Morgunblaðið - 30.05.1978, Blaðsíða 31

MORGUNBLAÐIÐ ÞRIÐJUDAGINN 30. MAÍ 1978.
34
— Sýnum fulla einbeitni
en sanngimi í stjómar-
andstöðu í borgarstjóm
Framhald af bls. 1
horfa fyrir borgarbúa. Ég geri
mér hins vegar grein fyrir því,
að það er grundvallarstefnu-
munur í veigamiklum málum,
þó einkum á milli Sjálfstæðis-
manna og Alþýðubandalags-
manna. Við munum óhikað
gagnrýna allt, sem okkur þykir
miður fara og við munun í
stjórnarandstöðu sýna fulla
einbeitni en sanngirni.
— Hvaða áhrif telur þú, að
hin sterka staða Alþýðubanda-
lagsins í vinstri stjórn í Reykja-
vík muni hafa á þá stefnu, sem
borgarmál taka á næstu misser-
um?
— Ég óttast, að Alþýðu-
bandalagið verði sá aðili, sem
mótar stefnuna í meginatriðum.
Alþýðubandalagið hefur sýnt,
að það er grunnt á ofstæki í
flokknum og því líklegt, að þeir
muni fylgja sínum stóra sigri
fast eftir. I því efni reynir þá að
sjálfsögðu á þrek Alþýðuflokks-
ins og Framsóknarflokksins.
— Það hefur stundum verið
sagt, að félli meirihluti sjálf-
stæðismanna í Reykjavík yrði
ómögulegt að vinna hann aftur.
Hver er þín skoðun á því?
— Ég tel, að við hljótum að
stefna að því, sjálfstæðismenn,
að ná meirihluta aftur í borgar-
stjórn Reykjavíkur og tel full-
kominn möguleika á því, þótt
það sé auðvitað fullsnemmt að
spá ákveðið um slíkt.
í lok viðtalsins við Morgun-
blaðið sagði Birgir ísl. Gunnars-
son:
— Ég vil gjarnan koma á
framfæri þakklæti okkar hjón-
anna til þeirra fjölmörgu Reyk-
vtkinga, sem við á rúmlega 5 ára
borgarstjóraferli höfum átt
ánægjuleg samskipti við og
mætt vináttu hjá.
— Vinstri stjórn
í Reykjavík
Framhald af bls. 1
sitt um 7,4%, Alþýðuflokkurinn
um 7%, en Framsóknarflokkurinn
tapaði fylgi, sem nam 3,6%.
Samtök frjálslyndra og vinstri
manna töpuðu um 3% og aðrir
listar juku fylgi sitt um 0,8%. í
sambandi við SFV menn er sam-
anburður þó varla marktækur, þar
sem flokkurinn bauð fram á mjög
fáum stöðum. Töluverð sveifla
kom fram á fylgi frá stjórnar-
flokkunum til stjórnarandstöðu og
nam sú sveifla 12,4% atkvæða.
Samkvæmt tölvuspá er fylgi
flokkanna nú þannig í kaupstöðum
og kauptúnahreppum, að Alþýðu-
flokkur á þar 16,5%, Framsóknar-
flokkurinn 15,2%, Sjálfstæðis-
flokkurinn 39,9%, Alþýðubanda-
lagið 24,5% og SFV 1,1%.
— Nýr forseti
Framhald af bls. 47.
við og út á við. Kjör Navons þykir
nokkur örlagagletta á Begin, en
Navon er fyrsti forseti sem
kjörinn er í hans valdatíð og
kemur úr friðsamari röðum verka-
mannaflokksins, sem stýrði Israel
í tuttugu og níu ár.
Skoðanir Navons á friði ganga
mjög þvert á við skoðanir Begins
en hann verður hins vegar að gæta
þess að tjá sig ekki opinberlegá
um afstöðu sína vegna eðlis
forsetaembættisins. Þó hefur
aldrei reynt á þessa lagasetningu,
þar sem fyrri forsetar hafa allir
verið úr röðum þess flokks sem við
stjórnvölinn hefur verið.
