Morgunblaðið - 04.11.1980, Blaðsíða 36
36
MORGUNBLAÐIÐ, ÞRIÐJUDAGUR 4. NÓVEMBER 1980
Liunsklúhhurinn Njörður er 20
ára um þessar mundir og að því
tileíni hefur klúbburinn gefið
Blindrafélaginu upptökustjórn-
borð, sem er lokaþátturinn i upp-
byggingu nýs stúdiós fyrir hljóð-
bókagerð hlindra. Samstarf Njarð-
ar við Blindrafélagið hefur verið
mikið á undanförnum árum og
hefur klúbburinn aflað fjár til
kaupa á ýmsum tækjum fyrir
félagið. Má þar nefna leirmuna-
gerð, „tandemhjól“ og flest önnur
tæki við hljóðbókagerðina.
Starfsemi hljóðbókagerðarinnar
hefur hingað til farið fram við mjög
erfið skilyrði en aðstaðan hefur nú
batnað til muna. Húsnæðið hefur
verið stækkað um helming og
geymsla frumrita verið færð yfir í
sérstakt herbergi, þar sem áætlað er
að setja upp loftræstikerfi, sem
heldur hita- og rakastigi jöfnu. í
fyrra gaf Njörður Blindravinafélag-
inu fjölspólunartæki, sem gerir
kleift að taka upp efni af einni spólu
yfir á níu spólur samtímis. Með
þessu nýja tæki er hægt að taka upp
60—100 spólur á klukkutíma.
Frá árinu 1977 hefur einn starfs-
maður verið við hljóðritanir í fullu
starfi og hafa 720 bókatitlar verið
hljóðritaðir, þrjú eintök af hverri
bók. Um 130 sjálfboðaliðar hafa
annast innlestur á þessum árum.
Fyrir fimm árum var hafinn
lestur greina úr dagblöðum inn á
kassettur og þær sendar áskrifend-
„Börn í Reykjavíku
- rannsóknir Sigurjóns Björnssonar komnar út
ÚT ER komin bókin Börn i
Reykjavík, rannsóknaniðurstöð-
ur, eftir Sigurjón Björnsson pró-
fessor. Iðunn gefur út. Er hér um
að ræða greinargerð um sálfræði-
legar rannsóknir sem gerðar hafa
verið á börnum og unglingum í
Reykjavík á vegum bókarhöfundar
og samverkamanna hans.
Gerir höfundur grein fyrir við-
fangsefninu í aðfararorðum á
Sigurjón
Björnsson
þessa leið m.a.: „Hófst rannsókn-
arstarf þetta þannig að á árunum
1965 og 1966 voru gerðar allvíð-
tækar athuganir á stóru úrtaki
barna og unglinga í Reykjavík á
aldrinum 5—15 ára. Markmiðið
var m.a. að ganga úr skugga um
tíðni sálrænna vandamála og
reyna að varpa einhverju ljósi á
tengsl þeirra við hugsanlega
áhrifaþætti uppeldislegs og fé-
lagslegs eðlis. Rannsóknum á
þessu safni hefur svo verið haldið
áfram til þessa dags ...“ Rann-
sóknirnar hafa einkum verið þrí-
þættar: Dýptarkannanir á sér-
8viðum, þ.e. úrvinnsia afmarkaðra
efnissviða innan heildarrannsókn-
arinnar. I öðru lagi eftirrannsókn-
ir á sérsviðum, þ.e. langtíma-
rannsóknir á afmörkuðum efnis-
sviðum, og loks eftirrannsóknir á
heildarsafni, en markmið þeirra
er að kanna geðheilsu barnanna
eftir að þau eru orðin fullorðin og
bera saman við niðurstöður upp-
hafsrannsóknarinnar.
Síðasti meginkafli bókarinnar
nefnist Félagsleg lagskipting. Er
þar fjallað um athugun á stétt
foreldra og því hversu mikill
munur finnist á uppeldisaðstöðu
og þroska barna eftir því hvar í
stétt foreldrar standa. — Börn f
Reykjavik er 168 blaðsíður að
stærð, Prentrún prentaði.
um um allt land endurgjaldslaust.
Þessi samantekt fékk nafnið „Vald-
ar greinar" og kemur hún út tvisvar
í mánuði.
Njörður fór þess á leit við
Lionsklúbba um allt land, að þeir
efldu Blindrafélagið að kassettum
fyrir safnið og voru undirtektir við
því mjög góðar. Sífellt fleiri blindir
eða sjónskertir færa sér í nyt
þjónustu hljóðbókasafnsins eða ger-
ast áskrifendur að „Völdum grein-
um“.
Lionsklúbburinn Njörður hefur á
tuttugu ára starfstíma sínum aflað
sér fjár til ýmissa líknar og mann-
úðarmála og stutt félög með tækja-
kaupum og fjárframlögum. Nýlega
færðu Njarðarfélagar Grensásdeild
Borgarspítalans myndsegulband að
gjöf. Flugbjörgunarsveitinni gáfu
þeir tvo fjallasjúkrabíla fyrir
nokkrum árum og á síðasta ári gáfu
þeir henni fullkomna móðurtalstöð.
