Morgunblaðið - 04.11.1980, Blaðsíða 19
MORGUNBLAÐIÐ, ÞRIÐJUDAGUR 4. NÓVEMBER 1980
19
Magnús H. Magnússon varaformaður:
Menn vildu kjölfestu o g
meiri breidd í forystuna
«VIÐ. SEM erum í pólitík, erum
þar til þess að hafa áhrif og því
betri aðstæður, sem við höfum
til þess, þeim mun betra. Mér
finnst því ágætt að vera orðinn
varaformaður Alþýðuflokks-
ins,“ sagði Magnús H. Magnús-
son í samtali við Mbl. á sunnu-
dagskvöld. Magnús sagði, að
úrslit kosninganna milli hans
og Vilmundar hefðu ekki komið
honum á óvart, en þó hefði hann
reiknað með minni mun þeirra í
milli.
„Ég tel að með kjöri mínu hafi
meirihluti flokksþingsfulltrúa
verið að staðfesta það, að þeir
hafi álitið, að við sigldum stund-
um dálítið geyst; að kjölfestuna
hafi vantað og þeir reynt með
þessum hætti að bæta úr því. Þá
tel ég einnig að kjör mitt sýni
það, að menn hafi viljað tengja
sem bezt fortíð, nútíð og framtíð
með sem mestri breidd í forystu
flokksins," sagði Magnús.
— Var þetta spurning um kyn-
slóðir?
„Þeir vildu ekki skipta svo
mikið um í forystunni. En hvort
þetta er bara út af aldrinum,
veit ég ekki. Þó má vera, að ég
standi nær gömlu jafnaðar-
mönnunum í hugum fólks. Þann-
ig má segja, að kosningin hafi að
vissu leyti snúizt um stíl, eins og
Vilmundur sagði.
Málefnalegur ágreiningur er
alla vega ekki fyrir hendi."
Mbl. spurði Magnús, hvort
hann teldi þessa kosningu
myndu draga dilk á eftir sér í
flokksstarfinu.
„Það tel ég ekki. Ósigur er
alltaf sár, en þau sár gróa fljótt.
Og eins og Vilmundur sagði
ítrekað á flokksþinginu, þá höf-
um við alltaf getað tekizt í
hendur eftir okkar snerrur.
Við í þingflokknum erum að
mínu mati að breytast í sam-
hentari hóp, yfirvegaðri hóp, og
við getum ekki annað en verið
ánægð með þá skýru stefnumót-
un, sem þetta flokksþing hefur
framkvæmt.
Ég á ekki von á því, að neinn í
okkar hópi muni liggja á liði
sínu í baráttunni fyrir þessari
stefnu."
HOKKSMNG
,\I.ÞYDHFLOK KSSNS
Ii)Sq '
Vilmundur Gylfason flytur ræðu á flokksþinginu eftir varaformannskosninguna á laugardagskvold
Vilmundur Gylfason:
Þungamiðja míns póli-
tíska starfs flyzt nú
aftur út á vinnustaðina
„HÉR VAR kosið um stíl. Þið
hafið kosið ykkur gamla stíl-
inn ... Þið hafið komizt að
mjög rangri niðurstöðu og kos-
ið yfir ykkur veikari forystu, en
þá, sem þið losuðuð ykkur
við... Flokkurinn hefur nú
hafnað starfskröftum mínum
að sinni og þá verðið þið að
skilja, að mínar skyldur eru í
hlutfalli við það. Þungamiðja
míns pólitíska starfs mun nú
aftur flytjast út á vinnustað-
ina.“ Þannig mælti Vilmundur
Gylfason m.a. i ra“ðu sem hann
hélt á flokksþingi Alþýðu-
flokksins á laugardagskvöld
eftir að hann hafði tapað fyrir
Magnúsi H. Magnússyni í vara-
formannskjörinu.
Vilmundur hóf ræðu sína með
upprifjun á flokksþingi demó-
krata í Bandaríkjunum 1956,
þegar John F. Kennedy, sem
glæsilegur fulltrúi nýrr^r kyn-
slóðar og nýrra tíma, keppti við
Estes Kefauver um að verða
varaforsetaefni Adlai Steven-
sons. „Kennedy tapaði á flokks-
þingi, sem var skipulagt á mjög
gamaldags hátt, eins og hjá
okkur," sagði Vilmundur. Síðan
vitnaði hann til þess, að Kenne-
dy hefði með bros á vör lýst
stuðningi við þá Stevenson og
Kefauver. „Ég lýsi yfir stuðningi
við Kjartan Jóhannsson og
Magnús H. Magnússon, en það
væri rangt af mér að gera það
með bros á vör.“ Kvaðst Vil-
mundur þess fullviss, að á
stærra flokksþingi, 600 manna
flokksþingi, hefði hann borið
sigurorð af Magnúsi í varafor-
mannskjöri.
