Morgunblaðið - 23.02.1980, Blaðsíða 13
13
MORGUNBLAÐIÐ, LAUGARDAGUR 23. FEBRÚAR 1980
Flúðum er lítið fell og skemmti-
legt, aðeins 253 m á hæð. Það er
Miðfell.
Þangað hélt mestallur hópurinn
í gönguferð. Og veðrið, maður
lifandi, það var eins og á besta
sumardegi, bjart til allra átta.
Beint í austur frá Miðfelli er
Galtafell, litlu hærra eða 284 m.
Yfir það teygði sig bleikur morg-
unroði. A bænum Galtafelli, sem
stendur undir fellinu, er Einar
Jónsson myndhöggvari fæddur og
uppalinn. Sagt er, að kenna megi
drætti landslags æskustöðvanna í
verkum hans.
Leið okkar lá framhjá bænum
Hellisholti og upp í kvos í Miðfelli.
Síðan var farið til vinstri, og var á
brattan að sækja, þar til tindinum
var náð. Ekki lengi gert það, sem
lítið er, aðeins 150 m frá jafn-
sléttu. Frá Miðfelli var samt
ótrúlega víðsýnt. Það sást yfir allt
Suðurland, frá Eyjafjöllum í
austri að Ingólfsfjalli í vestri. í
norðri sáust Laugardalsfjöllin og
Langjökull, ásamt Jarlhettum og
Bláfelli. „Hvaða mikla fjall er
þetta, sem gnæfir yfir Lyngdals-
heiðina þarna í vestrinu?" spyr
einhver. En Jón fararstjóri, sem
er í óðaönn að rekja fyrir okkur
fjallanöfnin, svarar að bragði:
„Þetta fjall heitir nú Esja.“ „Nú
við sjáum þá næstum því til
Reykjavíkur," segir sá er spurði.
Milli Miðfells og Galtafells ligg-
ur þjóðvegurinn upp að Flúðum.
Þeir, sem ekki vilja fara lengra,
geta haldið beint heim eftir hon-
um. Hópurinn skiptist nokkurn
veginn til helminga, sumir halda
áfram yfir á Galtafell en hinir
halda heim. Þeir síðarnefndu taka
að undirbúa það, sem til sténdur
um kvöldið, nefnilega heilt þorra-
blót.
Það er af okkur, sem gengum
áfram yfir á Galtafell, að frétta,
að það var einnig auðunnið, aðeins
284 m á hæð. Við útsýnið frá
Miðfelli bættist okkur útsýni yfir
Stóru-Laxá, sem rennur fyrir
austan Galtafellið. Sáum við upp
undir hin stórfenglegu Laxár-
gljúfur, sem alltof fáir hafa séð.
Bærinn Sólheimar lá þarna norð-
austur af fellinu. Nokkru ofar og
handan árinnar, er svo bærinn
Laxárdalur. Við reyndum að koma
auga á bæinn Kaldbak, sem liggur
langtum norðar og um 2 km
vestan við Stóru-Laxá. Töldu sum-
ir sig koma auga á hann en aðrir
ekki. Fyrir innan Kaldbak og
alveg við ána er eyðibýlið Hruna-
krókur á fögrum stað, og sem vel
er þess virði að skoða ásamt
Laxárgljúfri. Af Galtafelli horfum
við enn yfir þessa búsældarlegu
sveit, Hrunamannahrepp. Við
göngum norður með brúnum þess
og tökum stefnuna á Flúðir. Síðla
dags erum við komin til baka og
látum þreytuna líða úr okkur í
heitu vatninu. Undirbúningur
þorrablótsins er í fullum gangi og
leggur hver sitt á borð af þorra-
mat, sem hann hefur tekið með sér
að heiman. Er brátt komið hlaðið
borð af öllum mögulegum þorra-
mat, meira að segja súrsaðir
selshreifar, sem margir brögðuðu
í fyrsta sinn þetta kvöld.
Snemma kvölds hófst svo þorra-
blótið og var matnum gerð góð
skil. Að því loknu hóf Hallgrímur
eina af sínum snilldarfrásögnum.
Einnig voru fluttar vísur ortar í
ferðinni. Síðan hófst söngur mikill
og stóð lengi kvölds. Skemmtu sér
allir hið besta. Lauk þar með
þessum ágæta degi.
Bíllinn, sem hafði farið aftur í
bæinn á föstudagskvöldið, var
ekki væntanlegur fyrr en undir
hádegið á sunnudeginum. Gátu
menn hagað morgninum að vild
sinni, auk þess að pakka saman og
ganga frá. Var ýmist farið í
smágöngutúr, sund eða einfald-
lega sofið.
Upp úr hádegi voru Flúðir
kvaddar og haldið rakleiðis að
Vörðufelli á Skeiðum. Þar með var
komið að þriðju fjallgöngunni í
þessari ferð. Vörðufell er um 100
m hærra en Galtafell og miklu
víðáttumeira. Uppi á því er vatn,
sem heitir Úlfsvatn. Þess má geta,
að stöðuvatn er einnig á Miðfelli.
