Morgunblaðið - 25.05.2018, Blaðsíða 19

FRÉTTIR 19Erlent
MORGUNBLAÐIÐ FÖSTUDAGUR 25. MAÍ 2018
mánudaginn 28. maí, kl. 18
Listmunauppboð
í Gallerí Fold
Rau›arárstígur 14 · sími 551 0400 · www.myndlist.is
Hægt er að skoða uppboðsskrána á myndlist.is
föstudag kl. 10–18, laugardag kl. 11–16,
sunnudag kl. 12–16 og mánudag 10–17
EyjólfurEyfells
Listmunauppboð nr. 110
Forsýning á verkunum föstudag til mánudags
Ó
li
G
.J
óh
an
ns
so
n
Víetnamska konan Kha Tu Ngoc og eiginmaður hennar
Pham Huy Duc búa sig undir að snæða kvöldverð í
rúmlega tveggja fermetra íbúð í Ho Chi Minh-borg,
stærstu borg Víetnams, við Saigonfljót. Slík „örhús“
eru víða í borginni vegna húsnæðisskorts. Fréttaveitan
AFP hefur eftir einum örhúsbúanna að hann þurfi að
ganga tvo kílómetra til að komast á salerni vegna þess
að íbúðin sé ekki nógu stór fyrir slíkan munað. Hann
býr með fimm systrum sínum og frænku í 2,2 fermetra
íbúð í miðborg Ho Chi Minh. Hann kveðst geta selt
hana fyrir jafnvirði 2,3 milljóna króna og keypt stærri
íbúð í úthverfunum en ekki vilja skipta á örhúsi á góð-
um stað þar sem hann geti fengið vinnu fyrir nokkurra
fermetra stærra húsnæði fjarri miðborginni.
AFP
Una sér í örhúsi í miðborginni
Búa í tveggja fermetra íbúðum í Ho Chi Minh-borg í Víetnam
Bogi Þór Arason
bogi@mbl.is
Donald Trump Bandaríkjaforseti til-
kynnti í gær að hann hefði aflýst
fyrirhuguðum fundi sínum með ein-
ræðisherra Norður-Kóreu sem ráð-
gert hafði verið að halda í Singapúr
12. júní. Hann kvaðst hafa ákveðið
þetta vegna „mikillar reiði og ódulins
fjandskapar“ í garð Bandaríkjanna í
nýlegum yfirlýsingum einræðis-
stjórnarinnar í Norður-Kóreu.
Forsetinn birti bréf sem hann
sendi Kim Jong-un, leiðtoga Norður-
Kóreu, þar sem hann kvaðst ekki
geta átt fund með honum að svo
stöddu vegna yfirlýsinga Norður-
Kóreustjórnar. „Þið talið um kjarn-
orkumátt ykkar, en okkar er svo
gríðarlegur að ég bið til Guðs að við
þurfum aldrei að beita honum.“
Trump kvaðst þó vona að hann
gæti átt fund með Kim einhvern tíma
síðar. „Ef þér snýst hugur varðandi
þennan mikilvæga leiðtogafund
skaltu ekki hika við að hringja í mig
eða skrifa mér. Heimsbyggðin, eink-
um Norður-Kórea, hefur misst af
frábæru tækifæri til að tryggja
varanlegan frið, mikla hagsæld og
auðlegð.“
Trump sagði seinna í Hvíta húsinu
að ef Norður-Kóreumenn gripu til
„heimskulegra eða glannalegra að-
gerða“ myndu Suður-Kóreumenn og
Japanar svara þeim af hörku ásamt
Bandaríkjamönnum.
Áður hafði Trump sagt að hann
teldi að Kim væri „mjög einlægur“ í
loforðum sínum um kjarnorkuaf-
vopnun og stuðningsmenn hans voru
jafnvel farnir að tala um að forsetinn
verðskuldaði friðarverðlaun Nóbels
fyrir að knýja einræðisherrann til
samningaviðræðna um kjarnorku-
afvopnun.
Trump aflýsti
fundi með
Kim Jong-un
 Ljær máls á fundi síðar en varar Kim
við kjarnorkumætti Bandaríkjanna
„Mjög sorglegt“
» Moon Jae-in, forseti Suður-
Kóreu, efndi til skyndifundar
með öryggisráðgjöfum sínum
til að ræða þá ákvörðun
Trumps að aflýsa fundinum
með leiðtoga Norður-Kóreu.
» Moon sagði það væri „mjög
sorglegt“ að ekki skyldi verða
af fundinum 12. júní og kvaðst
vona að hann yrði haldinn
síðar. „Kjarnorkuafvopnun og
varanlegur friður á Kóreuskaga
er verkefni sem ekki er hægt
að hætta við eða fresta.“
Flugskeytið sem grandaði farþega-
þotu flugfélagsins Malaysia Airlines
yfir austurhluta Úkraínu 17. júlí
2014 kom til landsins frá rússneskri
herstöð. Þetta er niðurstaða rann-
sóknarnefndar undir forystu Hol-
lendinga. Varnarmálaráðuneyti
Rússlands hafnaði niðurstöðunni og
sagði að ekkert flugskeyti hefði verið
flutt yfir landamæri Úkraínu frá
Rússlandi.
