Morgunblaðið - 23.02.1980, Blaðsíða 35

MORGUNBLAÐIÐ, LAUGARDAGUR 23. FEBRÚAR 1980
35
• •
011 varahluta- og
viðgerðarþjónusta
Heklu á einn stað
EFTIR sameiningu Heklu h.f. og
P. Stefánssonar hf. hefur vara-
hlutaverzlun og viðgerðarverk-
stæði fyrir Leyland- og Mitsu-
bishi-bifreiðar verið til húsa að
Hverfisgötu 103, en til stóð að
sameina alla varahiutaverzlun
fyrirtækisins undir einn hatt, svo
og viðgerðarverkstæðið.
Þessi sameining stendur nú
fyrir dyrum. Á mánudagsmorgun
verður varahlutaverzlunin og við-
gerðarverkstæðið að Laugavegi
170 opnað fyrir alla viðskiptavini
Heklu h.f. Finnbogi Eyjólfsson
verzlunarstjóri hjá Heklu sagði í
samtali við Mbl. að verzlunin yrði
ekki stækkuð heldur hefði verið
beitt ýmiss konar hagræðingarað-
gerðum til þess að koma lagernum
haganlega fyrir.
Ennfremur sagði Finnbogi að-
spurður að mjög litlar manna-
breytingar yrðu við þessa samein-
ingu.
8,5 milljarða króna
hagnaður hjá Skandin-
avian Bank i London
REKSTUR Skandinavian Bank í
London, sem i fyrra hélt upp á tíu
ára afmæli sitt, gekk mjög vel á
siðasta ári. Hagnaður fyrir
skatta nam 9,3 milljónum punda,
eða um það bil 8,5 milljörðum
íslenzkra króna. Er um 13%
aukningu að ræða frá árinu áður.
Heildarvelta bankans jókst um
9% á sl. ári, úr ríflega 1000
milljónum punda í ríflega 1100
milljónir punda, eða úr 923 millj-
örðum íslenzkra króna í 1015
milljarða íslenzkra króna.
Þá er haft eftir forráðamönnum
bankans að þeir líti framtíðina
mjög björtum augum og eigi von á
svipaðri aukningu á þessu yfir-
standandi ári. Landsbanki íslands
er einn hluthafa bankans.
Full aðild að Alþjóða
verzlunarráðinu?
UNDANFARIN tvö ár hefur far-
ið fram allítarleg könnun á
möguleikum þess, að Verzlunar-
ráð íslands tengist nánar starf-
semi Alþjóða verzlunarráðsins,
en hingað til hefur Verzlunarráð-
ið aðeins átt aukaaðild.
Það kom fram á aðalfundi
Verzlunarráðs íslands í vikunni að
nauðsynlegt er að taka afstöðu til
þessa máls innan tíðar og kom þar
fram að bæði gæti stjórn Verzlun-
arráðsins myndað þjóðnefndina og
einnig hópur fyrirtækja úr ýmsum
atvinnugreinum, sem áhuga hafa
á nánari alþjóðlegum tengslum.
Það kom fram hjá Árna Árna-
syni framkvæmdastjóra Verzlun-
arráðs íslands á aðalfundinum að
við könnun hérlendis hefði komið í
ljós verulegur áhugi fyrirtækja á
þátttöku íslendinga í ráðinu.
Israel:
V öruskiptajöf nuður
verulega óhagstæður
VÖRUSKIPTAJÖFNIJÐUR
ísraelsmanna var
óhaKstæður um 3.15 millj-
arða dollara, eða sem næst
1270 milljarða íslenzkra
króna or hafði þá versnað
frá árinu áður um 02%.
Inn voru fluttar vörur fyrir
um 7.43 milljarða dollara, eða
sem næst 3000 milljarða
íslenzkra króna, sem er um
31 % aukning frá árinu á
undan. Utflutningur jókst
hins vegar aðeins um 15%. og
nam alls um 4.28 milljörðum
dollara, eða sem næst 1730
milljörðum króna.
Ljósu hliðarnar á þessu máli
eru þó þær, að á síðasta
ársfjórðungi minnkaði inn-
flutningur um 37%. á sama
tíma og útflutningurinn stóð
því sem næst í stað. Þá varð
mjög hagstæð þróun í útlána-
málum banka síðustu fjóra
mánuði ársins hvað þetta
varðar, en bankarnir hertu
mjög útlánaskilmála sína.
