Morgunblaðið - 28.11.1981, Blaðsíða 45

MORGUNBLAÐIÐ, LAUGARDAGUR 28. NÓVEMBER 1981
45
Að fjármagna friðinn
Sigurjón Jónsson skrifar:
„Eins og frægt varð,
sagði skáldið Steinn Stein-
arr forðum, að „Rússar
hefðu fundið upp friðinn,
— hvorki meira né minna“!
Þetta var ekki eina friðar-
hviðuna að austan. Að
sjálfsögðu brást Þjóðvilj-
inn, málsvari Rússa fyrr og
síðar, ókvæða við og sendi
Steini lítt þvegnar kveðjur,
en sá hefur jafnan verið
háttur þess blaðs, að taka
svari Sovétmanna, og ætíð
reynt í slíkum tilvikum að
gera hlut íslendinga — að
þessu sinni hlut Steins —
sem verstan.
Nú hefur sannazt, að
ekki hafa Rússar einvörð-
ungu fundið upp friðinn,
heldur og tekið að sér að
fjármagna friðinn, sbr.
greiðslur KGB til danskra
rithöfundarins. Telja
margir, að þetta muni
verða til þess að friðarhvið-
an ’81 muni springa sem
hver önnur loftbóla. Eftir
nýjustu uppljóstranir í
þessum efnum og kafbáta-
ferðir með kjarnorkuvopn
inn í sænska skerjagarðinn
mun það sem sagt ekki
duga Sovétmönnum, þótt
þeir hafi tekið að sér að
„finansera friðinn".
Skrifin um alkóhólistana:
Minna napurlega á dæmisöguna
um tollheimtumanninn og faríseann
Ein á Melhaganum skrifar 11.
nóv.:
„Það er margt skemmtilegt,
fróðlegt og stundum líka hlálegt
og aumt, sem maður fær að lesa í
dálkum þínum, Velvakandi góður.
Auðvitað er fólk á öndverðum
meiði og því miður gætir líka öf-
undar og afskiptasemi. Oft er
maður alveg gáttaður á vitleysu
fólks. Jú — jú ofdýrkun á stjórn-
málamönnum er algeng, en að lýsa
^því yfir að einhver uppáhaldsper-
sóna sé maður þjóðarinnar, mæla
slíkt fyrir munn allra lands-
manna, það þykir mér of langt
gengið. Ekki held ég að allir hafi
sama smekk, hvorki í þessu né
öðru. Jæja, nóg með það.
Ekki allir á sama máli
Nú er ég full eftirvæntingar og
tilhlökkunar og verð það örugg-
lega næstu vikurnar vegna skrifa
Páls H. Árnasonar frá Vest-
mannaeyjum um „upprisu holds-
ins“, alveg ágætis skrif, en þetta
verður „sko“ spennandi, ekki voru
svo lítil lætin í fyrra, vegna bless-
aðra sjónvarpsþáttanná „um sköp-
un heimsins". Þar skrifuðu börn á
öllum aldri og oft voru börnin
meiri, sem árin höfðu fleiri. Mig
langar til að spyrja þig um smá-
vegis, Velvakandi góður. Er ekki
reginmunur á því.að vera barna-
legur og barnslegur?
Ekki eru allir, sem ég hef hitt á
sama máli. Er ekki barnalegur sá,
sem einfaldur er, en barnslegur
sá, sem hefur geymt barnið í sál
sinni, réttara sagt, geymt vorið í
hjarta sínu (fyrir þá sem ekki trúa
á sálirnar).
Hver getur dæmt...?
Nú er fólk farið að rífast um
hvort alkóhólistar, eða öðru nafni
vímu-sjúklingar, séu meiri eða
minni sjúklingar en hinir, sem
bíða í kvöl og neyð, eins og mann-
eskja nr. 5984—1173 talar um í
dálkum þínum í dag. Mikil hörm-
unar-hörmung. Hver getur dæmt
um hver sjúkur er og hver ekki?
Þessi skrif og þau er á undan voru
skrifuð, af Árnýju nokkurri og
Stykkishólms-Árna, minna nap-
urlega á dæmisöguna um toll-
heimtumanninn og faríseann.
Örlítil ábending í lokin, til ykk-
ar þriggja. Ef til vill er uppruni
allra sjúkdóma, hverju nafni sem
þeir nefnast, í sál hvers manns.
Vonandi eruð þið mjög heilsu-
hraust.
Með þakklæti."
Þ>essir hringdu . . .
Þakklæti til SVR
, íbúi við Nökkvavog hringdi og
sagði:
— Ég hringdi til þín um dag-
inn og kvartaði yfir því að bekk-
urinn við strætisvagnabiðstöð-
ina hérna væri horfinn, enda
þótt mér væri ekki kunnugt um
að nein skemmdarverk hefðu
verið unnin á honum. En hann er
nú kominn aftur á sinn stað, og
ekki bara það, heldur er skýli
komið líka. Skilaðu kæru þakk-
læti til SVR fyrir mig.
Klám í Engihjalla
íbúi í Engihjalla 9 hringdi og
hafði eftirfarandi að segja:
— Það vildi svo til á laugar-
dagskvöldið var, að fjölskyldan
var óvenju hress um kvöldið af
því að sofið hafði verið frameftir
um morguninn. Við hjónin á-
kváðum því að fá okkur smábílt-
úr eftir sjónvarpsglápið, svona
til tilbreytingar. Þetta tók um
það bil hálfa klukkustund. Þegar
við komum inn úr dyrunum aft-
ur, sitja drengirnir stjarfir fyrir
framan sjónvarpstækið en dóttir
okkar lítil lá hágrátandi inni í
herberginu sínu. Þegar okkur
verður litið á skjáinn kemur
skýringin á þessu breytta and-
rúmslofti á heimilinu í ljós.
Börnin höfðu kveikt á vídeóinu
og verið var að sýna þar svæsna
klámmynd, ekki eina af þessum
sem bíóin bjóða upp á, heldur
ógeðslega öfuguggaframleiðslu,
þar sem megináherslan er lögð á
að gera holdlegt samband fólks
eins afkáralegt og afbrigðilegt
og unnt er. Þessu hafði verið
dembt inn á heimili okkar rétt á
meðan við skruppum í ökuferð-
ina. Það er auðvitað ekki fært að
búa við það að geta ekki vikið sér
frá andartaksstund, án þess að
þurfa að vera hræddur um sál-
arheill barna sinna. Eina svarið
sem maður hefur við svona lög-
uðu, verði um endurtekningu að
ræða, er að kalla til lögreglu og
kæra málið.
Aðalfundur
Aðalfundur knattspyrnudeildar Vals verður haldinn í
dag, laugardaginn 28. nóvember í Kristalsal Hótel
Loftleiöa og hefst kl. 14.00.
Dagskrá: Venjuleg aðalfundarstörf.
Stjórn knattspyrnudeildar Vals.