Morgunblaðið - 02.06.1976, Blaðsíða 17

MORGUNBLAÐIÐ, MIÐVIKUDAGUR 2. JÚNI 1976
17
Samningur
Islendinga og Breta
um lausn
fiskveiðideilunnar
HÉR fer á eftir í heild fréttatilkynning sú, sem utanrfkisráðuneytið sendi frá
sér síðdegis í gær með texta orðsendingar þeirrar, sem utanrfkisráðherrar
íslands og Bretlands skiptust á í gær en í þeim felst samkomulag það, sem
gert var um lausn fiskveiðideilunnar. Fréttatifkynningin er svohljóðandi:
EINS og kunnugt er hafa undanfarna daga átt sér stað viðræður milli
íslenskra og breskra ráðherra um hugsanlega lausn á fiskveiðideilu Breta og
íslendinga.
Fóru viðræður þessar fram i Osló. Lauk þeim um hádegisbilið í dag með því
að utanríkisráðherrar íslands og Bretlands skiptust á svo hljóðandi orð-
sendingum:
„Hæstvirti utanríkisráðherra,
Ég leyfi mér að vísa til viðræðna milli ríkisstjórna okkar varðandi sam-
komulag um fiskveiðar innan 200 mílna fiskveiðilögsögunnar, sem kveðið er á
um í hinni íslensku reglugerð frá 15. júlí 1975. Á grundvelli þessara viðræðna
leyfi ég mér að staðfesta eftirfarandi fyrirkomulag, sem samkomulag hefur
náðst um:
1. Ríkisstjórn Bretlands ábyrgist, að fiskveiðar Breta á ofangreindu svæði
verði takmarkaðar við 24 togara að meðaltali á dag, miðað við veiðidaga,
svo sem lýst er í hjálagðri greinargerð, sbr. fylgiskjal 1.
2. Innan þeirra takmarka, sem getið er í 1. gr. munu aðeins þeir togarar
stunda veiðar, sem eru á skrá skv. fylgiskjali II og byggist á skrá þeirri,
sem gerð var vegna bráðabirgðasamkomulagsins frá 13. nóvember 1973.
3. a) Ríkisstjórn Bretlands ábyrgist, að breskir togarar virði friðunarsvæði
þau, sem greind eru í bráðabirgðasamkomulaginu eins og þeim hefur
verið breytt af íslenskum stjórnvöldum eftir að það samkomulag féll úr
gildi, á þeim tímum, sem um er að ræða.
b) Ríkisstjórn Bretlands ábyrgist að breskir togarar stundi ekki veiðar
nær en 20 sjómílur frá grunnlínum íslands og ekki nær en 30 sjómílur frá
grunnlínum á þeim svæðum, sem nefnd eru í liðum 3 I og 3 II i
bráðabirgðasamkomulaginu.
c) Svæði þau, sem nefnd eru í stafliðum a) og b) að ofan, eru nánar
skýrgreind í fylgiskjali 3.
4. í því skyni að vernda svæði þar sem mikið er af ungfiski eða hrygningar-
fiski á hafsvæðinu umhverfis ísland ábyrgist ríkisstjórn Bretlands, að
breskir togarar stundi ekki þær veiðar, sem íslenskum skipum eru
bannaðar af þar til bærum stjórnvöldum. Slíkar ráðstafanir, sem skulu
byggðar á hlutlægum og vísindalegum sjónarmiðum og ekki fela í sér
mismunun í reynd eða að lögum, munu tilkynntar ríkisstjórn Bretlands.
5. Til frekari verndar fiskistofnum umhverfis ísland mun ríkisstjórn Bret-
lands ábyrgjast að bresk skip fari eftir ákvæðum, sem greind eru í
fylgiskjali 4.
6. Ríkisstjórn Bretlands ábyrgist, að staðsetning breskra skipa, er veiðar
stunda samkvæmt ákvæðum samkomulags þessa og aflamagn þeirra,
verði tilkynnt íslenskum stjórnvöldum með þeim hætti, sem kveðið er á
um í greinargerð þeirri, sem vísað er til í 1. gr.
7. Sé skip staðið að veiðum í bága við samkomulagið, geta hlutaðeigandi
íslensk yfirvöld stöðvað það og rannsakað málsatvik, og ef grunur leikur á
um brot, kvatt til það aðstoðarskip breskt, sem næst er. Togari sem rofið
hefur samkomulagið, verður strikaður út af listanum.
8. Ríkisstjórn Bretlands mun tafarlaust leggja til við Efnahagsbandalag
Evrópu að svo fljótt sem nauðsynlegar ráðstafanir hafa verið gerðar,
muni ákvæði bókunar nr. 6 við samning milli íslands og Efnahagsbanda-
lags Evrópu frá 22. 6. 1972 taka gildi. Hún mun einnig beita sér fyrir því
að tollalækkanir, sem kveðið er á um I þeirri bókun, verði framkvæmdar
með þeim hætti, sem orðið hefði, ef bókunin hefði verið í gildi síðan 1973.
