Morgunblaðið - 30.01.1977, Blaðsíða 35

Morgunblaðið - 30.01.1977, Blaðsíða 35
35 Jakob Tryggvason Akureyri—sjötugur Jakob Tryggvason organisti Akureyrarkirkju er 70 ára á morgun. Fæddur er hann að Ytra- Hvarfi í Svarfaðardal 31. janúar 1907. Jakob er sonur merkishjón- anna, er bjuggu að Ytra-Hvaffi, Tryggva bónda Jóhannssonar og Guðrúnar Soffíu Stefánsdóttur bónda á Sandá i Svarfaðardal Jónatanssonar. Jakob hlaut tónlistargáfu i vöggugjöf, eins og fleiri börn þeirra hjóna. Ólafur, bróðir Jak- obs, sem tók við búi föður þeirra er organisti i Svarfaðardal og Jó- hann bróðir þeirra, sem býr í Reykjavik, er og kunnur fyrir sín tónlistarstörf. Snemma hefur Jakob Haft næmt eyra fyrir söng, og hlustað hefur hann sem drengur á raddir náttúrunnar undir bröttum hlíð- um dalsins í hinu tilkomumikla umhverfi fjallanna. Söngur er líf- inu áskapaður sagði Sigurður Birkis söngmálastjóri: „Fuglarnir syngja, það syngur í fjöllunum, það syngur dramatiskt í fossun- um, það syngur lýriskt í lækjun- um, það syngu jafnvel í götunum, þegar gengið er eftir þeim. Það syngur í storminum og það syng- ur blitt i sunnanblænum." Svo langt sem rekja má að upp- tökum kristni og kirkju hefur söngurinn og tónlistin verið tján- ingarmáti og tæki guðsdýrkunar. Þeim söng og þeirri tónmennt hefur Jakob Tryggvason helgað krafta sina. — Árið eftir að hin nýja Akureyrarkirkja var vígð 17. nóv. 1940, var Jakob ráðinn org- anisti við kirkjuna og því starfi hefur hann gegnt æ siðan nema árin 1945—48, er hann var við framhaldsnám við Royal Áca- demy of Music í London. Ennfremur hefur Jakob verið við tónlistarstörf á Akureyri þetta langa timabil, sem of langt yrði upp að telja i lítilli blaðagrein. Hann hefur haft með höndum stjórn söngkóra, skólastjórn, kennslu og stjórn lúðrasveitar i fjölda ára, annast undirleik ein- söngvara og kóra á Akureyri og vítt um byggðir norðan lands. Það sem einkennir Jakob í öllu hans músikstarfi er umfram allt vandvirkni, smekkvisi og lotning fyrir tónlist. Hann vandar hvert verk, sem hann tekur að sér, og lætur það ekki frá sér fara fyrr en það er þaulæft. — Akureyringar mega lengi muna og vel þakka allt það, sem hann hefur gert á sviði tónlistar i bænum, og við, sem erum í Akureyrarkirkju, þökkum honum langt og fagurt starf hans, söngstjórn og orgelleik. Það er hlutskipti Jakobs að sitja við stærsta pípuorgel landsins og leika á það við messugjörðir og aðrar athafnir i kirjunni. Okkur dylst ekki, sem vinnum þar með honum, að verkið er honum heil- agt starf, heilög þjónusta. Jakob er kvæntur hinni ágæt- ustu konu, Unni Tryggvadóttur, og er hún manni sinum mikil stoð i hinum margvislegustu störfum hans. Á þessum merku timamót- um færum við hjónin Jakobi Tryggvasyni heillakveðjur og árn- aðaróskir og fjölskyldu hans, og biðjum Guð að blessa störf hans og heimili um alla framtíð. Jakob verður að heiman á afmæli sinu. Pétur Sigurgeirsson Jakob Tryggvason organisti og fyrrverandi skólastjóri á Akur- eyri verður sjötugur á morgun. Á þeim degi munu eflaust margir senda honum hlýjar kveðjur og þakkir fyrir margháttuð störf í þágu tónlistarmála á Akureyri. Meðal þeirra sem Jakob hefur helgað starfskrafta sina er Lúðra- sveit Akureyrar. Sá félagsskapur hefur oft átt erfitt uppdráttar, einkanlega á fyrri árum, meðan hún var að slíta barnsskónum. Lúðrasveitin var endurreist eft- ir nokkurra ára hvíld laust eftir 1940 og kom það í hlut Jakobs að vera stjórnandi hennar um tutt- ugu ára skeið. Hann stjórnaði, leiðbeindi og kenndi nýliðum, sparaði aldrei vinnu og spurði aldrei um laun. Stundum voru meðlimir lúðrasveitarinnar 20— 25 en kannski skömmu siðar að- eins 12—15. Má því nærri geta um hvernig starfsaðstaða stjórnand- ans hefur verið við slikar kring- umstæður. En hann gafst ekki upp og leiddi sveitina yfir erfið- asta hjallann I sögu hennar. Það kom einnig í hlut Jakobs að leggja grunninn að þeirri starf- semi sem hvað best hefur stutt við bakið á lúðrasveitinni síðasta áratuginn, en það var að koma á fót barnalúðrasveitunum, sem fyrst i stað voru á vegum barna- skólanna en siðar á vegum Tón- listarskóla Akureyrar. Hann kenndi og stjórnaði tveim fyrstu barnalúðrasveitunum og úr þeim hópum komu margir góðir liðs- menn til Lúðrasveitar Akureyrar. Þó að hér hafi aðallega verið getið starfa Jakobs i þágu Lúðra- sveitar Akureyrar þá er siður en svo að þau séu hin einu sem hann hefur lagt af mörkum til tónlist- arlifs bæjarins. Organistastarfið við kirkjuna, skólastjórn tónlistarskólans, kórstjórn og kennsla, öll þessi störf hefur hann unnið af alúð og vandvirkni, en vandvirkni og smekkvisi hefur ætíð verið hans aðalsmerki. Á 35 ára afmæli sinu, árið 1967, dæmdi Lúðrasveit Akureyrar hann gullmerki sinu og kjöri hann heiðursfélaga. Jakob Tryggvason fæddist að Ytra-Hvarfi I Svarfaðardal, sonur hjónanna Tryggva Jóhannssonar og Soffíu Stefánsdóttur, sem þar bjuggu myndarbúi um meira en hálfrar aldar skeið. Um ferming- araldur hóf hann nám í orgelleik hjá Tryggva Kristinssyni, siðar tengdaföður sinum, sem þá var organisti i Vallaprestakalli. Jakob stundaði nám í Samvinnuskólan- um og lærði jafnframt hljóðfæra- leik hjá Páli ísólfssyni. Eftir það lagði hann stund á skrifstofu- störf, bæði á Akureyri og i Reyka- vík, þar til hann fluttist til Akur- eyrar árið 1941 og gerðist orgel- leikari við Akureyrarkirju. Síðar stundaði hann framhaldsnám við Royal Academy of Music i London á árunum 1945—1948. Jakob er kvæntur Unni Tryggvadóttur, Kristinssonar org- anista á Siglufirði og eiga þau Framhald á bls. 19 Vetrar morgun LÆKJARGÖTU 2 - SÍMI FRÁ SKIPTIBOROl 28155

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.