Morgunblaðið - 13.09.1980, Blaðsíða 1

Morgunblaðið - 13.09.1980, Blaðsíða 1
40 SÍÐUR OG LESBÓK 206. tbl. 68. árg. LAUGARDAGUR 13. SEPTEMBER 1980 Prentsmiðja Morgunblaðsins. Tyrkland: Stjórnarskráin afnumin ef tir byltingu hersins Ankara. 12. sept. AP. HERINN í Tyrklandi. undir forystu Kenan Evran herráðsfor- seta. tók völdin í landinu í dag. Suleyman Demirel forsætisráðherra og Biilent Ecevit formaður stjórnarandstöð- unnar hafa verið settir i stofufangelsi og Evran hefur falið fjórum oðrum herforingjum að stjórna landinu með sér. Viðbrögð manna á Vesturlöndum eru þau, að fáuni kom byltingin á óvart en látin er í ljós von um að lýðræðislegum stjórnarháttum verði komið á fIjót lega. Ibúar Ankara, höfuðborgar Tyrklands, fengu fyrst veður af því sem var að gerast eftir miðnætti í nótt þegar þyrlur flugu yfir borgina og hundruð hermanna í brynvörðum vögn- um og skriðdrekum fóru um strætin. í morgun voru fáir á ferli nema hermenn gráir fyrir járnum. Útgöngubann hefur verið sett á í öllu landinu. Kenan Evran, herráðsfor- ingi, sagði í sjónvarpsávarpi í dag, að stjórnarskrá landsins hefði verið numin úr gildi og bann lagt við starfsemi stjórn- málaflokka. Hann sagði, að unnið yrði að gerð nýrrar stjórnarskrár og lögunum um kosningar og starfsemi stjórn- málaflokka breytt. Hann minntist ekki á hvenær kosn- ingar yrðu haldnar en hét því að borgaralegri stjórn yrði komið á að nýju. Hann sagði, að engin breyting yrði á af- stöðu Tyrkja til bandamanna þeirra á Vesturlöndum. Byltingin í Tyrklandi nú er sú þriðja á 20 árum og kemur raunar fáum á óvart. Efna- hagur Tyrkja er í kaldakoli og mikil skálmöld hefur ríkt í landinu um fimm ára skeið. 2000 manns hafa látið lífið á þessu ári í hryðjuverkum öfgamanna til vinstri og hægri og um 5000 frá 1975. Að undanförnu hafa 25 manns fallið á degi hverjum. Fyrir byltinguna giltu herlög í þriðj- ungi landins. Engar fréttir hafa borist um átök í kjölfar byltingarinnar og fólk heldur sig innan dyra vegna útgöngubannsins og bíður nánari frétta af gangi mála. Sumir, sem spurðir voru, létu í ljós varfærnislega von um að hernum tækist að stöðva ókyrrðina í landinu, sem fulltrúar stjórnmála- flokkanna hefðu gefist upp fyrir. Sjá nánar á bls. 18 og 19. Tyrkneskir hermenn sjást hér koma sér fyrir á þýðingarmiklum stöðum í Istanbul til að fylgja eftir útgöngubanni herforingjastjórnarinnar. Istanbul hefur verið aðalvettvangur átaka milli vinstri- og hægri-ofgamanna. Rússar svipta af ganska herinn bestu vopnunum Islamabad. 12. sept. AP. ÁREIÐANLEGAR heimildir í Afganistan herma. að Rússar hafi svipt afganska stjórnarherinn háþróuðum vopnabúnaði og stórskotaliðsvopnum. Astæðan er sögð vera ótti Rússa við að liðhlaupar færi þau skæruliðum. í afganska stjórnarhern- um eru nú0ðéiMr^agðtf vera 20—30.000 menn undir vopnum og margt af því unglingar. Fyrir ári voru í stjórnarhernum um 80.000 menn. Undirgefni Babrak Karmals forseta við Sovétmenn er talin líkleg til að valda óánægju meðal foringja í hernum og sagt er, að sumir hafi „lagst veikir" af þeim sökum. Búist er við að mjög muni draga úr baráttugleði afganskra her- manna við þessa ráðstöfun