Morgunblaðið - 27.09.1979, Blaðsíða 2

2
MORGUNBLAÐIÐ, FIMMTUDAGUR 27. SEPTEMBER 1979
FerKarvel
í profkjor
A-listans á
Vestfjörðum
KARVEL Pálmason gerði
nokkrum stuðningsmönnum
sínum í Hnífsdal grein fyrir
fyrirætlunum sínum í fram-
boðsmálum á fundi um
síðustu helgi. Var þetta fólk,
sem stóð að óháðu framboði
hans við síðustu alþingis-
kosningar. Samkvæmt heim-
ildum, sem Morgunblaðið
hefur af fundinum, mun
Karvel hafa lýst því á fund-
inum, að hann hygðist fara
fram í prófkjöri Alþýðu-
flokksins til undirbúnings
næstu alþingiskosningum,
þegar þar að kæmi og mun
hafa verið gerður góður róm-
ur að þessari fyrirætlan
hans.
Morgunblaðið ræddi í gær við
Karvel og spurði hann um sann-
leiksgildi þessa. Karvel kvaðst
ekkert vilja tjá sig um fyrirætlan-
ir sínar í fjölmiðlum. Hann myndi
fyrst skýra stuðningsmönnum
sínum frá þeim og myndi hann
ekki segja neitt opinberlega, fyrr
en hann hefði svo gert. Áætlaður
hefur verið sérstakur fundur á
Patreksfirði og víðar á næstunni
vegna þessa máls.
«?.
m
KANADÍSKT herskip kom í gærmorgun til Reykjavíkur vegna vélarbilunar og er gert ráð fyrir að það verði
hér í 10 til 14 daga meðan viðgerð fer fram. Til að viðgerðin geti farið fram þarf að fá sérstök verkfæri
flugleiðis frá Kanada. Herskipið var að æfingum ásamt fleiri herskipum frá löndum Atlantshafsbandalagsins
skammt frá landinu, er vart varð við vélarbilunina. Skipið liggur við Faxagarð og þar tók Ól.K. Magn. þessa
mynd af því.
Bréf LlÚ fyrst lagt fyrir
útgerðarráð BÚR í gær
U mf er ðarsly s
á Akureyri
Akureyri, 26. september.
UMFERÐARSLYS varð klukkan
átta í morgun á mótum Byggða-
vegar og Þingvallastrætis. Sextán
ára piltur á vélhjóli ók austur
Þingvallastræti, sem er aðalbraut,
en varð þá fyrir bil, sem ók suður
Byggðaveg. Við höggið kastaðist
pilturinn suðaustur yfir gatnamót-
in og lenti þar á öðrum bil, sem
var þar kyrrstæður. Pilturinn
meiddist nokkuð á höndum og
fótum en þó ekki alvarlega að þvi
er talið er.
- Sv.P.
ÚTGERÐARRÁÐSMENN Bæjarútgerðar Reykjavíkur höfðu ekki séð umburðarbréf
Landssambands íslenzkra útvegsmanna, fyrr en þeir lásu frásögn af því í
Morgunblaðinu í gær. BÚR er þó félagi í LÍÚ, en bréfið hafði borizt formanni
útgerðarráðs Björgvin Guðmundssyni og dreifði hann því á fundi ráðsins í gær.
Jafnframt var þar dreift bréfi Fiskveiðasjóðs, þar sem togarasmíðin hjá Stálvík var
samþykkt. Björgvin sagði í samtali við Morgunblaðið í gær, að hann hefði þá borið
upp smíðasamninginn og hefði hann verið samþykktur með 7 samhljóða atkvæðum.
Björgvin Guðmundsson kvað
langt um liðið frá því er gengið
hefði verið frá smíðasamningum
um báða togarana. Gengið var frá
Portúgalstogaranum í febrúar og
Stálvíkurtogaranum í apríl og var
Stálvíkurtogarinn samþykktur
samhljóða í borgarstjórn. Hins
vegar kvað hann ágreining hafa
verið um togarann frá Portúgal,
en menn hefðu viljað styðja inn-
lenda skipasmíði. Portúgalstogar-
inn er keyptur á föstu verði í
dollurum og verður lán síðan
yfirtekið af Fiskveiðasjóði. Við
undirritun samnings í febrúar
kostaði hann 1.600 milljónir og
mun nú vegna gengissigs vera
kominn upp í um 1.900 milljónir
króna.
