Morgunblaðið - 26.04.1975, Page 3
MORG UNBLAÐIÐ, LAUGARDAGUR 26. APRjL 1975
3
Meiðyrðamál höfð-
að gegn Flísinni
STUTTU eftir bæjarstjórnar-
kosningarnar f fyrra höfðaði Osk-
ar Jónsson forstjóri Dráttarbraut-
arinnar hf. á Neskaupstað meið-
yrðamál á hendur Pétri Óskars-
syni ábyrgðarmanni Flísarinnar,
en það var stuðningsblað T-
listans í umræddum kosningum.
Nú er mál þetta komið nokkuð á
skrið og hefur Már Pétursson full-
trúi sýslumannsins i Gullbringu-
sýslu verið skipaður setudómari í
málinu. Er Már staddur á Nes-
kaupstað og hefur hann yfirheyrt
aðila málsins og aflað gagna í
sambandi við það. Málið hefur
hins vegar ekki verið dómtekið
ennþá.
Fyrir bæjarstjórnarkosningarn-
ar í fyrra kom blaðið Flísin í
nokkur skipti út, en svo hét stuðn-
ingsblað lista ungra kjósenda, T-
listans. Birtust i blaðinu nokkrar
harðorðar greinar og þótti Óskari
þar koma fram á sig meiðandi
ummæli og höfðaði hann því mál
á hendur Pétri Öskarssyni rit-
stjóra og ábyrgðarmanni blaðsins.
Texti Evensensnefndar liggur fyrir
Walton Grönroos og Agnes Löve á æfingu fyrir tónleikana, sem
haldnir verða f dag. — Ljósm.: Sv. Þorm.
Genf 25. aprii
frá Matthiasi Johannessen,
ritstjóra.
Sjá einnig frétt á bls. 16.
Matreiðslumenn
boða fjögurra
sólarhringa
vinnustöðvun
FÉLAG matreiðslumanna hefur
boðað til fjögurra sólarhringa
vinnustöðvunar frá miðnætti 30.
apríl n.k. hafi samningar við Sam-
band veitinga- og gistihúsaeig-
endur og Loftfeiðir h.f. á Kefla-
vfkurflugvelli ekki tekizt fyrir
þann tfma.
Á fundi Félags matreiðslu-
manna 23. apríl sl. voru kjara-
samningar við Islenzka álfélagið
samþykktir samhljóða.
Fundurinn skoraði á stjórn
félagsins og trúnaðarmannaráð að
boða til fjögurra sólarhringa
vinnustöðvunar „til að knýja á
um kjarasamninga á grundvelli
eðlilegra krafna Félags mat-
reiðslumanna“, eins og segir i
ályktun frá fundinum.
Kjaradeilunni hefur verið vísað
til sáttasemjara.
SUMARKOMAN — Sumarið heilsaði með heldur vætusömum hætti
i fyrradag, en unga fólkið lét rigninguna þó ekki aftra sér frá að
gera sér dagamun. Barnavinafélagið sumargjöf gekkst sem fyrr
fyrir hátiðahöldum sumardaginn fyrsta og fyrir þess tilstilli voru
farnar sex skrúðgöngur víðs vegar um borgina auk þess sem efnt
var til barnasýninga.
ói. K.M.
TEXTI Evensensnefndarinnar að
efnahagslögsögu hefur nú verið
afhentur formanni annarrar
nefndar hafréttarráðstefnunnar
hér f Genf og verður hann hafður
til hliðsjónar við samningu
grundvallartextans.
Á fundi í vinnunefnd þeirri,
sem fjaliar um efnahagslögsög-
una á vegum annarrar nefndar,
sagði Hans G. Andersen, formað-
ur íslenzku nefndarinnar eftir-
farandi: „Hr. formaður. Sendi-
nefnd Islands hefur við ýmis
tækifæri lýst skoðunum sínum
varðandi hugtakið efnahagslög-
saga, og ég sé enga ástæðu til að
hafa um það langt mál að sinni.
Almennt samkomulag er nú um
það á ráðstefnunni, að inntak
efnahagslögsögunnar sé miðað
við það, að innan 200 milna hafi
strandríkið fullveldisrétt yfir
hagnýtingu allra auðlinda svo og
um framkvæmd.
Islenzka sendinefndin er sann-
færð um að efnahagslögsagan,
ásamt 12 mílna landhelgi og
frjálsri umferð um stund, verði
hornsteinninn I þvi fyrirkomu-
lagi, sem væntanlegur samningur
mun fjalla um. Við erum einnig
sannfærðir um, að grundvallar-
texti sá, sem formaður annarrar
nefndar vinnur nú að, muni verða
byggður á þessum sjónarmiðum,
þvi að önnur vinnubrögð mundu
verða algjörlega óraunhæf og
eyða tímanum til einskis."
