Morgunblaðið - 26.04.1975, Blaðsíða 13

MORGUNBLAÐIÐ, LAUGARDAGUR 26. APRlL 1975
13
Nýtingin er
ekki nógu góð
Astæðan skortur á samræmingu
SJUKRAHOTEL Rauða kross-
ins tók til starfa f desember s.I.
Mbi. hafði fregnir af þvf, að
aðsðkn að sjúkrahðtelinu hefði
orðið minni en búizt var við f
upphafi og sneri sér f þvf til-
efni til Ölafs Jónssonar, trún-
aðarlæknis hótelsins, og
Bryndfsar Jónsdóttur, forstöðu-
konu.
— Jú, það er alveg rétt, sagði
Bryndís. — Við höfum hér rúm
fyrir 28 manns, en að jafnaði
eru hér ekki nema 22 sjúkling-
ar, og það finnst okkur of litið.
— Það er bæði of lítið með,
tilliti til þess, að við erum viss
um að þörfin er meiri en þetta
virðist benda til og eins með
tilliti til hagkvæms reksturs,
sagði Ölafur Jónsson. — Til-'
gangur Rauða krossins með
stofnun sjúkrahótelsins var sá
að spara sjúkrarými i sjúkra-
húsunum og stytta þar með
hina margnefndu löngu biðlista
þeirra. Það er vitað mál, að
mikið af dýrmætu sjúkrarými
nýtist illa, þegar fólk, sem t.d.
er í forrannsókn eða eftirmeð-
ferð, er lagt inn og liggur lang-
tímum saman i sjúkrahúsi.
Mjög margt af þessu fólki er á
ferli og kemst allra sinna ferða,
þannig að það er auðvitað ekki
annað en sóun að láta það dvelj-
ast í sjúkrahúsum.
— Vitið þið hvernig á þvi
stendur að sjúkrahótelið er
ekki notað meira en raun ber
vitni?
— Ég held, að hér sé fyrst og
fremst um að kenna skorti á
samræmingu, sagði Ölafur. Þau
skilyrði eru sett hér, að beiðni
um dvölina komi frá þeim
sjúkrahúslækni, sem annast
viðkomandi sjúkling. Þannig
getur heimilislæknir eða hér-
aðslæknir t.d. ekki sent okkur
sjúkling, heldur þarf hann að
setja sig hsamband við sjúkra-
húslækninn hér i Reykjavík.
Þetta verður að gera til þess að
sjúklingar séu ekki sendir hing-
að til Reykjavikur og látnir
biða hér eftir plássi.
— Ég hef líka aðeins orðið
þess vör, segir Bryndís, að fólk
heldur að það sé dýrt að dvelj-
ast hér og að það þurfi að bera
dvalarkostnaðinn sjálft. Þetta
er á misskilningi byggt. Sjúkra-
tryggingarnar borga daggjöld-
in, sem að vísu eru alltof lág —
ekki nema 1200 krónur á dag —
en Rauði krossinn greiðir svo
mismuninn, þannig að dvölin
hér er sjúklingi að kostnaðar-
lausu.
— Dvelst hér eingöngu utan-
bæjarfólk?
— Nei, hér hefur verið tals-
vert af Reykvíkingum, segir
Bryndís. Þá er oft um að ræða
fólk, sem af einhverjum ástæð-
um getur ekki farið heim til sin
að lokinni sjúkrahúsvist, ann-
aðhvort af þvi að enginn er
heima fyrir til að sinna þvi eða
þá að það er ekki búið að ná sér
nógu vel til að vera inni á fjöl-
mennu heimili. Hér hefur lika
verið fólk í fylgd með sjúkling-
um, sem koma utan af landi og
þurfa að hafa einhvern með sér
til aðstoðar. Við höfum getaó
hýst þetta fólk, en að vísu er
gjaldið þá aðeins hærra — 1500
krónur — sem það verður þá að
borga úr eigin vasa. Þetta gæt
um við auðvitað ekki gert ef
hótelið væri fullsipað sjúkling-
um, nema ef sjúllingurinn er
barn i fylgd með fullorðnum.
