Morgunblaðið - 31.03.1976, Blaðsíða 3
MORGUNBLAÐIÐ, MIÐVIKUDAGUR 31. MARZ 1976
Hitaveita Reykjavíkur stærsta orkuver á landinu:
Heita vatnið hef ði orðið 2 krónum
dýrara á rúmmetra, án þátttöku
nágrannabæja
SJALFSAGT eru þeir Reykvlkingar ekki margir, sem gera sér
grein fyrir þvf, ad Hitaveita Reykjavfkur er stærsta orkuver á
lslandi og framleiðir mun meira afl en vatnsaflsstöðvar Landsvirkj-
unar. Heildarafl Hitaveitu Reykjavfkur er 375 MW en heildarafl
vatnsaflsstöðva Landsvirkjunar mun vera um 340 MW. Frá árinu
1970, eða á síðustu sex árum, hafa 150 MW bætzt við afl Hitaveitu
Reykjavíkur eða sem nemur einni Sigölduvirkjun og gefur þetta
nokkra hugmvnd um þær geysilegu framkvæmdir, sem fram hafa
farið á vegum Hitaveitu Reykjavfkur á undanförnum árum. Af
þessum 150 MW hafa 90 MW farið til Reykvíkinga en 60 MW til
nágrannabæja.
Þessar tölur komu fram í
stuttu viðtali um málefni Hita-
veitunnar, sem Morgunblaðið
hefur átt við Birgi ísleif
Gunnarsson borgarstjóra, í
tilefni af því, að hitaveitugjöld
hækkuðu fyrir nokkru um
27%. Fyrsta spurningin, sem
Morgunblaðið beindi til borgar-
stjóra var sú, hvaða rök væru
fyrir þessari hækkun.
— Fyrst og fremst miklar
hækkanir, sem hafa orðið á
rekstrar og framkvæmda-
kostnaði Hitaveitunnar, segir
borgarstjóri. Áætlanir Hitaveit-
unnar hafa verið við það
miðaðar, að hún gæti skilað 7%
arði miðað við endurmat eigna
og raunar skuldbatt Hitaveitan
sig til þess, þegar hún á sínum
tima tók lán hjá Alþjóða-
bankanum vegna stækkunar
veitukerfis í Reykjavík. A
árinu 1975 mun arður hins
vegar ekki hafa orðið nema um
5—6% og er þá ekki reiknað
með þeim gengistöpum sem
Hitaveitan hefur orðið fyrir
vegna erlendra lána. Ef þau
gengistöp, sem urðu á árinu
1975, eru reiknuð með, verður
enginn arður af rekstri Hita-
veitunnar það ár.
Byggingarvísitala hefur á
undanförnum árum reynzt
nokkuð góður mælikvarði á
rekstrar- og framkvæmda-
kostnað Hitaveitunnar. Frá
árinu 1970 hefur hún hækkað
mun meira en verð á heitu
vatni og hefur verðið hækkað,
sem nemur 70% af hækkun
vísitölunnar.
Þrátt fyrir þá hækkun, sem
nú hefur verið samþykkt, er
verð á heitu vatni ekki nema
um 27% af hitunarkostnaði
með olíu. Það er því ljóst, að
þjónusta Hitaveitunnar er mjög
ódýr og hefur í för með sér
mikinn sparnað fyrir þá, sem
hennar njóta og raunar þjóðar-
búið allt.
— Því hefur verið haldið
fram, að þessi hækkun hafi
verið nauðsynleg vegna hita-
veituframkvæmda í nágranna-
bæjum Reykjavíkur. Er þetta
rétt?