Leit Begins að hlutlausum
frambjóðanda leiddi til þess að
hann gekk til stuðnings við Yitzak
Chavet, óþekktan kjarnorkufræð-
ing, sem fljótlega var dæmdur úr
leik. Þótti Begin farast óhöndug-
lega við málið og varð það enn til
að auka gagnrýni á hann.
Navon hóf sinn pólitíska feril
sem ráðgjafi Ben Gurions. Hann
var kosinn foringi á Knesset, árið
1965 af klofningsíista Ben Gurions
sem síðar sameinaðist á ný
Verkamannaflokknum. í fjögur ár
var hann formaður utanríkis-
málanefndar þingsins, svo og
öryggisnefndar, en þessar nefndir
eru mjög mikilvægar. Hann var
aðaltalsmaður Verkamanna-
flokksins í síðustu kosningum sem
þeir töpuðu.
Hann þykir maður vitur og
snjall, víðlesinn og gæddur
persónutöfrum. Hann talar reip-
rennandi ensku og arabísku og var
einn af fáum Israelum sem
ávörpuðu Sadat á arabísku í
Jerúsalemferð Egyptalandsfor-
seta í nóvember sl. Hann hefur
skrifað leikrit og sögur og hlotið
viðurkenningu fyrir. Hann er
kvæntur fyrrverandi fegurðar-
drottningu, Ophiru að nafni, og
eiga þau tvö ung börn.
Navon kom til Islands í fylgd
með Ben Gurion þegar hann kom
í opinbera heimsókn hingað fyrir
fjórtán árum.
— Ragnar
Arnalds
Framhald af bls. 2
úrslitum verður að hafa í huga að
Alþýðuflokkurinn hefur tapað
verulegu fylgi í tvennum seinustu
kosningum en hins vegar bætti
Alþýðubandalagið verulega stöðu
sína í seinustu kosningum. Þess
vegna er sigur þess nú þeim mun
athyglisverðari.
Þessar kosningar verður tví-
mælalaust að skoða sem aðdrag-
anda þeirra átaka sem fram eiga
að fara eftir 4 vikur. Það er
eftirtektarvert að Alþýðubanda-
lagið hefur alltaf fengið talsvert
miklu meira fylgi í bæjarstjórnar-
kosningum, þegar stutt hefur
verið milli kosninga til bæja og
þings, og sem dæmi má nefna að
Alþýðubandalagið jók atkvæða-
hlutfall sitt um 16% frá bæjar-
stjórnarkosningum í maímánuði
1974 til alþingiskosninga í júní
sama ár. Ég er því ekki í neinum
vafa um að Alþýðubandalagið
hefur góða möguleika til að vinna
umtalsverðan sigur í næstu
alþingiskosningum og þarf enginn
að láta sér koma það á óvart, þar
sem Alþýðubandalagið er
tvímælalaust aðalandstöðuaflið
gegn núverandi ríkisstjórn og
þjóðin hefur víst áreiðanlega
fengið sig fullsadda á verkum
hennar."
— Minning
Þórey
Framhald af bls. 45.
hugurinn oft hér heima á gamla
íslandi þar sem ættstofnar þeirra
beggja stóón. Þórey talaði og
skrifaði mál feðra sinna og mæðra
svo vel, að aðdáun vakti. Hinn
hámenntaði eiginmaður hennar,
séra Philip, sem numið hafði
íslenska tungu af föður sínum og
frændum vestra, lét sér það ekki
nægja heldur gerði ferð sína til
Herdís Guðmunds-
dóttir 80
Áttatíu ára er í dag frú Herdís
Guðmundsdóttir, sem nú býr að
Álfaskeiði 70 í Hafnarfirði.
Herdís fluttist ung til Hafnar-
fjarðar ásamt manni sínum Guð-
bjarti Ásgeirssyni, sem látinn er
fyrir nokkrum árum. Þau hjónin
eru þekktir áhugaljósmyndarar og
hlutu þau á sínum tíma ýmsa
viðurkenningu fyrir myndir sínar.
Hafa þau únnið ómetanlegt starf
á þessu sviði, þar sem ljósmyndir
þeirra eru merkar heimildir um
liðinn tíma. Sérstaklega eru ljós-
myndir þeirra frá sjó og sjávarút-
vegi mikilsverðar og sýna þær
þróun þess atvinnuvegar á fyrri
hluta aldarinnar.