Gangan hófst hjá eyðibýli, sem
heitir Framnes, og stendur sunn-
anundir fellinu. Var farinn stór
hringur uppi á fjallinu og sást vítt
yfir. Gaman var að sjá hvar þær
mættust Brúará og Hvítá, og
mynda Skálholtstungu á milli sín.
I norðvestri glóðu Botnssúlur al-
hvítar, og voru ýmist í ljósi eða
skugga. Ingólfsfjallið hafði snævi-
þakta bungu, svo það líktist jökli
tilsýndar.
Gönguferð okkar lauk niðri við
bæinn Fjall, sem er litlu norðvest-
an við Framnes. Þar með var lokið
allri útivist í fyrstu helgarferð
ferðafélagsins Útivistar 1980. Að-
eins var eftir að aka í bæinn. Læt
ég okkar góða ferðafélaga,
Hallgrím Jónasson, enda þessa
frásögn með vísu, sem hann orti
til hópsins á heimleið:
Vel er allt um ykkar gerð,
eins og best til hagar.
Þakka ég (yrir þessa ferð,
það voru góðir dagar.
Kristján M. Baldursson
Henni er
mikill vandi
á höndum
þá hún tek-
ur við rikj-
um í apríllok
lögfræði í þrjú ár og enn náði hún
prófum.
Þá hóf hún að undirbúa sig fyrir
framtíðarstarf sitt sem drottning.
Hún hafði alltaf verið dyggur
aðdáandi hinnar aðsópsmiklu
ömmu sinnar, Vilhelmínu drottn-
ingar og hún átti til að segja við
vini sína, að henni fyndist kon-
unglegur þjóðhöfðingi ekki aðeins
eiga að stjórna heldur og að sjást
stjórna.
Hún er ekki á sama máli og
móðir hennar, sem lítur á hlutverk
drottningarinnar sem „móður
þjóðarinnar", enda þótt það sé
einmitt sú ímynd, er hefur haldið
konungdæminu lifandi.
Þjálfun Beatrix fyrir framtíðar-
starfið fólst m.a. í því að vinna
dulbúin með Hjálpræðishernum í
skuggahverfum Amsterdam.
Hún varð fyrir holskeflu reyk-
sprengja og morðhótana, þegar
hún ákvað að giftast Claus prinsi,
en hann hafði verið meðlimur
Hitler-æskunnar á æskuárum
sínum í Austur-Afríku. Ákvörðun
hennar að láta brúðkaupið fara
fram í Amsterdam, þar sem and-
úðar á Þjóðverjum gætti mest, var
talin óviturleg meðal allra ráð-
gjafa hennar, en hún krafðist þess
að fá að ráða.
En næsta ár, þegar Beatrix ól
son, fyrsta skilgetna soninn í
konungsfjölskyldunni í fjóra ætt-
liði, var Claus í miklum metum.
Núna eru vinsældir hans meiri en
konu hans, eftir því sem skoðana-
kannanir segja.
Beatrix prinsessa hefur ekki til
að bera þá hlýju, er gerir móður
hennar vinsæla. Hún er sögð
þrjósk, fljót að hlaupa upp á nef
sér og gefin fyrir valdsótta. í eigin
brúðkaupi strunsaði hún út úr
herberginu, þegar hún var beðin að
vera á sínum stað á mynd með
gestunum. Meðan á Lockheed-
málinu stóð, sagðist hún mundu
neita að erfa krúnuna, ef faðir
hennar yrði sóttur til saka. Mál-
sóknin var látin niður falla.
Hollendingar hafa umborið Júlí-
önu drottningu af því að þeim
þykir vænt um hana. Hinsvegar
hneigjast þeir í vaxandi mæli til að
aðhyllast lýðveldi og nýja drottn-
ingin verður því að sanna ágæti
sitt.
Hamrahlíðarkórinn.
Merkur tónlistarviðburð-
ur í Garðinum um helgina
Garði, 21. febrúar.
Á SUNNUDAGINN kemur
mun kór Menntaskólans í
Hamrahlíð syngja á tónleik-
um i Samkomuhúsinu. Tón-
leikarnir eru haldnir á veg-
um Tónlistarfélags Gerða-
hrepps og hefjast kl. 15.
Efnisskrá kórsins verður
mjög fjölbreytt, en stjórnandi
kórsins er Þorgerður Ingólfs-
dóttir.
Tónlistarfélagið var stofnað
26. febrúar í fyrra og er því
eitt ár liðið frá stofnuninni um
þessar mundir. Þá rekur félag-
ið Tónlistarskóla Gerðahrepps
sem er í nánum tengslum við
Tónlistarskóla Keflavíkur og
stendur nú yfir fyrsta starfsár
skólans. Formaður Tónlistar-
félags Gerðahrepps er Edda
Karlsdóttir.
Arnór.