Morgunblaðið - 13.09.1980, Síða 37

MORGUNBLAÐIÐ, LAUGARDAGUR 13. SEPTEMBER 1980
37
mála, eða lagt sig og sofið um
miðjan daginn.
• Fullur bíll
matar
Svo er annað. Það er sagt að
bændur fái seint borgaða sína
vöru hjá Sláturfélaginu og það er
kannski satt. En hitt er líka til í
dæminu að menn búi í sveit og eigi
ekki nema nokkrar kindur og
vinni svo útífrá fyrir aðaltekjun-
um. Slíkir geta gengið í Sláturfé-
lagið og svo eftir því hvar menn
búa geta þeir skroppið í bæinn og
farið í Sláturfélagið og fengið allt
sem þarf matarkyns til heimilis-
ins á betra verði en aðrir og allt er
skrifað.
• Þurfum ekki
að kvarta
Nei, við í sveitinni þurfum
ekki að kvarta. Svo eru það
blessuð börnin okkar. Þau fá að
fæðast og þroskast við góðar
aðstæður, leika sér á grösugum
víðáttum og sums staðar innan
um allra handa gróður. Síðan
verða þau stór og mörg þeirra
lenda í höfuðborginni og ná sér
þar í maka. Sum koma heim og
hefja búskap með sinum foreldr-
um, sem farin eru að reskjast.
• Ekki nema
blánóttina
Ungt fólk i borg byrjar á að
leigja, e.t.v. komið með barn, eða
það ræðst í að kaupa íbúð, eða fá
lóð og fara að byggja. Þá verður að
fá sér aukavinnu og vinna svo í
húsinu á kvöldin. Þetta fólk sést
ekki nema blánóttina. Svo verður
Guð og lukkan að sjá um að það
hafi þrek til að halda þetta út. Og
því miður vill oft fara svo að
/
uppúr öllu slitnar af eintómu
álagi.
• Maður verður
að gæta sín
Nei, þá er nú munur að eiga
heima í sveitinni. Það eru alltaf
ferðir í bæinn og hægt að skreppa
þegar fólk langað til. En fegin er
ég jafnan þegar ég er búin að
ljúka erindum mínum í höfuð-
borginni og er komin heim aftur.
Hraðinn er orðinn svo mikill á
öllum og bílamergðin svo óskap-
leg, að maður verður að gæta sín
að lenda ekki á Slysadeildinni.
Ég get ekki vélritað þetta, en bið
ykkur að láta það ekki ienda í
ruslakörfunni og leiðrétta allar
villurnar sem ég veit að eru í
þessu.
Svo kveð ég þig, kæri Moggi,
með þakklæti fyrir að þú ert besta
fréttablaðið, og Helgarpósturinn
er stórgóður."
Þessir hringdu . . .
• Héldum að allt
væri glatað
Inga Rósa hringdi og bað
fyrir innilegar kveðjur til óþekkts
velgjörðarmanns fyrir skilning og
skilvísi: — Sonur minn, Bjarni
Þorvarðarson, Fjólugötu 11, sem
er 13 ára gamall, varð fyrir því
óhappi fyrir rúmri viku síðan að
týna peningaveski með skilríkjum
í og 5000 kr. í peningum, stórupp-
hæð fyrir mann á þessum aldri af
kaupamannslaunum sumarsins.
Við héldum að þetta væri allt
glatað og áttum enga von um að
frétta meira af þessu. En svo var
pósturinn að stinga umslagi inn
um lúguna hjá okkur og viti menn:
þarna var peningaveskið, skilríkin
og 5000 krónurnar. Þessi skilvísa
manneskja hafði meira að segja
borgað undir bréfið úr eigin vasa.
Mig langar til að koma innileg-
um kveðjum til finnandans og
vona að hann lesi þessar línur í
dálkinum þínum, Velvakandi góð-
ur. Hann lét ekki nafnið sitt upp í
bréfinu, en ég verð að segja það,
að það er notalegt að vita af svona
fólki á meðal okkar.