Vilmundur sagði síðan, að
mjög margir þingmenn Alþýðu-
flokksins hefðu verið á móti
honum, því þeir hefðu viljað
veika forystu flokksins og
Kjartan-Magnús væri veikari
forysta en Benedikt-Kjartan
hefði verið. „Við Kjartan hefðum
aftur á móti setið lengi sem
forystumenn," sagði Vilmundur.
„Það hefur verið undiralda í
þingflokknum gegn mér.“ Sagði
Vilmundur, að „afbrýðisþáttur-
inn í þingflokknum" hefði ekki
þolað honum þá stöðu, sem hann
hafði eftir kosningasigurinn
1978. Þessi undiralda hefði svo
náð hámarki í ræðu Sighvats
Björgvinssonar, formanns þing-
flokksins, á flokksþinginu á
föstudaginn. „Þessi ræða Sig-
hvats var mesti pólitíski ödreng-
skapur, sem mér hefur verið
sýndur."
Vilmundur óskaði Magnúsi H.
Magnússyni til hamingju með
sigurinn og sagði, að úr því, að
„gamli stíllinn" hefði viljað
bjóða fram sinn fulltrúa til
varaformennsku, þá hefði Magn-
ús verið „bezti kratinn", sem
gamli flokkurinn hefði haft á að
skipa. Vilmundur kvaðst játa, að
munurinn á milli þeirra Magn-
úsar hefði komið honum á óvart,
því hann hefði talið, að allt stæði
í járnum á milli þeirra. Honum
hefði þó orðið ljóst undir ræðu
Benedikts Gröndal kvöldið áður,
að hann myndi tapa varafor-
mannskosningunni. Ýms um-
mæli Benedikts þar hefði mátt
skilja sem andmæli gegn hug-
myndum og baráttuaðferðum
sínum. „Ég leit yfir þingið og svo
samdi ég þessa ræðu í hugan-
um.“
„Ég hef verið keyrður niður
hvað eftir annað í þingflokknum
og ég hef brugðizt kjósendum
mínum með því að vera loyal.
Því meiri vinnu, sem þú vinnur
fyrir flokkinn, þeim mun minni
tíma hefur þú fyrir kjósendurna.
Nú ætla ég að fara að sinna
mínum kjósendum," sagði Vil-
mundur.
Ræðu sinni lauk Vilmundur
með þökkum til stuðningsmanna
sinna. Þetta hefði verið stór
ósigur fyrir þau öll og því
gríðarleg vonbrigði. En þau
skyldu sameinast um að bæla
niður reiði sína, vera stór í
ósigrinum og koma vel og virðu-
lega fram við flokksþingið.
Kjartan Jóhannsson, formaður Alþýðuflokksins, óskar Magnúsi H.
Magnússyni til hamingju með varaformennskuna.
Kosning í framkvæmdastjórn:
Bjarni P. Magnús-
son atkvæðahæstur
FLOKKSSTJÓRN Alþýðuflokks-
ins kom saman strax að loknu
flokksþingi á sunnudaginn til að
kjósa 3 aðalmenn og tvo vara-
menn í framkva'mdastjórn
flokksins. sem auk þeirra er
skipuð aðalstjórnarmönnunum
sex. Þessir framkvæmdastjórnar-
menn hafa verið: Bjarni P. Magn-
ússon, sem var formaður. Björn
Friðfinnsson og Vilmundur
Gylfason og Helga Möller og
Ágúst Einarsson. Tvö þau síðast-
nefndu sitja nú í aðalstjórn
flokksins.
Kjartan Jóhannsson, formaður,
stakk upp á þeim Bjarna P.
Magnússyni, Birni Friðfinnssyni,
Geir Gunnlaugssyni, Kristínu
Guðmundsdóttur og Ragnheiði
Ríkharðsdóttur. Til viðbótar var
stungið upp á Guðmundi Árna
Stefánssyni.