Mikil þátttaka í
sjóralli 1980?
Síðastliðið haust var boðað
til fundar á Hótel Borg til
undirbúnings sjóralls 1980,
sem er keppni sportbáta um-
hverfis ísland, sem kunnugt
er. Á þann fund mættu milli
sextíu og sjötíu manns. Kosin
var níu manna undirbúnings-
nefnd, sem annast skyldi und-
irbúning og semja reglur fyrir
næsta sjórall. Hefur sú nefnd
síðan komið vikulega saman til
funda. Margt hefur borið á
góma á þessum fundum varð-
andi sjórall 1980, svo og
framtíð þessarar keppni, sem
nefndin hefur fullan hug á að
verði árviss alþjóðlegur við-
burður. Keppnisreglur fyrir
1980 hafa nú verið mótaðar í
stórum dráttum. Eru þær
frábrugnar fyrri reglum að því
leyti að nú verða bátarnir
flokkaðir niður eftir vélarorku
þeirra. Ætti það að gera
keppnina jafnari, ennfremur
gæti það ýtt undir meiri þátt-
töku en ella. Útlit er fyrir að á
milli 10 og 20 bátar taki þátt í
næsta ralli. Líkur eru á að
bátar komi erlendis frá til
þátttöku. Óneitanlega væri
það ánægjulegt, og ætti að get
sett svip á keppnina og vakið
skemmtilega stemmningu, en
um leið meiri hörku. Fullvíst
má telja að bátar utan af
landsbyggðinni mæti til leiks,
svo sem frá Vestmannaeyjum,
Borgarnesi, ísafirði, Eskifirði,
þá finnst mér heldur ótrúlegt
að höfuðstaður norðurlands,
Akureyri, láti deigan síga og
mæti ekki til leiks. í raun
fyndist mér að það ætti að
vera metnaðarmál kaup-
staðanna úti á landi að eiga
sína fulltrúa í þessari væntan-
legu keppni, þeir sem eiga svo
mikið undir sjósókn og hafa
tengst hafinu frá frumbyggð
sinni. Glöggt hefur komið
fram að ekki skortir áhugann
hjá íbúum þessara staða. Und-
irbúningsnefndin hefur fullan
hug á að vel takist til með
sjórall ’80. Líkur eru á að svo
geti orðið, svo framalega sem
innanlandsóáran komi ekki í
veg fyrir það eins og á seinasta
ári, þegar tveggja mánaða
farmannaverkfall hrjáði okkar
þjóð og lagði sjórall 1979 svo
gott sem í rúst. Allt verður
þetta að ráðast og vonum við
bara að slíkt endurtaki sig
ekki, að sjálfsögðu þá fyrst og
fremst þjóðarinnar vegna.
Flokkaskipting
Keppnisstjórnin hefur
ákveðið flokkaskiptingu báta í
sjóralli 1980, en aðeins var
keppt í einum flokki 1978 og
1979. Nú verða flokkarnir þrír.
Þór fer það að sjálfsögðu eftir
þátttöku og stærð véla. A-
flokkur, bátar af stærðinni 18
til 25 fet með vélarstærð allt
upp í 175 hestöfl (hámark).
B-flokkur, bátar af stærðinni
18 til 25 fet, með vélarstærð
frá 176 hestöflum að 400 hest-
öflum. C-flokkur, bátar af
stærðinni 18 fet og upp í
óákveðna stærð, frá 401 hest-
afli upp í óákveðna vélarstærð.
Keppnisstjórn má aðlaga ein-
stöku báta að öðrum flokkum,
ef þeir reynast einir í sínum
flokki. Keppt verður eftir
stigakerfi, þar sem gefin verða
Bátar
Umsjón HAFSTEINN
SVEINSSON
stig fyrir hvern legg. Leggur
telst hver áfangi milli skyldu-
viðkomustaða. Dæmi 5 bátar
keppa, fyrsti leggur Reykjavík
— Vestmannaeyjar, fengi þá
fyrsti bátur á þeim legg 10
stig, annar bátur 7 stig, 3.
bátur 5 stig, 4. bátur 3 stig, 5.
bátur eitt stig og svona koll af
kolli milli skylduhafna, allan
hringinn. Þessi stigagjöf gildir
fyrir hvern flokk.