SKÁK
Umsjón: Margeir Pétursson
Á skákmóti í Sovétríkjunum í ár
kom þessi staða upp í skák
alþjóðlega meistarans Timo-
shenko og Davidovs, sem hafði
svart og átti leik.
29. ... Hxg2! og hvítur gafst upp,
því ef hann drepur hrókinn verður
hann mát í öðrum leik.
• Hættuleg beygja
Ökumaður úr Kópavogi
hringdi og kvartaði yfir að erfitt
væri að komast úr Þverbrekku á
Nýbýlaveg í vesturátt. Það er búið
að gera þarna stórhættulega
beygju, þar sem útsýnið er mjög
takmarkað. Mig langar að spyrja
yfirvöld gatnamála í Kópavogi,
hvort ekki standi til að gera
eitthvað til að greiða fyrir umferð
á þessum gatnamótum.
HÖGNI HREKKVÍSI
BLÓM
VIKUNNAR
UMSJÓN: ÁB.
RÆKTUN OG
FJÖLGUN
Þaö er með eini eins og margar aðrar tegundir
runna, að hann er fallegastur á meðan hann er ungur
og þarf því endurnýjunar við stöku sinnum.
Eins og margir sjálfsagt hafa rekið sig á er mjög
erfitt að koma til einiplöntum, sem hafa verið fluttar
í garða utan úr náttúrunni. Liggja til þess margar
orsakir en aðallega sú að rótakerfið er mjög gisið,
fáar og langar rætur svo að erfitt er að láta kökk
fylgja þeim. Það væri þó helst ef maður gæti fundið
nógu litlar plöntur.
Eins er með ýmsa aðra runna t.d. fjalldrapa og
birki. Yfirleitt er það ekki til neins að flytja nema
smáplöntur í garða. Það er líka hægara að móta
smáplöntur með klippingu svo að þær verði þéttar og
fallegar. — En þetta var útúrdúr.
Það má reyna að tína fræ af eini. Berin — sem
raunar eru könglar, eru tínd seinni hluta sumars,
fræin hreinsuð úr þeim og geymd á köldum og þurrum
stað yfir veturinn. í mars-apríl eru fræin sett í sand
og haldið rökum á köldum stað í 4—5 vikur. Síðan er
Himalajaeinir í steinhæð Juniperus squamata
þeim sáð í beð og þunnu lagi af sandi dreift yfir. Til
þess að verjast sólsviðnun er strigi eða kalkaðir
gluggar settir yfir og þess gætt að vökva vel. Óvíst er
að öll fræin spíri á fyrsta sumri og þar sem
plönturnar eru mjög litlar og vaxa hægt, þarf að
halda beðinu vel hreinu.
Það er líka hægt að fjölga eini með sveiggræðslu,
aðallega þá skriðulu afbrigðunum sem þekkjast best
hér. Nota skal ungar greinar. Börkurinn er særður á
þeim stað sem maður óskar eftir rótunum og greinin
fest vel niður með smáhæl, síðan er látin sandblönduð
mold yfir. Ef gætt er vel með vökvun og allt gengur
vel ættu að vera komnar góðar rætur eftir árið og
næsta vor ætti að vera hægt að skera nýgræðinginn
frá móðurplöntunni. Garðeigendur sem hafa vermi-
reit geta reynt með græðlinga, sem á að skera af með
hæl, þ.e. það á að fylgja græðlingnum viðarbútur af
greininni sem hann er tekinn af.
Moldin á að vera blönduð sandi og mómylsnu og
hreint sandlag látið efst. Best er að stinga þeim niður
að vorlagi eða þá í júlí. Nauðsynlegt er að skyggja
beðið vel og verja gegn ofþornun. Það getur liðið ár
þangað til græðlingar skjóta rótum en það er
spennandi að fylgjast með vexti græðlinganna.
Ekki má búast við 100% árangri. Það getur jafnvel
farið svo að aðeins örfá prósent lifni en fyrir
garðeigendur er aðalatriðið að einhver árangur náist.
H.L.