Morgunblaðið - 02.09.1980, Blaðsíða 29
MORGUNBLAÐIÐ, ÞRIÐJUDAGUR 2. SEPTEMBER 1980
29
Heimilið ’80:
50 þúsund manns
hafa séð sýninguna
AÐSÓKNIN að sýningunni
Heimilið ’80 hefur verið
mjög góð og stefnir með
sama áframhaldi í metað-
sókn. í gærkvöldi höfðu um
50 þúsund manns sótt sýn-
inguna og ef miðað er við
fyrra metár, sem var 1977,
en þá komu um 80 þúsund
manns, er aðsóknin heldur
meiri nú, og ef svona held-
ur áfram eru allar líkur á
að sýningargestir verði á
milli 80 og 90 þúsund.
Aðsóknin hefur verið
jafnari en oftast áður, og í
gær var óvenjumikil að-
sókn miðað við að þá var
mánudagur. Að sögn for-
ráðamanna sýningarinnar
virðist meira af utanbæjar-
fólki en oftast áður og
virðist fólk nú gera meira
af því að skoða sýninguna í
miðri viku en áður og
verður það til þess að fólk
losnar við mestu ösina og
nýtur sýningarinnar betur.
Þá hefur aðsókn að tívolí-
inu verið góð og eru dæmi
þess að sama fólkið komi
margoft.
UndirhúninKsnefnd ortodoxa fyrir viðræður við lútherska.
Ortodoxir kirkjuleiðtogar
á ráðstefnu í Skálholti
ORTODOXIR kirkjuleiðtogar koma saman til ráðstefnu
í Skálholti í byrjun september. Undirbúa þeir viðræður
kirkju sinnar við lútherska, sem fara munu fram innan
tíðar. Ortodoxu kirkjuleiðtogarnir koma frá flestum
austantjaldslöndunum, svo og Finnlandi, Grikklandi,
ísrael og víðar og verður ráðstefna þeirra í Skálholti
7.—13. september.
I frétt frá fréttafulltrúa biskups
segir m.a. að hópurinn undirbúi
nú sameiginlegar viðræður orto-
doxu kirkjunnar við lúthersku
kirkjurnar og hafi því kosið að
funda í lúthersku landi. Segir að
þetta megi teljast kirkjusögulegur
viðburður, því aldrei hafi verið
áður sungin ortodox messa hér-
lendis. Þá segir einnig í fréttinni
að ortodoxa kirkjan eigi ríkust
ítök í löndum Austur-Evrópu og
söfnuðir hennar starfi víða um
lönd þar sem innflytjendur hafi
sest að. Einangrun ortodoxu kirkj-
unnar hafi rofnað með auðvelduð-
um ferðamáta nútímans og segir
að ortodoxir hafi unnið ómetan-
legt gagn í viðamiklum umræðum
kirkjunnar og sívaxandi áhugi á
einingarstarfi innan kirkjunnar
hafi vakið menn til meðvitundar
um þá auðlegð sem búi í ortodoxri
trúarhefð.
Sunnudaginn 7. september kl.
13:30 verður guðsþjónusta í Dóm-
kirkjunni í Reykjavík og verða
síðan kvöld- og morgunbænir í
Skálholti meðan hópurinn dvelst
þar. „Það er enginn asi á ortodox-
um er þeir tilbiðja Guð sinn.
Guðsjónustan í Dómkirkjunni
mun taka a.m.k. tvær stundir.
Tónlist og söngur í ortodoxum
messum þykir dýrindisfagurt svo
og helgihaldið allt,“ segir að lok-
um í frétt biskupsstofu.
Stéttarsambandsfundurinn:
Fóðurbætisskatti
og kvótakerfi
beitt áfram
Frá TryKKva (iiinnarssyni hlm. Mhl. á Kirkjubæjarklaustri
Aðaífundi Stcttarsambands bænda. scm haldinn var á
Kirkjuba'jarklaustri um hclgina, lauk í nótt. Seint í
gærkvöldi var ólokið við að afgreiða tillöRur fram-
leiðslunefndar fundarins, en þær fjalla um stjórnunar-
aðjíerðir í íramleiðslu búvara. Nefndin gerir í tillöRum
sínum ráð fyrir að áfram verði beitt fóðurbætisskatti og
kvótakerfi.