Aðilayfirheyrslur
vegna Varins lands
I GÆR fóru fram aðilayfirheyrsl-
ur á bæjarþingi Reykjavíkur
vegna meiðyrðamálshöfðana 12
forvigismanna undirskriftarsöfn-
unarinnar Varins lands. Hér er
um að ræða fyrsta málið af 11,
sem þessir aðilar hafa höfðað, en
þvi er stefnt gegn Ulfari
Þormóðssyni blaðamanni á
Þjóðviljanum. Stefnt mun vera að
þvi, að munnlegum málflutningi í
þessu fyrsta máli ljúki i júní-
mánuði og dómur falli fyrir
réttarhlé i sumar.
Aðilayfirheyrslur stóðu yfir frá
kl. 9.30 i gærmorgun til kl. 17.30.
Af hálfu stefnenda komu fyrir
réttinn i gær: Þorsteinn Sæ-
mundsson, Þorvaldur Búason,
Björn Stefánsson og Ragnar Ingi-
marsson. Enn eiga nokkrir stefn-
enda eftir að gefa skýrslu fyrir
réttinum, en ekki er ákveðið
hvenær aðilayfirheyrslum verður
haldið áfram. Þá kom einnig fyrir
réttinn i gær stefndi,' Ulfar
Þormóðsson. Vitnayfirheyrslur
munu fara fram síðar.
Ríkisstjórn-
in gefur 1,5
milljónir
RlKISSTJÖRNIN hefur ákveðið
að leggja fram kr. 1.500,000,- til
hjálparstarfs Alþjóða Rauða
krossins í Indókína.
Verða 26 daga í ferðinni
FIMM brezkir fjallgöngumenn
lögðu af stað f gær fótgangandi
yfir Vatnajökul. Ætla þeir sér
að verða 26 daga á leiðinni og
koma þvf ekki aftur til Reykja-
vfkur fyrr en eftir 20. maí. All-
ir eru Bretarnir, sem koma frá
Cleveland f Bretlandi, vanir
fjallgöngumenn.
I samtali við Morgunblaðið í
gær sagði einn þeirra, Bill
Butcher,en hann er blaðamaður
frá The Northern Ecko
Darlington, að blað sitt styrkti
inni myndi hann skrifa nokkrar
greinar um ferðina. Félagar
sínir væru sinn úr hvorri átt-
inni, 2 væru lögreglumenn,
einn væri verkfræðingur og
einn sjómaður.
Hann sagði, að einn þeirra
félaga, Olaf Richardsson, hefði
verið á Islandi fyrir 4 árum og
þá gengið á mörg f jöil hér. Eftir
þá ferð hefði hann byrjað að
huga að þessari ferð, sem nú
væri að rætast.
þessa ferð og að ferðinni lok-
Sjálfir komu þeir fljúgandi
til landsins, en útbúnaðurinn
kom með Mánafossi. — Við urð-
um felmtri slegnir þegar Mána-
foss kom, sagði Butcher, þvi
okkur var tjáð að útbúnaður
okkar hefði orðið eftir í
Englandi, en sem betur fór kom
í ljós, að hann var með skipinu.
Þá sagði hann, að þeir félagar
ætluðu sér að leggja á jökulinn
upp frá Jökulheimum og ganga
þaðan i Kverkfjöll. Úr Kverk-
fjöllum á að ganga til Hafnar í
Hornafirði — og við verðum
minnst 26 daga i ferðinni.
Álenzkur óperusöngv-
ari í Norræna húsinu
SlÐASTA atriði Álandseyjavik-
unnar verður f Norræna húsinu í
dag klukkan 16, en það eru tón-
leikar Waltons Grönroos, óperu-
söngvara, sem er Álendingur að
uppruna. Undirleikari verður
Agnes Löve.
Walton Grönroos lauk söng-
námi við Sibeliusar-akademíuna í
Helsinki árið 1970, en lagði siðan
leið sína til Vinarborgar, þar sem
hann var við framhaldsnám í söng
1970 til 1971 og aftur 1972 til
1973. Hann kom fyrst fram í Hel-
sinki 1971, en hefur siðan haldið
fjölda tónleika í heimalandi sinu,
auk þess sem hann hefur farið I
tónleikaferðir til Vínarborgar,
Stokkhólms, Debrecen i Ung-
verjalandi og nýlega til Moskvu
og Leningrad.
Grönroos hefur sungið ein-
söngshlutverk í mörgum óratórí-
um og kór- og hljómsveitarverk-
um. Sumarið 1970 kom hann til
Islands og söng einsöngshlutverk
á norrænu kirkjutónlistarmóti,
sem hér var haldið. Frumraun
sina á óperusviði þreytti Walton
Grönroos í Helsinki nýiega, er
hann söng hlutverk Luna greifa í
Trúbadúrunum og hlaut fyrir frá-
bært lof gagnrýnenda — að þvi er
segir í fréttatilkynningu frá Nor-
ræna húsinu.
Ganga yfir Vatnajökul
Ljósmynd Ol.K.M.
VATNAJÖKULL — Félagarnir fimm, sem ætla sér að ganga yfir Vatnajökul, en
þeir heita: Olaf Richardsson, Neil Mjedie, John Rice, Bill Butcher og Tony Wascoi