Morgunblaðið - 24.04.1979, Blaðsíða 40

(iLÝSINíiASÍMINN ER:
22480
|Wor0xin5)I«bi&

ALGLÝSINGASÍMINN ER:
22480
Jílor0unbl«&ií>
ÞRIÐJUDAGUR 24. APRÍL 1979
Almennur fundur opinberra starfsmanna á Suðurnesjum:
Hvetur menn til að
fella samkomulag ríkis-
stjómarinnar og BSRB
„ALMENNUR fundur opinberra starfsmanna á Suöurnesjum, haldinn
í Kagnfræðaskólanum í Keflavik, 21. april 1979, mótmælir eindregið
nýgerðu samkomulagi stjórnar og samninganefndar BSRB við
fjármálaráðherra um kjaraskerðingu og breyttan samningsrétt.
Fundurinn hvetur alla opinbera starfsmenn til þess að greiða atkvæði
gegn samningnum í væntanlegri atkvæðagreiðsiu.u
Þannig hljóðaði ályktun fundar,
sem Haukur Helgason skólastjóri
og Kristján Thorlacíus, formaður
BSRB, sóttu í Keflavík á laugar-
dag og samþykkt var með 14
atkvæðum gegn 10. Vilhjálmur
Grímsson, bæjartæknifræðingur í
Keflavík og fyrrum formaður
Starfsmannafélags Keflavíkur-
kaupstaðar, kvað fundinn ekki
hafa átt að vera kynningu á
samkomulaginu, heldur hefðu
stjórnarmenn BSRB ætlað að hafa
uppi einhliða áróður fyrir því að
menn styddu samkomulagið í
atkvæðágreiðslunni í byrjun maí.
Vilhjálmur kvað mörgum fund-
armönnum hafa mislíkað þessi
framkoma og hefðu heldur kosið
að bandalagið héldi hlutlausan
upplýsingafund, þannig að menn
gætu sjálfir mótað sér skoðanir
með eða á móti.
Vilhjálmur kvað nokkra menn á
Suðurnesjum hafa fengið Pétur
Pétursson þul til þess að viðra
sjónarmið Andófs ’79 og hefði
Pétur fengið góðan hljómgrunn á
fundinum sem atkvæðagreiðslan
um framkomna ályktun bæri
gleggst vitni um.
Fundurinn í Keflavík var einn
margra, sem BSRB og aðildarfélög
þess hafa boðað um land allt á
næstu vikum vegna allsherjar-
atkvæðagreiðslunnar, sem haldin
verður 3. og 4. maí næstkomandi.
Norðlensk og sunnlensk fegurð. — Þessa mynd tók ljósmyndari Morgunblaðsins í
miðbæ Reykjavíkur í gær, þar sem yngismeyjar frá Akureyri og Reykjavík báru saman
bækur sínar í sumarsólinni. L*ó8m-RAX
Ríkisstjórnin fjallar um olíuverðsvandann:
Farmannadeilan:
Sáttasemjari
óskar
frestunar
verkfalls
FARMENN hafa setið um helg-
ina á löngum samningafundum
og á samningafundi í gær kom
síðdegis fram beiðni frá sátta-
semjara ríkisins um að yfirmenn
á kaupskipaflotanum frestuðu
verkfalli þvf, sem koma á til
framkvæmda á miðnætti næst-
komandi. Mun ætlunin að taka
frestunarbeiðni sáttasemjara
fyrir í félögum yfirmanna nú
árdegis í dag, en samninganefnd
Farmanna- og fiskimannasam-
bandsins gaf engin formleg svör
við frestunarbeiðninni í gær.
Samkvæmt upplýsingum, sem
Morgunblaðið aflaði sér í gær
hafði lítið sem ekkert þokazt í
samkomulagsátt og voru viðræð-
ur í algjörri kyrrstöðu. Forystu-
menn sjómanna töldu heldur
ólíklegt að frestun næðist fram
miðað við þann gang, sem verið
hefði á samningaviðræðum og
bjuggust því við d-æmum viðtök-
um við beiðni sátlasemjara. Eins
og áður sagði, verður fjallað um
beiðni sáttasemjara í félögunum
árdegis í dag og er búizt við að
samninganefnd sjóamnna geti
gefið formlegt svar við málaleit-
aninni síðdegis i dag.
