Morgunblaðið - 29.11.1981, Qupperneq 42

42
MORGUNBLAÐIÐ, SUNNUDAGUR 29. NÓVEMBER 1981
Minning - Halldóra
Inga Ingimarsdóttir
Þann 26. október síðastliðinn
lést í FjórðunKssjúkrahúsinu á
Isafirði frú Halldóra Inga Ingi-
marsdóttir frá Hnífsd^l, 57 ára
gömul, og var útför hennar gerð
frá Hnífsdalskapellu mánudaginn
2. nóvember síðastliðinn að við-
stöddu miklu fjölmenni.
Mig langar til að heiðra minn-
ingu hinnar látnu vinkonu minn-
ar, sem ég hafði þekkt allt frá
frumbernsku hennar í foreldra-
húsum, því að ég var nánast
heimagangur á heimili foreldra
hennar fyrr og síðar, því að ég og
faðir Halldóru Ingu höfðum svo
margt saman að sælda, eins og
stundum er að orði komist, í fé-
lagsmálum o.fl.
Halldóra Inga Ingimarsdóttir
var fædd í Hnífsdal 12. júni 1924.
Foreldrar hennar voru hjónin frú
Sigríður Guðmundsdóttir og Ingi-
mar Finnbjörnsson, útgerðarmað-
ur og formaður í Hnífsdal um
langa hríð, en gerðist síðar verk-
stjóri hjá Hraðfrystihúsinu hf. í
Hnífsdal, sem stofnað var árið
1941 og var Ingimar, ásamt öðrum
útgerðarmönnum í Hnífsdal, einn
af stofnendum þess fyrirtækis,
sem hann þjónaði af trúnaði á
meðan hann hafði verkstjórn á
hendi.
K.S1485 SLiHalldór ST:G
LE:798(802) LI:236(237) JU:0/0
T:4(19) Sjúkdóms þess, er varð
Halldóru Ingu Ingimarsdóttur að
fjörtjóni, kenndi hún fyrst í febrú-
ar 1979, og átti hún við langvar-
andi og óskapleg veikindi að stríða
allt þar til yfir lauk, en veikindin
voru þess eðlis að ekki varð við
ráðið. Höfðu þó íslenskir lækna-
érfræðingar reynt til hins ýtrasta
og allt sem í þeirra valdi stóð, að
verða hér að liði, allt kom fyrir
ekki. Kallið var komið, og varð
ekki umflúið.
Halldóra Inga, gekk ávallt undir
nafninu Inga, bæði heima og
heiman meðal þeirra, er þekktu
hana á annað borð, og er mér til
efs, að öllu samferðafólki hennar í
Hnífsdal meðal annars, hafi í raun
verið kunnugt um að hún héti
tveimur nöfnum, því að Halldóru-
nafnið bar víst aldrei á góma, að
ég held.
Halldóra Inga ólst upp hjá for-
eldrum sínum við gott atlæti í
hópi góðra og velgefinna systkina,
sem undu glöð við sitt. Af systkin-
um Halldóru Ingu eru fimm á lífi,
sem öll hafa fyrir löngu stofnað
sín eigin heimili og eignast afkom-
endur, en köll hafa börn frú Sigr-
íðar og Ingimars komist vel áfram
í lífinu og eru með góðir borgarar,
sem syrgja nú ástfólgna og kæra
systur, innilega. Frú Hallóra Inga
hlaut almenna menntun í barna-
og gagnfræðaskóla; engekk síðar í
Húsmæðraskólann á Isafirði þar
sem hún naut hagnýtrar hús-
mæðramenntunar.
Ég man Halldóru Ingu tápmikla
unga stúlku, sem með prúðri
framgöngu ávann sér traust og
vináttu samborgara sinna, bæði
sem barn og fullorðin kona.
Snemma á árum gekk Halldóra
Inga í kvenfélagið „Hvöt“ í
Hnífsdal og starfaði þar með
miklum ágætum og vildi viðgang
kvenfélagsins sem mestan í hví-
vetna. Um árabil var Halldóra
Inga ritari í kvenfélaginu „Hvöt“
og fórst það vel úr hendi.
