Morgunblaðið - 11.08.1981, Blaðsíða 46
46
MORGUNBLAÐIÐ, ÞRIÐJUDAGUR 11. ÁGÚST 1981
Úrsögn úr hvalveiði-
ráðinu ekki í bígerð
— segir Steingrímur Hermannson
„MÁLEFNI Alþjóða hvalveiðiráðsins eru komin í hreina vitleysu, ef
nota má það orðalaj{,“ sagði Steingrimur Hermannsson sjávarútvegs-
ráðherra í samtali við Morgunblaðið í gærkvöldi, er hann var spurður
álits á þeirri skoðun, er fram hefur komið að undanförnu, að
íslendingar eigi að segja sig úr ráðinu.
Gunnar Guðbjartsson
Gunnar Guðbjarts-
son lætur af störf-
um sem form. Stéttar-
sambands bænda
„ÉG GERÐI kunnuga þá ákvörð-
un mína að láta af störfum
formanns Stéttarsambands
bænda á siðasta aðaifundi sam-
handsins i fyrra og sú ákvörðun
stendur óbreytt. Eg læt þvi af
störfum frá og með næsta aðal-
fundi, sem verður að Laugum i
Þingeyjarsýsiu dagana 3.-5.
september nk.,“ sagði Gunnar
Guðbjartsson, formaður Stéttar-
sambands bænda, i samtali við
Mbl. í gær.
Gunnar Guðbjartsson hefur
gegnt starfi formanns Stéttar-
sambands bænda sl. 18 ár, frá
árinu 1963.
Steingrímur sagði, að sú þróun
hefði orðið á undanförnum árum,
að þjóðum er ekki stunduðu hval-
veiðar, hefði mjög fjölgað í Al-
þjóða hvalveiðiráðinu, jafnvel
væru þar á meðal þjóðir er ekki
ættu land að sjó. Sagði ráðherr-
ann, að svo virtist sem skipulega
hefði verið unnið að því að koma
slíkum þjóðum inn í ráðið, og
hefði það orsakað breytt viðhorf.
Of snemmt sagði hann þó að
taka ákvörðun um úrsögn, og hefði
slíkt ekki verið rætt, og hann væri
ekki með slíka tillögu í undirbún-
ingi. „En við íslendingar höfum
alltaf lagt áherslu á að fara að
niðurstöðum vísindanefndarinn-
ar,“ sagði Steingrímur ennfremur,
„og munum gera það áfram. Svo
virðist hins vegar sem hin vísinda-
legu sjónarmið séu ekki lengur
þau sem gengið er út frá, og það
hefur á vissan hátt kallað fram ný
viðhorf."
Sýnir í Eden
GUNNAR HALLDÓR Sigurjónsson hefur opnað málverkasýningu
í Eden i Hveragerði. Á sýningunni eru 40 myndir og eru þær
flestar til sölu. Þetta er niunda einkasýning Gunnars Halldórs en
auk þess hefur hann tekið þátt i samsýningum. Sýningin verður
opin til 23. þ.m.
Sölustofnun lagmetis:
Um 37% aukning í útflutn-
ingi fyrstu sex mánuðina
TÖLUVERÐ söluaukning varð á
útflutningsvörum Sölustofnunar
lagmetis fyrstu sex mánuði þessa
Minntust 100 ára af-
mælis Fellskirkju
Bap. Hófða-strond. 10. ágúxt.
SUNNUDAGINN 9. ágúst var
100 ára afmælis Fellskirkju i
Skagafirði minnst með veglegri
hátiðarguðsþjónustu. Biskup Is-
lands. vígslubiskup og allir þjón-
andi prestar í héraðinu, voru
mættir. Biskup flutti sköruglega
stólræðu.
Alls munu um 150 manns hafa
sótt þessa athöfn, en margir
þurftu að vera utandyra þar sem
kirkjan rúmar aðeins milli 60—70
manns.
