Morgunblaðið - 27.09.1979, Blaðsíða 21

MORGUNBLAÐIÐ, FIMMTUDAGUR 27. SEPTEMBER 1979
21
,,Ég hef ekki
brugðist á
örlagastundu’ ’
New York, 26. september. AP — Reuter.
JIMMY CARTER, forseti Bandaríkjanna. gagnrýndi Edward Kennedy, helsta
keppinaut sinn um framboð demókrata til forsetakosninganna, í Queens í New York
í gærkvöldi. Það var í fyrsta sinn sem Carter gagnrýnir Kennedy beinum orðum. „Ég
er fylgjandi almannatryggingum, þær höfum við ekki. Kennedy hefur setið á þingi í
16 ár og almannatryggingar hafa verið eitt helsta áhugamál hans. Honum hefur ekki
einu sinni tekist að koma þessu hjartans máli sínu úr undirnefnd,“ sagði Carter.
Þessi yfirlýsing þykir benda
ótvírætt til að Carter líti á
Edward Kennedy sem helsta
keppinaut sinn um framboð
demókrata til forsetaembættis-
ins. Hann hefur einnig sagt að
hann hyggist ekki leggja árar í
bát, þótt vinsældir hans meðal
þjóðarinnar hafi verið litlar.
Þrátt fyrir að Jody Powell,
blaðafulltrúi forsetans, hafi sagt
að Chappaquiddickslysið yrði
ekki dregið inn í kosningabarátt-
una, þá dró Carter slysið fram í
annað sinn á fimm dögum, þó
óbeint hafi verið. „Ég hef ekki
brugðist á örlagastundu,“ sagði
Carter í Queens. Það fór ekki á
milli mála að Carter var þar að
vitna til slyssins í Chappaquid-
dická fyrir tíu árum.
„Ég tel að slysið við Chappa-
quiddick verði ekki dregið inn í
kosningabaráttuna," sagði
Kennedy þegar hann var spurður
álits á ummælum Carter. „Stóru
mál kosninganna verða efna-
hagsmálin, hin mikla verðbólga í
landinu, atvinnuleysi og orku-
málin," bætti hann við. Þegar
fréttamenn knúðu á um frekari
svör varðandi ummæli Carters
sagði hann: „Fólk getur dregið
þær ályktanir, sem það kýs.“
Larry Pressler, öldungadeild-
arþingmaður repúblikana fyrir
Suður-Dakota, lýsti því yfir í
Washington í dag, að hann myndi
sækjast eftir útnefningu repú-
blikana til forsetaframboðs.
Hann sagðist gera sér grein fyrir
að möguleikar hans væru ekki
miklir. Hann er sjöundi repúblik-
aninn, sem lýsir yfir framboði
sínu. Hinir eru John Anderson og
Philip Crane, fulltrúadeildar-
menn frá Illinois, George Bush,
fyrrum yfirmaður CIA, John
Connally, fyrrum ríkisstjóri í
Texas, Robert Dole, öldunga-
deildarþingmaður frá Kansas og
Benjamin Fernandez, kaupsýslu-
maður frá Los Angeles.
Einn af forstjórum FIAT, Guiglieno, liggur í blóði sínu á götu í Tórínó.
Skotinn í hnén
Ögnaröldinni linnir ekki á Ítalíu
I’adua. 26. aeptember. AP, Reuter
PRÓFESSOR við háskólann í
Padua, Angelo Ventura, var í
dag skotinn í hnén af tilræðis-
manni, sem komst undan. Hann
er fjórði prófessorinn, sem ráð-
ist hefur verið á það sem af er
árinu. Árásin á Ventura kemur
i kjölfar blóðugra átaka á Ítalíu
undanfarna daga. Á föstudag
var einn af forstjórum FIAT,
Carlo Chiglieno, skotinn til
bana i Tórinó af skæruliðahópi,
sem kallar sig
„Baráttufylkinguna“.
Á mánudag kom til blóðugra
átaka í Róm. Lögreglan náði þá
einum helsta leiðtoga Rauðu
herdeildarinnar, Prospero Gall-
inari. Hann særðist lífshættu-
lega er hann varð fyrir byssukúl-
um lögreglunnar. Litið er á töku
Gallinaris sem verulegt áfall
fyrir Rauðu herdeildina. í skot-
bardaganum í Róm særðist lög-
reglumaður.
Dómari var skotinn til bana í
gær ásamt lífverði sínum á
Sikiley. Þá kom einnig til skot-
bardaga í gær í Mílanó. Þar beið
Fransesco Guzzardi bana en
lögreglan telur að morð hans
standi í sambandi við innbyrðis
erjur í Mafíunni. Guzzardi var
einn helsti samstarfsmaður
Mafíuleiðtogans Luciano Liggio.
Vinstrisinnar í mótmælagöngu í San Salvador.
Fjórir biðu bana í
skothríð hermanna
San Salvador, 26. september. AP.
VINSTRISINNAÐIR skæruliðar
réðust á þjóðarhöllina í San
Salvador i dag. Þeir skutu að
höllinni úr vélbyssum og beittu
ikveikjusprengjum. Hermenn
svöruðu skothríðinni með þvi að
skjóta að fólki, sem var að sinna
erindum i miðborginni. Mikil
skelfing greip um sig og þegar
skothrið hermanna stjórnarinn-
ar linnti lágu fjórir i valnum og
12 höfðu særst. Að sögn sjónar-
votta kom skothriðin ekki úr
mannþrönginni og virðist ein-
hver skelfing hafa gripið um sig
meðal hermannanna.
