Morgunblaðið - 25.05.2018, Síða 32
32 MINNINGAR
MORGUNBLAÐIÐ FÖSTUDAGUR 25. MAÍ 2018
✝ Soffía K. Þor-kelsdóttir
fæddist 6. janúar
1927 í Reykjavík, í
Ljóninu Laugavegi.
Hún lést 20. maí
2018 á Hömrum í
Mosfellsbæ.
Foreldrar henn-
ar voru Thorkild
Christian Hansen,
f. 27.8. 1897, frá
Herning í Dan-
mörku, og Ólöf Guðlaugsdóttir,
f. 27. júlí 1901, frá Stað í Stein-
grímsfirði, d. 29. sept. 1952. Al-
systir, látin, Margrét Lund Han-
sen læknaritari. Hún átti tvær
ir, f. 14.3. 1956, maki Jón R Sig-
mundsson. Högni U. Högnason,
f. 3.9. 1957, maki Hrund Ævarr
Sigurbjörnsdóttir. Tryggvi
Högnason, f. 22.7. 1960, maki
Elísabet J. Jónsdóttir. Heiðlind-
ur Högnason, f. 9.8. 1968.
Soffía gekk í Austurbæjar-
skólann og Myndlista- og hand-
íðaskólann. Fór síðan í íþrótta-
skólann í Ollerup í Danmörku
og eftir að börnin voru upp-
komin fór hún utan og stundaði
nám við Århus Kunstakademi.
Eftir nám í Ollerup vann hún til-
fallandi sveitastörf á Jótlandi.
Vann einnig sem vinnukona á
Efra-Hvoli við Hvolsvöll, í
Hampiðjunni í Reykjavík og á
Landspítalanum. Eftir fæðingu
barna sinna var hún heimavinn-
andi.
Útför Soffíu fer fram frá
Lágafellskirkju í dag, 25. maí
2018, klukkan 13.
hálfsystur, Þuru
Rut Hansen skrif-
stofustúlku og
Dröfn Hannesdótt-
ur kennara.
Soffía giftist
Högna Högnasyni
stýrimanni frá Vík í
Mýrdal, f. 29.3.
1896. Börn þeirra:
Ólöf Högnadóttir, f.
8.7. 1951, maki Jón
Þór Ólafsson. Þór-
kell Geir Högnason, f. 18.12.
1952, maki Hafdís H. Ásgeirs-
dóttir. Dorothea M. Högnadótt-
ir, f. 4.6. 1954, maki Sigurður
Sigurjónsson. Björk Högnadótt-
Elsku amma mín, nú skilja
leiðir okkar um stund þar sem þú
ert nú farin á vit feðra þinna og
ert komin í landið þar sem allt er
gott, þar sem blómabreiðurnar
eru í öllum regnbogans litum og
hamingja og gleði ríkir og þú aft-
ur orðin frjáls eins og fuglinn. Þú
elskaðir að geta hreyft þig, verið
úti í náttúrunni, finna ferska loft-
ið og njóta. Þú varst náttúrubarn
í allri sinni mynd, þér var umhug-
að um umhverfið og manneskj-
una sjálfa og lagðir sannarlega
þitt af mörkum til að bæta hvoru-
tveggja. Þú hafðir mikinn áhuga
á heilsunni og varst mjög fróð um
hvernig hægt væri að bæta hana
með náttúrulegum leiðum, þú
varst langt á undan þinni samtíð í
þeim efnum. Þér fannst gott að
komast á Arnarstapa í fallega
umhverfið þar, vera í litla húsinu
þínu, sem er svo notalegt að koma
í. Þú gerðir Músaslóð að þeim
sælureit sem hann er. Ég á marg-
ar minningar um þig frá Arnar-
stapa, bæði frá Músaslóð og
Bjargi, gamla húsinu sem þú og
afi bjugguð í með börnunum ykk-
ar. Ég man eftir garðinum sem
þú gerðir og hlúðir að þar sem
voru blóm, tré, plöntur og mat-
jurtir sem ég fékk að bragða á
þegar þú fórst með mig í garðinn.
