Morgunblaðið - 25.05.2018, Qupperneq 39

MENNING 39
MORGUNBLAÐIÐ FÖSTUDAGUR 25. MAÍ 2018
ir Erna á frænku í Afríku og sú
seinni, frá árinu 2007, Afríkan okkar.
Anna segir markhóp myndanna
hafa vaxið með dóttur sinni. Fyrsta
myndin hafi verið hugsuð fyrir ung
börn og sú næsta fyrir börn á skóla-
aldri. Afríkan okkar hefur verið not-
uð við samfélagsfræðikennslu í
grunnskólum, að sögn Önnu.
Hefur alltaf haft mikinn
áhuga á afrískri tónlist
Anna segir útgangspunkt Söngs
Kanemu vera tónlist. „Erna var orð-
in 18 ára þegar tökur hófust á mynd-
inni og farin að sjá heiminn með full-
orðinsaugum,“ segir Anna en Erna
er að læra söng við Tónlistarskóla
FÍH og lifir fyrir tónlist, að sögn
móður hennar. „Hún hefur alltaf
haft mikinn áhuga á afrískri tónlist
og undirliggjandi þema í myndinni
er leit hennar að tengingu við þenn-
an menningarlega bakgrunn sinn í
gegnum tónlistina og tónlistarsköp-
unina,“ segir Anna um Ernu en
yngri dóttir þeirra Harrys, Auður
Makaya, kemur töluvert við sögu
líka í Söng Kanemu. Hún er 15 ára
en Erna er orðin tvítug.
Söngur Kanemu hlaut hvor
tveggja verðlaun Skjaldborgar, sem
fyrr segir, og segist Anna alls ekki
hafa átt von á því. „Ég var bara rosa-
lega glöð að frumsýna á Skjaldborg,
fékk góð viðbrögð og fannst ofsalega
gaman en bjóst ekkert við meiru en
því,“ segir hún kímin. „Það var mikil
gleði að fá bæði áhorfendaverðlaunin
og dómnefndarverðlaunin.“
Myndin verður sýnd í haust í Bíó
Paradís.
Í Sambíu Stilla úr sigurmynd Skjaldborgar í ár. Á myndinni eru f.v. Maggie Mashinkila, Auður og Erna. Maggie er
föðursystir stúlknanna og er hér að segja systrunum sögur af ömmu þeirra sem lést árið 1997.
Bókauppboð hefst á morgun á vef-
setrinu uppbod.is. Fornbókaversl-
unin Bókin stendur að uppboðinu og
að sögn Ara Gísla Bragasonar, kaup-
manns í Bókinni, er uppboðið óvenju
umfangsmikið, enda sé nokkuð liðið
frá síðasta uppboði.
Ari segir að á uppboðinu sé höfuð-
áhersla á ljóðabækur, fornar frum-
útgáfur og áritaðar, svo dæmi séu
tekin, en einnig verði ýmislegt Hóla-
prent boðið upp, „frumútgáfur af
bókum Benedikts Gröndals, þar með
talin kvæðabók hans frá 1856 og
Örvar-Odds drápa. Einnig eru öll
Ný félagsrit, sem gefin voru út 1841-
1873, hér bundin í átta bækur í góðu
skinnbandi, Grágás, afbragðseintak
sem gefið var út í Kaupmannahöfn
1829, bundið í vandað, skreytt al-
skinn af Sigurþór Sigurðssyni bók-
bandsmeistara. Á uppboðinu verða
líka Kvæði Eggerts Ólafssonar, sem
kom út 1832, „útgefin eptir þeim
beztu handritum er feingizt gátu“
eins og segir á titilblaði. Það er mik-
ið fágæti. Líka verður boðin upp
fyrsta útgáfa Njálssögu: Sagan af
Niali Þorgeirssyni og sonum hans
sem prentuð var í Kaupmannahöfn
árið 1772. Ekki má svo gleyma aðal-
númerinu á uppboðinu, handriti Jón-
asar E. Svafár að bók hans Það
blæðir úr morgunsárinu. Bókin er
öll handskrifuð og teiknuð á kynn-
ingarrit sem nefnist Selected Pict-
ures from Iceland. Einstakt rit,
sannkallað listaverk sem Jónas til-
einkar Framsóknarflokknum og
breska heimsveldinu.“
Boðnar upp forn-
ar frumútgáfur
 Bókauppboð Bókarinnar á netinu
Fágæti Úr handriti Jónasar E. Svafár að Það blæðir úr morgunsárinu.
Gleðin var við völd á rauða
dreglinum þegar nýjasta kvik-
mynd leikstjórans Baltasars Kor-
máks, Adrift, var frumsýnd í Los
Angeles í Kaliforníu í fyrradag.