Heyrnardeild Borgarspítalans og
félagasamtökin Vernd hafa einnig
notið góðs af starfsemi klúbbsins.
Auk annara framlaga Njarðar til
blindra má nefna kynnisferðir, sem
klúbburinn hefur staðið fyrir á
undanförnum árum. Síðast fóru
Lionsmenn og blindir upp í Járn-
blendiverksmiðjuna að Grundar-
tanga og var ferðin í alla staði vel
heppnuð.
Njarðarfélagar fjármagna starf-
semi sína með jólapappírssölu og
líður senn að því að þeir fari að
koma sér fyrir í miðborg Reykjavík-
ur og bjóða almenningi vöruna sína.
Herrakvöld Njarðar með tilheyr-
andi málverkauppboði er árviss
atburður og ein helsta fjáröflunar-
leið klúbbsins. Núverandi formaður
Njarðar er Daníel Þórarinsson,
viðskiptafræðingur.
Unnið markvisst að
framkvæmdum og upp-
byggingu að Hólum
Frá blaðamannafundi Lionsklúbbsins Njarðar i Blindrafélagshúsinu. Daníel Þórarinsson, formaður
Njarðar situr fyrir endann og á hans hægri hönd situr Halldór Rafnar, formaður Blindrafélagsins, sem
veitti gjöfinni viðtöku.
Lionsklúbburinn Njörður gef-
ur blindum upptökustjórnborð
Ba*. IIöfðaNtrond.
ENNÞÁ segjum við Skagfirðingar
„Heim að Hólum“ og heilhugur
fólks fullyrði eg að svo verði á
ókomnum árum. Þó skólastarf hafi
verið í nokkrum öldudal að undan-
förnu, þá horfum við unnendur
staðarins nú með góðum vonum til
bjartari tíma á Hólum, þar sem nú
er unnið markvisst að miklum
framkvæmdum og uppbyggingu á
staðnum. Skólahúsið var tekið til
gagngerðra endurbóta í sumar að
utan en áætlað er að gera við það
að innan á næsta ári, ásamt miklu
viðhaldi á öðrum mannvirkjum
staðarins.
Aðalnýbyggingar á Hólum á
síðasta ári voru, að byrjað var á
hitaveitu frá Reykjum í Hjaltadal
til Hóla og bæja í framdalnum.
Vonar maður að þeirri fram-
kvæmd ljúki á næsta ári, en 8.
nóvember er vonast til að heitt
vatn verði komið að laxeldisstöð
Hólalax, sem verið er að byggja við
Hjaltadalsá á milli Hóla og Hofs.
Hófst sú bygging um miðjan júní
og hefir gengið með ágætum vel
undir yfirstjórn Gísla Pálssonar
frá Hofi í Vatnsdal. Verktaki er
þar Stígandi hf. frá Blönduósi en
byggingarmeistari Grétar Guð-
mundsson frá Blönduósi. Vonir
standa til að húsið verði fokhelt
um þessi mánaðamót.
Starfsemi við laxeldisstöðina er
þegar hafin og komu fyrstu hrogn-
in þangað um miðjan október.
Húsið er um 1200 fermetrar að
stærð, steinsteyptir veggir og
sperrur en með álklæðningu á
þaki. Ákveðið er að í fiskeldisstöð-
inni fari fram kennsla í fiskrækt
við bændaskólann, og er nú ráðinn
og kominn þangað stöðvarstjóri og
líklega kennari, fiskifræðingurinn
Pétur Bjamason, sem lært hefir í
Noregi. Aðstoðarmaður hans verð-
ur Sveinbjörn Oddsson. Fram-
kvæmdir við hitaveituna ganga
allvel, þó hefir eitthvað tafið
verkið að nokkuð stóð á efni svo að
vinna gæti gengið án tafa. Tvær
brýr er nú verið að byggja, á
Hvammsá og Hjaltadalsá, en hún
verður nálægt fiskeldisstöðinni.
Búið er að steypa stöpla brúnna, en
veður hafa hamlað frekari fram-
kvæmdum.
Ein af framkvæmdum sem
Hólanefnd lagði til að gerð yrði á
Hólum er bygging framtíðar hest-
húss. Er nú verið að byggja fyrsta
áfanga þess.
Nýlega tók við bústjórn á Hólum
ungur búfræðingur, Grétar Geirs-
son. Segir hann mér að bústofn
þennan vetur á Hólum verði: 460
fjár, 23 nautgripir og 85 hross.
Meðalþungi dilka er góður en þó
ekki vitað ennþá hve mikill. Hey-
skapur var nokkuð seintækur
vegna skúra og heyfengur því í
meðallagi.