Leggur nefndin til að
kvótakerfinu verði komið á
og því beitt varðandi
mjólkur- og kjötfram-
leiðslu verðlagsársins 1980
til 1981. Ýmsar tillögur eru
gerðar um breytingar á
útreikningum kvótakerfis-
ins. Varðandi fóðurbætis-
skattinn gera tilögur
nefndarinnar ráð fyrir að á
verðlagsárinu, sem hófst 1.
sept. sl. verði hámark
skattsins áfram 200%, en
jafnframt er lagt til við
framleiðsluráð, að endur-
greiðsluheimildir verði
nýttar. Er í tillögum nefnd-
arinnar gert ráð fyrir að
búvöruframleiðendur
greiði aðeins 33% skatt af
tilteknum skammti kjarn-
fóðurs fyrir hverja afurða-
einingu og gildir þetta um
allar búgreinar. Þau kjarn-
fóðurkaup sem fara fram
yfir þennan skammt verða
bændur að greiða með
200% fóðurbætisskatti.
Nokkrar deilur hafa orðið
um hvort réttara yrði að
miða við 40% í stað 33%
skatts.
Þá gerir framleiðslu-
nefnd tillögur um að fund-
urinn skori á landbúnað-
arráðherra að beita sér
fyrir lagasetningu sem
stemmi stigu við verk-
smiðjubúskap í einstökum
búgreinum.
Aðalfundur Stéttarsambands bænda
Sumarslátrun vegna öskufallsins:
Ríkið tryggir bændum
allt að 10% hærra
verð fyrir kjötið
RÍKISSTJÓRNIN hefur ákveð-
ið að tryggja ha'ndum allt að
10% hærra verð fyrir kjöt af því
fé, sem slátrað verður af ösku-
fallssvæðunum í þessari viku.
Er þetta «ert þar sem þau lömh,
sem sláira verður vegna ösku-
fallsins hafa eÍKÍ náð fullum
þunga miðað við slátrun á
eðlileiíum tíma. Verð á kjöti af
sumarslátruðu hefur þe»?ar ver-
ið ákveðið eins ok saiít var frá í
blaðinu á laugardaK en þess má
Keta að það verð er niðurgreitt
um sömu krónutölu ou kjöt frá
siðasta hausti.
Gunnar Guðbjartsson, fram-
kvæmdastjóri Framleiðsluráðs
landbúnaðarins sagði, að gert
væri ráð fyrir að framkvæmd
þessarar 10% verðtryggingar
verði með þeim hætti að ríkis-
sjóður greiði bændum þann
verðmismun, sem kann að verða
á óseldu kjöti af sumarslátruðu
og væntanlegu haustverði á
kindakjöti. Er talið að þetta geti
numið allt að 10% af verði alls
kjötmagnsins eða um 50 milljón-
um kr.
Þá hefur af hálfu Stéttarsam-
bands bænda verið kannað,
hvort Viðlagatrygging kunni að
bæta bændum það tjón, sem þeir
kunna að verða fyrir vegna
afleiðinga gossins í Heklu. Mun
Viðlagatrygging greiða bætur í
þeim tilvikum, þegar bændur
hafa brunatryggt búfé sitt og
hefur einkum verið talað um
bætur vegna slátrunar og eftir-
lits með heilbrigði fjársins.
Mjólkin:
Fimm mjólkurbú
fá ekki skerðingu
Mjólkurframleiftendur á svæft-
um fimm mjólkurbúa munu
ekki verfta fyrir skerðingu sam-
kvæmt kvótakerfinu. Er
mjólkurframleiðsla á þessum
svæftum vart nægjanleg til aft
sinna eftirspurn eftir neyslu-
mjólk þar. Þau mjólkurbú, sem
hér um ra'ftir eru mjólkursam-
lögin á Patreksfirði, ísafirði.
Þórshöfn. Neskaupstað og
Djúpavogi.
Gunnar Guðbjartsson, for-
maður Stéttarsambands bænda
sagði, að óskir hefðu komið frá
mjólkursamlögunum á Egils-
stöðum, Hornafirði, Hvamms-
tanga og einnig frá búunum á
sölusvæði Mjólkursamsölunnar í
Reykjavík um að bændur þar
yrðu einnig undanþegnir kvóta-
skerðingu á mjólkurframleiðsl-
unni. Ekki hefði verið talið fært
að verða við þessum óskum, þar
sem að í sumum af þessurp, búum
væru framleiddar mjólkurvörur
til útflutnings.