Björgvin Guðmundsson sagði í
samtali við Morgunblaðið í gær að
tvennt ólíkt væri með því að
einkaaðili keypti skip eða Reykja-
víkurborg, því að hún mun leggja
fram ákveðinn hluta af stofn-
kostnaði skipsins. Því kvað hann
dæmi LÍÚ ekki gilda, þar sem gert
væri ráð fyrir að svo og svo mikið
af lánum lægi í vanskilum. Hins
vegar kvað hann dæmið rétt, ef
taka ætti peningana út úr rekstri
Fjárskortur Byggingasjóds:
Húsbyggjendur eru
verr staddir en áður
Engan þarf að undra það eftir meðferðina
á sjóðnum, segir Gunnar Thoroddsen
MORGUNBLAÐIÐ sneri sér í
gær til Gunnars Thoroddsens
fyrrverandi félagsmálaráðherra
út af fjárhagserfiðleikum Bygg-
ingarsjóðs og spurði hann álits á
því máli. Fer svar hans hér á
eftir.
— Byggingarsjóður, sem er
aðalútlánasjóður til húsbyggj-
enda, á nú við mjög alvarlegan
fjárskort að stríða. í rauninni
þarf engan að undra það eftir
meðferð ríkisstjórnarinnar og
stjórnarflokkanna á Byggingar-
sjóðnum á síðasta þingi. Sjóður-
inn er m.a. fjármagnaður með
lánum frá lífeyrissjóðum lands-
manna, skyldusparnaði og tekj-
um af launaskatti. Þegar fjárlög-
in fyrir 1979 voru afgreidd fyrir
jól í fyrra, var ákveðið að svipta
Byggingarsjóð 6 til 7 hundruð
milljónum króna af þeim tekjum,
sem hann hefur haft mörg und-
anfarin ár. En ekki var látið við
það sitja. Þegar stjórnin lagði
fram frumvarp til laga um láns-
fjáráætlun var þar gerð önnur
árás á sjóðinn. Þar var ákveðið að
taka af fjármagni hans í ár 2000
milljónir króna og afhenda
Framkvæmdasjóði.
— Við sjálfstæðismenn mót-
mælum harðlega þessum aðgerð-
um og bentum á, að þær myndu
valda miklum erfiðleikum fyrir
sjóðinn og gífurlegum óþægind-
um fyrir húsbyggjendur, þegar
liði á árið. Nú er þetta komið á
daginn. Samkvæmt upplýsingum
félagsmálaráðherra vantar sjóð-
inn nú nær tvo milljarða króna til
þess að unnt sé að standa við
fjárhagsáætlun hans. Þessi fjár-
skortur hefur þegar bitnað á
ýmsum aðilum, sem áttu að fá
framkvæmdalán til bygginga, svo
sem elliheimilum. Hann hefur
valdið miklum erfiðleikum fyrir
þá, sem kaupa notaðar íbúðir og
verða að bíða mánuðum saman
eftir lánum. Allt er í óvissu um
það hvenær húsbyggjendur, sem
gera fokhelt í september, fá sín
frumlán greidd. — Það er því
augljóst, að veiting og afgreiðsla
húsnæðislána nú horfir mjög illa
og eru húsbyggjendur því verr á
vegi staddir en undanfarin ár.
— Tillaga félagsmálaráðherra
á ráðherrafundi á þriðjudag um
að reyna að lagfæra þessi mistök
stjórnarherranna fékk ekki af-
greiðslu, — verður að bíða heim-
komu fjármálaráðherrans, — og
það skal ósagt látið, hvort Fram-
kvæmdastofnunin er tilkippileg
að skila aftur þeim 2 milljörðum
króna af fé Byggingarsjóðs, sem
henni voru færðar á silfurdiski á
vordögum.
fyrirtækisins og tekjur togarans
ættu að standa undir öllum gjöld-
um, afborgunum og vöxtum.
Björgvin kvaðst telja þessi kjör
Fiskveiðasjóðs mjög óhagkvæm og
hann kvað Reykjavíkurborg
myndu beita sér fyrir því að þeim
yrði breytt. Yrði það ekki gert,
hlyti það að vera stefna stjórn-
valda að stöðva útgerð í landinu
og uppbyggingu fiskiskipaflotans.
Hann kvað útilokað fyrir menn að
endurnýja skip sín, nema þeir
hefðu einhvern bakhjarl. Um það
hvers vegna umburðarbréf LÍÚ
hefði ekki verið lagt fyrir útgerð-
arráð BÚR kvaðst Björgvin ekki
muna, hvort slíkt hefði verið gert,
en hann hefði fengið bréfið og
afhent það forstjóra BÚR. Þá kvað
hann efni bréfsins áður hafa
komið fram í blöðum.