-Urslit kosninga urðu þau, að
aðalmenn urðu Bjarni P. Magn-
ússon með 45 atkvæðum, Kristín
Guðmundsdóttir hlaut 38 atkvæði
og Ragnheiður Ríkharðsdóttir 25.
Varamenn urðu Björn Friðfinns-
son með 20 atkvæðum og Geir
Gunnlaugsson með 16, en Guð-
mundur Árni Stefánsson fékk 15
atkvæði.
Kosning í flokksstjórn:
Jón Baldvin fékk
flest atkvæði
JÓN BALDVIN Hannihalsson
hlaut flest atkvaði flokksþings-
fulltrúa við kjör í flokksstjórn.
eða 134. Á framboðslistanum
voru 78 nöfn, en kjósa átti 25
aðalmenn og 10 varamenn. At-
kvæði greiddu 174 og voru 4
seðlar ógildir.
Næstur Jóni Baldvini að at-
kvæðamagni varð Björn Jónsson,
sem hlaut 127 atkvæði, Bjarni
Guðnason fékk 122, Bjarni P.
Magnússon 119, Eggert G. Þor-
steinsson 118, Gylfi Þ. Gíslason
117, Jón Karlsson 106, Ragnheiður
Ríkharðsdóttir 98, Kristín Guð-
mundsdóttir 97, Geir Gunnlaugs-
son 94, Björn Friðfinnsson 89,
Hörður Zophaníasson 86, Jón
Helgason 86, Gunnar Eyjólfsson
75, Ásthildur Ólafsdóttir 74,
Haukur Helgason 74, Guðmundur
Árni Stefánsson 73, Gunnar Már
Kristófersson 72, Ragna Berg-
mann 70, Finnur Torfi Stefánsson
69, Jóhann Möller 67, Bjarni
Sigtryggsson 66, Ólafur Björnsson
66 og Sigurður E. Guðmundsson
66. Helga G. Guðmundsdóttir og
Rannveig Edda Hálfdánardóttir
hlutu báðar 62 atkvæði og var
dregið um það, hvor þeirra ýrði 25.
aðalmaður eða 1. varamaður. Jón
Karlsson dró hlut Helgu og er
Rannveig Edda fyrsti varamaður.
Aðrir varamenn eru: Björgvin
Vilmundarsson, sem hlaut 61 at-
kvæði, Guðríður Elíasdóttir 61
atkvæði, Gunnlaugur Stefánsson
61 atkvæði, Þorsteinn Eggertsson
61 atkvæði, Guðrún Ólafsdóttir 60
atkvæði, Ásgeir Jóhannesson 58
atkvæði, Helga Gunnarsdóttir 57
atkvæði, Snorri Guðmundsson 57
atkvæði og Sæmundur Pétursson
56 atkvæði. Atkvæði þeirra, sem
ekki náðu kosningu til flokks-
stjórnar, voru ekki birt og fengust
ekki uppgefin.
Kjördæmisráðin höfðu fyrir
flokksþing valið sína fulltrúa í
flokksstjórn, 31 talsins, en einnig
sitja þeir 6, sem í aðalstjórn
flokksins eru, í flokksstjórninni.
Aukaþing á næsta ári
FLOKKSÞING Alþýðuflokksins
samþykkti að haldið skyldi auka-
þing næsta haust og að flokks
stjórn skyldi kjósa milliþinga-
nefnd til að vinna úr tillögum að
lagahreytingum fyrir aukaþing-
ið.
Þá samþykkti flokksþingið til-
lögu Bjarna Guðnasonar um að
setja á fót starfshóp til að gera
drög að stefnu Alþýðuflokksins í
byggðamálum, sem lögð verði
fyrir aukaþingið. I starfshópinn
voru kjörnir: Finnur Torfi Stef-
ánsson, formaður, Árni Gunnars-
son, Bjarni Guðnason, Erling
Garðar Jónason, Geir Gunnlaugs-
son, Kristín Guðmundsdóttir og
Unnar Stefánsson.
Þá var einnig samþykkt tillaga,
sem Helga Möller mælti fyrir í
nafni Sambands Alþýðuflokks-
kvenna, um starfshóp um
„fjölskyldupólitík, sem skyldi gera
drög að stefnu Alþýðuflokksins á
þeim vettvangi fyrir aukaþingið
og einnig var flokksstjórn falið að
skipa vinnuhópa í orku- og iðnað-
armálum og stjórnarskrár- og
kjördæmamálum, sem eiga að
skila flokksstjórn stefnudrögum
tímanlega fyrir aukaþingið.