Morgunblaðið - 31.03.1976, Qupperneq 20

20
MORGUNBLAÐIÐ, MIÐVIKUDAGUR 31. MARZ 1976
raðauglýsingar — raðauglýsingar — raðauglýsingar
húsnæöi i boöi
Verzlunarhúsnæði
140 fm til leigu við Grensásveg. Uppl
veittar í síma 1 1 930.
þjónusta
Verktakar — garðyrkju-
menn — húsbyggjendur
Góð mold molið á bíla við Flyðrugranda
frá 8—10 alla daga.
fundir — mannfagnaöir
Garðabær
Stofnfundur útgáfufélags fyrir blaðið Garða verður haldinn
fimmtudaginn 1. apríl kl. 20.30 að Lyngási 1 2.
Undirbúningsnefnd.
Læknafélagið EIR
Félagsmenn, munið fundinn í kvöld í
Leifsbúð, Hótel Loftleiðum.
Frummælandi Kristján T. Ragnarsson
læknir.
Stjórnin.
einkamál
Kr. 1.000.000,
Skuldabréf til 5 ára er til sölu. Tilboð
sendist afgreiðslu Morgunblaðsins fyrir
föstudag merkt: trúnaðarmál — 3983.
Rangæingar
Almennur borgarafundur um atvinnumál
í Rangárvallasýslu.
Verkalýðsfélögin í Rangárvallasýslu,
sveitastjórnir og sýslunefnd Rangárvalla-
sýslu hafa í sameiningu ákveðið að halda
almennan borgarafund um atvinnumál í
héraðinu laugardaginn 3. apríl n.k. kl.
14.
Fundurinn verður haldinn í Hellubíói.
Frummælendur verða: Sigurður Óskars-
son, fulltrúi verkalýðsfélagsins Rangæ-
ings og Jón Gauti Jónsson, sveitarstjóri á
Hellu.
Fundarstjórar verða: Hilmar Jónasson,
formaður verkamannadeildar Rangæings
og Ólafur Guðmundsson, bóndi Hella-
túni.
Félagsmálaráðherra mun mæta á fundinn
og sérstaklega hafa verið boðaðir til fund-
arins þingmenn Suðurlandskjördæmis og
fulltrúar Alþýðuflokksins og fulltrúar
Frjálslyndra og vinstri manna.
Athugasemd frá Garðari Mýrdal
MORGUNBLAÐINU hefur borizt
eftirfarandi athugasemd frá
Garðari Mvrdal, fyrrverandi for-
manni Stúdentafélags Háskóla
Islands:
Tilefni þessara skrifa minna
er:
1) Fréttaflutningur Morgunblaös-
ins frá aðalfundi Stúdentafélags
Háskóla Islands (SFHI) sem
haldin var 23. mars s.l.
2) Grein eftir Benedikt Ólafsson,
Kristinn Björnsson, Hjörleif B.
Kvaran, Jón Kr. Sólnes og Hjört
Örn Hjartarson í Morgunblaðinu
og Timanum 25. feb. s.I.; ,,Þriggja
ára kosningabomba".
3) Opið bréf til stúenta eftir
Kjartan Gunnarsson, Sigurð
Helgason, Geir Waage, Tryggva
Agnarsson og Önnu K. Jónsdóttur
f Morgunblaðinu 28. mars s.l.;
„Voru kosningarnar í Stúdentafé-
laginu ólögmætar“.
Ég, undirritaður, er oft nafn-
greindur í ofannefndum skrifum,
og ekki alltaf á geðfelldan máta.
Hér verður þó frekar fjallað um
það sem máli skíptir varðandi
SFHÍ og málefni þess.
Ég var kosinn formaður SFHI
16. apríl 1975 og boðaði sem slik-
ur aðalfund félagsins 23. mars s.l.
Eg álít dagskrárbreytingu þá
sem gerð var á fundinum, undir
fundarstjórn Kjartans Gunnars-
sonar stud. jur., ólögmæta. Þar
með skoða ég allar ákvarðanir,
sem teknar voru á grundvelli
þeirrar dagskrár ómerkar, þar á
meðal, kosningu stjórnar með
Kjartan Gunnarsson sem for-
mann. Samkvæmt þessu er ég því
enn formaður SFHÍ og stjórn mín
fer þar með völd þar til hún hefur
tækifæri til að skila af sér á aðal-
fundi, sem fer fram samkvæmt
lögum félagsins og boðað er til 1.
apríl næstkomandi. Skal þetta nú
rökstutt nánar.
