Morgunblaðið - 05.04.1979, Blaðsíða 2
2
MORGUNBLAÐLÐ, FIMMTUDAGUR 5. APRÍL 1979
Kjartan Ólafsson:
Láglaunabætur
aðeins í sex
mánuði samkvæmt
frumvarpinu
KJARTAN Ólafsson alþingis-
maður Alþýðubandalagsins
skýrði frá því í umræðum um
efnahagsmálafrumvarp for-
sætisráðherra á Alþingi í gær-
kvöldi, að hann hefði það skrif-
legt frá þjóðhagsstofnun, að
ráðgerðar láglaunabætur ættu
aðeins að gilda frá 1. júní til 1.
desember, en falla niður að
þeim 6 mánuðum liðnum.
Kjartan kvaðst hafa spurt
Þjóðhagsstofnun að því, hvort
þær láglaunabætur upp á 2%,
sem gert er ráð fyrir í frum-
varpinu, væru aðeins hugsaðar
til 6 mánaða, eða hvort þær
ættu að vera viðvarandi. I skrif-
legu svari var tekið fram, að
hækkun verðbóta 1. júní n.k.
yrði 7% á almenn laun, en 9% á
láglaun, þar sem markið á milli
eru 210 þúsund krónur. 1. des-
ember ættu svo almennu launin
að hækka um 6,5% en láglaunin
um 4,5%. Sagðist Kjartan túlka
þetta svar þannig að skoðun
Þjóðhagsstofnunar væri að lág-
launabæturnar ættu að hverfa
að sex mánuðunum liðnum.
Kjartan Ólafsson gagnrýndi
fleiri atriði verðbótakafla frum-
varpsins. Um viðskiptakjara-
vísitöluna sagði Kjartan að
hann teldi að hún skyldi miðuð
við 3 mánuði ársins 78 óg 3
mánuði 1979, en ekki allt árið
1978, eins og frumvarpið gerir
ráð fyrir, en kaupskerðinguna
samkvæmt frumvarpinu sagði
Kjartan verða 3% en hins vegar
yrði kaupskerðingin af völdum
viðskiptakjaravísitölu ekki
nema 0,3%, ef notuð yrði sú
viðmiðun, sem hann héldi fram.
Þá kvaðst Kjartan vilja verja
hálfum öðrum milljarði króna
til olíustyrkja vegna kyndingar
á heimilum, en í frumvarpinu er
ráðgert að verja einum milljarði
í þessu skyni. Framlag upp á
milijarð skerðir kaupgjaldsvísi-
töluna um 0,5% en Kjartan
kvaðst reiðubúinn til skerðingar
upp á 0,7% vegna olíustyrksins.
Ljósm. Krístján
20% aukningá
á páskaeggjum
„VIÐ framleiddum nú 235 þúsund
páskaegg, sem er 20% magnaukn-
ing frá í fyrra,“ sagði Hreinn
Garðars framkvæmdastjóri Sæl-
gætisgerðarinnar Víkings, er
Mbl. leitaði frétta af páskaeggja-
framleiðslunni í gær hjá tveimur
stærstu framleiðendunum. Hall-
grímur Björnsson framkvæmda-
stjóri Brjóstsykursgerðarinnar
Nóa hf. sagði að framleiðsla
þeirra næmi um 120.000 páska-
eggjum, sem væri um 20% aukn-
ing frá í fyrra. Þeir Hreinn og
Hallgrímur sögðu verðhækkun
páskaeggja frá framleiðendum
vera um 30% miðað við verðið í
fyrra.
Hjá Víkingi eru stærðirnar nú
sex og kosta ódýrustu eggin frá
framleiðanda 90 krónur með sölu-
skatti, en þau dýrustu 3000 krónur.
Af framleiðslu Nóa er um helm-
ingur 50 gramma og 75 gramma
páskaegg og kosta þau ódýrustu
frá framleiðanda 210 krónur með
söluskatti og þau dýrustu 2633
krónur.
Viðræðunefnd vegna lands-
fyrirtækis um raforkuöflun
í framhaldi af starfi Skipulags-
nefndar um raforkuöflun, sem
skilaði einróma áliti til iðnaðar-
ráðuneytisins í lok febrúar s.l.,
skrifaði ráðuneytið borgarstjórn
Reykjavíkur og bæjarstjórn Akur-
eyrar og leitaði eftir því að þessir
aðilar hæfu viðræður við ráðuneytið
um stofnun landsfyrirtækis um
meginraforkuvinnslu og raforku-
flutning.
Bæjarstjórn Akureyrar og borgar-
stjórn Reykjavíkur hafa nú svarað
erindi ráðuneytisins og hvor um sig
kosið nefndir til viðræðna við ráðu-
neytið um þessi efni.
I framhaldi af þessu hefur ráðu-
neytið nú skipað nefnd til þess að
eiga viðræður við framangreindar
nefndir Reykjavíkurborgar og Akur-
eyrarbæjar um hugmyndir ráðuneyt-
isins varðandi stofnun umrædds
landsfyrirtækis og vinna í samvinnu
við þær að gerð tillagna um sameign-
arsamning og nauðsynlegar laga-
breytingar í þessu sambandi eftir því
sem samkomulag kann að takast um
milli aðila.