Hagnaður ríkissjóðs mun
minni en ætlað nafði verið
NEFND þriggja ráðherra, sem
fjallað hefur um þau vandamál, er
fylgja í kjölfar olíuverðs- og
bensínhækkunar mun á rfkis-
stjórnarfundi árdegis í dag skila
tillögum sfnum um lausn vandans.
Tillögurnar voru f gær ekki full-
mótaðar og ætluðu ráðherrarnir
þrír að hittast fyrir ríkisstjórnar-
fundinn og ganga endanlega frá
þeim. Þeir hafa fengið útreikn-
inga frá Þjóðhagsstofnun um
áætlaðar auknar tekjur rfkissjóðs
vegna hækkunarinnar og er hún
minni en talið var í fyrstu eða rétt
um einn milljarður króna.
Ráðherranefndin er skipuð ráð-
herrunum Tómasi Arnasyni,
Kjartani Jóhannssyni og Svavari
Gestssyni. Tómas Árnason, sem
sagði í samtali við Morgunblaðið í
gær, að hann gæti ekki skýrt frá
niðurstöðum tillagna ráðherra-
nefndarinnar kvað vandann, sem
hækkununum fylgdi, vera tví-
þættan, annars vegar vanda þeirra,
sem kyntu með olíu og væri
óhjákvæmilegt að hækka til þeirra
olíustyrki og hins vegar vanda
sjávarútvegsins, sem ekki þyldi
hækkað verð brennsluolíu.
Samkvæmt upplýsingum, sem
Morgunblaðið fékk í gær, þá hækka
ýmsir kostnaðarliðir ríkisins vegna
olíuverðhækkunar. Má þar nefna
sem dæmi rekstur Landhelgis-
gæzlunnar, Ríkisskips, Rafmagns-
veitna ríkisins o.fl. Dregur þetta úr
virkni hækkaðra gjalda til ríkisins
af olíuinnflutningi, þannig að eftir
stendur um einn milljarður króna.
Þá er og talið að olíuverðshækkun
dragi verulega úr innflutningi.
Almennt hefur það verið skoðun
innan ríkisstjórnarinnar, að nauð-
synlegt væri að kanna það af hvaða
tekjum ríkissjóður geti misst, þar
sem ekki sé rétt að hann hagnist á
hækkuninni. Menn óttast að minni
kaupmáttur leiði til minni tekna
ríkissjóðs. Það sem kann að verða
til ráðstöfunar verður þannig notað
til þess að lækka hitunarkostnað
þeirra, sem olíu nota og síðan er
olíuvandamál flotans. Er þar von
manna, að samningar náist við
sjómannasamtökin um að hækkun
fiskverðs geti orðið án þess að laun
sjómanna hækki. Er þar bent á að
sjómannasamtökin hafi áður sam-
þykkt slíkt. Síðan er það skoðun
manna, að grípa verði til ráðstaf-
ana til að mæta vandamálum fisk-
vinnslunnar. Því hljóti þessar ráð-
stafanir að leiða til verulegs
gengissigs. Hefur um það verið
rætt að láta fulla bensínverðhækk-
un koma fram og líterinn hækka í
kr. 258- og það fjármagn sem
þannig fæst notað til þess að lækka
olíukostnaðinn.
Ríkisstjórnin mun í dag leggja
línurnar í þessu máli og senda
síðan tillögur sínar fyrir verð-
lagsnefndarfund, sem haldinn
verður á miðvikudag. Síðan verður
niðurstaða verðlagsnefndar að fara
á ný fyrir ríkisstjórnina til sam-
þykktar formsins vegna. Sá vandi,
sem við er að glíma og áður hefur
verið skýrt frá í Morgunblaðinu, er
einn milljarður króna í aukinn
olíustyrk til íbúðareigenda og um 6
milljarða króna vandi, sem útveg-
urinn stendur frammi fyrir. Má af
þessu sjá, að sá milljarður sem
tekjur ríkissjóðs aukast um, hrekk-
ur skammt til þess að greiða
vandann niður.
Sjá „Gengisla'kkunin þarf
að vera meiri eh 6% — bls.
23.
Sjómaður fórst um
bord 1 Dagnýju
- skipsfélaga hans bjargað úr sjónum
BANASLYS varð um borð í skut-
togaranum Dagnýju frá Siglufirði
síðastliðið sunnudagskvöld. Einn
skipverjanna klemmdist á milli
togvírs og lunningar á skutrennu.