Þú varst með græna fingur og
gast látið allt vaxa og dafna með
þínum einstaka kærleika og virð-
ingu fyrir öllu lífi. Ég man rabar-
baragrautinn sem þú gerðir úr
rabarbaranum sem óx í garðinum
þínum, ég man þegar við sátum
saman og þú last Andrésblöðin
fyrir mig og breyttir röddinni
fyrir hverja persónu í blaðinu,
þetta þótti mér svo skemmtilegt,
ég man göngutúra og berjamó
með þér og heimsóknir til þín þar
sem alltaf var fullt af blómum og
plöntum sem uxu í gluggakistun-
um hjá þér, ég man líka þegar þú
komst í Stífluselið að heimsækja
okkur, þá komstu alltaf með eitt-
hvað hollt eins og heita lifrar-
pylsu og kunnum við sko vel að
meta það. Amma, þú elskaðir að
syngja og hlusta á tónlist, þú
varst mikil listakona, eftir þig eru
til ófá listaverk og ljóðabækur,
einnig skrifaðir þú bók og gafst út
á eigin spýtur, þvílíkur dugnaðar-
forkur sem þú varst. Þú varst líka
mikill dýravinur og dýrin fundu
það, það var eins og þú gætir tal-
að við þau. Þú hafðir líka alltaf
áhuga á hvað við fólkið þitt vær-
um að gera, gafst þér tíma þegar
við hittumst til að hlusta, spjalla,
syngja og hlæja með okkur, þú
hafðir góðan húmor, húmor fyrir
lífinu og sjálfri þér, varst oft
hnyttin og átt nú nokkur gull-
korn. Ég get setið lengi og skrif-
að um alla kosti þína og minning-
ar mínar um þig, en ég geymi þær
í hjarta mínu ávallt.
Amma mín, þú varst yndisleg,
kærleiksrík og besta amma sem
ég get hugsað mér, ég datt í
lukkupottinn að hafa fengið að
eiga þig sem ömmu. Takk fyrir
allar stundirnar sem ég átti með
þér, við hittumst aftur þegar
minn tími kemur og þá veit ég að
faðmur þinn og hlýjar hendur
taka vel á móti mér.
Elska þig, þín dótturdóttir,
Soffía Kristín.
Svo margbrotinni persónu sem
ömmu Soffíu verður ekki lýst
með þeim fáu orðum sem hér
komast fyrir en vonandi tekst að
mála þó ekki sé nema daufa speg-
ilmynd til minningar um þessa
merkilegu konu. Amma Soffía
lifði löngu og á margan hátt sér-
kennilegu lífi, hún var viljasterk
og trú sjálfri sér og líf hennar var
oft erfitt, bæði vegna örlaganna
en einnig vegna þess að hún valdi
sjaldnast greiðfærustu leiðina.
Eins og flestir gegndi amma
mörgum ólíkum hlutverkum í
gegnum tíðina, hún var m.a. dótt-
ir og systir á Álafossi í Mosfells-
sveit, ung kona á stríðsárunum,
vinkona svo margra í gegnum líf-
ið, eiginkona, móðir sjö barna,
amma okkar og hinna barna-
barnanna, langamma og langa-
langamma. Í grunninn var hún þó
fyrst og fremst listamaður, nátt-
úrubarn og einstakur mannvinur
og þrátt fyrir algjört bindindi á
áfengi, vímuefni og tóbak mætti
segja að hafi verið ein af örfáum
alvöruhippum Íslands.
Við systkinin nutum þeirra
forréttinda að hafa ömmu Soffíu í
lífi okkar langt fram á fullorðins-
ár. Við leyfum okkur að fullyrða
að amma okkar hafi verið einstök
og hún skilur eftir sig djúp spor
og margar minningar. Blíðleg
stroka um vanga, hvítlaukur,
fjallagrös, heitt slátur, óvæntar
jólagjafir, kámugir kaffibollar,
eldskarpur hugur, listaverk á
mismunandi stigum, einstaka
söngröddin hennar, blóm og enn
fleiri blóm, skyggnigáfa, ljóð,
hunang, húmor og smitandi hlát-
ur, grænar pönnukökur, ósam-
stæðir sokkar, áhugaverð matar-
gerð, litríkar silkislæður,
Kolaportið, Músaslóð á Arnar-
stapa, álfar og vættir, árur, talna-
speki, draumar, hæfileikinn til að
njóta fegurðar og trúin á lífið eft-
ir dauðann og kærleiksríkan Guð.