í nefndina hafa verið skipaðir:
Tryggvi Sigurbjarnarson, rafmagns-
verkfræðingur, formaður, Helgi
Bergs, bankastjóri, Magnús E. Guð-
jónsson, framkv.stj. Sambands ísl.
sveitarfélaga, og Pálmi Jónsson
alþingismaður, stjórnarformaður
Rafmagnsv. ríkisins. Með nefndinni
munu og starfa: Páll Flygenring,
ráðuneytisstjóri iðnaðarráðuneytis-
ins og Gunnlaugur Claessen, deildar-
stjóri fjármálaráðuneytisins.
Hinn árlegi peysufatadagur Verzlunarskólanema var í gær og gengu nemendurnir þá prúðbúnir um
borgina eins og sjá má og gcrðu sér glaðan dag. Lj6sm Mb, ó, K Mag
Matthías A. Mathiesen:
Skuld ríkisins við
Seðlabanka aukin um
10,4 milljarða á árinu
— búið að ráðstafa 80% fjárveitingar
til útflutningsbóta á landbúnaðarafurðir
Það kom íram í máli
Matthíasar Á. Mathiesen
fyrrverandi fjármála-
ráðherra í umræðu um
efnahagsfrumvarp for-
sætisráðherra í neðri deild
Alþingis í gærkvöldi, að
skuld ríkissjóðs við Seðla-
bankann 31. marz sl. hefði
verið 36,7 milljarðar
króna. Skuld ríkissjóðs við
Seðlabankann á sama tíma
1978 var 24,7 milljarðar
króna. Skuldaraukningin
er því 12 milljarðar, þar af
10,4 milljarðar á þessu ári.
Innifalið í þessari skuld
eru aðeins 220 milljónir
króna vegna gengissigs.
Það er sýnt sagði Matthías,
að þeir sem gagnrýndu
skuldir ríkissjóðs við
Seðlabanka á síðastliðnu
kjörtímabili hafa nú ærið
verk að vinna.
í ræðu Matthíasar kom
einnig fram, að útgjöld
ríkissjóðs í útflutnings-
bætur vegna landbúnaðar-
Drengurinn
kom fram
LÖGREGLAN í Reykjavík aug-
lýsti í útvarpi í gærkvöldi eftir
tólf ára gömlum pilti, sem hafði
farið að heiman klukkan 10 f
gærmorgun en í gærkvöldi var
ekkert vitað um ferðir hans.
Drengurinn kom svo heim
skömmu eftir að lýst var eftir
honum og kvaðst hann hafa eytt
deginum í að skoða Reykjavík,
bæði fótgangandi og einnig hafði
hann ferðast með strætisvögnum.
Matthías Á. Mathiesen.
afurða hafi numið fyrstu
þrjá mánuði ársins 4,4
milljörðum króna en á fjár-
lögum ársins er 5,4
milljarðar ætlaðir til út-
flutningsuppbóta á árinu
öllu. Þetta þýðir, að þegar
er búið að ráðstafa 80%
fjárlagafjárveitingarinnar.
1. apríl á liðnu ári var búið
að ráðstafa 55% fjár-
veitingarinnar á fjárlögum
til útflutningsuppbóta.
Matthías sagði að fram
væri komin á Alþingi til-
laga um heimild til fram-
leiðsluráðs landbúnaðarins
til lántöku að fjárhæð milli
3 og 4 milljarðar króna og
sagði að með þessari tillögu
væri því skörin farin að
færast upp í bekkinn.
Slapp með beinbrot
eftir 10—20 metra fall
— Ég var á leið heim í kaffi þegar ég heyrði einn af
leikfélögum sonar míns kalla til mín frá bökkunum
þarna rétt vestan við þorpið og sagði hann mér, að
Ásgrímur sonur minn lægi handleggsbrotinn í fjörunni,
sagði Hörður Júlíusson í Olafsvík, en sonur hans féll
fram af bökkunum vestan Ólafsvíkur niður í grýtta f jöru
og hlaut ekki önnur meiðsli en haldleggsbrot.
— Ég trúði ekki almenni-
lega því sem strákarnir
hrópuðu þarna frá bakkan-
um, en hljóp til og sá þá að
drengurinn lá í fjörunni og
flýtti ég mér niður. Mjög
bratt er þarna ofan við
bakkann og voru strákarnir
3, allir sex ára gamlir; á leið í
fjörurnar þegar Ásgrími
skrikaði eitthvað fótur en í
brekkunni er svell og harð-
fenni. Brekkan sjálf er 10—20
m löng og þar við bætist
fallið niður þverhnípið
nokkra metra í viðbót og
lenti hann í grýttri fjörunni.
Það er vel sloppið að hljóta
þó ekki nema tvö beinbrot á
handlegg, þau eru að vísu
opin, en mildi var að hann
kom ekki niður á höfuðið.