Morgunblaðið - 24.04.1979, Blaðsíða 17
MORGUNBLAÐIÐ, ÞRIÐJUDAGUR 24. APRÍL 1979
17
Ringulreiðin í launamálunum
er afleiðing svikinna loforða
Á myndinni eru talið frá vinstri:
Hersir Oddsson, fyrsti varafor-
seti BSRB. Guðmundur II. Garð-
arsson, formaður Verzlunar-
mannafólags Reykjavíkur, Gunn-
ar Helgason. fráfarandi formað-
ur Verkalýðsráðs. Bjarni Jakobs-
son, formaður Iðju og Ólafur
Þorbjörnsson í stjórn Iðju.
Rætt við Sigurð Óskarsson, nýkjörinn
formann Verkalýðsráðs Sjálfstæðisflokksins
DAGANA 21. og 22. apríl hélt Verkalýðsráð Sjálfstæðis-
flokksins aðalfund sinn, sem haldinn er á tveggja ára
fresti. Sigurður Óskarsson, framkvæmdastjóri Verka-
lýðsfélagsins Rangæings, var kjörinn formaður, en
varaformenn Sverrir Garðarsson, formaður Félags
íslenzkra hljómlistarmanna. og Guðmundur II. Garðars-
son formaður Verzlunarmannafélags Reykjavíkur en auk
þess 34 menn í stjórn. Gunnar Helgason, sem verið hefur
formaður Verkalýðsráðs frá upphafi gaf ekki kost á sér
til endurkjörs.
í viðtali við Morgun-
blaðið í gær sagði Sigurður
Óskarsson m.a.: —
Aðalfundurinn var mjög
vel sóttur, en þar voru um
80 manns, fulltrúar laun-
þega víðs vegar að af
landinu. Umræður ein-
kenndust af þeirri ringlu-
reið í launamálum, sem nú
á sér stað, sém er afleiðing
þeirra sviknu loforða, sem
ríkisstjórnin og stuðnings-
flokkar hennar eru að
framkvæma. Að vísu með
dyggum stuðningi ýmissa
verkalýðssambanda, sem
standa ekki við fyrirheitin
um, að samningarnir séu
haldnir.
— Kjaramálin voru að
sjálfsögðu aðalmál fundar-
ins. Um þau var gerð ýtar-
leg ályktun, þar sem lögð
var áherzla á samningana í
gildi og svik ríkisstjórnar-
innar í því sambandi, m.a.
varðandi lækkun skatta og
innihaldsleysi þeirra
félagslegu pakka, sem
reynt er að veifa framan í
launþega þessar vikurnar.
Það kom afskaplega sterkt
fram á fundinum, að stefna
núverandi valdhafa virðist
vera sú að láta aukinn
launamismun viðgangast
eða jafnvel stuðla að
honum.
— Atvinnumálin voru
annað stærsta mál
fundarins. I umræðúm og
ályktun var lögð sérstök
áherzla á þá óheillaþróun,
sem nú á sér stað í atvinnu-
lífinu og hlýtur að valda
gífurlegu atvinnuleysi, t.d.
í byggingariðnaðinum. Það
kom einnig fram, að at-
vinnuhorfur ungmenna og
námsfólks hafa trúlega
aldrei verið svo afleitar
sem nú, eins og Þórir
Gunnarsson, formaður
Sveinafélags pípulagninga-
manna, gerði grein fyrir í
ágætu erindi um þessi mál.
— Guðmundur H.
Garðarsson hafði framsögu
um lífeyris- og trygginga-
mál og lagði m.a. áherzlu á
það augljósa réttlætismál,
að allir njóti sama réttar
til elli- og örorkulífeyris á
grundvelli ævitekna að
loknu ævistarfi.
— Pétur Sigurðsson
fjallaði um hlutfalls-
kosningar í launþegasam-
tökunum, sem er gamalt
baráttu- og réttlætismál
lýðræðissinna innan verka-
lýðshreyfingarinnar.
— Loks voru sam-
þykktar róttækar
breytingar á uppbyggingu
verkalýðsráðs í samræmi
við breytta tíma.
— Ég vil að síðustu færa
Gunnari Helgasyni sér-
stakar þakkir fyrir frábært
starf, sem hann hefur
unnið í þágu verkafólks og
launþega á undangengnum
árum.
Morgunblaðið mun birta
ályktanir Verkalýðsráðs
Sjálfstæðisflokksins síðar.
Pétur Sigurðsson, ritari Sjómannaféiags Reykjavíkur, í ræðustól og honum tii hægri handar er
Kristján Ottósson, formaður Félags blikksmiða, sem var fundarstjóri ásamt Guðmundi Hallvarðssyni,
formanni Sjómannafélags Reykjavíkur. Lengst til vinstri er Benedikt Kristjánsson, í stjórn
Verzlunarmannafélags Reykjavíkur sem var fundarritari ásamt Pétri Ilannessyni formanni
Málfundafélagsins óðins.
Fremst á myndinni er Ágúst Geirsson, formaður Félags íslenzkra sfmamanna, og fyrir aftan hann frá
vinstri: Sigurður óskarsson, nýkjörinn formaður Verkalýðsráðs. Sverrir Garðarsson. formaður Félags
íslenzkra hljómlistarmanna og Kristján Haraldsson, formaður Landssambands múrara.
Frá vinstri: Jón H. Þorvaldsson, formaður Málfundafélagsins
Baldurs í Kópavogi, Marfa Magnúsdóttir, Friðbjörg Arnþórsdóttir
og Kristján Þ. Ólafsson, öll frá Málfundafélaginu Baldri.