Morgunblaðið - 01.11.1979, Blaðsíða 10

10
MORGUNBLAÐIÐ, FIMMTUDAGUR 1. NÓVEMBER 1979
Málverkið ísjakar eftir Frederic Edwin Church, sem seldist á uppboöi í New York fyrir um einn milljarð
íslenskra króna.
Málverk á milljarð
New York. Reuter.
MÁLVERK eftir Banda-
ríkjamanninn Frederic
Edwin Church, sem var
málað 1859 og var um
árabil talið glatað, var selt
á uppboði í New York
nýlega fyrir metfé, 2,5
milljónir dollara, eða sem
svarar milljarði ísl. króna.
Málverkið heitir „Isjak-
ar“. Þetta er hæsta verð
sem nokkru sinni hefur ver-
ið greitt fyrir málverk eftir
Bandaríkjamann og þriðja
hæsta uppboðsverð sem
hefur nokkru sinni verið
borgað. Ekki hefur verið
gefið upp nafn kaupandans.
Byrjað var að bjóða hálfa
milljón og hálfri annarri
mínútu síðar var boðið
komið í 2,5 milljónir doll-
ara.
Bjallan sendir frá
sér fjórar bækur
í HAUST sendir bókaútgáfan
BJALLAN frá sér eftirtaldar
bækur:
ORÐASKYGGNIR sem er
myndaorðabók, ætluð börnum á
grunnskólaaldri. í bókinni eru um
2000 uppsláttarorð með myndum,
setningum og beygingardæmum
til skýringar. Félagar úr Foreldra-
og styrktarfélagi heyrnadaufra
barna unnu að söfnun orðanna og
Árni Böðvarsson ritstýrir verkinu.
Vilhjálmur Vilhjálmsson teiknari
myndskreytir bókina.
LANGSUM OG ÞVERSUM sem
eru krossgátur og myndagátur
eftir Vilborgu Dagbjartsdóttur
rithöfund og kennara. Sigurbjörn
Helgason hefur myndskreytt bók-
ina. Gáturnar eru ætlaðar til
móðurmálskennslu í grunnskól-
um. í LANGSUM OG ÞVERSUM
eru 25 gátur á lausum blöðum og
verður verkið einungis selt skólum
fyrst um sinn.
SPÁNN eftir Carmen Irizarry.
Sonja Diego þýðir bókina. Þetta er
þriðja bókin í bókarflokknum
„LANDABÆKUR BJÖLLUNN-
AR“. Áður eru útkomnar Stóra
Bretland og Sovétríkin. Bóka-
flokki þessum hefur verið mjög vel
tekið í skólum. Efni bókarinnar
SPÁNN er fjölbreytt svo sem
kaflaheiti gefa til kynna: „Hverjir
eru Spánverjar", „Ferðast um
Spán“, „Snætt á spænska vísu“,
„Saga og listir", „Nautaat", „Borg-
arastyrjöldin og Franco" o.s.frv.
Bókin er prýdd fjölda litmynda,
korta, teikninga og línurita. Ekki
er vafi á að þessi bók kemur
mörgum Spánarfaranum til góða.
Prentstofa G. Benediktssonar sér
um setningu, umbrot og filmu-
vinnu. Bókin er prentuð í Eng-
landi.
BÖRN JARÐAR eftir Palle Pet-
ersen. Þýðendur eru kristín
Unnsteinsdóttir og Fríða S. Har-
aldsdóttir. Bókin lýsir í myndum
og texta aðstöðu og lífskjörum
barna víða um heim. Aftast í
bókinni eru leiðbeiningar til for-
eldra, kennara og fóstra um
hvernig fjalla má um efni bókar-
innar. Barnahjálp Sameinuðu
þjóðanna (UNICEF) hefur gefið
bókina út í ýmsum löndum.
(Fréttatilkynning).
Vetrarstarf Húnvetningafélagsins
Húnvetningafélagið í
Reykjavík mun á morgun, föstu-
daginn 2. nóvember, hefja vetrar-
starfsemi sina með dansleik í
Domus Medica. Örvar Kristjáns-
son harmonikuleikari mun þar
skemmta frá kl. 22.30 til 23.00.