6. gr. laga SFHl hljóðar svo:
Dagskrá aðalfundar skal vera:
1. Skýrsla formanns.
2. Endurskoðaðir reikningar lagð-
ir fram til samþykktar.
3. Lagabreytingar.
4. Kosning stjórnar.
5. Kosning tveggja endur-
skoðenda fyrir næsta starfsár.
6. Önnur mál.
Eftir þessu lagaákvæði ber að
halda aðalfund SFHÍ og ekki er
unnt að umturna röð dagskrár-
liða. Þessi röð dagskrárliða er
rökréttur gangur mála á aðal-
fundi. F’ráfarandi stjórn skilar
skýrslu og reikningum áður en ný
stjórn er kosin. Lagabreyting sem
t.d. breytir fjölda stjórnarmeð-
lima er tekin fyrir á undan
kosningu stjórnar o.sv.fr. Þessi
lögbundna röðun dagskrárliða
kemur í veg fyrir vitleysur eins
og Geir Waage og Kjartan
Gunnarsson reyndu að beita sér
fyrir á aðalfundi SFHÍ, 23. mars
s.l. Ætlast Kjartan Gunnarsson
raunverulega til að stjórn mín
skili gögnum félagsins til
„stjórnar" hans án þess að þau
komi fyrir aðalfund fyrst?
Sem leikmanni urðu mér þessi
atriði fyrst ljós eftir samráð við
lögfróða menn, eftir að hin fárán-
lega staða var komin upp, þ.e.
eftir að Kjartan Gunnarsson sleit
aðalfundi fyrirvaralaust við það
að hann lenti í minnihluta
fundarins.
Hvorki tillöguflutningur af
minni hálfu né heillaóskir til
Kjartans Gunnarssonar með
hyllingu klappliðsins megna að
breyta lögum SFHÍ.
Reyndar gekk dagskrártillaga
min ekki út á breytingu á röð
dagskrárliða, heldur frestun
seinnihluta dagskrárinnar til
framhaldsaðalfundar, sem halda
skyldi fyrir 1. maí 1976. Þetta
felldu hægri menn meðan þeir
höfðu enn meirihluta á fundin-
um.
I opna bréfinu til stúdenta
segja Kjartan Gunnarson og
fleiri: „Garðar Mýrdal og félagar
hafa haldið þvi fram að atburðirn-
ir á aðalfundinum standi í sam-
bandi við rannsókn svokallaðs
„Bollumáls" og ætli nýja stjórnin
að stöðva rannsókn þess.“ (Tilv.
lýkur).
Þetta er rangt. Hvorki hef ég né
aðrir stjórnarmenn SFHÍ gefið
slíka yfirlýsingu, enda tel ég hana
fáránlega og hreina móðgun við
sakadómaraembættið.
En hvað er „Bollumálið“?
25. febrúar s.l. birtist á síðum
Morgunblaðsins og Timans grein
undirrituð af stjórn SFHI
1974—75, Benedikt Ölafssýni og
fleirum. 1 greíninni kom fram
játning þeirra fimmmenninga á
að hafa ráðstafað 312 flöskum af
áfengi (Bollu) úr eigu SFHÍ, án
þess að geta um það í reikningum
félagsins. Reikningana létu þeir
reyndar innsígla og komu þeim í
vörslu rektors H.i., „lögðu félagið
niður" á stjórnarfundi (;) og gáfu
sjóðinn aðila utan háskólans.
Sjóðinn endurheimti SFHÍ hálfu
ári síðar.
Meðferð þeirra á áfengis-
birgðum félagsins var send saka-
dómaraembættinu í Reykjavík til
rannsóknar í febrúar s.l., enda
fengust ekki fullnægjandi skýr-
ingar frá þeim, hvorki á aðalfund-
um SFHl 1975 né í greinum
þgirra í Stúdentablaðinu. Voru
þeir þó spurðir um málið í langri
grein eftir undirritaðan í Stúd.bl.
í nóvember 1975.
Það var fyrst við frétt um að
málið væri komið til Sakadóms ,ið
þeir gáfu „skýringu" á meðferð
áfengisins. Þannig sögðu þeir
m.a. í Morgunblaðinu og Timan-
um 25. feb. s.I.:
„Samkvæmt gamalli hefð fékk
hver stjórnarmaður í SFHI 2
kassa af Bollu af afgangsbirgðum
eftir Rússagildi. Það gerir 10
kassa = 120 flöskur. Endurskoð-
endur fengu sinn hvorn kassann
= 24 flöskur. Magister bibendi
fékk 1 kassa = 12 flöskur. í
smökkun kvöldið fyrir Rússagildi,
einnig samkvæmt ævafornri hefð,
fóru 4 kassar = 48 flöskur.