Eftir ömmu liggur yndislegt
safn ljóða og listaverka sem
munu halda áfram að gefa af sér í
hennar anda þótt amma sé sjálf
flogin á brott.
Það sem stendur þó upp úr
þegar horft er til baka er skilyrð-
islaus kærleikur ömmu í garð
allra manna, dýra og náttúrunn-
ar, beinskeyttur húmorinn og
einlægni hennar í samskiptum
sem sannarlega kryddaði líf okk-
ar hinna, og litir … allir litir
regnbogans, ekki síst þeir sem
mannsaugað fær sjaldnast
greint.
Ég ætla að hverfa heim til þín
þú ljúfa sveitin mín
að sjá þitt gil með blómum prýtt
sem boðar sumar nýtt.
Og ég finn ilm af reyr og jörð
og syng þér þakkargjörð.
(Soffía Kristín Þórkelsdóttir)
Bless, elsku amma,
Hugi Jónsson,
Lilja Emilía Jónsdóttir,
Högni Jónsson,
Ólafur Stefnir Jónsson.
Mig langar til að minnast, með
fáeinum orðum, góðrar vinkonu
minnar, Soffíu Kristínar Þorkels-
dóttur, sem lést á hjúkrunar-
heimilinu Hömrum í Mosfellsbæ
20. maí sl. á hvítasunnudag.
Soffíu kynntist ég haustið 2014
eftir að móðir mín, Dagrún Þor-
valdsdóttir, var lögð inn á hjúkr-
unarheimilið Hamra vegna heila-
bilunar. Við faðir minn, Björgvin
Guðmundsson, vorum tíðir gestir
hjá móður minni. Fljótlega tókust
góð kynni mín og foreldra minna
við Soffíu, sem var allt í senn, op-
in, hlý og glaðlynd.
Soffíu voru af Guði gefnar góð-
ar gáfur og fjölbreyttir hæfileik-
ar, m.a. á sviði lista og bók-
mennta. Hún nam myndlist við
Myndlista- og handíðaskóla Ís-
lands og fór síðar til framhalds-
náms í myndlist í Kaupmanna-
höfn. Hún hélt fjölda listsýninga.
Myndir hennar voru einstaklega
fallegar, litríkar og dulúðugar.
Soffía orti einnig falleg ljóð.
Ég minnist Soffíu með mikilli
hlýju og söknuði.
Öllum aðstandendum Soffíu
votta ég mína innilegustu samúð.
Guð blessi minningu hennar.
Þorvaldur Björgvinsson.
Soffía Kristín
Þorkelsdóttir
✝ Helgi Hálfdan-arson fæddist
á Bakka á Mýrum
í Austur-
Skaftafellssýslu
30. janúar 1928.
Hann lést á Heil-
brigðisstofnun
Suðausturlands,
Hornafirði, 13.
maí 2018.
Foreldrar Helga
voru hjónin Hálf-
dan Arason, bóndi og vél-
smiður, og Guðný Einarsdóttir
húsfreyja. Systkini Helga voru:
Einar, f. 1920, d. 2006, Ari, f.
1922, d. 2003, Inga, f. 1924, d.
1998, og Guðrún, f. 1928, d.
2012, en hún var tvíburasystir
Helga.
Árið 1957 kvæntist Helgi
eftirlifandi eig-
inkonu sinni, Vil-
borgu Einarsdóttir
ljósmóður frá
Geithellum í Álfta-
firði, og bjuggu
þau á Hafnarbraut
37 á Höfn. Dætur
Helga og Vilborg-
ar eru: Laufey, f.
1958, gift Sig-
urbirni Karlssyni,
Guðný, f. 1961,
gift Hákoni Gunnarssyni, og
Þorbjörg, f. 1963, gift Vigni
Júlíussyni. Barnabörnin eru 10
og barnabarnabörnin níu.
Helgi lærði vélsmíði og
starfaði við það alla tíð.
Útför Helga fer fram frá
Hafnarkirkju í dag, 25. maí
2018, og hefst athöfnin kl. 14.
Nú legg ég augun aftur,
ó, Guð, þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engil, svo ég sofi rótt.
(Sveinbjörn Egilsson)
Elsku pabbi. Nú er komið að
leiðarlokum og þú kominn á
góðan stað þar sem við vitum
að þér líður vel.