og þótti hún þó ekki mikil fyrir. Bardagar geisa víða í land- inu, einkum við borgirnar Herat og Kandahar og í Panjshir-dalnum þar sem frelsissveitir múhameðstrú- armanna hafa stöðvað fram- sókn Rússa. Til Kabul eru fluttir daglega margir her- menn, sem hafa særst í bar- dögum og einnig skriðdrekar sém laskast hafa í átökunum. Vegna liðhlaupa úr af- ganska hernum hefur stjórn Babrak Karmals forseta hafið mikla herferð fyrir því að fá menn til að skrá sig í herinn. Þeir sem skráðir hafa verið að undanförnu hafa margir látið það verða sitt fyrsta verk að ganga í lið með frelsissveitun- um. Fréttir hala nu borist um að félagar í æskulýðshreyf- ingu stjórnvalda séu sendir á vígvöllinn eftir skamma þjálf- un. Harpld Brown, varnarraÁ[a^ ráðherra Bandaríkjanná, sagði í dag, að hann teldi, að Sovétmenn yrðu að tvöfalda herafla sinn í Afganistan til að ráða niðurlögum afgönsku frelsissveitanna. Hann sagði jafnframt, að hann teldi ólík- legt, að þeir brygðu á það ráð vegna þeirra pólitísku afleið- inga sem það gæti haft. f^ \ Kenan Evran, hershöfðingi og forseti tyrkneska herráðsins. sem í gær lýsti yfir því, að herinn hefði tekið völdin til að binda enda á pólitíska upplausn og bræðravíg í Tyrklandi. Pólsk stjórnvöld banna komu verkalýðsleiðtoga Brussel, 12. septemher. AP. TALSMAÐUR Alþjóðasambands verkalýðsfélaga, sem aðsetur hef- ur i Briissel. sagði i dag, að pólsk stjórnvöld hefðu meinað full trúum þess að koma til Póllands. í tilkynningu frá Alþjóðasam- bandi verkalýðsfélaga, þar sem afstaða pólskra stjórnvalda var hörmuð, sagði, að „pólsk stjórn- völd vildu engin afskipti af þróun mála í Póllandi". Sovésk stjórnvöld hafa ákveðið að senda matvæli og iðnaðarvörur fyrir 85 millj. rúblna til Póllands. Um þetta var samið í viðræðum Jagielskis, varaforsætisráðherra, við Sovétmenn. Helsti hugmynda- fræðingur tékkóslóvakíska komm- únistaflokksins, Vasil Biiak, sagði í dag, að „pólskir föðurlandsvinir og alþjóðasinnar stæðu ekki einir í baráttunni heldur ættu sér trausta bandamenn". Fréttaskýr- endur minna á, að Bilak hafi árið 1968 verið einn fárra Tékkósló- vaka til að biðja Rússa um „al- þjóðlega hjálp". Síðustu fréttir frá Bandaríkjun- um herma, að bandarísk stjórn- völd hafi ákveðið að ábyrgjast 670 milljón dollara lán svo að Pólverj- ar geti keypt bandarískar land- búnaðarafurðir á næsta ári. Þetta er mesta fyrirgreiðsla þessarar tegundar sem Bandaríkjamenn hafa veitt nokkurri þjóð. Herkúles lætur ekki að sér hæða Nnrflur-llist. Suðureyjum. 12. sept. AP. MIKIL leit fer nú fram á Suðureyjum að sirkusbirni, Herkúles að nafni, sem slapp úr haldi þegar verið var að taka kvikmynd þar sem hann átti að leika listir sínar. Bjarnarins hefur orðið vart hér og þar á eyjunum en fram að þessu hefur honum ávallt tekist að snúa á leitarmenn. m^JUe.itin . að bjrninum hefur staðið í fimm daga og tekur lögreglan þátt í henni ásamt eiganda bjarnarins, glímu- kappanum Andy Robin. „Björninn fer hraðar yfir en við," sagði einn lögreglumann- anna. „Robin kallar stöðugt á hann með nafni en Herkúles lætur sem hann hevri það ekki."

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.