Keppnisleggirnir
verða átta
Átta keppnisleggir hafa nú
verið ákveðnir í sjórallinu, sem
Dagblaðið og Snarfari, félag
sportbátaeigenda, standa að,
ásamt F.R. mönnum. Eru þeir
hugsaðir sem hér segir ásamt
ákveðnum brottfaratíma á
hverjum stað. 1. Laugardagur
5. júlí: Brottför frá Reykjavík
kl. 14.00. Komið til Grinda-
víkur kl. 17.00, skyldustanz 1
tími. Farið frá Grindavík kl.
18.00, komið til Vestmanna-
eyja kl. 22.00. 2. Sunnudagur 6.
júlí: Brottför frá Vestmanna-
eyjum kl. 10.00, komið til
Hafnar í Hornafirði kl. 20.00.
3. Mánudagur 7. júlí: Brottför
frá Höfn kl. 10.00, komið til
Neskaupstaðar kl. 15.00. 4.
Þriðjudagur 8. júlí: Brottför
frá Neskaupstað kl. 10.00,
komið til Raufarhafnar kl.
17.00. 5. Miðvikudagur 9. júlí:
Brottför frá Raufarhöfn kl.
10.00, komið til Grímseyjar kl.
14.00, skyldustans 2 tímar.
Farið frá Grímsey kl. 16.00,
komið til Akureyrar kl. 20.00.
Dvalið þar fimmtudag. 6.
Föstudagur 10. júlí: Brottför
frá Akureyri kl. 10.00, komið
til Siglufjarðar kl. 13.00,
skyldustans 1 tími. Farið frá
Siglufirði kl. 14.00, komið til
ísafjarðar kl. 22.00. 7. Laugar-
dagur 11. júlí: Brottför frá
ísafirði kl. 12.00, komið til
Ólafsvíkur kl. 18.00. 8. Sunnu-
dagur 12. júli: Brottför kl.
13.00, komið til Reykjavíkur kl.
19.00. Þetta er áætlun sem ekki
er víst að standist, því að fljótt
skipast veður í lofti hér norður
á hjara veraldar eins og lands-
mönnum er kunnugt. Margar
hindranir geta orðið á vegi
þessara litlu skelja á svo
langri leið. Það eitt út af fyrir
sig gerir þetta skemmtilegra
og eftirsóknarverðara að menn
þurfi að leggja sig fram af
samviskusemi og beita hugviti
til þess að vel gangi.
Grímseyingar
sóttir heim
Sem fyrr segir er ákveðin
viðkoma í Grímsey. Öllum
keppendum ætti að vera það
sérstakt ánægjuefni margra
hluta vegna. Það er ekki dag-
lega sem mönnum gefst kostur
á að heimsækja þessa nyrstu
byggð íslands norðan heim-
skautsbaugs, byggð sem óneit-
anlega býr yfir nokkrum ævin-
týraljóma, a.m.k. frá mínum
bæjardyrum séð. Sjálfur hef
ég einu sinni heimsótt
Grímsey, er mér það eftir-
minnilegt. Ég trúi því að
Grímseyingar fagni þessari
óvenjulegu heimsókn. Þó að
viðkoman í Grímsey yrði ekki
til annars en létta brúnir
þeirra landa okkar þar norður
í Dumbshafi fyndist mér það
nægilegt tilefni til viðkomu.
Ekki á ég við að brúnir þeirra
eyjaskeggja séu þyngri en ann-
arra, síður en svo.
Heimildar-
kvikmynd um
sjórall 1980
Ákveðið hefur verið að
heimildarkvikmynd verði tek-
in um sjórall 1980. Mun hinn
kunni kvikmyndatökumaður
Ásgeir Long annast hana. Tel
ég það mikið happ að fá til
þess jafn reyndan mann sem
Ásgeir er. Ráðgert er að sýna
kvikmyndina víða um land og
erlendis til kynningar á sjó-
röllum framtíðarinnar.
Hér sjáum við örlítinn hluta Snarfaraílotans steína á haf út til fiskveiða síðastliðið sumar. Ef til vill
verður einhver af þessum bátum þátttakandi í sjóralli umhverfis landið 1980. Ljósm. h.s.