Ung að árum eignaðist Halldóra
Inga unnusta, hinn efnilegasta
pilt, Kristján Pálsson, en hann var
sonur Páls Pálssonar útvegsbónda
og formanns í Heimabæ í Hnífs-
dal, einn hinna velþekktu Heima-
bæjarbræðra, er kunnir voru á
sinni tíð fyrir aflasæld og dugnað
í sjósókn. Þennan myndarlega og
hlýja unnusta missti Halldóra
Inga 1. desember 1941, en hann
lést fyrir aldur fram í sjúkrahúsi.
Við þessi óvæntu tíðindi var mikill
harmur kveðinn að hinni ungu
stúlku, sem von var til. Hinn 11.
janúar 1942 ól hin harmi lostna
unga stúlka hinum látna unnusta
sínum dóttur, er hlaut nafnið
Kristín, sem nú er gift kona í
Hnífsdal. Frú Sigríður og Ingimar
tóku Kristínu dótturdóttur sína í
fóstur og dvaldist hún hjá þeim
þar til móðir henar giftist.
Halldóra Inga giftist Halldóri
G. Pálssyni, bróður hins látna
unnusta, 6. nóvember 1946, frá-
bærum myndarmanni og góðum
dreng, og var alla tíð mikið ástríki
með þeim hjónum.
Fyrstu hjúskaparár sín urðu
Bifreiðar & Landbúnaðarvélar hi.
jiiiypV SadnrianðibraHl U - Beykjatik - Slmi 38600
Verö aðeins kr.
111.600
• 4 hjóla drif
• Fjórsídrif
• 4. syl. 86 ha.
• Hátt og lágt drif.
• 16“ felgur.
• ^riggja dyra.
• Lituö framrúöa.
• Hituð afturrúöa.
• Hliöarlistar.
• Vindskeið.
þau hjón að sæta leiguhúsnæði, og
þó að leiguhúsnæðið væri ekki
alltaf að þeirra 'skapi eða þannig
úr garði gert, sem þau helst hefðu
kosið, þá reyndu hin samhentu
hjón að gera heimilið sem best að-
laðandi og hlýlegt svo sem kostur
var á og efni íeyfðu, og virtist mér
oft á tíðum, að mikið listfengi lægi
að baki vali þeirra hjóna á hús-
munum og öðrum því, er að heim-
ilisprýði laut.
Arið 1955 réðust þau Halldóra
Inga og Halldór Pálsson í það
stórræði að láta byggja sér snot-
urt og myndarlegt íbúðarhús við
Heiðarbraut í Hnífsdal, sem verið
hefur heimili þeirra alla tíð siðan.
Meðal annars var þetta nýja
heimili þeirra smekklegt og fyrir
flestu séð innanhúss, sem jók á
hlýju hins nýja heimilis fjölskyld-
unnar.
Þau Halldóra Inga og Halldór
Pálsson eignuðust fimm mann-
vænleg börn, þrjár dætur og tvo
syni, sem reynst hafa dugandi fólk
og góðir borgarar. Synirnir og ein
dóttirin höfðu stofnað heimili þó
nokkru fyrir andlát móður sinnar.
Næst yngsta dóttirin stundar
skólanám, en sú yngsta, Dagmar
dvelur nú með föður sínum í
Hnífsdal.
Eftir að Halldóra Inga og Hall-
dór fluttu í sitt nýja hús, unnu þau
markvisst að því, eftir því sem
efni og aðrar ástæður leyfðu , að
gæða þetta nýja heimili sitt þeim
þokka, sem þau hjón sannarlega
ólu með sér, eftir að þessum
áfanga í lífi þeirra var náð, að
vera komin í sitt eigið húsnæði.
Þau hjón lögðust því á eitt af
því listfengi, sem þau virtust bæði
búa yfir, að gera hið nýja heimili
sitt svo hlýlegt og aðlaðandi sem
kostur var á og efni leyfðu á hverj-
um tíma. Og með árunum tókst
þeim sannarlega að gera heimili
sitt vistlegt og mjög aðlaöandi,
eins og heimiisvinum og kunningj-
um er vel kunnugt. Og þá má ekki
gleyma blómunum yndislegu, sem
aukið hafa á þokka og fegurð
heimilis þessara mætu hjóna.
