Morgunblaðið - 30.05.1978, Blaðsíða 2

2
MORGUNBLAÐIÐ ÞRIÐJUDAGINN 30. MAÍ 1978.
„Munum herða róðurinn og
þjappa okkur betur saman”
r
segir Olafur Jóhannesson for
maður Framsóknarflokksins
„Ék er auðvitað ekki ánægður
með úrslitin, sérstaklega hvað
Framsóknarflokkinn varðar hér
í Reykjavík, í öðrum kaupstöðum
utan Reykjavíkur er ekki umtals-
verð breyting, sums staðar bæt-
um við við okkur atkvæðum og
sums staðar töpum við, eins og
gengur,“ sagði Ólafur Jóhannes-
son formaður Framsóknarflokks-
ins þegar Morgunblaðið hafði
samband við hann í gær.
„Á því áfalii sem Framsóknar-
flokkurinn varð fyrir í Reykjavík
kann ég enga skýringu enn.
Auðvitað er það sýnilegt að
allmikill straumur er til stjórnar-
andstöðuflokkanna, sem byggist
að sjálfsögðu að einhverju leyti á
landsmálapólitíkinni, þó ekki
megi horfa fram hjá því að
staðbundnar aðstæður koma til
greina, þar á meðal í Reykjavík,
þar sem áhugi hefur verið mikill
hjá minnihlutaflokkum á að fella
meirihluta sjálfstæðismanna. Er
hugsanlegt að þetta hafi haft
einhver áhrif á atkvæði einhverra
um hvaða flokki þeir greiddu
atkvæði sitt.
Hreyfingin í þessum kosningum
er meiri en venjulega og út af fyrir
sig er ekki nema gott eitt um það
Framhald á bls. 30.
„Upphaf f rekari sókn-
ar Alþýduflokksins”
— segir Kjartan Jóhannsson vara
formaður flokksins
„FYRIR hönd Alþýðuflokksins
verð ég að segja að niðurstöður
kosninganna eru mjög ánægju-
legar og tel úrslitin vera upphaf
sóknar flokksins. Víða hefur
Alþýðuflokkurinn stórlega aukið
fylgi sitt og t.d. tvöfaldað fylgi
sitt ( Reykjavík og Kópavogi og
annars staðar hefur flokkurinn
aukið fylgið stórlega,“ sagði
Kjartan Jóhannsson varaformað-
ur Alþýðuflokksins þegar
Morgunblaðið náði tali af honum
í gærkvöidi.
„Þegar litið er á heildarúrslitin
hefur Alþýðuflokkurinn aukið
fylgi sitt um 70% ef miðað er við
fyrra fylgi. Sjálfur á ég von á að
þessi þróun haldi áfram í komandi
þingkosningum og reynslan hefur
verið sú hjá Alþýðuflokknum, að
gengið hefur betur í alþingiskosn-
ingum heldur en sveitarstjórnar-
kosningum og við höfum fengið
ýmis merki um að fylgisaukning
verði áfram í alþingiskosningun-
um. T.d. hefur fólk talað um að
þótt það geti ekki kosið okkur í
sveitarstjórnarkosningum, þá
muni það kjósa Alþýðuflokkinn til
alþingis.
Að lokum vil ég þakka öllu því
fólki sem hefur stutt okkur og
unnið fyrir okkur við þessar
kosningar," sagði Kjartan.
„Þegar Reykvíkingar skiptu
gerðu þeir það annars hugar”
— segir Magnús Torfi Ólafsson
Magnús Torfi Ólafsson, formað-
ur Samtaka frjálslyndra og
vinstrimanna sagði, þegar Mbl.
leitaði álits hans á kosningaúrslit-
um>
„Eftir á að hyggja hefðu menn
átt að geta séð fyrir, að þegar
Reykvíkingar létu verða af því að
skipta um borgarstjórnar-
meirihluta, gerðu þeir það annars
hugar. Áhugi á borgarstjórnar-
kosningunum sjálfum var með
daufara móti eins og sést á dræmri
kjörsókn, en fjöldi fyrri kjósenda
stjórnarflokkanna var staðráðinn í
að hegna þeim við fyrsta tækifæri
fyrir frammistöðuna við stjórn
landsins á kjörtímabilinu og nú
hafa þeir efnt þetta svo rækilega
að borgarstjórnarmeirihluti Sjálf-
stæðisflokksins féll um leið.“
— Viltu spá einhverju um fram-
vinduna í alþingiskosningunum í
næsta mánuði, helzt fylgi stjórnar-
andstöðuflokkanna eins og það
kemur fram núna?
„Ég treysti mér nú ekki að gerast
spámaður, en það sem mér finnst
liggja ljóst fyrir er að tap sjórnar-
flokkanna er svo mikið á lands-
mælikvarða að fyrirsjáanlegt má
telja að endurtekning þess í
alþingiskosningunum hafi í för
með sér að núverandi stjórnarsam-
starf Framsóknarflokksins og
Sjálfstæðisflokksins taki enda að
þingkosningunum loknum.“
Sigur G-listans í Rvík
stærri en nokkurn grunaði
- segir Ragnar Arnalds
RAGNAR Arnalds. formaður
þingflokks Alþýðubandalagsins,
sagði í samtali við Morgunblaðiði
„Úrslit borgarstjórnarkosning-
anna í Reykjavík eru tímamóta-
markandi viðburður í íslenzkum
stjórnmálum, sem hugsanlega á
eftir að draga verulega úr þeirri
yfirburðaaðstöðu sem Sjálfstæðis-
flokkurinn hefur lengi haft á
Reykjavíkursvæðinu. Sigur
Alþýðubandalagsins í Reykjavík
varð raunar stærri en nokkurn
grunaði, eins og bezt sést á því aö
atkvæðahlutfall flokksins varð
rúmlega 50% hærra en Alþýðu-
bandalagið hefur nokkurn tíma
áður fengið í borgarstjórnar-
kosningum í Reykjavík.
