Morgunblaðið - 11.08.1981, Blaðsíða 17
MORGUNBLAÐIÐ, ÞRIÐJUDAGUR 11. ÁGÚST 1981
17
5. — ISAL hefur ætíð staðið við
öll ákvæði kjarasamninga. Þar
hefur engu verið rift eftir á og
samningarnir milli fyrirtækisins
og starfsmannanna því ávallt ver-
ið í fullu gildi allt samningstima-
bilið.
6. — Framkvæmdastjórn ISAL
hefur lagt sig alla fram og kapp-
kostað að hafa hollustu-, heil-
brigðis- og öryggismál á vinnu-
staðnunrí eins góðu lagi og unnt
er. Eftirlit af hálfu ISAL með
þessum þáttum er mikið og miklu
kostað þar til. Læknisskoðun á
starfsmönnum fer reglulega fram.
Er hún, sem annað tilheyrandi
þessum málum, kostuð af fyrir-
tækinu sjálfu.
7. — Öryggismálin hjá ISAL,
slysa- og brunavarnir, eru til
fyrirmyndar. Hefur ISAL haft
forgöngu um á því sviði, sem vakið
hefur eftirtekt ýmissa innlendra
og jafnvel erlendra fyrirtækja,
sem kynnt hafa sér þessi mál í
Straumsvík og sótt þangað fyrir-
myndir, vegna sinna eigin örygg-
ismála. ISAL er með sérþjálfað
lið, sem getur brugðið skjótt og
fyrirvaralítið við, ef slys ber að
höndum eða bruna. Lið þetta er
reglulega þjálfað og endurhæft,
eftir því sem þurfa þykir. Hefur
fyrirtækið oft sent menn úr liði
þessu til annarra landa til þess að
kynnast því sem bezt er þar að
gerast í öryggismálum.
8. — ISAL hefur lagt gífurlegt fé
af mörkum til mengunarvarna,
sem nú þegar nemur milljörðum
króna, og mun halda áfram að
kosta þar miklu til, svo að þau mál
verði í því lagi sem tök eru á og í
mannlegu vaídi stendur að ráða
við.
9. — Framkvæmdastjórn ISAL
hefur frá upphafi leitazt við af
alefli að skapa starfsmönnum
sínum sem bezt félags- og starfs-
skilyrði. Hefur ISAL lagt til
félagsmála starfsmanna sinna
drjúga styrki í beinum og óaft-
urkræfum fjárframlögum ogeinn-
ig með hagkvæmum lánum, eins
og t.d. til orlofs- og sumarbúða
ISAL-manna við Hæðargarðsvatn
hjá Klaustri á Síðu og í Brekku-
landi í Biskupstungum.
10. — I Straumsvík hafa sprottið
upp mörg félög, sem öll starfa af
krafti. Svo nokkur séu nefnd, þá
eru þar t.d. Starfsmannafélag
ISAL (STÍS), pöntunarfélag,
byggingarsamvinnufélag, bridge-
og taflfélag, íþróttaklúbbur, veiði-
mannafélag (er með Krossá á
Skarðsströnd á leigu), steinasafn-
araklúbbur, ljósmyndaklúbbur,
radíóklúbbur o.fl. Húsnæði og
ýmsa aðra aðstöðu vegna starf-
semi sinnar hafa þessi félög og
klúbbar fengið endurgjaldslaust
hjá ISAL.
9
Þau atriði, sem drepið var á,
bæði í fyrri og síðari hluta þessar-
ar greinar, ber öll að einum og
sama brunni og undirstrika þá
staðreynd, að „íslenzka álfélagið
hfer mikilvægur og traustur
hlekkur í efnahagskerfi þjóðar-
innar. Og bersýnilegt er, þegar
litið er yfir þróun atvinnu- og
framfaramála eftir miðja öldina,
að Álverið í Straumsvík og Búr-
fellsvirkjun valda mestum
straumhvörfum í framfarasókn
landsmanna á síðari tímum.
Að unnt yrði á sinni tíð að
ráðast í svo mikla vatnsaflsvirkj-
un sem Búrfellsvirkjun er, þurfti
að vera tryggt að stóriðja með
mikla orkuþörf yrði hér reist.
Stóriðjusamningurinn milli ís-
lands og Alusuisse, — álsamning-
urinn — var meginforsendan
fyrir því að fært þótti að leggja í
stórvirkjunarframkvæmdir við
Búrfell. Og með þeim miklu fram-
kvæmdum, sem hófust samtímis
árið 1967, við Búrfell og í
Straumsvík, verða þáttaskil —
aldahvörf — í iðnaðarmálum ís-
lendinga. — Öld stóriðju var
runnin upp á Islandi.