Auk hátíðlegrar messuathafnar,
þar sem skírð voru tvö bðrn, fluttu
í kirkjunni, Pétur Jóhannsson og
Stefán Gestsson, mjög greinargóð
erindi um kirkjuna.
Fjöldamargar gjafir voru kirkj-
unni færðar, frá velunnurum
hennar innan hrepps og utan,
bæði munir og peningar. Eftir
gagngera viðgerð á Fellskirkju nú,
er guðshúsið hið prýðilegasta og
má söfnuðurinn vera stoltur af.
Vegleg veizla var gerð á kirkju-
staðnum að Felli í tengslum við
þessa athöfn. Veður var sæmilegt,
en það rigndi þó annað slagið, eins
og nú er daglegur viðburður.
Björn
Blaðburðarfólk
óskast
AUSTURBÆR
KARFAVOGUR
HRÍSATEIGUR
HRAUNTEIGUR
KOPAVOGUR
HAVEGUR
JHorötmbXabib
Hringiö í síma 35408
árs miðað við sama tíma í fyrra
eða rúmlega tvöföldun sé miðað
við verðmæti i innlendri mynt, en
um 37% aukning i magni.
Verðmæti nam um 22 milljón-
um króna miðað við 9,9 milljónir
króna á sama tíma í fyrra. Magnið
fyrstu sex mánuðina varð 677 tonn
af fullunnum útflutningsvörum.
í frétt frá Sölustofnun segir, að
þrátt fyrir þennan árangur fyrri
hluta ársins, aukna markaðssókn
stofnunarinnar og erlendra um-
boðsmanna og vaxandi eftirspurn
á ýmsum mörkuðum, er ekki
annað að sjá en framundan sé
fyrirsjáanlegur samdráttur á
ýmsum helztu mörkuðum Vestur-
Evrópu, sem stofnar í voða út-
flutningi stofnunarinnar síðari
hluta ársins.
— Helzta orsök þessarar þró-
unar er hin óvenjulega gengis-
þróun frá áramótum, en eins og
alkunna er hefur þessi þróun verið
lagmetisiðnaðinum ásamt öðrum
útflutningsiðnaði afar óhagstæð.
Þrátt fyrir að innlendur tilkostn-
aður hafi hækkað á tímabilinu um
a.m.k. 20% hefur gengi íslenzku
krónunnar verið hækkað gagnvart
öllum helztu gjaldmiðlum í Evópu
um allt að 10% vegna hinnar
miklu hækkunar dollarans.
Til viðbótar við þessa þróun í
gengismálum er þess að geta, að
þrátt fyrir að ráð væri gert fyrir
verulega auknum kaupum Sovét-
ríkjanna á lagmeti, m.a. gaffalbit-
um, í gagnkvæmum viðskipta-
Samdráttur fyrir-
sjáanlegur á helztu
mörkuðum í Evrópu
á seinni hluta ársins
samningi þjóðanna á síðasta ári,
eða aukningu upp á 4—6.5 milljón-
ir dollara, hafa lagmetiskaup
Sovétmanna verið lítil enn sem
komið er á þessu ári.
Þá segir í frétt Sölustofnunar,
að þess megi geta í sambandi við
þessa útflutningsgrein, að æ
strangari reglur um innflutning á
matvælum með tilliti til umbúða-
merkinga geri lagmetisútflutning-
inn einn vandasamasta útflutning
landsins.
— Þess er vænzt, að brautryðj-
endastarf, sem nú þegar er búið að
vinna á helztu mörkuðum í Evr-
ópu og var áætlað að muni skila
töluverðum söluárangri á þessu
ári, verði ekki gert að engu. Það er
skylda stjórnvalda, að tryggja
samkeppnisstöðu útflutningsiðn-
aðarins og efna þau fyrirheit er
gefin hafa verið um stuðning við
útflutningsiðnað landsmanna. Að
öðrum kosti er ljóst, að innan
tíðar mun síga á ógæfuhliðina í
þessum málum og of seint er að
grípa til ráðstafana, þegar svo
kann að vera komið, að markaðir
hafa glatazt til samkeppnisaðila.
