Morgunblaðið - 19.02.1981, Qupperneq 25

MORGUNBLAÐIÐ, FIMMTUDAGUR 19. FEBRÚAR 1981
25
Rafmagnsbilanirnar:
Viðgerðum lýkur víðast
hvar á landinu í dag
STÓR hópur viðgeróarmanna hefur
unnið svo til sleitulaust síðustu
sólarhringa við mjög erfið skilyrði
við að koma rafmagnskerfi lands-
ins í iag á ný, en víða urðu, að sögn
Guðjóns Guðmundssonar rekstrar-
stjóra RARIK, skemmdir á línum
og staurum i óveðrinu. Reiknaði
Guðjón með, að nokkurn veginn
tækist að ljúka viðgerðum um
mestan hluta landsins i gærkvöldi
og I nótt, þ.e. ef veður hamlaði ekki.
Guðjón sagði í viðtali við Mbl.
síðari hluta dags í gær, að skv.
síðustu fréttum ætti straumur að
vera kominn á í Arnessýslu að nýju
og Suðurlandið því að vera komið í
lag, nema e.t.v. einn og einn bær, en
það yrði lagfært í dag. Rafmagns-
laust hefur verið í Þingvallasveit frá
því á mánudagskvöldið en reiknaði
Guðjón með að það hefði komist i lag
í gærkvöldi.
Búið er að koma rafmagni á línuna
hjá Kiðafelli í Kjós og þess vænst að
viðgerð lyki í Hvalfirði í gærkvöldi
eða nótt.
í Borgarfirði hefur ástandið verið
hvað verst og bændur átt í miklum
vandræðum, sér í lagi með mjaltir.
Stór hluti Reykholtsdals, Hálsa-
sveitar, Hvítársíðu og Skorradals
auk einstakra bæja hefur verið
rafmagnslaus allt frá mánudags-
kvöldinu. Guðjón sagði að unnt yrði
að koma rafmagni á þar að nýju í
dag, þ.e. ef veður versnaði ekki
mikið.
Húnavatnssýslur hafa á ný fengið
rafmagnskerfið í gagnið, en á Borð-
eyri og í Bæjarhreppi hefur verið
rafmagnslaust frá því kl. 19 á
mánudagskvöld. Sæstrengur flytur
rafmagn til þessa svæðis og bilaði
þar spennir, sem ekki er vitað
hvenær hægt verður að laga. Við-
gerðum er lokið í Skagafirði.
Við Mjólkárvirkjun eru tvær nýjar
línur bilaðar. Þar munu 32 staurar
hafa gefið sig rétt við virkjunina og
er stefnt að því að lagfæra línurnar
til bráðabirgða, en það verður ekki
unnt fyrr en í fyrsta lagi í dag. Á
meðan verður rafmagn skammtað á
Vestfjörðum. Verið er að réyna að
samtengja svæðið með dieselstöðv-
um og ef það tekst verður skömmtun
hagað þannig að rafmagn verður á í
tvær klukkustundir í senn en raf-
magnslaust í næstu tvær.
Eins og sjá má á myndinni er nýja Guðbjörgin sérstaklega styrkt.
(Ljósm. Bárður Hafsteinsson.)
Nýja Guðbjörgin
sjósett í Noregi
HINN nýi togari, sem verið er að
smfða í Noregi fyrir útgerðarfé-
lagið Ilrönn hf. á ísafirði, var
sjósettur siðastliðinn laugardag.
Nafn skipsins er Guðbjörg og
einkennisstafirnir ÍS 46. Skipið
er smiðað hjá „Flekkefjord Slipp-
og Maskinfabrikk*4 í Flekkefjord
og er Guðbjörgin 21. skipið, sem
fyrirtækið smíðar fyrir íslend-
inga.
Nýja Guðbjörgin er 499 brúttó-
lestir að stærð, 55,3 metrar að
lengd og er skipið sérstaklega
styrkt með siglingar í ís í huga.
Skipið verður væntanlega tilbúið í
júní næstkomandi og fer þá eldra
skip með sama nafni til Reyðar-
fjarðar.
Frá æfingu tslensku óperunnar og Sinfóniuhljómsveitar tslands i Háskólabíói i gær.
