Morgunblaðið - 23.06.1977, Blaðsíða 16
16
MORGUNBLAÐIÐ, FIMMTUDAGUR 23. JÚNÍ 1977
Rosalynn
Dr. Michael Stern
AUGLJÓST er að Jimmy Carter
hefur örvandi áhrif á fjclskyldu
sína: skemmst er að minnast
ferðar konu hans, Rosalynn, til
nokkurra Suður-Ameríkuríkja.
Var því spáð í upphafi ferðar að
þetta yrði hálfgerð vandræða-
reisa fyrir frúna, en síðar varð
annað uppi á teningunum og
mönnum bar saman um að
framganga Rosalynn hefði ver-
ið hin skörulegasta og hún tal-
að af hinni mestu skynsemd og
hreinskilni um málefni ríkjanna
sem hún heimsótti. En við það
lætur fjölskyldan ekki sitja.
Amy, hin unga forsetadóttir,
tæplega tíu ára gömul, hefur
nú lagt fram sinn skerf til
heimsmálanna. Það hefur sum
sé komið upp úr dúrnum að
þegar faðir hennar, forsetinn,
var að skrifa vísindamanninum
Andrei Sakharov stuðningsbréf
dundaði Amy sér við að skrifa
bréf til sonar Michaels Sterns,
en Stern hóf að afplána átta
ára fangelsisdóm í sovézku
fangelsi árið 1 974
Breska blaðið Times segir frá
því, að þetta hafi Amy gert fyrir
um það bil fjórum mánuðum,
þ.e um svipað leyti og faðir
hennar sendi sína frægu yfir-
lýsingu til Sakharovs. Dr.
Michael Stern hafði sótt um
Norðm
áfengi
Amy skrifaði bréf
til sonar Sovétf anga
leyfi til að flytjast búferlum frá
Sovétríkjunum en var neitað
um leyfi og siðar dæmdur í
fangelsi eins og fyrr var sagt.
Hins vegar var honum sleppt
nú nýlega og er kominn til
Vesturlanda.
„Skömmu áður en mér var
sleppt fékk einn sona minna,
sem ötullega hafði unniðað því
að ég yrði leystur úr fangelsi,
hlýlegt og hressilegt bréf frá
Amy Carter," sagði dr. Stern
eftir að hann kom til Vestur-
landa. „Ég sá þetta bréf og
enda þótt það væri augljóslega
skrifað af ungu barni, var það
tákn um styrk og vináttu sem
ég held að gæti orðið ómetan-
leg andófsmönnum í Sovét-
ríkjunum.
Dr. Stern sagði ekkert nánar
um hvað bréfið hefði fjallað og
ekki var tekið fram hvort það
hefði verið skrifað á forseta-
bréfsefni eða hvort það var
sent eftir diplómatískum leið-
um á áfangastað eins og Carter
gerði með bréfið til Sakharovs.
Ýmsir fleiri urðu til að tala
máli dr. Sterns meðan hann sat
í fangelsi, þar á meðal voru þau
Jean Paul Sarte og Simone de
Beauvoir. Hófu þau undir-
skriftasöfnun og skrifuðu um
fimmtíu Nóbelsverðlaunahafar
undir áskorun um að hann yrði
leystur úr haldi. Hæstiréttur !
Úkraínu, en þar hafði hann
hlotið dóm — tók þá málið
upp á nýjan leik og lyktir urðu
sem fyrr segir að dr. Stern er
laus úr haldi og hefur í hyggju
að setjast að í Hollandi.
Ógleymanlegir
dagar í Skálholti
Þorlákshöfn 21. júnf.
SÖNGFÉLAG Þorlákshafnar fór
hinn 18. júní með söngstjóra sín-
um. Ingimundi Guðjónssyni, og
sóknarprestinum, sr. Tómasi Guð-
mundssvni, að Skálholtssiað og
var dvalizt þar í tvo daga við söng
og aðrar lystisemdir. Margir kór-
félaga höfðu maka sfna og börn
með sér. Þar voru og mættir vinir
og velunnarar Söngfélagsins, þau
hjónin Ágústa Ifauksdóttir og
Jónas Ingimundarson, en Jónas
er sonur söngstjórans og hefur
Söngfélagið notið þess því hann
hefur á liðnum árum unnið því
ómetanlegt gagn, sérstaklega
meðan tími hans var ekki eins
takmarkaður og nú er orðið. Það
var því mikið sungið i Skálholti
með þeim hjónum þessa yndis-
legu daga og stendur Söngfélagið
í mikilli þakkarskuld við þau.