En hér var ekki látið staðar
numið, því að ekki löngu eftir að
þau hjón fluttu í sitt nýja hús,
hófu þau að vinna af fullum krafti,
eftir því sem tími gafst til, við að
koma sér upp blóma- og trjágarði
sunnanvert við hús sitt, sem ber
þeim fagurt vitni um dugnað við
að fegra umhverfi heimilisins, en
blóma- og trjágarður þeirra hjóna
er að sumri til mjög unaðslegur og
ber sannarlega vitni dugnaði
þeirra og fegurðarsmekk.
Mér er það ennþá minnisstætt
og ég gleymi þvíaldrei, hversu mér
var innanbrjósts, er ég varð, í
embættisnafni sem hreppsnefnd-
aroddviti á sínum tíma, að skrifa
Halldóri vini mínum, og fara þess
á leit við hann að vegna bygg-
ingarskipulagsins væri óhjá-
kvæmilegt, að hann léti af hendi
dálitla sneið af sínum fagra trjá-
og blómagarði til þess að full-
nægja mætti byggingarskipulag-
inu með tilliti til þess að lóðaút-
hlutun færi fram skammt fyrir
sunnan íbúðarhús hans.
Eins og fyrri daginn reyndist
hér við góðan drengskaparmann
að skipta, því að ekki leið á löngu
þar til Halldór vinur minn kom á
minn fund og tjáði mér að hann-
yrði við bón hreppsnefndar Eyr-
arhrepps svo ekki kæmi til
árekstra, eins og hann komst að
orði, og hefir hann vísast rætt
þetta við konu sína, en því óskaði
ég eftir í bréfi mínu. Þannig hefi
ég í áranna rás reynt drengskap
Halldórs Pálssonar í öllum við-
skiptum okkar á milli fyrr og síð-
ar.
Þegar nú húsmóðirin að Heið-
arbraut 14 er öll, er mikill harmur
kveðinn að eftirlifandi eiginmanni
hennar, sem misst hefir kæran og
ástríkan lífsförunaut, sem alla
hjúskapartíð þeirra var Halldóri
félagi hans og góður vinur, sem
skildi hann best þegar á reyndi.
Börnum Halldóru Ingu sálugu,
öldruðum foreldrum, systkinum
og þeirra mökum, sem og öllum
öðrum aðstandendum, sem hér
eiga um sárt að binda, færi ég
mínar innilegustu samúðarkveðj-
ur.
Að leiðarlokum þakka ég hinni
iátnu vinkonu minni löng og góð
kynni og bið henni guðsblessunar.
Einar Steindórsson
Ofvitinn sýndur í 175. sinnið
OFVITINN eftir Þórberg Þórðarson
og Kjartan Ragnarsson verður sýnd-
ur í 175. sinn 1. des. nk. en um þessar
mundir hafa 39 þúsund manns séð
Ofvitann.
Kjartan Ragnarsson sá um leik-
gerð og leikstjórn, tónlist er eftir
Atla Heimi Sveinsson, leikmynd og
búningar eftir Steinþór Sigurðsson
en aðalhlutverkin eru í höndum
Jóns Hjartarsonar og Emils Gunn-
ars Guðmundssonar, sem leika
meistarann á gamals og unga aldri.
Vegna mikilla þrengsla í húsa-
kynnum Leikfélags Reykjavíkur og
sökum þess að nauðsynlegt er að
koma að nýjum verkefnum, verður
ekki unnt að hafa nema örfáar sýn-
ingar í viðbót á Ofvitanum.
Kvenfélagið Framtíðin á Akureyri:
Útgáfa jólamerkjanna hafin
Kvcníélagiö
Framúöin
AÐ VENJU gefur kvenfélagið Framtíðin á Ak-
ureyri út jólamerki, sem nú er komið á markað-
inn. Jólamerkið er teiknað af Guðmundi
Björnssyni myndlistarnema og prentað í Prent-
verki Odds Björnssonar. Merkin eru til sölu í
Frímerkjamiðstöðinni og Frímerkjahúsinu í
Reykjavík og á Póststofunni á Akureyri. Allur
ágóði af sölu merkisins rennur í Elliheimilis-
sjóð félagsins.