir ljóðið og er undragott af
skólapilti:
Allt það sem ég unni fyr
er mér horfið sýnum.
Ég er einn og enginn spyr
eftir leiðum mínum.
Mér hafa ógnað örlög súr
og í veröldinni
fleygir steini enginn úr
ólánsgötu minni.
Ég hef glímt við krappan kost
kífs í hamrastöllum.
Það hafa ógnað funi og frost
ferðum mínum öllum,
Einn í hugans óbyggðum
auðnir lífs ég kanna.
Það er jafnan þögult um
Þrautir skógarmanna.
Jón á Arnarvatni orti um „hinn
pólitíska himin“:
Allt er mælt á eina vog
í því svarta skýi:
helmingurinn öfgar og
afgangurinn lygi.
Magnús í Magnússkógum kveður
í mansöng 12. rímu Bernódus-
rímna:
Þótt ég viti vel hver hlaut og virðist
geyma
mjöðinn dýra máls um heima
mun hann eigi til mín streyma.
Halldór Blöndal
halldorblondal@simnet.is
Vísnahorn
Lífið er þrepaskipt og
raunir skógarmanns
Víkverji er sælkeri. Hann er líkasanngjarn og skilur því enga
fæðutegund út undan þegar kemur að
því að leggja sér eitthvað gott til
munns. Hvort sem um er að ræða
kjöt- eða fiskmeti, grænmeti, ávexti,
kökur, ljúfar veigar eða hressandi
drykki – allt þetta kann Víkverji vel
að meta.
x x x
Árstíminn sem nú fer í hönder aðmati Víkverja sannkölluð gós-
entíð. Það er m.a. vegna þess að þá er
gjarnan grillað meira en á öðrum tím-
um árs. Líka spilar inn í að á þessum
tíma skapast gjarnan stemning fyrir
því að sötra svala sumardrykki.
x x x
Dálæti Víkverja á þessum árstímaer einnig tilkomið vegna þess að
nú kemur ýmislegt árstíðabundið
góðgæti á markað. Sumar-þetta,
Sumar-hitt og Sumar-allskonar
streymir nú í búðir þannig að þeir
allra nýjungagjörnustu eiga fullt í
fangi með að bragða á öllum dásemd-
unum.
x x x
Eitt af því sem Víkverji er yfirleitteinna spenntastur fyrir er
Sumarkroppið. Það er sumsé sumar-
útgáfan af Nóakroppi og á hverju vori
kemur ný útgáfa sem er til sölu í af-
markaðan tíma. Jafnan er nokkur við-
höfn þegar sumarbragðtegundin er
afhjúpuð og yfirleitt hefur þetta verið
hið mesta góðgæti. Til dæmis hefur
Sumarkroppið verið með pipar-
myntubragði, það hefur verið pipar-
húðað og eitt árið var það með appels-
ínubragði. Í fyrra var það gríðarstórt,
og hét þá Megakropp.
x x x
Víkverji beið því spenntur eftir þvíhvert Sumarkroppið 2018 yrði.
Þegar í ljós kom að það væri með
keim af suðrænum sumarávöxtum
gladdist Víkverji, því að hans mati
eiga súkkulaði og ávextir ákaflega vel
saman. Þegar Víkverji komst svo í
tæri við krásina varð hann satt best
að segja fyrir nokkrum vonbrigðum.
Hugsanlega eru væntingarnar orðnar
of miklar. En hann er þá a.m.k. ekki
að fara að úða þessu í sig og á þá meiri
von en ella um að hans eigin kroppur
verði sumar-kroppur. vikverji@mbl.is
Víkverji
Játið að Drottinn er Guð, hann hefur
skapað oss og hans erum vér, lýður
hans og gæsluhjörð. (Sálm: 100.3)