— Hinar mikiu framkvæmdir
Hitaveitunnar I nágranna-
sveitarfélögum eru einnig
Reykvíkingum í hag, segir
borgarstjóri. Aður en hafizt var
handa um þessar framkvæmdir
lá ljóst fyrir, aó Hitaveitan
þyrfti að leggja í mjög dýrar
virkjunarframkvæmdir til þess
að anna heitu vatni fyrir
Reykjavik. Orkulindir þær, sem
notast hefur verið við, þoldu
ekki meiri stækkun og þess
vegna þurfti að virkja á Reykj-
um og leggja dýrar aðfærslu-
æðar til Reykjavíkur. 1 því sam-
bandi er rétt að vekja athygli á,
að Hitaveitan er í örri stækkun
hér í Reykjavík, þar sem hér
eru teknar í notkun um 700
íbúðir á ári, og við viljum geta
lagt heitt vatn í ný hverfi jafn-
óðum og þau byggjast. Til þess
að dreifa þessum mikla virkj-
unarkostnaði var það ráð tekið
að reyna að stækka markaðinn
þannig, að þessi kostnaður
kæmi á fleiri herðar og því var
gerður samningur við
nágrannabæi um lagningu hita-
veitu þar. Áður en þessi samn-
ingur var gerður, var það
reiknað út, að þegar hitaveita
Segir Birgir
Gunnarsson
ísl.
borgarstjóri
væri komin í öll sveitarfélögin
gæti verðið verið 12% lægra í
heild en ef Reykvikingar einir
hefðu þurft að standa undir
kostnaði við virkjunarfram-
kvæmdir. Þetta voru því samn-
ingar, sem báðir aðilar höfðu
hag af. Til frekari glöggvunar
hefur Hitaveitan gert saman-
burð á rekstrinum fyrir árið
1976 með og án nágranna-
byggða. Rekstrartekjur Hita-
veitu Reykjavíkur á öllu svæð-
inu munu verða 5,7% af endur-
matsverði eigna Ef rekstur
Hitaveitunnar i Reykjavik
einni er tekinn út úr mundu
rekstrartekjur verða 5,1% af
endurmatsverði en rekstrar-
tekjur vegna reksturs i
nágrannasveitarfélögum 8,5%
af endurmatsverði. Er þá
reiknað með hlutfallslegri þátt-
töku nágrannabæja i virkjunar-
framkvæmdum og aðfærslu-
æðum.
Vatnsverðið hefur nú verið
ákveðið 50 kr. á rúmmetra og
gildir að sjálfsögðu sama veró á
öllu svæðinu. Ef arðsemi Hita-
veitunnar ætti að verða sú sama
og þetta verð gefur, en
eingöngu reiknað með hita-
veitu í Reykjavík, án þátttöku
nágrannabæja, yrði verðið í
Reykjavík að vera 52 kr. á rúm-
metra, eða með öðrum orðum:
Reykvíkingar hefðu þurft að
greiða hærra verð fyrir heitt
vatn, þegar á þessu ári, ef
nágrannasveitarfélög hefðu
ekki komið inn í myndina og
miðað við, að Hitaveitan fengi
sama arð og nú er ráðgert.
— Hvað ver Hitaveitan mikl-
um fjármunum til fram-
kvæmda á þessu ári og hvernig
skiptast þeir fjármunir milli
einstakra framkvæmdaþátta?
— I ár framkvæmir Hitaveita
Reykjavíkur fyrir 570 milljónir
króna. Þar af fara 390 milljónir
i virkjanir og aðveituæðar í
Reykjavik, 46 milljónir í dreifi-
kerfi i ný hverfi i Reykjavík, 12
milljónir í aðalæðar vegna
nágrannabæja, 12 milljónir í
dreifikerfi um Kópavog, 20
milljónir i dreifikerfi um
Garðabæ og 40 milljónir i
dreifikerfi um Hafnarfjörð.
Gert er ráð fyrir að 'A dreifi-
kerfis í Garðabæ og Hafnarfirði
verði fyrst lokið á árinu 1977,
en til að ljúka þessum fram-
kvæmdum mundi þurfa 160
milljónir króna til viðbótar en
óráðlegt er fyrir Hitaveituna að
taka þá fjárhæð að láni erlendis
frá, þar sem erlendar lántökur
eru þegar orðnar miklar.
— I hverju eru virkjunar-
framkvæmdirnar fólgnar?
— Fyrst og fremst er um að
ræða boranir og virkjun á
Reykjum. Þar á að bora átta
Framhald ð bls. 23