Það er erfitt að minnast þín
án þess að tala um ykkur
mömmu saman, þið voruð svo
samhent. Ferðuðust um landið
vítt og breitt og þekktuð flesta
ef ekki alla staði á landinu. Við
systur nutum góðs af þessari
ferðagleði þegar við vorum að
alast upp – minnisstæðust er
hringferðin um landið þegar við
lögðum af stað norður fyrir
land og keyrðum hringinn að
Núpi í vestursýslunni, þá var
ekki búið að brúa vötnin og við
þurftum að keyra alla leiðina til
baka. Flestar nætur í tjaldi á
vindsængum. Held að það sé
ekki til sá staður á landinu sem
var ekki heimsóttur í þessari
ferð. Seinna eignuðust þið hús-
bíl sem þið ferðuðust á og nut-
uð þess að vera til.
Þær eru svo ótal margar
minningarnar sem koma upp í
hugann í dag og allar eru þær
svo góðar.
Efst í huga mínum er þakk-
læti og aftur þakklæti til þín og
mömmu. Þakklæti fyrir það
ljúfa og góða líf sem þið gáfuð
okkur, þið voruð alltaf til stað-
ar fyrir okkur og alltaf tilbúin
að hjálpa þegar á þurfti að
halda. Voruð barnabörnum öll-
um svo endalaust góð og þol-
inmóð.
Elsku pabbi, ég kveð þig
með þakklæti og söknuði. Takk
fyrir allt og allt. Þín
Guðný.
Pabbi minn var fallegur, góð-
hjartaður og jákvæður maður.
Hann ól okkur systurnar upp
í að vera góðir þjóðfélagsþegn-
ar og þegar barnabörnin bætt-
ust við leiðbeindi hann þeim á
sömu braut.
Hann gekk mikið og hjólaði
og var umhugað um heilsu sína.
Hann hafði unun af að
syngja og söng í karlakórnum
Jökli þar sem hann var einn af
stofnfélögum, hann var líka í
samkórnum.
Hann æfði sig alltaf vel áður
en hann fór á kóræfingarnar.
Hann nam járnsmíði í Iðn-
skólanum í tvo vetur og stofn-
setti Vélsmiðjuna Ás hér á
Höfn ásamt tveimur öðrum og
vann við járnsmíði.
Hann hafði rennibekk í bíl-
skúrnum sínum og þar stóð
hann margar stundir, hann var
afar vandvirkur í höndunum.
Honum var umhugað um að
fjölskyldan ætti smíðisgripi eft-
ir sig, hvort sem það var
renndur gripur eða útskorinn.
Hann var fljótur að gera við
allt sem aflaga fór og bar heim-
ilið þeirra þess merki.
Hann var duglegur ásamt
mömmu að rækta lóðina á
Hafnarbraut 37 og voru margar
tegundir af alls konar plöntum í
garðinum.
Í dag kveðjum við þig, elsku
pabbi, með mikilli ást og þökk
fyrir allt sem þú hefur gert fyr-
ir okkur.
Kveðja,
Laufey.
Helgi
Hálfdanarson
Elsku amma
Kallý, nú færðu
loksins að hvíla í
friði. Þegar ég
hugsa til baka
kemur í huga minn
mikið þakklæti, þakklæti fyrir
allar þær stundir sem við höf-
Katrín
Egilsdóttir
✝ Katrín Egils-dóttir fæddist
24. maí 1934. Hún
lést 2. maí 2018. Út-
för fór fram í kyrr-
þey.
um átt saman í
gegnum árin. Það
er ekki til nógu
stórt orð yfir það
hversu góð amma
þú hefur verið.
Þegar þið afi Sæmi
fóruð í ykkar sum-
arfrí hér áður með
tjaldvagninn í eft-
irdragi þá var það
oftar en ekki að
eitthvert barna-
barnið fékk að vera með í för.
Við bræðurnir vorum svo
heppnir að fá að fara með ykk-
ur afa Sæma mörg sumrin í úti-
legur þar sem margt var brall-
að og flest allt var látið eftir
okkur.