Eftir að hafa snætt hádegis-
verð, en veitingar í Skálholti eru
til fyrirmyndar, var gengið til
kirkju þar sem sr. Guðmundur Óli
Ólafsson, Skálholtsprestur, sagði
sögu staðarins mönnum til mikils
fróðleiks og ánægju. Klukkan
fjögur kom söngmálastjóri Þjóð-
kirkjunnar, Haukur Guðlaugsson,
til Skálholts. Hann lék þrjú und-
urfögur verk á orgel kirkjunnar
öllum til innilegrar ánægju. Hann
ræddi sióan við kórinn um söng-
starfið og hvers það kreföist af
hverjum og einum. Það fór ekki
fram hjá neinum, að þarna var
réttur maður á réttum stað, ljúfur
og skilningsríkur og hann vissi að
þetta starf er ekki bara dans á
rósum og samstaðan er það eina
sem gildir. Þá söng kórinn nokkur
lög „fyrir hann“ eins og Haukur
komst sjálfur aó orði. Klukkan tíu
um kvöldið var svo helgistund í
Skálholtskirkju, hana annaðist sr.
Tómas Guðmundsson. Telpnakór
frá Eyrarbakka söng undir stjórn
söngstjóra sins, Rutar Magnús-
dóttur, en þær dvelja í sumarbúð-
um þjóðkirkjunnar í Skálholti um
þessar mundir. Viðstöddum
fannst þessi söngur telpnanna
englasöng likastur en hljómburð-
urinn í kirkjunni er slíkur að
mönnum kom saman um að annað
eins hefðu þeir ekki heyrt í
nokkru húsi og þarna er svo létt
að syngja. Söngfélagið söng í lok
helgistundar. Það má til gamans
nefna að í kirkjunni voru Norð-
menn í hópferð, sem sögðu að
hápunktur heimsóknar sinnar til
tslands hefði verið þessi stund í
Skálholtskirkju. Klukkan ellefu
var síðan kvöldvaka inni í sam-
komusal Lýðháskólans, þar sem
skólameistari, sr. Heimir Steins-
son, lýsti tilurð og starfi Lýðhá-
skólans í Skálholti í mjög fróð-
legu erindi, en skólinn er fimm
ára gamall og einnig sýndi hann
myndir frá starfi sínu við Lýðhá-
skóla á hinum Norðurlöndunum.
Þá var sungið af mikilli sönggleði
fram til miðnættis. Þessi fyrri
dagur heimsóknar Söngfélagsins í
Skálholti hafði liðið hjá við sól-
skin, söng og gleði og ólýsanlega
fegurð staðarins.
Sunnudagurinn 19. júní klukk-
an elefu var guðsþjónusta í Skál-
holtskirkju. Prestur staðarins, sr.
Guðmundur Óli Ólafsson, predik-
aði, telpnakór frá Eyrarbakka
söng, organisti var Rut Magnús-
dóttir og fram fór fjölmenn altar-
isganga. Svo var gert matarhlé.
Að þvi loknu var áfram haldið við
söng og æfingar hjá Jónasi Ingi-
mundarsyni, sem er óþreytandi í
söngstarfinu. Staðurinn var skoð-
aður eftir föngum en til þess var
að sjálfsögðu allt of litill tími fyr-
ir kórfélaga, en makar og börn
þeirra nutu þess aftur á móti í
rfkum mæli. Klukkan fimm sið-
degis var guðsþjónusta í kirkj-
unni, sr. Tómas Guðmundsson
predikaði. Söngfélag Þorláks-
hafnar söng, organleikari Jónas
Ingimundarson og söngstjóri
Ingimundur Guójónsson. Þá fór
fram altarisganga.
Ennþá einu sinni hljómaði
skólabjallan og kallaði menn að
veizlugleði f þessari ógleyman-
legu ferð. Það er áreiðanlega ósk
allra, sem tóku þátt í ferðinni, að
fá að vera meó í annarri slikri á
þessum sögufræga stað. Sóknar-
presturinn okkar, Tómas Guð-
mundsson, þakkaði öllum þeim
mörgu, sem höfðu hjálpað til að
gera þessa daga svo ánægjulega,
sem raun varð á. En sjálfur átti
hann sérstakar þakkir skildar fyr-
ir að hafa leitt kórinn á þennan
stað. Frumkvæðið var hans og
hans framlag þvi mikið. Nú var
komið að því að halda heim og
eftir var aðeins að kveðjast. Það
var gert með söng í samkomusal
Lýðháskólans.
Mér, sem þessa ferðasögu segir
datt í hug eftir að hafa tekið þátt i
framangreindri ferð, hvort fleiri
prestar landsins gætu farið að
dæmi sr. Tómasar og farið með
sitt samstarfsfólk í Skálholt eóa á
aðra sögustaði þjóðarinnar í þess-
um tilgangi. Ég held að þeir yrðu
ekki fyrir vonbrigðum með árang-
urinn. Söngfélag Þorlákshafnar
sendir öllum*þeim, sem geróu því
dagana í Skálholti ógleymanlega,
hjartans þakkir sfnar.
Ragnheióur.