Morgunblaðið - 26.04.1975, Blaðsíða 5

MORGUNBLAÐIÐ, LAUGARDAGUR 26. APRIL 1975
5
„Stjórn, sem brýtur lög fé
lags síns, verður að víkja”
- Samtal við Jóhann Guðmundsson,
sem er í framboði til formanns
Starfsmannafélags ríkisstofnana

NÆSTKOMANDI mánudags-
kvöld klukkan 20 verður aðal-
fundur Starfsmannafélags
rfkisstofnana haldinn f Sigtúni
og verður þar kjörin ný stjórn
fyrir félagið. Tveir frambjóð-
endur eru til formanns, Einar
Ólafsson, sem verið hefur for-
maður undanfarin ár, og
Jóhann Guðmundsson starfs-
maður við heilalínurit Land-
spftalans. Starfsmannafélagið
er samtök launþega hjá rfkinu
og eru um 3 þúsund félags-
menn f félaginu. Kosningin á
aðalfundinum er hlutbundin
kosning og er stillt upp samtals
20 mönnum til framboðs f for-
mannsstarf, aðalstjórn og vara-
stjórn.
Morgunblaðið átti viðtal við
Jóhann Guðmundsson og
spurði hann hvers vegna hann
byði sig fram gegn Einari Ölafs-
syni. Jóhann sagði: „Við bjóð-
um okkur fram vegna þess, að
okkur fellur ekki hvernig nú-
verandi stjórn heldur á málum.
Það má segja að við höfum átt
tveggja kosta völ, að fara í
framboð eða halda að okkur
höndum. Við völdum fyrri kost-
inn, þar sem Einari var boðið
að standa með okkur að stjórn á
félagslegum grundvelli, en
hann hafnaði. Núverandi stjórn
hefur ekki einu sinni haldið lög
félagsins og verður hún því að
víkja. 1 þeim segir að aðalfund
skuli halda í marz, en aðal-
fundurinn verður nú 28. apríl.
Þá hefur heldur ekki verið
haldinn félagsfundur á starfs-
árinu, þótt í lögum segi, að
hann skuli halda svo oft sem
þurfa þykir. Hinn almenni
félagsmaður hefur því alls ekki
átt þess kost að tjá sig um mál
er varða félagið — einu tengsl
hans við stjórnina er árgjalds-
kvittun. Þá sofa félagstiðindi
félagsins vært við brjóst stjórn-
arinnar."
Að sögn Jóhanns hefur ekki
einu sinni verið boðaður fund-
ur til þess að kynna félags-
mönnum kjarasamninga frá þvi
er þeir voru undirritaðir. I
framboði gegn stjórninni eru
þrír karlar og þrjár konur, en
alls á að kjósa 6 í aðalstjórn og 3
til vara. Mbl. spurði Jóhann,
hvernig hann myndi haga störf-
um sínum sem formaður, ef
hann hlyti kosningu, og svaraði
hann: „Við höfum áhuga á að
uppræta þá félagslegu deyfð,
sem yfir félaginu hefur hvílt,
og munum efna til félagsfunda
um áhugaverð efni, sem verið
geta fræðandi og menntandi,
Jóhann Guðmundsson.
svo og að sjálfsögðu um kjara-
mál. Við höfum áhuga á að
koma á fót skóla fyrir opinbera
starfsmenn í líkingu við skóla_
Pósts og síma eða Bankamanna-
skólann. Við lítum svo á, að í
dag sé offramleiðsla á svo-
kölluðum menntamönnum og
finnst óréttlátt, þegar lang-
skólagenginn maður fær jafn-
vel hærri laun en menn með
mikla starfsreynslu. Menntun
getur ekki verið lögð að jöfnu
við raunverulegt manngildi. I
því sambandi má kannski vitna
í predikarann, en þar segir:
„Ekkert betra er til, en að
maðurinn gleðji- sig vió verk
sín.“ Þá höfum við og hug á að
vinna gegn þeirri andúð, sem
viða gætir á opinberum starfs-
mönnum, með því m.a. að
kynna þá og störf þeirra á opin-
berum vettvangi. Við munum
móta trausta stefnu, en ekki
vinna eftir hentistefnu."
Að lokum sagói Jóhann
Guðmundsson:
„Kjarabarátta, samningsgerð,
hagsmunamál, félagsstarf,
kynning félagsmanna, þarfir og
óskir, menningar- og fræðslu-
starf, eru ekki í samræmi við
það, sem þarf til og hægt er að
vinna. Þessu vil ég breyta og
þar með skapa ábyrgari félags-
legan þroska. Ég vil vinna að
því, að ný stjórn keppi mark-
visst að því, að hver einstakur
félagsmaður þekki sig innan
félagsins, sé virkur í því að
skapa sterka félagslega sam-
stöðu, sem tillit er tekið til og
auki þannig viróingu félagsins
inn á við og út á við og leggi þar
með sitt af mörkum til
uppbyggingar þróttmikilla
heildarsamtaka opinberra
starfsmanna og fylgi hverju
góóu máli eftir i krafti sínum,
ekki aðeins til góða sjálfum sér,
SFR og BSRB, heldur ofar öllu
landi og þjóð til farsældar."
Þá má geta þess að fram-
bjóðendur gegn núverandi
stjórn hafa lagt fyrir aðalfund
breytingu á lögum félagsins um
stjórnarkjör. Þar er ekki gert
ráð fyrir þvi að aðalfundur
kjósi stjórn, heldur verði efnt
til sérstakrar kosningar, enda
sagði Jóhann að ógerlegt væri
að kanna hug allra félags-
manna með öðrum hætti, þar
sem halda þyrfti aðalfund í
Laugardalshöllinni, ef hús-
næðið ætti að rúma félagsmenn
Starfsmannafélags ríkisstofn-
ana. Með þessum hætti mætti
auka lýðræði innan félagsins.