Það að vera í tjaldvagninum
hennar ömmu og afa, fá flat-
köku með hangikjöti og kókó-
mjólk eru minningar sem aldrei
gleymast. Það sama má segja
þegar ég fékk að fara í pössun í
Grjótaselið. Þá vissi ég að nú
yrði dekrað við mig sem oftast
innihélt að leigja spólu fyrir
kvöldið, borða nammi, sofa í
„holunni“ á milli ömmu og afa
og horfa svo á barnaefnið
morguninn eftir með afa á með-
an þú undirbjóst eitthvert góð-
gæti fyrir okkur.
Þú varst alltaf tilbúin að
hjálpa til, hvort sem það var að
passa okkur bræður hér áður
fyrr eða langömmubörnin
seinna meir. Ég man alltaf eftir
því þegar ég var í fæðingaror-
lofi heima með Eygló Maríu
hvað mér þótti gott að vita að
amma væri heima til þess að
kíkja í kaffi til. Móttökurnar
voru alltaf hlýjar og ekki þótti
þér það mikið tiltökumál að
gera „pönnsur“ fyrir mig þegar
ég kom í heimsókn. Pönnukök-
urnar þínar verða aldrei topp-
aðar.
Elsku amma Kallý, ég kveð
þig með söknuði en um leið
miklu þakklæti fyrir allar sam-
verustundirnar sem hafa búið
til margar góðar minningar.
Það að hafa átt þig sem ömmu
hefur gert mig að betri manni.
Karl Maack
Okkur langar til
að minnast ein-
stakrar konu, Önnu
Jóhannesdóttur,
ömmu okkar og tengdamömmu.
Amma Anna var ljúf kona sem
tók vel á móti öllum og fannst
gaman að bjóða fólki heim til
sín. Okkur fannst einstaklega
skemmtilegt að vera boðið til
hennar og afa í mat. Hún ásamt
afa Tómasi kunni vel að velja
fólk til borðs og með einstakri
næmni að tengja saman fólkið
sitt, vini, ættingja og annað
samferðafólk. Amma Anna var
bókhneigð og góð fyrirmynd
hvað lestur varðar. Henni
fannst gaman að lesa og ræða
um bækur og bókmenntir og
sýndi áhuga á lestri okkar
systra og hvatti okkur áfram.
Hún og pabbi okkar nutu þess
að ræða um bækur og voru dug-
leg að benda hvort öðru á
skemmtilegar bækur svo
Anna
Jóhannesdóttir
✝ Anna Jóhann-esdóttir fædd-
ist 30. október
1924. Hún lést 6.
maí 2018.
Útför Önnu var
gerð þriðjudaginn
15. maí.
skemmtilegt var á
að hlusta. Hún var
ástríðufullur kross-
gátuleysari og ein-
staklega ættfróð.
Hún var hvetjandi
hlustandi og fagn-
aði öllum tónlistar-
flutningi. Þegar
amma og afi fóru
að eldast þá nutum
við þess að fá þau í
mat og svo var spil-
að fyrir þau á hljóðfæri yfir
kaffinu. Þau voru komin á efri
ár þegar við systurnar í Hjálm-
holtinu fæddumst en við vorum
svo lánsamar að þau voru alltaf
með okkur á aðfangadagskvöld
og glöddust með okkur í pakka-
flóðinu, við bjuggum saman til
aðfangadagshefðir og söfnuðum
mörgum dýrmætum minningum.
Við gleðjumst yfir því að amma
Anna náði að vera við fermingu
Önnu Soffíu nöfnu sinnar og
yngsta barnabarns í apríl sl.
Síðustu árin bjó amma Anna á
Grund þar sem hún fékk góða
umönnun og þangað var gaman
að koma, spjalla, drekka kaffi og
borða sætabrauð. Hennar er
sárt saknað en minningin lifir.
Hulda Kristín, Anna
Soffía og Ragnheiður.
Ástkær faðir okkar, tengdafaðir, afi
og langafi,
KRISTJÁN GUNNARSSON,
Hraunbæ 66, Reykjavík,
lést í faðmi fjölskyldunnar á Landspítanum
Fossvogi laugardaginn 19. maí.
Útför hans fer fram frá Árbæjarkirkju miðvikudaginn 30. maí
klukkan 13.
Gunnar Kristjánsson Oddný Bára Ólafsdóttir
Unnur Kristjánsdóttir Þórir Björgvinsson
Sigríður Kristjánsdóttir Guðmundur Hilmarsson
Páll Kristjánsson Sinéad McCarron
barnabörn og barnabarnabörn