— Olafur, þú sagðir áðan, að
hér væri um að kenna skorti í
samræmingu?
— Já, og það sést t.d. á þvi, að
talsvert ber á því, að það séu
mikið til sömu læknar, sem not-
færa sér þá aðstöðu, sem hér er
fyrir hendi. Ég veit ekki, hvort
sjúkrahúslæknar hafa almennt
ekki vitneskju um það hvernig
þessi-þjónusta er hugsuð, en ef
þetta breytist ekki vaknar auð-
vitað sú spurning, hvort raun-
verulegur grundvöllur sé fyrir
rekstri sjúkrahótelsins, sagði
Ólafur að lokum.
Við hittum að málj Unu Hall-
grímsdóttur frá Efra-
Vatnshorni i Húnavatnssýslu.
— Ertu búin að vera hér
lengi, Una?
— Ég er búin að vera hér í 10
daga, en verð sennilega i fimm
vikur alls. Ég lá í Lanspitalan-
um, en er þar nú í geislameð-
ferð. Þangað fer ég á hverjum
degi og hef fengið frænku mína
til að aka mér þangað.
— Hvernig kanntu við þig
hér?
— Ljómandi vel. Hér er öll
aðstaða eins og bezt verður á
kosið. Hefði sjúkrahótelið ekki
verið hefði ég orðið að vera hjá
ættingjum, sem er auðvitað
engan vegin góð lausn þegar
um svo langan tíma er að ræða,
sagði Una að endingu.
Myndin er af sjúklingum
og starfsfólki í hinni vist-
legu setustofu sjúkra-
hótelsins á horni Nóa-
túns og Skipholts.
Sjúkrahótel Rauða krossins:
Formaður Tæknifræðinga-
félags Islands endurkjörinn
HIÐ árlega mót skólahljómsveita,
sem hefur nokkur undanfarin ár
verið lialdið I Iþróttahúsinu á Sel-
tjarnarnesi á vegum bæjaryfir-
valda þar, verður í ár haldið í
lþróttahúsinu f Hafnarfirði I boði
Hafnarfjarðarbæjar, sunnudag-
inn 27. apríl nk.
Átta skólahljómsveitir af Stór-
Reykjavíkursvæðinu munu koma
til leiks og gefa áheyrendum tæki-
færi til að hlýða á tönlist af ýmsu
tagi. Þær munu leika hver í sinu
lagi og einnig allar sameiginlega.
Mótið hefst kl. 14.00 með ávarpi
Helga Jónassonar fræðslustjóra i
Hafnarfirði og mun hann kynna
það sem fram fer. Aðgangur er
öllum heimill svo lengi sem hús-
rúm leyfir.
GUÐMUNDUR Hjálmarsson var
endurkjörinn formaður Tækni-
fræðingafélags lslands á aðal-
fundi þess, sem haldinn var fyrir
skömmu.
I ræðu formanns kom það fram,
að á siðasta ári hlaut T.F. I. inn-
göngu i Bandalag háskólamanna,
og að félagið festi kaup á húsnæði
Skólamót
hljómsveita
i Hafnarfirði
fyrir starfsemi sína á Laufásvegi
25, Reykjavik.
Starfsemi félagsins var blómleg
á árinu eins og undanfarin ár og
voru haldnir skemmti- og fræðslu-
fundir á starfsárinu, auk veglegr-
ar árshátíðar.
I stjórn félagsins voru kosnir
auk Guðmundar Hjálmarssonar
þeir Júlíus Þórarinsson, Magnús
Sædal Svavarsson, Ingvi I. Inga-
son, Bolli Magnússon, Þórarinn
Jónsson og Gunnar Ingi Gunnars-
son.
I frétt frá félaginu segir, að það
hafi nú opnað skrifstofu á Laufás-
vegi 25.