Greiddir voru svo ca 4 kassar í
vinnulaun fyrir auglýsingakostn-
að, miðasölu og annað = 48
flöskur. Hér eru upptaldar 252
flöskur af 312 sem nefndar eru í
margnefndri grein. Þegar með
svo er tekin eðlileg rýrnun vegna
flutninga og geymslu þykir lík-
legt að tala Garðars Mýrdal sé svo
til fundin. Það sem á vantar er að
sjálfsögðu sök þáverandi stjórnar
og gegnst hún sjálfviljug undir
það.
Stjórnarmenn vilja sérstaklega
vekja athygli á því að verðmæti
hverrar flösku af Bollu á þessum
tíma var aðeins um það bil kr.
200, enda um útþynnt sull að
ræða.“ (Tilvitnun lýkur.)
Hér skal fullyrt að sú siðblinda
sem kemur fram hjá fimm-
menningunum í ofanskráðri til-
vitnun er ekki algeng meðal
námsmanna við H.l.
Ekki verður fallist á að hér sé
um ævaforna hefð f meðhöndlun
eigna SFHÍ að ræða. Margir menn
sem voru stjórnarmeðlimir í
SFHl á siðasta áratug hafa hrakið
að svo sé.
Þar eð Kjartan Gunnarsson,
endurskoðandi SFHl 1974—5 og
gjaldkeri 1973—4, hafði á fjöl-
mennum fundi stúdneta í nóv. s.l.
neítað að hafa fengið nokkuð fyr-
ir störf sín, þótti ástæða til að
óska staðfestingar þeirra sem upp
eru taldir á hvort þeir hefðu
þegið Bollu fyrir sin störf. Hinn
endurskoðandinn, Davíð Odds-
son, og Magister bibendi, Ellert B.
Schram, hafa staðfest þetta hjá
rannsóknarlögreglu fyrir sitt
leiti. Við bíðum eftir staðfestingu
KjartansGunnarssonar.
Við rannsókn málsins lagði
Kristinn Björnsson fram afrit af
reikningum SFHÍ fyrir 1973—74.
Hann óskaði þess að stjórn SFHÍ
fengi ekki aðgang að afriti þessu.
Hvers vegna var ekki lagt fram
frumrit reikninga með fylgi-
skjölum, eins og óskað var eftir?
Hvað megum við ekki sjá í afriti
reikninganna sem Kjartan
Gunnarssson gerði í gjaldkeratíð
sinni?
GERRÆÐI
LVÐRÆÐI —
Hægri menn gerðu áhlaup i
SFHÍ þann 23. mars. Það var
mikið undirbúið og tókst sam-
kvæmt áættun að nokkru leiti.
Framkvæmdin varð bara ólög-
mæt.
Það að vinstri menn náðu meiri-
hluta á fundinum á tæpri klukku-
stund, olli hroðvirknislegri og
gerræðislegri fundarstjórn en ég
hef orðið vitni að áður. Kjartan
Gunnarsson sleit fundinum við
það að hann vissi sig kominn í
minnihluta og vantrauststillaga á
hann var komin fram.
Lýðræðishugmyndir og félags-
þroska þessara tveggja fylkinga
stúdenta má bera saman á því að
stjórn mín hefur boðað framhalds
aóalfund fimmtudaginn 1. apríl,
kl. 16 í Félagsheimili stúdenta.
Hvers vegna hikar Kjartan, ef
hann hefur trú á málstað sínum?
Hann hefur engan framhaldsaðal-
fund boðað.
Reykjavik, 29. mars.
Garðar Mýrdal
— Hafréttar-
ráðstefnan
Framhald af bls. 17
leyft að veiða þar, ef slíkt er á
annað borð heimilað. Ef þetta
ákvörðunarvald strandríkisins
verður þrengt með gerðardóms-
ákvæðum, hve meinleysisleg
sem þau kunna að reynast við
fyrstu sýn, er hætt við að þjóð-
um sem islendingum verði lítill
hagur að nýjum hafréttarsátt-
mála.
Að vísu má halda því fram
með nokkrum rökum, að það sé
siðaðra manna háttur að fallast
á gerðardóm hlutlausra aðila,
þegar deila stendur. Og víst
munu ýmis fiskveiðiríki geta
sætt sig við slík ákvæði, þar
sem sjávarútvegur stendur að-
eins undir litlum hluta þjóðar-
framleiðslunnar. En að því er
varðar ríki, sem byggja efnahag
sinn að mestu leyti á sjávarút-
vegi, horfir málið öðru visi við.