Ekki hefir ennþá heyrst hver
skipaður verður skólastjóri, en
ráðherra kvað ætla að ráða hann
fyrir næstu áramót. Ákveðið er að
reglulegt skólahald verði ekki á
Hólum fyrr en veturinn 1981—
1982, en á þessum vetri verði eins
og síðastliðinn vetur haldin nám-
skeið. Sú tilhögun þótti þá takast
vel. 1982 er 100 ára afmæli Hóla-
skóla. Voru tillögur Hólanefndar
um uppbyggingu staðarins að
nokkru miðaðar við það afmæli.
Það er heilhuga ósk okkar allra
sem unnum Hólastað alls hins
besta að allar hugmyndir okkar
um framkvæmdir og uppbyggingu
á staðnum verði raunveruleiki og á
100 ára afmæli hittumst við
bjartsýnir á framtíð Hólastaðar.
Björn I Bæ.
Kennarasamband Austurlands:
Vill takmörkun á
ofbeldi í sjónvarpi
Aðalfundur Kennarasambands
Austurlands var haldinn að Eið-
um þann 18. september sl. Fund-
inn sóttu á annað hundrað manns.
Rædd voru félagsmál kennara og
fulltrúi Kennarasambands ís-
lands, Guðmundur Árnason,
skýrði nýgerða kjarasamninga
B.S.R.B. Einnig fluttu erindi Guð-
mundur Magnússon fræðslustjóri
og Berit Johnson sérkennslu-
fulltrúi á Austurlandi um nýjar
stefnur við lestrarnám.
Á fundinum var eftirfarandi
tillaga samþykkt: Þing K.S.A. á
Eiðum, 19.9/80, beinir þeirri
áskorun til útvarpsráðs að það
takmarki verulega sýningu sjón-
varpsefnis sem hefur að geyma
ofbeldi, misþyrmingar, hryllings-
atriði og þess háttar efni.
í tengslum við þingið voru
haldin ýmis námskeið undir leið-
sögn 14 fagnámsstjóra.
Næstu stjórn K.S.A. skipa til
eins árs: Ólafur Eggertsson Beru-
nesi formaður, Birgir Einarsson
Breiðdalsvík, kritari, Ingimar
Sveinsson Djúpavogi gjaldkeri.
Póst- og símamálastjórinn:
Ekki mál landssímans þegar útsend-
ingar útvarps og sjónvarps rofna
Athugið breytt símanúmer
25000
Ferðaskrifstofa Akureyrar hf.
MBL. hefur borizt eftirfarandi
athugasemd frá póst- og síma-
málastjóranum:
Vegna fréttar í blaði yðar
þriðjudaginn 28. október sl. undir
fyrirsögninni „óánægja með sjón-
varpstruflanir á Vestfjörðum" tel-
ur póst- og símamálastofnunin
rétt að koma með eftirfarandi
upplýsingar til birtingar sem fyrst
til þess að koma í veg fyrir frekari
misskilning í þessu máli:
Ef útsendingar útvarps og sjón-
varps rofna vegna truflana á
rafveitukerfinu er það ekki mál
landsímans og sama gildir hvort
heldur vararafstöð er fyrir hendi
eða ekki. Allur tækjabúnaður út-
varps- og sjón.varpsstöðva er í eigu
ríkisútvarpsins.
Til frekari skýringar skal á það
bent, að þegar sjónvarpsstöðin í
borgarlandi, skammt frá Stykkis-
hólmi var byggð átti hún, ásamt
nokkrum endurvarpsstöðvum til
viðbótar, að sjá sjónvarpsnotend-
um á Vestfjörðum og við Breiða-
fjörð fyrir nauðsynlegum sjón-
varpsflutningi. í upphafi fékk
þessi sjónvarpsstöð rafmagn um
einka háspennulínu frá rafveitu
Stykkishólms. Þar voru þá a.m.k.
fjórar dieselrafstöðvasamstæður
og mjög tryggt rafmagn. Síðar var
háspennulínan framlengd til
Grundarfjarðar og var dieselstöð-
inni, sem ofan greinir, þá breytt í
varastöð. I kjölfar þessa verða
rekstrartruflanir sjónvarpssend-
isins í Borgarlandi tíðari eins og
síðustu dæmin sýna frá 19. og 26.
september og 24. október sl. Á það
hefur verið bent að umræddur
sjónvarpssendir, sem er 10000 vött
er orðinn um 12 ára gamall og er
því nú bráðaðkallandi að endur-
nýja hann en til þess skortir
nauðsynlega fjármuni. Varasendir
er aðeins 50 vött svo hér verður
sífellt veikari hlekkur í þýð-
ingarmikilli sjónvarpskeðju til
framangreindra landsvæða.
Varadieselvél á sjónvarpsstöð-
inni í Borgarlandi gæti nú stytt
rof útsendingar í 5 mínútur hverju
sinni, en með nýjum sendi styttist
þessi tími í hálfa mínútu.
Samkvæmt framansögðu er
ekki sýnilegt að úr truflunum
dragi fyrr en sjónvarpssendirinn
hefur verið endurnýjaður og raf-
magnsmálum komið í betra horf.