Frá Islandssýningunni f Þjóðfræðasafni Varsjárborgar
íslenzk sögusýn-
ing í Póllandi
Dagana 14. febrúar til 2. mars s.l.
var haldin „sögusýning" f Varsjá
f tilefni af ellefu alda byggð á
Islandi og jafnframt til að
minnast 30 ára afmælis hins
fslenska lýðveldis.
Sýningin var skipulögð af
Þjóðfræðasafni Varsjárborgar og
Pólsk-íslenska menníngarfélag-
inu i Póllandi, en utanríkis- og
menntamálaráðuneytið íslenska
svo og Þjóðminjasafn Islands
veittu margvíslega aðstoð.
Sýningargripir voru hinir sömu
og voru á samskonar sýningu er
haldin var í Moskvu seint á árinu
1974.
Sýningin í Varsjá var fjölsótt og
þótti takast með afbrigðum vel.
(Frá Islensk-pólska menningar-
félaginu í Reykjavík).
Sumarstarf Skógræktar-
félags Hafnarfjarðar
Skógræktarfélag Hafnarfjarðar
er að hefja sumarstarf sitt. Að
þessu sinni hefst það með
fræðslu- og kynningarstarfi i Góð-
templarahúsinu þriðjudaginn 29.
þ.m.
Fundurinn hefst kl. 20.30. Þar
mun Sigurður Blöndal skógar-
vörður tala um verkefni skóg-
ræktarfélaganna. Og sýndar
verða myndir frá skógræktar-
starfi Hafnfirðinga.
Dánargjöf
Ástfríðar
Johnson
FYRIR nokkru barst Skógræktar-
félagi tslands peningagjöf að
upphæð krónur 60 þúsund úr
dánarbúi Ástfrfðar Johnson,
Victoria f bresku Colinbiu.
Ástfrfður var fædd 16. júní
1895 að Ketilsstöðum í Hjalta-
staðaþinghá og fluttist 6 ára
gömul vestur um haf með for-
eldrum sinum, Jóhannesi Jóns-
syni og Ölöfu Jónsdóttur, er
bjuggu síðast á Fljótabakka i
Éiðaþinghá. Fyrst eftir að þau
hjón komu til Vesturheims
bjuggu þau við Lundar i Mani-
toba, en síðar að Vogum i sama
fylki.
Ástfriður starfaði lengst af sem
hjúkrunarkona, fyrst í Winnipeg
og síðar i Victoria, en þar lést hún
13. mars 1974. I hjúkrunarstarfi
sinu annaðist hún mest aldraða og
af slíkri alúð og nærgætni að
tekið var eftir. Var hún þvi mjög
vinsæl í starfi.
Astfríður kom til Islands árið
1968 og kynntist þá mörgu frænd-
fólki sínu, en ættmenni átti hún
mörg í N-Þingeyjarsýslu og á
Austurlandi. Ræktarhug
Ástfriðar til ættlandsins var við-
brugðið, sem m.a. kemur fram i
þessari dánargjöf.
I þessu sambandi þykir rétt að
geta þess, að á ári hverju hefur
Skógræktarfélagi Islands borizt
fjárstuðningur frá Islendingum
vestanhafs. Fé þessu hefur verið
safnað með frjálsum framlögum
einstaklinga og deilda
Þjóðræknisfélagsins og hefur þvi
verið varið til gróðursetningar
trjáplantna í sérstakan reit
vestan í hallinu undan Hrafnagjá
á Þingvöllum. Milli hinna áriegu
þinga Þjóðræknisfélagsins
starfar sérstök skógræktarnefnd,
sem haft hefur forgöngu um
fjársöfnun til stuðnings íslenskri
skógrækt og er formaður þeirrar
nefndar nú dr. Richard Beck, en
hann hefur unnið að þessu máli
af einstakri elju og fórnfýsi.
Stjórn Skógræktarfélags
Islands þakkar innilega fyrir
þessa dánargjöf og um leið þann
stuðning og hlýhug, sem
íslendingar vestan hafs hafa sýnt
skógræktarmálum hér.
(Frétt frá Skógræktarfélagi
Islands).