Islenska óperan:
Ljósm. Emilía.
„Úrvalskonfekt“ á
hátíðartónleikum
í KVÖLD klukkan 21 heldur
íslenska óperan hátiðartón-
leika til minningar um hjónin
Sigurliða Kristjánsson og
Helgu Jónsdóttur. — Við mun-
um flytja stutta þætti. upplýsti
Garðar Cortes: skemmtilegar
ariur og kvintetta úr alþekkt-
um óperum. Þetta eru svona
konfektmolar: Úrvalskonfekt,
sagði hann.
Islenska óperan var við æf-
ingar í Háskólabíói í gær ásamt
Sinfóníuhljómsveitinni. Loksins
þegar blm. fann ólæsta hurð á
bíóhúsinu, gekk hann í fangið á
hreingerningarkonu: — Er það
ekki hér, spurði hann, sem Is-
lenska óperan syngur? — Það á
að heita svo, ansaði konan og
hristi afþurrkunarklútinn. — En
það er nú ekki alltaf að syngja,
þetta fólk! Og mikið rétt, það
stóð aðeins einn söngvari uppá
sviðinu, þegar blm. gekk í salinn.
Hinir sátu bara með hendur í
kjöltu.
Það var ekki gott verk að
trufla meðan fagur söngurinn
barst um salinn, en Garðar
Cortes fékkst til að hvísla nokkr-
um orðum í eyra blm.: — Það eru
nálægt 20 söngvarar, sem syngja
þessa þætti í kvöld. Landskunnir
Stjórnandinn frægi og Magnús
Jónsson.
allir saman, ungir sem gamlir.
Robin Stapleton stjórnar; vel-
þekktur stjórnandi við Covent
Garden. Mjög góður. Við erum
öll yfir okkur ánægð með þennan
mann.
Við höfum fengið góðar kveðj-
ur utan úr heimi, m.a. frá
Metropolitan og Covent Garden,
því þessir tónleikar eru nú
fyrstu spor íslensku óperunnar,
eftir að hún var formlega stofn-
uð. Við munum svo væntanlega
fara af stað með eitthvert verk í
haust; gerum lítið meðan Þjóð-
leikhúsið sýnir La Bohéme.
Þetta eru hátíðartónleikar,
eins og ég hef sagt þér, til
minningar um þau góðu hjón,
Helgu og Sigurliða Kristjánsson.
Háskólabíó hefur gefið leiguna
eftir, ríkið æf.ingar á Sinfóníu-
hljómsveitinni, prentsmiðjan
Oddi hf. prentaði endurgjalds-
laust hátíðarskrá, og allir söngv-
arar Islensku óperunnar gefa
söng sinn.
Þú getur sagt í lokin, að við
séum öll æðislega hress, ánægð
með stjórnandann, og að þetta
verði stórskemmtilegir tónleik-
ar. Jú, það er löngu uppselt og
tónleikarnir verða ekki endur-
teknir.
Með orð Garðars Cortes og
fagran söng í veganesti gekk
blm. í flasið á konunni með
klútinn: — Er nokkuð varið í
þetta, spurði hún!
„Þörf afkastamikilla veiðar-
færa ef ekki á illa að fara“
- segir Jón Kristjánsson, fiskifræðingur, um veiðar úr silungsvötnum
Á RÁÐUNAUTAFUNDI Bún-
aðarfélags íslands fyrir
skömmu flutti Jón Kristjáns-
son. fiskifræðingur hjá Veiði-
málastofnun. erindi, sem hann
kallaði „Þróun veiðitækia til
nýtingar silungsvatna". I inn-
gangi kom fram hjá honum. að
til að auka afrakstur af þessum
vötnum er nauðsynlegt að bæta
veiðitækni og dreifingu afla og
sagði hann. að rannsóknir sið-
ustu ára hefðu sýnt. að þörf
væri afkastamikilla veiðarfæra
ef ekki ætti illa að fara i þessum
silungsvötnum.
í erindi sínu vitnar Jón til
rannsókna, sem gerðar hafa ver-
ið á Eystra-Friðmundarvatni á
Auðkúluheiði frá árinu 1975.
