Morgunblaðið - 01.11.1979, Blaðsíða 48

Sími á afgreiðslu:
33033
}K«r0iinbtnbi%
á ritstjórn og skrifsbfu>
10100
JM*r0nnbI«bib
FIMMTUDAGUR l.NÓVEMBER 1979
Flugleiðaátta leigð í
14 mán. til Air Alsír?
Flugleiðir í alsírsku áætlunarflugi
milli Afríku og Evrópu
ÖNNUR DC—8 þota Flugleiða er
um þessar mundir í leiguflugi
fyrir Air Alsír á áætlunarleiðum
félagsins í Norður-Afríku og til
Parísar en í næstu viku hefst
síðari hluti pilagrímaflugs Flug-
leiða fyrir Air Alsír milli Jedda
og Oran. Fjórar islenzkar áhafn-
ir eru nú í Oran til þess að sinna
farþegafluginu á TF-FLB vél-
inni, en samkvæmt upplýsingum
Sveins Sæmundssonar er útlit
fyrir að áttan verði leigð til Air
Alsír næstu 14 mánuði með
islenzkum áhöfnum til flugs á
áætlunarleiðum alsirska félags-
ins.
Kjördæmisráð:
Einn listi
sjálfstæð-
ismanna
KJÖRDÆMISRÁÐ Sjálfstæðis-
flokksins i Norðurlandskjör-
dæmi eystra kom saman til
fundar i gærkvöldi til þess að
ræða það sem fram hafði komið i
fjölmiðlum varðandi annan lista
sjálfstæðismanna en þann sem
kjördæmisráð samþykkti. Að
sögn Svanhildar Björgvinsdótt-
ur formanns kjördæmisráðsins
barst fundinum bréf frá Jóni G.
Sólnes þar sem hann kvaðst hafa
ráðstafað tíma sinum þannig um
kvöldið, að hann gæti ekki mætt
á fund kjördæmisráðsins til þess
að kynna framboðsmál sin, en i
bréfi Jóns óskaði hann eftir þvi
að kjördæmisráð gerði ekki
athugasemd við það að listi hans
yrði borinn fram í nafni Sjálf-
stæðisflokksins. Benti Jón á það
i bréfinu, að listann skipuðu
einungis flokksbundnir sjálf-
stæðismenn.
Kjördæmisráðið samþykkti í
fundarlok yfirlýsingu með 44
atkv. gegn 2 þar sem bent var á,
að framboðslisti Sjálfstæðis-
flokksins hefði verið samþykktur
28. okt. s.l. í samræmi við skipul-
agsreglur flokksins. Þá segir:
„Að gefnu tilefni tekur kjör-
dæmisráð Sjálfstæðisflokksins í
Norðurlandskjördæmi eystra
fram að óheimilt er að aðrir
framboðslistar í kjördæminu
verði merktir Sjálfstæðisflokkn-
um eða bornir fram í nafni hans,
þar sem ofangreindur listi er
einn ákveðinn samkvæmt skipu-
lagsreglum Sjálfstæðisflokksins."
Stjórn Kjördæmisráðsins var
falið að tilkynna yfirkjörstjórn
þessa ákvörðun.
í dag fer önnur Boeing-þota
Flugleiða til Guatemala í leiguflug
fyrir þarlenda flugfélagið Avia
Teca og fara þrjár íslenzkar flug-
stjórnaráhafnir með vélinni sem
verður a.m.k. þrjá mánuði í leigu.
Jón Stefánsson hjá Flugleiðum er
nú í Guatemala til þess að kenna
þarlendum flugfreyjum vinnu-
brögð í íslenzku vélinni. Á s.l ári
var Arnarflug í verkefnum fyrir
Avia Teca.
Guðmundar- og Geirfinnsmáiin:
Lyfjagjafir til
gæzluvarðhalds-
fanga rannsakaðar
RANNSÓKNARLÖGREGLA ríkisins hefur að kröfu ríkissaksóknara
hafið rannsókn á lyfjagjöfum til gæzluvarðhaldsfanga i Guðmundar-
og Geirfinnsmálunum. Er þetta gert að ósk verjenda þeirra, sem vilja
freista þess að fá fram hvort lyfjagjafir kunni að hafa haft áhrif á
framburð og hegðun gæzluvarðhaldsfanganna á meðan rannsókn
málanna fór fram.
Hallvarður Einvarðsson rann-
sóknarlögreglustjóri tjáði Mbl. í
gær, að með bréfi dagsettu 5.
október hefði ríkissaksóknari
beiðst þess að fram færi rannsókn
á lyfjagjöfum til Kristjáns Viðars
Viðarssonar og Guðjóns Skarp-
héðinssonar þann tíma sem þeir
sátu í gazluvarðhaldi og til 19.
desember 1977, þegar dómar voru
kveðnir yfir þeim. Með bréfi dag-
settu 11. október óskaði ríkissak-
sóknari að einnig færi fram rann-
sókn á lyfjagjöfum til annarra
gæzluvarðhaldsfanga í málum
þessum, þ.e. til Sævars Marinós
Ciesielskis, Erlu Bolladóttur, Al-
berts Klahn Skaftasonar og
Tryggva Rúnars Leifssonar.