Stóðhestsdrápið
enn óupplýst
ENN HEFUR ekki tekist að
upplýsa drápið á stóðhestinum
Rauð 618 frá Koikuósi, eða
Stokkhólma-Rauð, eins og hann
var oft nefndur, en hesturinn var
skotinn i haga í Stokkhólma i
Skagafirði í síðustu viku, sem
kunnugt er af fréttum.
Jóhann Salberg Guðmundsson,
sýslumaður Skagfirðinga, sagði í
samtali við Morgunblaðið í gær,
að rannsókn væri haldið áfram, og
væru nokkur atriði enn ókönnuð.
Samráð sagði hann haft við Rann-
sóknarlögreglu ríkisins, en ekki
hefði þó enn þótt ástæða til að
menn kæmu úr Kópavogi norður í
Skagafjörð vegna málsins. Jóhann
sagði ekki gott að segja til um,
hvort tækist að upplýsa málið, en
benti þó á, að slíkt væri erfitt, er
hvorki fyndist kúla né patróna
skotvopns þess er notað hefur
verið við verknaðinn.
Albert Guðmundsson í utanrikisnefnd:
ítarleg rannsókn á handf æra-
og laxveiðum Færeyinga
Á FUNDI utanrikismálanefndar
Alþingis i gærmorgun lagði Ai-
bert Guðmundsson, alþm., einn af
fulltrúum Sjálfstæðisflokksins i
nefndinni, fram svohijóðandi til-
lögu, sem vísað var til frekari
umræðu á næsta fundi nefndar-
innar og athugunar á milli
funda:
„Fram hefur komið í fjölmiðlum
síðustu daga tvennt, sem hlýtur að
varða hagsmuni íslands verulega og
snertir samskipti og samninga ís-
lands við nágranna okkar Færey-
inga:
Upplýst er, að fiskibátar frá
Akranesi hafa verið hraktir af
miðum sínum af færeyskum hand-
færabátum. Hefur þetta leitt til
þess að fiskibátarnir frá Akranesi
hafa orðið að hætta arðbærum
veiðum á Reykjaneshryggnum.
Þá er einnig upplýst í fjölmiðlum
— og hefur reyndar lengi verið — að
Færeyingar stórauki laxaveiði sína
á norðanverðu Atlantshafi á línu og
í net ár frá ári og hafi þessi laxveiði
þeirra aukizt síðustu 3—5 árin úr
100—200 tonnum allt upp í áætlað
og fyrirhugað magn af laxi á þessu
ári, minnst 1500 tonn.
Vart fer á milli mála að þessi
gífurlega úthafsveiði Færeyinga á
laxi komi hart niður á þá stórauknu
og rándýru fiskiræktarstarfsemi á
laxfiskum, sem stunduð er á íslandi
í vaxandi mæli undanfarin 10 ár.
Almælt er, að þær embættis-
mannastofnanir íslenzkar, sem
fyrst og fremst ættu að vera hér á
verði, hafa lítt látið i sér heyra í
þessum efnum og ef nokkuð er, þá á
neikvæðan hátt fyrir hagsmuni ís-
lendinga.
Fyrir því skorar utanríkismála-
nefnd Alþingis á ríkisstjórnina að
skipa nú þegar nefnd fróðra manna
til rannsóknar á málum þessum og
fleiri hugsanlegum atburðum og
tilvikum, sem um er að ræða í
þessum efnum. í því sambandi má
nefna lúðuveiðar Norðmanna við
strendur landsins, einkum á Reykja-
neshryggnum.
Jafnframt skorar utanríkismála-
nefnd Alþingis á ríkisstjórnina að
Ijá ekki eyra við samningum um
fiskveiðar við strendur íslands við
umræddar þjóðir, fyrr en að undan-
genginni mjög ítarlegri rannsókn {
málum þessum.“