Þetta er í fyrsta skipti sem rann-
sóknarnefndin fullyrðir að árásar-
flaugin hafi verið flutt til Úkraínu frá
herstöð í Rússlandi. Hún hafði áður
sagt að árásarflaugin hefði verið
rússneskrar gerðar og henni hefði
verið skotið frá yfirráðasvæði upp-
reisnarmanna í austurhluta Úkra-
ínu.
Rannsóknarmennirnir segja að
ljósmyndir og myndbandsupptökur
sýni að árásarflaugin hafi verið frá
loftvarnaherdeild í Kúrsk í Rúss-
landi. Sex flugskeyti af gerðinni
BUK-TELLAR og skotpallar hafi
verið flutt með bílum frá Kúrsk 23.
júní 2014. Árásarflaugin hafi sést á
nokkrum myndum sem teknar hafi
verið af flutningabíl 17. og 18. júlí
það ár.
Þotan var á leiðinni frá Amster-
dam til Kuala Lumpur þegar hún var
skotin niður. 298 manns létu lífið,
flestir þeirra frá Hollandi. Farþeg-
arnir voru frá alls sautján löndum.
Flaugin var frá Rússlandi
 Flugskeyti frá rússneskri herstöð grandaði þotunni
Stjórn Donalds Trump Bandaríkja-
forseta íhugar nú að leggja allt að
25% verndartolla á innflutta bíla og
bílaparta á grundvelli laga frá 1962
sem heimila takmarkanir við inn-
flutningi sem telst stefna þjóðar-
öryggi Bandaríkjanna í hættu.
Stjórn Trumps nýtti sömu lög fyrr
á árinu til að leggja verndartolla á
innflutt stál og ál. Margir repúblik-
anar á þingi Bandaríkjanna eru and-
vígir tollunum og segja þá bitna verst
á bandamönnum landsins í varnar-
málum en ekki Kína, sem Trump hef-
ur einkum beint spjótum sínum að í
yfirlýsingum sínum um alþjóða-
viðskipti. Margir demókratar hafa
hins vegar fagnað verndartollastefnu
Trumps, þ. á m. öldungadeildar-
þingmaðurinn Elizabeth Warren,
sem hefur gagnrýnt forsetann í öðr-
um málum.
Áður hafði Trump ákveðið að
draga Bandaríkin út úr fríversl-
unarsamningi landsins við ellefu
Kyrrahafsríki og hótað að segja upp
NAFTA, fríverslunarsamningi
Norður-Ameríkuríkja. Slíkir samn-
ingar um aukið frelsi í milliríkja-
viðskiptum hafa verið á meðal horn-
steinanna í efnahagsstefnu
Repúblikanaflokksins síðustu ára-
tugi. Margir þingmenn flokksins telja
verndartollastefnuna koma niður á
bandarískum neytendum, hægja á
hagvexti og grafa undan ávinn-
ingnum af skattalækkunum repúblik-
ana á síðasta ári.
Wilbur Ross, viðskiptaráðherra
Bandaríkjanna, tilkynnti í fyrradag
að hann hefði hafið rannsókn sem
gæti leitt til verndartolla á innflutta
bíla og bílaparta á grundvelli laganna
frá 1962. Markmiðið væri að kanna
„hvort slíkur innflutningur veiki innri
efnahag okkar og geti skaðað þjóðar-
öryggi,“ sagði hann.
Talið er að rannsóknin taki marga
mánuði og telji viðskiptaráðuneytið
þörf á tollunum til að vernda þjóðar-
öryggi Bandaríkjanna þarf hún að
rökstyðja það í skýrslu. The Wall
Street Journal segir að vaxandi and-
staða sé við verndartolla á innflutta
bíla og bílaparta á þingi Bandaríkj-
anna. Veruleg andstaða sé einnig við
slíka tolla meðal hagsmunahópa, m.a.
erlendra fyrirtækja sem eru með
verksmiðjur í Bandaríkjunum og
bíla- og bílapartasala sem segja að
tollarnir leiði til verðhækkana.
Bandaríska viðskiptaráðuneytið
segir að hlutfall innfluttra bíla af seld-
um fólksbifreiðum í Bandaríkjunum
hafi hækkað úr 32% í 48% á síðustu
tuttugu árum. Um 8,3 milljónir bíla
voru fluttar inn til Bandaríkjanna á
síðasta ári og nær tvær milljónir
bandarískra bíla voru fluttar út.
Flestir innfluttu bílanna í Banda-
ríkjunum á síðasta ári komu frá Kan-
ada, Japan, Mexíkó, Þýskalandi,
Suður-Kóreu, Bretlandi, Ítalíu og
Svíþjóð. Innflutningurinn frá Mexíkó
og Kanada var um 22% af bílasölunni.
Bæði löndin eru í NAFTA og hafa
ekki orðið við kröfu stjórnar Trumps
um breytingar á samningnum til að
draga úr innflutningnum.
Innfluttu bílapartarnir komu eink-
um frá Mexíkó og Kína. Verndar-
tollar á þá myndu verða til þess að
bandarískir bílakaupendur þyrftu að
greiða hærra verð fyrir bílana, þótt
þeir séu framleiddir í Bandaríkj-
unum.
Íhugar verndar-
tolla á bifreiðir
 Mikil andstaða meðal repúblikana