Ragnar Júlíusson einn fulltrúi
Sjálfstæðisflokksins í útgerðar-
ráði kvaðst ekki hafa heyrt um
umburðarbréfið, fyrr en hann las
Mbl. í gær. í janúar hefði minni-
hlutinn samþykkt kaup á tveimur
skuttogurum. í gær lét Ragnar
bóka eftirfarandi á útgerðarráðs-
fundi:
„Á fundi útgerðarráðs 26. janú-
ar síðastliðinn gerðu fulltrúar
Sjálfstæðisflokksins svofellda
bókun við tillögu formanns um
togarakaup:
„Fulltrúar Sjálfstæðisflokksins
í útgerðarráði Reykjavíkurborgar
munu greiða atkvæði með fram-
kominni tillögu með því ófrá-
vikjanlega skilyrði, að jafnframt
undirskrift um kaup á skipi frá
Portúgal, verði gengið til samn-
inga um kaup á skipi frá Stálvík
h.f. og þeim samningum verði
hraðað sem unnt er, enda verði
fjárhagsleg fyrirgreiðsla vegna
Stálvíkurskipsins í samræmi við
yfirlýsingu formanns hér á fund-
inum. Verði frávik frá þessu ber
að endurskoða tillöguna í heild.“
Á þessum fundi lýsti formaður
útgerðarráðs því yfir að fyrir-
greiðsla vegna Stálvíkurskipsins
yrði sízt verri en Portúgalsskips-
ins. Því spyrjum við nú og óskum
skriflegrar greinargerðar:
1) Hver eru lánakjör, greiðslu-
byrði og áætlað heildarverð á: a)
nýsmíði frá Portúgal, b) nýsmíði
frá Stálvík h.f.
2. Hvers vegna hefur um-
burðarbréf LÍÚ frá 18. júlí síðast-
liðnum um nýjar lánareglur Fisk-
veiðasjóðs ekki verið kynntar út-
gerðarráði?"
Ragnar kvaðst hafa lýst furðu
sinni á því að útgerðarráði hefðu
ekki verið kynntar reglurnar, ekki
sízt þar sem fundur hefði verið
haldinn 8. ágúst. Ragnar kvaðst
ennfremur ekki hafa séð ástæðu
til þess að falla frá ákvörðun um
kaup Stálvíkurtogarans. Ragnar
kvað lánakjör Fiskveiðasjóðs og
almennt hljóta að leiða til þess að
endurnýjun yrði engin í þeirri
atvinnugrein, sem skilar okkur
þeim gjaldeyri, sem við höfum til
ráðstöfunar.
Þá kvaðst Ragnar hafa fengið
bréf LÍÚ frá skrifstofu þess í gær,
en síðan hefði Björgvin Guð-
mundsson séð sitt óvænna og látið
dreifa því á útgerðarráðsfundi í
gær, eftir að fyrirspurn minni-
hlutans hafði komið fram.
íslendingar og Norðmenn:
Stærð loðnustofns-
ins mæld á ný
NORSKIR og íslenskir fiskifræð-
ingar eru nú að hefja á ný mæling-
ar á stærð loðnustofnsins í hafiuu
norður af íslandi. Er þarna um að
ræða framhald á þeim mælingum,
sem fiskifræðingar þjóðanna
framkvæmdu um mánaðamótin
júli-ágúst. Niðurstaða þeirra mæl-
inga var að ekki var talin ástæða
til að gera breytingar á fyrri
tillögum fiskifræðinga um loðnu-
veiðarnar en jafnframt var sam-
þykkt að endurtaka þessar mæl-
ingar í haust.
Leiðangursstjóri fyrir hönd ís-
lands er Hjálmar Vilhjálmsson
fiskifræðingur og hélt hann í gær
frá ísafirði á rannsóknaskipinu
Bjarna Sæmundssyni og munu þeir
hitta norska rannsóknaskipið G.O.
Sars norður undir Jan Mayen, þar
sem mælingarnar hefjast. Er gert
ráð fyrir að skipin haldi leitinni
áfram í vesturátt svo lengi sem
loðna finnst, en talið er að skipin
hætti mælingum út af Vestfjörðum
eða á Grænlandssundi. Mælingun-
um á að vera lokið 8. október n.k. og
þá verður sameiginlegur fundur í
Reykjavík um niðurstöðurnar.