En sigur Alþýðubandalagsins
var einnig stófelldur víða annars
staðar um land og má sem dæmi
nefna að á Dalvík þrefaldaði
flokkurinn fylgi sitt, jók atkvæða-
tölu sína úr 63 atkvæðum í 202 og
bætti. við einum fulltrúa. Mjög
víða annars staðar bætti flokkúr-
inn við bæjarfulltrúum.
Alþýðubandalagið er ótvírætt
sigurvegari þessara kosninga, en
stjórnarflokkarnir hafa beðið
eftirminnilegan ósigur. Alþýðu-
flokkurinn bætti einnig talsvert
við sig, en við mat á þessum
Framhald á bls. 31
Mikið tjón er kalda-
yatnsgeymirinn í Hvera-
gerði splundraðist
IIvoraKorói 27. maí
AÐFARARNÓTT laugardags
sprakk kaldavatnsmiðlunar
geymir vatnsveitu Hveragerðis.
Geymirinn. sem rúmaði 500 tonn.
splundraðist gjörsamlega, en
hann var fyrir neðan hamrana
sem eru ofan við þorpið.
Þegar geymirinn sprakk ruddist
vatnsflaumurinn að gróðrarstöð-
inni Hlíðarhaga, sem er þarna rétt
hjá. Vatnsflaumurinn brauzt inn í
250 fermetra gróðurhús og sópaði
út svo til öllu sem í því var en þar
hafði eigandinn, Ásgeir Ólafsson,
fullt hús af chrysantemum. Þetta
er mikið tjón hjá Ásgeiri, en hann
hafði nýlega keypt Hlíðarhaga.
Það er mál manna hér, að ef
geymirinn hefði sprungið að degi
til, hefði getað orðið stórslys, þar
sem vatnið bar með sér björg sem
voru mörg hundruð kíló að þyngd,
en að degi til er fölk ávallt á
ferðinni á þessum slóðum.
Georg.
Jón G. Tómasson gegn-
ir störfum borgarstjóra
til fimmtudags
Birgir ísleifur Gunnarsson
hefur nú látið af störfum sem
borgarstjóri. en umboð hans rann
út þegar úrslit kosninganna lágu
fyrir. Samkvæmt lögum Reykja-
víkurborgar á borgarritari,
Gunnlaugur Pétursson, að gegna
embætti borgarstjóra þar til nýr
borgarstjóri hefur verið kjörinn.
cn þar sem Gunnlaugur er nú
erlendis gegnir Jón G. Tómasson
skrifstofustjóri Reykjavíkurborg-
ar cmbætti borgarstjóra þar til
að nýkjörin borgarstjórn kemur
saman n.k. fimmtudag. Þegar
borgarstjórn kemur saman mun
aldursforseti, Kristján Benedikts-
son, sitja í forsæti á fyrsta fundi.
Starfsmenn FÍ huga að sprungnu hjólbörðunum á Fokker-vélinni á
ísafjarðarflugvelli. Ljósm. Mbl.: Jóhannes Tómass.
Sprakk á
Fokker á
ísafjarðar-
flugvelli
HJÓLBARÐI sprakk á Fokker
Friendship flugvél Flugfélags-
ins í lendingu á ísafjarðarflug-
velli s.l. sunnudagskvöld.
Sprungu báðir hjólbarðar
hægra megin vélarinnar og varð
vélin að bíða á ísafirði meðan
fengnir voru flugvirkjar með vél
frá Reykjavík með varahjól.
Ekki er vitað um ástæður þess
að hjólbarðarnir sprungu, en talið
hugsanlegt að bremsur hafi læstst
og hjólin því ekki snúizt greiðlega
um leið og vélin snerti völlinn.
Tafðist vélin um þrjár klukku-
stundir en ekki hafði þetta önnur
áhrif og ekki urðu neinar aðrar
skemmdir á vélinni. Flugstjóri var
Haukur Hlíðberg.
Listahátíð:
Miðasala
gengur vel
„ÞAÐ er óhætt að segja að
miðasalan hafi gengið mjög
vel,“ sagði Guðríður Þórhalls-
dóttir forstöðumaður miðasölu
Listahátíðar þegar Morgun-
blaðið ræddi við hana í gær.
Sagði Guðríður að mjög vel
gengi að selja miða á stóru
„konsertana" og kvaðst hún
spá því að uppselt yrði á 2—3
atriði fyrir 1. júní, en annars
væru miðar seldir á 30 atriði
Listahátíðar.
Skipað í stöður
hjá Skógræktinni
Landbúnaðarráðherra hefur skip-
að Þórarin Benedikz skógarvörð í
stöðu forstöðumanns Rannsókna-
stöðvar Skógræktar ríkisins að
Mógilsá. Þá hefur ráðherrann
skipað Ágúst Ágústsson skógar-
vörð í Borgarfjarðarsýslu.