Qskar Vigfússon um olíuhækkunina og hlut sjómanna:
„Verdum á vardbergi
gagnvart stjórninni”
„ÞAÐ hefur ekki ennþá komið
nein ósk um að sjómenn gefi eftir
sinn hluta vegna olíu-
hækkunarinnar en við teljum
okkur þurfa að vera á varðbergi
gagnvart ríkisstjórninni í þessu
máli vegna fyrri reynslu,“ sagði
Óskar Vigfússon formaður
Sjómannasambands íslands f
samtali við Mbl. í gærkvöldi, en
eins og fram hefur komið eru
hlutaskiptareglur þannig að olíu-
hækkunin mun færa sjómönnum
talsverðan tekjuauka nema þeir
fallist á það að gefa eftir sinn
hlut, eins og þeir gerðu
olíuhækkunina í febrúar.
við
„Við olíuhækkunina í febrúar
viðurkenndum við sjómenn vissar
staðreyndir og lögðum okkar af
mörkum til þess að útgerðinni yrði
bætt það tjón sem hækkunin olli
henni.
Útflutningsgjöld lækkuðu
með okkar samþykki en í
sambandi við siglingar á erlenda
markaði rak ríkisstjórnin
fingurna lengra en efni stóðu til í
hlutaskiptakjörin þannig að sú
prósenta sem fer af óskiptum afla
til útgerðarinnar var hækkuð frá
því sem áður var. Þar með var
tekið með lagaboði af okkar hlut
og brotnir á okkur samningar og
þetta fékkst ekki leiðrétt af
stjórnarliðinu á Alþingi þrátt
fyrir að fluttar væru um það
breytingatillögur. Þetta var gert
þrátt fyrir loforð ríksisstjórnar-
innar að svo yrði ekki. Því segi ég:
Þessi staða er að koma upp aftur
og við munum þess vegna verða á
varðbergi gagnvart ríkisvaldinu,"
sagði Óskar Vigfússon.
Maðurinn var losaður með því að
logskera togvírinn sundur, en
hann féll þá í sjóinn ásamt öðrum
skipvcrja sem reynt hafði að að-
stoða. Björgunarhringjum var
hent til mannanna og gúmbátur
settur út. Aðstoðarmaðurinn náð-
ist fljótlega um borð á ný og varð
ekki meint af. Sá sem varð fyrir
slysinu um borð hvarf fljótlega
sjónum skipverja á Dagnýju og
fannst ekki þrátt fyrir mikla leit
margra skipa alla nóttina.
Það var skömmu eftir klukkan
22 er Dagný var að toga á Glett-
inganesflaki að skipið hætti að
toga með eðlilegum hraða. Um
klukkan 23.30 voru skipverjar bún-
ir að ná eigin trolli inn og kom þá í
Ijós að leifar af gömlu trolli höfðu
flækst í troll Dagnýjar. Það hékk í
gálganum, en gamla trollið neðan í
því, er trollið rann skyndilega til á
togvírnum. Maðurinn, sem fylgdist
með því sem var að gerast í
skutrennunni, stóð við lunningu
skutrennunnar. Honum tókst ekki
að forða sér og lenti undir vírnum,
milli hans og lunningarinnar. Er
talið að hann hafi látist samstund-
is.
Til sð losa manninn undan farg-
inu þurfti að skera vírinn í sundur.
Tveir skipsfélaga mannsins studdu
við hann og var annar þeirra í
skutrennunni. Þegar vírinn fór í
sundur skipti það engum togum að
fargið fór af stað og mennirnir
tveir, sem voru í skutrennunni,
með því í sjóinn. Báðir voru þeir
lausir í sjónum og var bjarg-
hringjum strax kastað til þeirra og
náðist aðstoðarmaðurinn um borð
um fimm mínútum síðar í gegnum
skutrennuna, ómeiddur, en orðinn
nokkuð kaldur.
Gúmbátur leitaði svæðið í meira
en hálftíma, en maðurinn fannst
ekki og hvarf hann skipverjum á
Dagnýju fljótlega eftir að hann
kom í sjóinn. Margir togarar voru
á þessum slóðum og leituðu þeir
svæðið og slæddu fram undir
klukkan 9 í gærmorgun. Alls munu
10—12 skip hafa tekið þátt í
leitinni, þeirra á meðal varðskÍDÍð
Óðinn, en án árangurs.
Maðurinn, sem lést var á fer-
tugsaldri, frá Bakkafirði. Hann
hafði verið skipverji á Dagnýju
síðan í október. Sjópróf vegna
slyssins fóru fram á Neskaupstað í
gær.