Þessar rannsóknir voru fram-
kvæmdar að beiðni Orkustofn-
unar vegna hugsanlegra virkjun-
arframkvæmda. Jón segir m.a:
„Fari svo fram sem horfir
verður árangur grisjunartil-
raunarinnar sá, að fiskur verður
almennt smávaxnari að henni
lokinni. Grisjunin hefur ekki
verið nógu mikil. Einungis tókst
að veiða 12—14% af stofninum
árlega að meðaltali, þrátt fyrir
verulegt átak. Ætla má, að
50—80% veiðiálag þurfi til þess,
að vöxtur fiskanna verði viðun-
andi og hrygningarstofninn ná-
ist niður. Slíkt svarar ekki
kostnaði með þekktum aðferðum
og verður því að fara inn á nýjar
brautir. Eg hefi sett fram tillög-
ur um að aðlaga tækni, sem
þekkt er í sjávarútvegi, að sil-
ungsvötnum. I stuttu máli felast
þær í því að þróa nýtt veiðitæki,
sem er sambland af ádráttarnót
og dragnót, til að veiða botnlæg-
an fisk í grunnum vötnum og að
nota hringnót til að veiða svif-
lægan fisk (murtu) í djúpum
vötnum.“
Morgunblaðið ræddi við Jón
Kristjánsson í gær og spurði
hann hvort þessi nýja veiðitækni
yrði e.t.v. notuð næsta sumar.
Hann sagði, að ákveðið hefði
verið að veita 21 milljón gkróna
úr Framleiðnisjóði á þessu ári til
veiðarfæratilrauna á silungi og
markaðsöflunar. „Undirstaða
þess að geta selt fiskinn er sú að
geta veitt hann og því geri ég
mér vonir um að einhver hluti
þessarar upphæðar renni i veið-
arfæratilraunirnar," sagði Jón.
„Það hefur sýnt sig, að neta-
veiði er svo tíma- og vinnufrek,
að hún borgar sig engan veginn
og því er nauðsynlegt að finna
upp hagkvæmari aðferðir til að
gera þessar veiðar arðbærari. Þá
er það yfirleitt landlægt, að í
bleikjuvötnunum er viðkoman of
mikil þannig að um offjölgun er
að ræða. Þau vötn, sem ég hef í
huga, eru t.d., vötn eins og
Apavatn, Laugarvatn, flest
heiðavötnin okkar, eins og t.d.
Hólmavatn á Tvídægru, Frey-
Jón Kristjánsson
fiskifræðingur
mundarvötn, vötnin norður á
Sléttu og þannig mætti lengi
telja. Allt eru þetta frjósöm,
grunn vötn, sem yfirleitt eru full
af fiski, sem við getum nýtt
miklu betur. Um stóru, djúpu
vötnin gegnir öðru máli, vötn
eins og Þingvallavatn, Hestvatn
og Skorradalsvatn. Þar tel ég að
hringnótaveiði henti betur til að
ná árangri í veiði á murtu.“
Þá var Jón spurður hvort ekki
væri hætta á að vötnin yrðu
eyðilögð með stórtækum veiði-
tækjum:
„Þvert á móti. Stangaveiðim-
enn gera t.d. frekar kröfu um að
fá sæmilega stóra fiska heldur
en marga litla. Til að það geti
orðið að raunveruleika þarf að
veiða meira svo fiskurinn hafi
nóg æti. Þegar spurt er hvort við
drepum ekki allan fiskinn á einu
eða tveimur árum má benda á
það til samanburðar, að í öllum
sláturhúsum á landinu væri
vandalaust að drepa allan fjár-
stofninn á einu ári.
Ég neita því ekki, að ég hef
orðið var við hræðslu meðal
manna við það, að of mikið yrði
veitt með þróaðri veiðitækni.
Með sömu rökum mætti segja, að
við ættum að leggja niður slát-
urhús og taka upp sportveiði-
mennsku eða að snara lömbin. Á
bak við hugmyndir mínar er
aðeins það, að gera silungsveið-
arnar arðsamari í framtíðinni en
þær hafa verið hingað til. Til að
svo megi verða tel ég brýna
nauðsyn á, að við tökum upp
nýja veiðitækni og auknar veið-
ar,“ sagði Jón Kristjánsson,
fiskifræðingur.