Þau geta ekki með góðum rök-
um falið úrskurðarvald í lífs-
hagsmunamálum sínum óvið-
komandi aðila, heldur hljóta að
gera þá kröfu að fara
með ákvörðunarvaldið sjálf.
Reynsla síðustu. ára í fiskveiði-
málum á Norður Atlantshafinu
undirstrikar nauðsyn þessa
Þar hafa alþjóðlegar fiskveiði-
nefndir, einskonar gerðar-
dómur, lengi tekið ákvarðanir
um fiskveiðar. Þrátt fyrir það
hefur ýmsum fiskistofnunum
þar farið mjög hnignandi og
sumum verið nær gjöreytt, svo
sem síldarstofnunum. Og
skemmst er einnig að minnast
úrskurðar alþjóðadómstólsins í
Haag, er heimilaði Bretum 1972
að veiða árlega 170 þúsundir
lesta á miðunum við island,
þótt sú hætta, sem að þorks-
stofninum steðjar, væri þá
þegar orðin aó nokkru kunn.
Horfur ásamþykki
En hvaða líkur eru á að bind-
andi gerðardómsákvæði, svipuð
þeim sem fyrir ráðstefnunni
liggja, nái samþykki hennar?
Á því leikur enginn vafi að
meirihluti ríkja er andvígur
slíkum ákvæðum, svo sem
einnig reyndist vera á fyrstu
hafréttarráðstefnunni árið
1958. En það þarf þó ekki að
þýða í reynd að engin slík
ákvæði nái fram að ganga
Ástæða þess er sú að ýmis mjög
áhrifamikil ríki eru eindregið
fylgjandi gerðardómsákvæðum.
Má þar nefna Bandaríkin, en
einn helzti höfundur tillagn-
anna er sérfræðingur banda-
rísku sendinefndarinnar, Louis
Sohn, prófessor í lögum við
Harvardháskóla. Þá munu
Bretar og flest Efnahagsbanda-
lagsríkin vera fylgjandi gerðar-
dómsákvæðum.
En það sem skiptir hér mestu
máli er að hópur landluktra og
afskiptra ríkja mun væntan-
lega styðja tillögurnar, en þann
hóp skipa um 50 ríki. Þau eru í
þeirri aðstöðu að þau geta
komið í veg fyrir að sam-
þykktar verði tillögur á ráð-
stefnunni, þar sem krafizt er %
meirihluta við allar lokaat-
kvæðagreiðslur. Með því er
þeim sköpuð oddaaðstaða, sem
valdíð getur því að fallist verði
á einhverskonar gerðardóms-
ákvæði til heftingar frelsis
strandríkja, gegn því að þessi
hópur ljái tillögum um önnur
efni fylgi sitt. I slíkri stöðu er
heldur ekki hægt að ganga
fram hjá þeim möguleika að
tillögur um hefðbundinn, sögu-
leg fiskveiðiréttindi skjóti upp
kollinum i nýrri mynd.
Ekki eru nema fáir dagar
síðan þessi rikjahópur ritaði
forsætisnefnd ráðstefnunnar
bréf og krafðist réttinda sér til
handa innan auðlindalögsögu
annarra ríkja, bæði að því er
varðar fiskimiðin og auðlindir
þær, sem á hafsbotni finnast.
Er því ljóst, að tillögur grund-
vallartextans um rétt strand-
ríkisins í núverandi mynd, sæta
mikilli andstöðu þessa hóps.
Það er vitanlega von okkar
íslendinga, og helztu banda-
manna okkar, að þróun mála
verði ekki á þennan veg, og ég
held að það sé ekki of mikil
bjartsýni, þótt spáð sé að sú von
muni rætast er líður að lokum.
En sennilegt er að um fátt verði
meira deilt á síðari hluta
fundarins en einmitt þessi
atriði. Allt mun málið liggja
ljósar fyrir eftir þá tveggja
daga umræðu um gerðardóms-
ákvæðin, sem fara mun fram á
ráðstefnunni að loknum pásk-
um.
Á miklu veltur því, að þar
bresti hvergi samtakamáttur
þeirra þjóða heims, sem vilja
einar og óháóar ráða yfir fiski-
miðum auðlindalögsögu sinnar.
i þeirri sveit ber Islendingum
að hafa forystu.