Ágæt spretta á grænmeti
Litið til nokkurra garðyrkjubænda
Jóhannes Helgason I Hvammi II ásamt konu sinni Kristrúnu Karlsdóttur i
kálakrinum.
Kjartan Helgason i Hvammi I að pakka gulrótum ásamt heimafólki og gestum
IIÉR í IIRUNAMANNAIIREPPI er rétt á annan tug
garðyrkjubamda sem byggja afkomu sína að mest
öllu eða öllu leyti á ra'ktun grænmetis og gróður-
húsaafurða. Jarðhiti er mestur á Flúðum og í
nágrenni en einnig hefur verið borað eftir heitu
vatni á ýmsum öðrum stöðum með ágætum árangri.
I»ar sem nýtt grænmeti er fyrir nokkru komið í"
verslanir fannst fréttaritara rétt að bregða sér í
heimsókn til nokkurra garðyrkjuhænda i nágrenni
við Flúðir og spyrja þá um uppskeruhorfur.
Mánudagar eru um þetta leyti árs mestu annadagar
vikunnar hjá garðyrkjumönnum hér um slóðir við
uppskerustörf og frágang á grænmetinu, en flutn-
ingabíllinn fer á þriðjudögum til Reykjavíkur með
aðalsendingu vikunnar. Einnig er sent grænmeti tvo
aðra daga vikunnar um mesta annatímann, en áhersla
er lögð á að grænmetið komi sem nýjast og ferskast á
markað.
Á mánudaginn þegar meirihluti landsmanna var í
fríi og verslunarstéttin hélt dag sinn hátíðlegan voru
garðyrkjumennirnir í önnum. Fyrst var litið til
Georgs Ottóssonar sem býr á Flúðum þar sem hann
kennir íþróttir við Flúðaskóla á veturna. Hann var að
skera hvítkál í garðlandi sinu í nágrenni Flúða ásamt
mági sinum Heimi Runólfssyni. Georg kvaðst vera
með hvorutveggja inni- og útiræktun eins og flestir
garðyrkjubændur. Agúrkuuppskeran í gróðurhúsinu
hefði verið allgóð en mikil afföll hefðu orðið á sölunni
vegna mikillar offramleiðslu. Úti er Georg með
blómkál og hvítkál og hann taldi uppskeruhorfur í
meðallagi góðar en ekki væri hægt að bera þetta ár
saman við árið í fyrra sem var með bestu árum sem
kæmu en þá var metuppskera.
Jóhannes Helgason í Hvammi II var að skera
hvítkál eins og Georg ásamt konu sinni. og börnum.
Hann taldi sprettuna á grænmetinu vera í góðu
meðallagi. Engin afföll hefðu orðið í vor eins og oft
vill verða en kuldi og þurrkar hefðu þó tafið eitthvað
fvrir sprettunni. Skjólbelti og upphitun garðlandsins
flýttu hinsvegar fyrir, en nokkrir garðyrkjubændur
hefðu komið fyrir heitum lögnum í garðlöndum sínum
sem flýttu að sjálfsögðu mjög fyrir sprettunni.
Kjartan bróðir Jóhannesar sem býr í Hvammi I var að
pakka gulrótum ásamt fólki sínu þegar litið var inn í
pökkunarskúrinn hjá honum. Hann tók undir þau orð
hjá bróður sínum að vöxturinn á grænmetinu væri í
góðu meðallagi, þetta væri önnur sendingin sem færi
frá sér af gulrótunum á markaðinn í sumar. Einar
Hallgrímsson í Garði var úti í miðjum garði að skera
kál en hann er nágranni þeirra Hvammsbræðra er
einn reyndasti garðyrkjubóndi landsins og stofnaði
sitt garðyrkjubýli árið 1944. Einar taldi uppskeru-
horfur ágætar í ár þrátt fyrir þurrk og kulda en mikill
munur væri á hvort garðlöndin væru upphituð eða
ekki en hans garðland er allt hitað upp. Markaðurinn
fyrir grænmeti hefur stóraukist á síðustu árum ekki
síst með tilkomu allra nýju grillstaðanna á Faxaflóa-
svæðinu.
Sig. Sigm.
Daði Jóhannesson hnýtir fyrir og merkir kálpokana.
Georg Ottósson og Heimir Runólfsson.
Einar Hallgrímsson i Garði með fulla korfu af fallegu káli.
Ljó>m: Sík. SÍKm.