Morgunblaðið - 28.11.1976, Blaðsíða 3

MORGUNBLAÐIÐ, SUNNUDAGUR 28. NÓVEMBER 1976
3
Stúdentafélag Reykjavíkur:
Fullveldisfagnaður
á 105 ára afmælinu
Bústaðakirkja 5 ára
STUDENTAFÉLAG Reykjavfkur
varð 105 ára f þessum mánuði og
enn lifir f glóðunum, segir f
fréttatilkynningu frá félaginu.
Fullveldisfagnaður félagsins
verður haldinn föstudaginn 3.
desember á Hótel Borg og hefst
klukkan 19.30. AUir stúdentar
eru sjálfkrafa meðlimir f félag-
inu, enda eitt höfuðmarkmið
félagsins að leiða saman stúdenta
úr öllum starfsgreinum og aldurs-
flokkum.
Félagið hefur á langri ævi verið
vettvangur skoðanaskipta, við-
kynningar og skemmtunar meðal
stúdenta í Reykjavik. Starfsemi
þess hefur verið misjafnlega
umfangsmikil, en á blóma-
skeiðum félagsins hafa umræðu-
fundir þess um hin margvíslegu
málefni liðandi stundar lffgað
upp á bæjarlífið.
Á fullveldisfagnaðinum verður
Davíð Oddsson borgarfulltrúi
ræðumaður, en veizlustjóri Páll
Bergþórsson veðurfræðingur.
Ómar Ragnarsson flytur skemmti-
þátt og Garðar Cortes syngur
einsöng. Tekið verður á móti
borðapöntunum og aðgöngumiða-
pöntunum á Hótel Borg frá 29.
nóvember.
Það var fyrsta sunnudag i
aðventu, 28. nóv. 1971, sem
Bústaðakirkja í Reykjavík var
vigð. Draumur safnaðarins hafði
rætzt. Færri ár höfðu liðið frá því
fyrsta skóflustungan að hinni
nýju kirkju var tekin og þar til
dyr hennar voru opnaðar söfnuði,
heldur en nokkur hefði látið sér
detta í hug fyrirfram. Ekki verða
hér raktar þær ástæður, sem auð-
veldast koma í huga, þessum
hraða til skýringar. Hitt dylst
ekki að blessun hefur hvílt yfir
starfinu frá upphafi.
Og nú ber fyrsta sunnudag í
aðventu aftur upp á 28. nóv., og
þá verður hátíð i Bústaðakirkju.
Bæði til að fagna nýju kirkjuári
og hefja undirbúning að hinni
hæstu hátíð, svó og til að halda
hátíðlegt fimm ára afmæli kirkj-
unnar.
Um morguninn verður barna-
samkoma að venju kl. 11, og þá
fær lítil hönd að bera loga að
fyrsta aðventukertinu á veglegum
aðventukransi. Siðan verður
hátiðarguðsþjónusta kl. 2 síðdeg-
is, þar sem formaður sóknar-
nefndar, Ásbjörn Björnsson, mun
ávarpa söfnuðinn í messulok. Sið-
an verður gengið í hina glæstu
safnaðarsali kirkjunnar, sem nú
var verið að leggja siðustu hönd á
til lúkningar verkinu, þar sem
Kvenfélag Bústaðasóknar stend-
ur fyrir veizlu. Eru konur, sem
vilja stuðla að því að jafnglæsi-
lega verði tekið á móti kirkjugest-
um i kaffi og á liðnum árum,
beðnar um að koma kökum sinum
og brauðmat upp í safnaðarheim-
ili eftir kl. 11 á sunnudag. En eins
og ætíð er heitið á konur, sem
ekki eru félagsbundnar í kven-
félaginu, að styðja þetta starf með
framlagi sínu. Verður tekið á
móti þeim, sem styðja vilja frek-
ara starf safnaðarins með því að
kaupa sér kaffi og með því, allan
sunnudaginn til kvölds.
Á sunnudagskvöldið kl. 20:30
hefst svo aðventusamkoma, sem
Bræðrafélag Bústaðakirkju hefir
veg og vanda af eins og verið
hefur frá upphafi. Þar mun for-
sætisráðherra, Geir Hallgrímsson,
flytja ræðu kvöldsins. Hjörtur
Pálsson, dagskrárstjóri Rikis-
útvarpsins, les ljóð, og Kirkjukór-
inn syngur undir stjórn Birgis
Áss Guðmundssonar, sem einnig
leikur á orgelið. Þá mun ungur
celló-leikari, Kristján Jóhanns-
son, einnig leika á hljóðfæri sitt,
en samkomunni lýkur að venju
með helgistund sóknarprestsins
og f lok hennar verða aðventu-
kertin tendruð, en hver kirkju-
gestur fær lítið kerti við inngang-
inn til þess að enn megi sýna og
sanna, að margt smátt gerir eitt
stórt. Samkomunni stjórnar hinn
nýi formaður bræðrafélagsins,
Sigurður B. Magnússon.
Bústaðakirkja er mikið hús: Þar
fer líka margt fram. Félög safn-
aðarins hafa þar aðstöðu fyrir
fundi og aðra starfsemi. AA-
samtökin eru með vikulega fundi
og þeir, sem leitað hafa til Free-
port-sjúkrahússins í Ameríku,
hittast þar hálfsmánaðarlega.
Fjölbreytt starf fyrir æskuna hef-
ur verið rekið, en mun nú eflast á
allan hátt með tilkomu Bústaða,
félagsmiðstöðvar, sem Æskulýðs-
ráð Reykjavíkur rekur, en í sam-
vinnu við söfnuðinn. Og nú
standa vonir til, að hægt verði að
hefja starf fyrir aldraða líka. En
hvers konar starfsemi krefst
ákveðinna útgjalda. Þvi er einnig
fjársöfnun í gangi til að ljúka við
greiðslu þeirra reikninga, sem
valdið hafa áhyggjum og gera
enn. Er því heitið á alla velunn-
ara Bústaðakirkju og starfsins
þar að sýna velvilja i verki, ekki
aðeins á sunnudaginn kempr,
heldur ætið.
Guð blessi allan jólaundirbún-
ing, sýnilegan sem ósýnilegan.
Úlafur Skúlason.
Ógleymanlegar
jólaferðir
til
fjarlægra
landa:
brottför 1 6. des
3 vikur.
brottför 21. des
2 vikur.
Ferðaskrifstofan
Ferðaskrifstofan
AUSTURSTRÆTI 17 — SIMI 26611 OG 20100