Morgunblaðið - 12.04.1980, Side 3
MORGUNBLAÐIÐ, LAUGARDAGUR 12. APRÍL 1980
3
Suður- og Vesturland:
Þorskveiðar í net stöðvaðar 30. apríl
SJÁVARÚTVEGSRÁÐUNEYTIÐ tilkynnti í gær stöðvun þorsknetaveiða
íyrir Suður- og Vesturlandi írá hádegi 30. apríl næstkomandi. Hins vegar
hefur enn ekki verið tekin ákvörðun um hvenær netaveiðar verða stöðvaðar
fyrir Vestfjörðum, Norðurlandi og Austfjörðum. Segir í tilkynningu
ráðuneytisins að fylgst verði með þróun netaveiða á þessum svæðum í
aprílmánuði. Tilkynningin fer hér á eftir:
„Ráðuneytið hefur ákveðið, að stöðva þorsknetaveiðar frá hádegi 30. apríl
næstkomandi á svæðinu frá Eystra-Horni suður, vestur og norður um að
Bjargtöngum. Bann þettagildir að svo stöddu til 21. maí næstkomandi.
Ákvörðun þessi er tekin eftir umræður í ríkisstjórn og fundi með
hagsmunasamtökum í sjávarútvegi og sjávarútvegsnefndum Alþingis. Byggist
ákvörðun þessi á þeirri forsendu, að afli á þessu svæði hefur þegar náð þeim
viðmiðunarmörkum, sem lögð voru til grundvallar um þorskafla á vetrarvertíð-
inni, en með þeim var gert ráð fyrir svipuðum afla og í fyrra.
Þar sem bátaafli á Vestfjörðum, fyrir Norðurlandi og Austurlandi er minni en
í fyrra, hefur ráðuneytið ákveðið að fresta ákvörðun um stöðvun þorsknetaveiða
á þessu svæði um sinn og sjá hvernig þróun aflabragða verður í aprílmánuði.“
Hagsmunasamtökin óánægð
Kristján Ragnarsson:
„Verið að efna
til landshluta-
stríðs44
ÞETTA er ekki fiskveiðitak-
mörkun í sjálfu sér. heldur er
verið að efna til landshlutastríðs,
sagði Kristján Ragnarsson for-
maður LÍÚ í samtali við Mbl. i
gær. Við teljum að þetta eigi eftir
að leiða til verulegra átaka ef til
þessa kemur, sagði Kristján.
Bátar að norðan hafa verið hér
fyrir sunnan á vertíð í stórum stíl
í vetur, en nú fara þeir heim og
mega halda áfram að veiða þar
eftir mánaðamót, verði ekki annað
Kristján Ragnarsson
ákveðið á næstunni. Þetta gæti
leitt til þess að sunnanbátar fari
norður og ég ætla að Norðlending-
ar hafi lítinn áhuga á að fá þá yfir
sig. Hagsmunasamtökin höfðu
samþykkt og lagt til við ráðherra
að vetrarvertíð báta lyki um
mánaðamót um allt land og ég
vona að eitt verði látið yfir alla
ganga, sagði Kristján Ragnarsson.
Á fundi í stjórn Landssambands
ísl. útvegsmanna í fyrradag var
eftirfarandi samþykkt gerð:
„Stjórn LÍÚ samþykkir að mæla
með því, að veiðar með þorskanet
verði stöðvaðar 30. apríl. Sam-
þykkt þessi byggist á, að staðið
verði við fyrri ákvarðanir um 350
þúsund lesta hámarks þorskafla á
árinu og stöðvun netaveiðanna
gangi jafnt yfir alla landshluta."
Ingólfur Falsson:
„Utilokað annað
en það sama gildi
um land allt“
— VIÐ höfum litið svo á, að
það væri útilokað að stoppa
vetrarvertíð nema sömu regl-
ur giltu um allt land og þetta
kom fram í umræðum hags-
munaaðilja með ráðherranum,
sagði Ingólfur Falsson, for-
maður Farmanna- og fiski-
mannasambands íslands, í
gær. — Það er því af og frá
Ingólfur Falsson
að gera okkur samábyrga i
þessari ákvörðun því á fund-
um kom skýrt fram, að við
töldum algjörlega útilokað
annað en það sama gilti um
allt landið. Ég mótmæli því,
að þessi ákvörðun sé tekin í
samráði við hagsmunaaðilja,
sagði Ingólfur.
— í fyrra var þetta öðru
vísi, þar sem Norðlendingum
var leyft að halda veiðum
áfram lengur út af ísnum, en
nú er ekki neinu slíku til að
dreifa. Við tökum það óstinnt
upp, ef þessi stöðvun gildir ekki
fyrir allt landið.
— Ráðherrann hefur ekki
skilið það enn þá hvernig þessi
reglugerð, sem miðað hefur
verið við, er upp byggð. Maðúr
heyrir hann segja frá því, að
honum hafi litizt vel á þessa
reglugerð í upphafi, en eftir
því, sem hann hafi lesið hana
oftar og skoðað nánar lítist
honum verr og verr á hana.
Honum hefði örugglega ekki
litizt illa á hana ef enginn
fiskur hefði verið í sjónum. Við
gerðum okkur hins vegar fulla
grein fyrir því, að það kæmi
meiri afli á land þessa mánuði,
en töldum þetta einu leiðina til
takmörkunar, meðan við ekki
förum út í kvótaskiptingu, en
það er nú viðkvæmt mál, sagði
Ingólfur Falsson.
óskar Vigfússon:
„Gengið þvert á
vilja hagsniuna-
samtakanna“
— MEÐ þessu gengur ráð-
herrann þvert á vilja hags-
munasamtakanna, í þessu til-
felli, sjómanna og útvegs-
manna, sagði óskar Vigfús-
son, formaður Sjómannasam-
bands íslands, í gær. — Við
höfðum lagt til að ef vertíð
yrði stöðvuð, þá yrði miðað við
1. mai og gilti yfir allt landið,
en ef ráðherrann telur það
vænlegast til árangurs í sam-
bandi við fiskveiðistefnuna að
etja mönnum saman. þá hann
um það.
— Fyrst hagsmunasamtökin
eru virt að vettugi þá er
sjálfsagt bezt að pólitíkusarnir
taki bara við þessu, en eftir því
sem ég kemst næst þá var
Sjávarútvegsnefnd með putt-
ana í þessu. Sjómenn hafa
þurft að sætta sig við margar
og misjafnar ákvarðanir
stjórnvalda, en svona ákvörðun
hjálpar ekki til við að fá menn
til að fallast á slíka hluti, sagði
Óskar Vigfússon.
óskar Vigfússon
CALANT SAPPORO
.
.
m
■■
GALANT SIGMA
CWSœDSCíD
ÖRYGGI ÞÆGINDI GÆDI
Sá bestí fráJAPAN
MITSUBISHI
MOTORS
[hIheklahf
I Laugavegi 170-172 Sími 212 40
Mjög sparneytin vel meö jafnvægisasum,
sem gera gang vélarinnar einstaklega þýðan
og auka endingu hennar.
Gormafjöðrun að framan og aftan sem gerir
bílinn sérstaklega mjúkán í akstri.
Umboð á Akureyri: Holdur sf., Tryggvabraut 14, simi 96 21715