Skothríðin í miðborg San Salva-
dor átti sér stað daginn áður en
vinstrisinnar hugðust fara í mót-
mælagöngu til vinnumálaráðu-
neytisins en um 300 vinstrisinnar
hafa haldið því frá því í siðustu
viku. Tilraunir lögreglu til að
flæma fólkið á braut með táragasi
hafa ekki borið árangur. Varnar-
málaráðherra landsins sagði að
hermenn hefðu horfið frá ráðu-
neytinu og stjórnin hefur beðið
Rauða krossin að miðla málum.
Eitt elsta dagblað
Kanada gjaldþrota
Montreal, 25. september. Reuter.
„THE MONTREAL Star“
hætti að koma á göturnar í
dag í Montreal vegna mik-
ilia fjárhagsörðugleika.
Stjórn blaðsins sagði ástæð-
urnar tvíþættar, annars veg-
ar 8 mánaða verkfall, sem
lauk í byrjun árs, og hins
vegar, að ekki væri markað-
ur fyrir tvö enskumælandi
blöð í frönskumælandi Que-
bec. „Staðreyndin er, að ekki
er lengur markaður fyrir
tvö blöð í Montreal. íbúar
Montreals hafa valið „The
Gazette“ sagði formaður
stjórnar blaðsins þegar til-
kynnt var um stöðvun út-
gáfu „The Star“.
Blaðið var daglega gefið
út í 160 þúsund eintaka og
helgarútgáfan var prentuð í
220 þúsund eintaka. En verk-
föll og minnkandi útbreiðsla
ollu miklu rekstrartapi, að-
eins þremur árum eftir að
blaðið hafði verið rekið með
methagnaði, 5.7 milljónum
kanadískra dollara. „The
Star“ hafði verið gefið út í
111 ár. Blaðið tapaði 7 mill-
jónum dollara í verkfallinu
og eftir að blaðið kom út á
nýjan leik í febrúar hefur
tapið numið 10 milljónum
dollara, eða á fjórða milljarð
íslenskra króna.
Þetta gerðist 2 7. septem ber
1970 — Hussein konungur, Arafat
og leiðtogar 10 Arabaríkja hittast í
Kaíró og undirrita samning um
frið í Jórdaníu.
1969 — Stjórnin í Prag segir af
sér og hreinsanir hefjast.
1%8 — Frakkar koma í veg fyrir
inngöngu Breta í EBE.
1%4 — Birt skýrsla Warren—
nefndarinnar um að Lee Harvey
Oswald hafi verið einn að verki
þegar hann myrti Kennedy.
1%2 — Herbylting í Jemen.
1953 — Japanir stofna varnarlið.
1940 — Misheppnuð árás Breta og
Frjálsra Frakka á Dakar.
1939 — Varsjá gefst upp.
1938 — Brezki sjóherinn kvaddur
út=Þjóðabandalagið fordæmir Jap-
ani fyrir árás á Kína=„Queen Eliza-
beth“ hleypt af stokkunum.
1923 — Herlög í Þýzkalandi.
1922 — Konstantín Grikkjakon-
ungur leggur niður völd.
1914 — Rússar sækja yfir Karp-
atafjöll og gera innrás í Ungverja-
land=Duala, Kamerún, gefst upp
fyrir Bretum og Frökkum.
1854 — Gufuskipið „Arctic" sekkur
með 300 manns í fyrsta stórslysi
farþegaskips á Atlantshafi.
1829 — Fjallið Ararat klifið í
fyrsta sinn.
1825 — George Stephenson ekur
fyrstu farþegalestinni á Englandi.
1818 — Ráðstefnan í Aachen um
stríðsskaðabætur Frakka hefst.
1779 — John Adams falið að semja
frið við Breta.
1601 — Lið 3.000 Spánverja ræðst í
land við Kindale, írlandi.
1540 — Páll páfi staðfestir stofnun
Jesúíta-reglunnar.
Afmæli. Loðvík XIII Frakkakon-
ungur (1601—1643)=Samuel Ad-
ams, bandarískur stjórnmálaleið-
togi (1722-1803).
Andlát. Adelina Patti, söngkona,
1919.
Innlent. Þórður Andrésson höggv-
inn í Þrándarholti að undirlagi
Gizurar jarls (skiptum Haukdæla
og Oddaverja lýkur) 1264=Alþingi
kvatt saman til fundar 1. júlí
næsta ár 1843=f. Þorsteinn Erlings-
son 1858=Jónas Guðlaugsson 1887=-
Bríet Bjarnhéðinsdóttir 1856=Línu-
veiðarinn „Jarlinn" talinn af 1941=-
Minnisvarði Þorsteins Erlingsson-
ar í Hlíðarendakoti afhjúpaður
1958=íslendingar hóta að slíta
stjórnmálasambandi við Breta
1973=f. Sigtr. pr. Guðlaugsson 1862.
Orð dagsins. Siðferðileg vandlæt-
ing er afbrýðisemi með geislabaug
— H. G. Wejls, enskur rithöfundur
(1866-1946).