Það er ekki ætlun mín að rekja
hér æviferil Herdísar, heldur
aðeins að nota tækifærið og senda
henni hamingjuóskir á þessum
tímamótum í lífi hennar. Vinahóp-
ur Herdísar er fjölmennur, enda er
hún ein af þeim manneskjum, sem
ávallt tekur öllum með velvild og
bregður hlýju yfir umhverfið, hvar
ára
sem hún fer. Slíku fólki er gott að
kynnast. Það munu því áreiðan-
lega margir minnast Herdísar í
dag með þakklæti í huga f.vrir góð
kynni.
Árni Grétar Finnsson
íslands árið 1934 og var hér einn
vetur við nám í feðratungu sinni,
enda heyrist vart betur töluð
íslenska en af munni hans.
Á efri árum komu þau hjón til
Islands þrem sinnum og heimsóttu
í öll skiptin ættarslóðir forfeðr-
anna en ferðuðust auk þess um
mikinn hluta landsins. Voru þau
frændum sínum og vinum mikiir
aufúsugestir og aðdáunarvert
hversu fljótt þau gátu sett sig inn
í og skilið allar aðstæður hér.
Þeim var mikið áhugamál að sonur
þeirra, tengdadóttir og barnabörn
fengju að kynnast íslandi og í
einni ferðinni hingað kom öll
fjölskyldan og ferðaðist saman um
landið. Er áreiðanlegt, að sú ferð
var miklir hamingjudagar fyrir
Þóreyju og þau hjón bæði.
Þegar Vestur-íslendingar
minntust 100 ára landnáms í
Kanada 1975 var ég og kona mín
— en Þórey og hún voru bræðra-
dætur — gestir þeirra hjóna.
Verður okkur sá tími ógleyman-
legur, sem við nutum samverunnar
við þau og fjölskyldu þeirra.
Þar sem svo breitt vik er milli
vina og fjörður milli frænda eins
og er milli Islands og Kanada og
auk þess ævidegi tekið að halla hjá
sumum okkar sem kvöddumst á
Winnipegflugvelli 1975 þá mátti
búast við því eins og mér þá datt
í hug, að þeir samfundir gætu
orðið hinir síðustu. Ekki tjáir að
deila við þann mikla dómara sem
örlögunum ræður og engar harma-
tölur skulu raktar, en með þakk-
læti og söknuði er hin göfuga kona
kvödd og manni hennar, sem eftir
stendur á ströndinni hérna megin
grafar, eru sendar samúðar-
kveðjur vestur yfir hinn breiða
fjörð sem löndin skilur og frá
gamla ættarlandinu yst á Ránar-
slóðum, sem nú er einum sinna
bestu vina á erlendri grund
fátækara þegar Þórey Sigurgríms-
dóttir Pétursson er horfin.
Ágúst Þorvaldsson.
— Nazista-
foringi
Framhald af bls. 46.
á hópmynd í brazilísku blaði af
fyrrverandi nazistum hvar þeir
voru að halda hátíðlegan 20.
apríl — afmælisdag Hitlers —
nú í vor.
Wiesenthal sagði að Wagner
hefði flúið frá Þýzkalandi með
hjálp nazistasamtakanna sem
kölluðu sig Odessasamtökin.
Fyrst hefði hann komist til
Ítalíu og síðar til Brazilíu.

I Benidorm B
Ferðir til Benidorm sumarið 1978
29. maí uppselt 31. júlí laus sæti 11. sept. laus sæti
5. júní örfá sæti laus 7. ágúst örfá sæti laus 18. sept. laus sæti
19. júní uppselt 14. ágúst uppselt 25. sept. laus sæti
26. júní aukaferö 21. ágúst örfá sæti laus
10. júlí uppselt 28. ágúst laus sæti
17. júlí aukaferö 4. sept. laus sæti
Vegna mjög mikillar eftirspurnar, er nauösynlegt aö panta sem fyrst.

Feróamíðstöóin hf.
Aöalstræti 9 Reykjavík. Símar: 11255—12940.