9. Ekkert ákvæði samnings þessa skal talið hafa áhrif á innbyrðis afmörk-
un lögsögu milli aðilanna.
10. Samningur þessi skal gilda í 6 mánuði frá gildistöku.
Eftir að samningurinn fellur úr gildi, munu bresk skip aðeins stunda veiðar
á því svæði, sem greint er í hinni íslensku reglugerð frá 15. júlí 1975 í
samræmi við það sem samþykkt kann að verða af íslands hálfu“.
Utanrfkisráðuneytið,
Reykjavfk, 1. júiif 1976.
Utanríkisráðherrarnir skiptast á skjölum varðandi
lausn fiskveiðideilunnar.
Vísir Og
Dagblaðið
semja
UNDIRRITAÐUR hefur verið
samningur milli aðalhluthafa
Reykjaprents h.f., útgáfufélags
og nokkurra annarra hluthafa
sem standa að útgáfu Dagblaðs-
ins, um sölu þeirra síðarnefndu á
hlutum sfnum f hlutafélögunum
Reykjaprenti og Járnsfðu. 1 sam-
tali við Morgunblaðið f gær stað-
festi Ingimundur Sigfússon,
stjðrnarformaður Reykjaprents,
að þetta samkomulag hefði verið
gert.
Kaupverðið er röskar 63
milljónir króna þar sem 5
milljónir kr. greiðast á nokkrum
mánuðum en eftirstöðvarnar
greiðast á 15 árum vaxtalaust. Á
þar með að vera lokið deilum
þeim sem staðið hafa milli meiri-
hluta stjórnar Reykjaprents og
minnihlutans, eigenda Dagblaðs-
ins. í samningnum er kveðið á
um, að þeir af seljendunum sem
eigi sæti í stjórn og varastjórn
Járnsiðu h.f. segi sig úr stjórn-
inni, en svo sem kunnugt er liefur
Járnsíða h.f. verið eigandi hús-
næðis þess sem ritstjórnarskrif-
stofur Vísis eru í og einnig hluta-
bréfaflokks Vísis í Blaðaprenti
hf. Þá kemur einnig fram í
samningnum, að Sveinn R.
Eyjólfsson, framkvæmdastjóri
Dagblaðsins muni segja af sér
stjórnarstörfum í Reykjaprenti og
Blaðaprenti og Jónas Kristjáns-
son ritstjóri segja af sér sem vara-
stjórnarmaður i Blaðaprenti.
1 viðtali við Vísi sagði Ingi-
mundur Sigfússon, að vonandi
gætu báðir aðilar unað vel úrslit-
um þessara mála, sem valdið
hefðu ýmsum erfiðleikum undan-
farið og ætti það að vera öllum til
góðs. í frétt sem Jónas Kristjáns-
son skrifar í Dagblaðið segir
hann, að deilur aðstandenda Dag-
blaðsins og Visis hafi horfið í
skuggann, þegar undirritað hafi
verið samkomulag um sölu Dag-
blaðsmanna á hlutabréfum í
fyrirtækjum þeim sem útgáfa
Visis byggist á.
Nýjung í ferskfiskmati:
Mælir sem leysir af
hólmi lyktarskynið
INNFLUTNINGUR er hafinn á
litlu og handhægu tæki, sem gerir
ferskfiskinat miklu auðveldara
og áreiðanlegra en verið hefur
hingað til, en fram til þessa hefur
ferskfiskmat hérlendis byggst á
lyktarskyni manna.
Þegar fiskur er geymdur,
byrjar hann þegar að rotna og
verða þá efnafræðilegar breyt-
ingar í holdi fisksins vegna gerla-
áhrifa. Meðan fiskurinn er í sjón-
um er hann búinn náttúrulegu
varnarkerfi en þegar fiskurinn
deyr brestur það og rotnun hefst.
Hinn nýi mælir, Torrymælirinn
er með tvö rafskaut. Þegar raf-
skautin snerta fiskinn senda þau
örbylgjur gegnum hann, en siðan
reiknar mælirinn út ferskleika
samkvæmt sérstökum inn-
byggðum mælikvarða frá 1—16
og birtast niðurstöður hans á ljós-
borði mælisins um leið. Því hærri
sem talan er, þeim mun ferskari
er fiskurinn. Hægt er að skoða
einn fisk í einu eða fiskkös.
Torrymælirinn er framleiddur I
Skotlandi en Pétur O. Nikulásson
heildverzlun flytur hann inn.
Verður mælirinn á næstunni
kynntur aðilum í fiskiðnaði.
Starfsmenn PON sýna hvernig tækið vinnur. Sá til vinstri notar aftur á
móti gömlu aðferðina, lyktar af fiskinum. Ljðsm. ói k Mag