Sitthvað fleira mun verða til
skemmtunar og hljómsveitin
Hrókar leikur fyrir dansi.
Helgi teflir
í Kópavogi
Helgi Ólafsson, alþjóðlegur
skákmeistari, mun tefla
fjöltefli á vegum Taflfélags
Kópavogs n.k. laugardag
klukkan 14.00.
Fjölteflið er öllum opið
og verður þátttökugjald
eitt þúsund krónur. Vænt-
anlegir þátttakendur mæti
að Hamraborg 1 og skulu
þeir hafa með sér töfl.
„Oft er þörf en nú er nauðsyn
„EINKUNNARORÐ okkar nú í upphafi fjáröflunarhelgar okkar þ.e.
2.-4. nóvember n.k., eru: „Oft er þörf en nú er nauðsyn“, sagði Ingvar
F. Valdimarsson formaður Flugbjörgunarsveitarinnar í Reykjavik i
samtali við Morgunbiaðið, en sveitin verður með sína árlegu
skutlusölu um helgina, en það er eina fjáröflunarleið hennar.
„Ástæðan fyrir því, að þessi
einkunnarorð eru valin, er sú, að við
fórum út í það í sumar að endur-
nýja björgunarbílaflota sveitarinn-
ar að hluta, við seldum tvo Ford
pickup-bíla sem við byggðum yfir
að hluta á sínum tíma og keyptum
tvo Ford Econoline-sendiferðabíla
sem breytt verður í björgunarbíla,
þ.e. sett verður undir þá framdrif
og innréttingin verður þannig úr
garði gerð að bæði verður hægt að
flytja björgunarmennina sjálfa á
slysstað og svo að flytja sjúklinga á
sjúkrahús. Þessi endurnýjun kostar
auðvitað mun meira en við fengum
fyrir gömlu bílana þannig að það
vantar ennþá nokkrar milljónir
króna upp á til að endar nái
saman," sagði Ingvar ennfremur.
Aðspurður um hvaða fyrirbæri
þessi skutla væri, sagði Ingvar, að
þetta væru ósamsettar pappírs-
skutlur sem hefðu ágæta flugeigin-
leika ef þær væru rétt saman
settar. Þetta væru því góð leikföng
fyrir börn á öllum aldri, enda hefði
verið tekin ákvörðun um það á
sínum tíma að raunhæfara væri að
selja eitthvað sem not væri fyrir,
heldur en merki eins og áður var.
Þið þurfið nú meiri peninga en
rétt fyrir bílunum, er ekki svo?
„Auðvitað þurfum við mun meira
fé en rétt til að fjármagna þessa
bíla, en það er bara það vandamál
sem við stöndum frammi fyrir í
dag. Það kostar óhemjufé aö reka
svona björgunarsveitir, bara hvað
varðar daglegan rekstur við æf-
ingar og leitir. Þá þurfum við að
eiga fleira en bíla. Það stendur til
dæmis fyrir dyrum að endurnýja
talstöðvar sveitarinnar innan tíðar.
Þær langdrægu stöðvar sem við
notum í dag verða hreinlega úreltar
eftir tvö ár vegna þess að Landsími
íslands er að skipta um kerfi. Þær
stöðvar sem við verðum að kaupa
innan fárra ára eru svokallaðar
Ingvar F. Valdimarsson formaður FlugbjörgunarsveÍtarinnar i
Reykjavik við annan tveggja nýrra bíla sveitarinnar, sem væntanlega
verður kominn i gagnið að fullu innan tiðar. Lj&n. mw. Krbtián.
Gamli og nýi. Sá til vinstri er sömu tegundar og þeir tveir bilar sem sveitin seldi fyrir skömmu og t.h. er svo arftakinn, en sveitin á nú fimm bíla,
þar af einn sem er færanleg stjórnstöð, auk snjóbils. Ljísm. mw. Kristján.