Vortónleikar
í Kópavogi
TONLISTARSKÖLI Kópavogs
mun gangast fyrir vortónleikum
sunnudaginn 26. apríl og 4. maí og
hefjast þeir kl. 14.00. Burtfarar-
prófstónleikar Margrétar Bóas-
dóttur fara fram 7. mai og hefjast
kl. 20.30. Margrét lýkur prófi i
einsöng og er hún nemandi Elisa-
betar Erlingsdóttur. Undirleikari
á tónleikunum verður Guðmund-
ur Jónsson.
Hljómsveit skólans mun halda
sérstaka tónleika sunnudaginn
11. mai kl. 14.00, en stjórnandi
hennar er Páll Gröndai. Skólan-
um verður slitið laugardaginn 17.
maí kl. 16.00.
Allir tónleikar svo og skólaslit
fara fram i húsakynnum skólans
að Alfhólsvegi 11, 3. hæð.
Sumarfagnað-
ur í Argarði
Mælifelli, 25. april.
A SUMARDAGINN fyrsta var
efnt til fagnaðar I Argarði I Lýt-
ingsstaðahreppi. Hófust hátíða-
höldin með skrúðgöngu og hljóð-
færaslætti. Flutt var hugleiðing
sumarmálanna, lesið upp og sung-
ið en kvenfélagskonur báru fram
rausnarlegar veitingar.
Síðan var keppt i ýmsum grein-
um svo sem knattspyrnu og
hlaupum en veður var hið feg-
ursta, sól og hlýr sunnanvindur. 1
byggðinni, sem er viðlend mjög
eru rétt liðlega 300 íbúar. Sýndi
þetta fjölsótta samkomuhald hve
miklu má áorka i félags- og menn-
ingarmálum í hinum dreifðu
byggðum þar sem vönduð og vist-
leg félagsheimili eru.
Árshátið Varmahlíðarskóla var
og haldin fyrsta sumardag. Þótti
hún vei takast enda vel sótt úr
nágrannasveitunum sem standa
sameiginlega að skólanum.
Síra Agúst.
5 millj. kr. til varnar gegn
sígarettureykingum
EINS OG flestir munu vita hefur
Samstarfsnefnd um reykinga-
varnir verið með mikla auglýs-
ingaherferð að undanförnu til að
vara við hættu af slgarettureyk-
ingum. Þá daga, sem megin-
áherzla var lögð á auglýsingarnar,
mun 5 millj. kr. hafa verið varið
til þess, og gert er ráð fyrir, að
birting slíkra auglýsinga hefjist á
ný í haust.
Vorfundur
Jöklamanna
VORFUNDUR Jöklarannsóknafé-
lags Islands verður i Tjarnarbúð
þriðjudaginn 29. apríl kl. 20.30.
Þar mun Eyþór Einarsson grasa-
fræðingur rabba um Esjufjöll og
sýna litmyndir þaðan. Jón ísdal
skipasmiður ræðir um Vatnajök-
ulsferðina 1974 og sýnir litmynd-
ir. Og að lokum bregður dr. Sig-
urður Þórarinsson upp myndum
af „hlaupandi jöklum“.
Samkvæmt lögum nr. 59 frá ár-
inu 1971 er skylt, að verja tveim
prómille af brúttósölu tóbaks hjá
Áfengis og tóbaksverzlun ríkisins
til greiðslu auglýsinga, þar sem
varaó er við hættunni af tóbaks-
reykingum, og segir i lögunum, að
um framkvæmd þeirra skuli haft
samráð við stjórn Hjartaverndar
og stjórn Krabbameinsfélags Is-
lands. Lögin tóku gildi 1. janúar
1972 og var þá komið á fót sam-
starfsnefnd til þess að annast
þetta verkefni. I henni eiga sæti
þeir Jón Kjartansson, forstjóri
ÁTVR, tilnefndur af fjármála-
ráðuneytinu, Bjarni Bjarnason
læknir, fulltrúi Krabbameinsfé-
lags Islands, og prófessor Sigurð-
ur Samúelsson, fulltrúi Hjarta-
verndar. Ýmsir aðilar hafa siðan
verió nefndinni til ráðuneytis um
fyrirkomulag upplýsingamiðlun-
arinnar og einnig unnið að gerð
og dreifingu auglýsinganna.
Á árunum 1972 og 1973 voru
birtar viðvörunarauglýsingar i
Framhald á bls. 20
Reynt að kveikja í
Menntaskóla Isafjarðar
Isafirði, 25. apríl.
Á MIÐNÆTTI s.l. miðvikudags
varð vart við eld I skólahúsi
Menntaskólans á Isafirði. Þykir
fullvíst að um fkveikju hafi verið
að ræða og var kominn nokkur
eldur uppi á anddyri skólans. Þar
logaðí f planka en fljótlega tókst
að ráða niðurlögum eldsins.
Hefði þarna getað orðið allmik-
ill bruni þar sem í næsta nágrenni
eru einnig gömul timburhús og
nýbygging Barnaskólans á Isa-
firði. Þar sem eldsins varð vart
var greinilegt, að borið hafði ver-
ið að smáspýtnarusl til þess að
auðvelda íkveikjuna og telur eft-
irlitsmaður brunavarna hér á
staðnum aó 10—15 mínútur hafi
verið frá íkveikjunni þar til elds-
ins varð vart.
Skólahús Menntaskólans á Isa-
firði er stórt timburhús byggt árið
1901 og hafði það fljótt getað orð-
ið alelda þar sem þurrt var í veðri
og nokkur vindur. Ekki hefur
hafst upp á þeim er verknað
þennan frömdu og er málið í
rannsókn.
— Siggi Grfms.