RLR leitaði til fangelsislæknis-
ins Guðsteins Þengilssonar en
hann færðist undan að leggja
fram umbeðnar upplýsingar nema
um það gengi dómsúrskurður. Var
þá óskað úrskurðar en áður en
hann var kveðinn upp sættist
læknirinn á að leggja fram upp-
lýsingar um lyfjagjafir til fyrr-
greindra manna ef þeir væru því
samþykkir sjálfir, að því er Hall-
varður Einvarðsson tjáði Mbl. í
gær.
íslendingar töpuðu í gærkvöldi fyrir Ungverjum í
HM-keppni unglinga í handknattleik, 17—14.
íslenska liðið leikur því um 7. til 8. sætið í keppninni
og mætir liði Austur-Þjóðverja í kvöld. Á myndinni er
Sigurður Gunnarsson að reyna markskot í leiknum
við Ungverja í gærkvöldi. Sjá nánar á íþróttasíðu.
Símamynd frá ljósmyndara MBL. í Danmörku
Kristjáni Einarssyni.
Fimmtíu þúsund lestum
bætt við aflahámarkið
LIÚ vill fá að veiða 100 þúsund
lestir til viðbótar í haust
FISKIFRÆÐINGAR hafa
breytt fyrri tillögum
sínum um 600 þúsund
lesta hámarksafla á loðnu-
vertíðinni í haust og næsta
vetur þannig að þeir
leggja nú til, að hámarks-
aflinn verði ekki yfir 650
þúsund lestir. Þessar til-
lögur eru byggðar á niður-
stöðum íslensk-norsks leið-
angurs sem farin var um
Fékk á sig brotsjó
í Hornafjarðarós
Höfn,Hornafiröi 31. okt.
AÐEINS fjórir síldveiðibátar
komust á sjó í gærkvöldi vegna
óveðurs, en einn báturinn, Sæunn
Sæmundsdóttir, fékk á sig
brotsjó á útleið í ósnum með þeim
afleiðingum, að fjögur net fóru
útbyrðis. Tókst að ná þeim strax
inn aftur og varna þvi að þau
færu í skrúfu skipsins. Hélt
Sæunn síðan áfram á miðin þar
sem engar skemmdir urðu á
bátnum.
Báðar söltunarstöðvarnar á
Höfn, Stemma og Söltunarstöð
Fiskimjölsverksmiðjunnar, fóru í
gær yfir 20 þús. tunna markið í
söltun. Alls bárust FH 4000—5000
tunnur í gær og Stemma fékk 1300
tunnur. Einar
mánaðamótin september-
október. Á grundvelli leið-
angurs Hjálmars Vil-
hjálmssonar á rannsókn-
arskipinu Bjarna Sæm-
undssyni, sem lauk síðast-
liðinn sunnudag, telja
fiskifræðingar hins vegar
að vænta megi einhverra
breytinga á leyfilegum há-
marksafla þegar hrygn-
ingarganga loðnunnar
verður mæld eftir áramót-
in. — Þróunin virðist vera
í rétta átt, sagði Hjálmar
Vilhjálmsson í gær.
Kjartan Jóhannsson gefur í dag
út reglugerð um stöðvun loðnu-
veiðanna einhvern næstu daga
með eðlilegum fyrirvara." Ætla
má, að þar verði reiknað með að
150—200 þúsund tonn verði geymd
þar til kemur fram á hrognatím-
ann síðari hluta næsta vetrar. Ef
mælingar á loðnunni í janúarmán-
uði gefa til kynna að veiða megi
meira af loðnu en nú er ætlað,
verður leyft að veiða það magn í
janúar.
Stjórn LÍÚ samþykkti á fundi
sínum í gær að leggja til, að leyft
yrði að veiða 100 þúsund tonn til
viðbótar í haust og vísar stjórn
LÍÚ til niðurstöðu síðasta loðnu-
leiðangurs, sem lauk um síðustu
helgi. Stjórn LÍÚ mótmælir því,
að miðað verði við niðurstöður úr
norsk-íslenzka leiðangrinum og
segir, að niðurstöður þessara
tveggja leiðangra séu mjög mis-
munandi. Þannig gefi íslenzki
leiðangurinn tilefni til að ætla, að
óhætt sé að veiða allt að 200
þúsund lesta meiri afla, en fyrri
íeiðangurinn, sem farinn var með
Norðmönnum.
Sjá nánar bls. 25: Viðtöl við
Kjartan Jóhannsson, Hjálmar
Vilhjálmsson, Kristján Ragn-
arsson og ályktun stjórnar
LÍÚ.
Verdlagsnefnd:
Fjórar hækkunar-
beiðnir samþykktar
á síðasta fundinum
SÍÐASTI fundur verðlagsnefnd-
ar var haldinn í gær og voru þar
samþykktar fjórar hækkunar-
beiðnir.
Skipafélögunum var heimilað að
hækka farmgjöld um 9% og vöru-
geymslugjald um 12%. Þá var
heimilað að hækka aðgöngumiða
vínveitingahúsa úr 600 í 700 krón-
ur eða um 16,7%, heimilað var að
hækka húsaleigu um rúmlega 7%
til samræmis við hækkun vísitölu
húsnæðiskostnaðar og loks var
heimiluð 12% hækkun á saltfiski.
Ný verðlagslöggjöf tók gildi á
miðnætti s.l. og var Verðlags-
skrifstofan þá lögð niður og Verð-
lagsstofnun tók við hennar hlut-
verki. Jafnframt lagðist verðlags-
nefnd niður en verðlagsráð mun
taka við hlutverki hennar.