Baltasar mætti í sínu fínasta
pússi líkt og aðrir aðstandendur
kvikmyndarinnar og þá m.a. að-
alleikarar hennar, Shailene Wo-
odley og Sam Claflin.
Handrit myndarinnar er byggt
á sönnum atburði og segir af
ungu pari sem tók að sér að
sigla skútu frá Tahítí til San
Diego og lenti í versta fellibyl
sögunnar á leiðinni. Konan, Tami
Oldham, lifði af en unnusti henn-
ar, Richard Sharp, drukknaði.
Með hlutverk þeirra fara Wood-
ley og Claflin.
Tökur myndarinnar fóru fram
við Fídjieyjar í fyrra og að mikl-
um hluta á sjó. „Við ákváðum að
gera þetta eins raunverulegt og
hægt væri þannig að þetta var
eins erfitt og það gat orðið,“
sagði Baltasar um tökurnar í við-
tali við Morgunblaðið í október í
fyrra.
Adrift frumsýnd í LA
AFP
Gleði Baltasar og aðrir sem komu að gerð Adrift, frá vinstri bræðurnir Aaron og Jordan Kandell sem komu að
handritsskrifum og framleiðslu, tónskáldið Volker Bertelmann, Tami Oldham Ashcraft, konan sem lifði af ofsaveðr-
ið sem kvikmyndin fjallar um, Baltasar Kormákur leikstjóri, leikkonan Shailene Woodley og leikarinn Sam Claflin.
Flottur? Baltasar með leikurunum Shailene Woodley og Sam Claflin. Wood-
ley virðist ánægð með föt Balta og Claflin hlær að tískusýningunni.
Ert þú á leið í leikhús? Pantaðu ljúffengar veitingar til
að njóta fyrir sýningu eða í hléi á borgarleikhus.is
Rocky Horror (Stóra sviðið)
Fös 25/5 kl. 20:00 38. s Fös 1/6 kl. 20:00 46. s Fös 8/6 kl. 20:00 51. s
Lau 26/5 kl. 20:00 39. s Lau 2/6 kl. 20:00 47. s Lau 9/6 kl. 20:00 52. s
Sun 27/5 kl. 20:00 40. s Sun 3/6 kl. 20:00 48. s Sun 10/6 kl. 20:00 53. s
Mið 30/5 kl. 20:00 aukas. Mið 6/6 kl. 20:00 49. s
Fim 31/5 kl. 20:00 41. s Fim 7/6 kl. 20:00 50. s
Síðustu sýningar komnar í sölu.
Elly (Stóra sviðið)
Fös 31/8 kl. 20:00 139. s Sun 9/9 kl. 20:00 142. s Sun 16/9 kl. 20:00 145. s
Lau 1/9 kl. 20:00 140. s Mið 12/9 kl. 20:00 143. s Lau 22/9 kl. 20:00 146. s
Fös 7/9 kl. 20:00 141. s Fim 13/9 kl. 20:00 144. s Sun 23/9 kl. 20:00 147. s
Sýningar haustið 2018 komnar í sölu.
Sýningin sem klikkar (Nýja sviðið)
Fös 25/5 kl. 20:00 34. s Fös 1/6 kl. 20:00 36. s
Sun 27/5 kl. 20:00 35. s Lau 2/6 kl. 20:00 37. s
Allra síðustu sýningar!
Fólk, staðir og hlutir (Litla sviðið)
Fös 25/5 kl. 20:30 aukas. Fim 31/5 kl. 20:30 aukas. Lau 2/6 kl. 20:30 aukas.
Lau 26/5 kl. 20:30 aukas. Fös 1/6 kl. 20:30 aukas.
Komumst við vímulaus af í geggjuðum heimi?
Slá í gegn (Stóra sviðið)
Sun 27/5 kl. 19:30 30.sýn Sun 3/6 kl. 19:30 32.sýn Sun 10/6 kl. 19:30 34.sýn
Lau 2/6 kl. 19:30 31.sýn Lau 9/6 kl. 19:30 33.sýn Fim 14/6 kl. 19:30 35.sýn
Einstaklega litríkt sjónarspil og frábær skemmtun fyrir alla fjölskylduna!
Svartalogn (Stóra sviðið)
Fös 25/5 kl. 19:30 7.sýn Fim 31/5 kl. 19:30 9.sýn
Lau 26/5 kl. 19:30 8.sýn Fös 8/6 kl. 19:30 10.sýn
Heillandi verk um óvæntu möguleikana í lífinu
Aðfaranótt (Kassinn)
Fös 25/5 kl. 19:30 9.sýn Lau 26/5 kl. 19:30 10.sýn
Lokaverkefni leikarabrautar sviðslistadeildar LHÍ
leikhusid.is | midasala@leikhusid.is | 551 1200