Morgunblaðið - 24.12.1981, Page 21

MORGUNBLAÐIÐ, FIMMTUDAGUR 24. DESEMBER 1981
21
Landsfundur fslenskra símamanna:
Siglufjardarkirkja
l.jóxm Snorri Snorruwn
Siglufjarðarkirkja
50 ára 1982
Á NÆSTA ári, árinu 1982, verður
Siglufjarðarkirkja 50 ára. Hún var
vígð 28. ágúst 1932, við hátíðlega
athöfn, af þáverandi biskupi lands-
ins, Jóni Helgasyni.
I>egar hafðar eru í huga aðsta'ð
ur þeirra tíma, bæði hvað snertir
hygtjingarta-kni og efnahagslega
getu, má hiklaust segja, að bygg-
ing kirkjunnar hafi verið stórvirki.
Kirkjan var þá, og er reyndar enn,
ein af stærstu kirkjum landsins,
rúmar um það bil 380 manns i
sæti.
Allt frá vígslunni fram á dag-
inn í dag, hafa Siglfirðingar
annast þetta guðshús af ein-
stakri ræktarsemi. Byggingin
ber þess glöggt merki, bæði að
utan og innan.
í marga stórframkvæmdina
hefur síðan verið ráðist. Síðasti
áfanginn var að kaupa steinda
kirkjuglugga og mála kirkjuna
að utan og innan. Of langt mál
væri að rekja annað sem hefur
verið gert til að fegra guðshúsið
síðastliðna hálfa öld, en þar hafa
margir vinir kirkjunnar lagt
hönd á plóginn.
Nú við þessi tímamót, hyggst
sóknarnefnd í samvinnu við
systrafélag kirkjunnar ráðast í
enn eina stórframkvæmdina. Nú
þegar hefur verið hafist handa
við að breyta kirkjuloftinu í nú-
tímalegt safnaðarheimilir Á
kirkjulofti hafa kirkjufélögin
haft fundaraðstöðu, en þar var
áður fyrr gagnfræðaskóli Siglu-
fjarðar til staðar í ein átján ár.
Á kirkjuloftinu er möguleiki á
að koma fyrir myndarlegu safn-
aðarheimili. Siglfirðingar, félög
og einstaklingar hafa nú þegar
lagt sitt af mörkum í þessa
framkvæmd. Siglfirðingarnir
Helgi Hafliðason arkitekt og
Hákon Ólafsson verkfræðingur
hafa teiknað og hannað heimilið.
Sverrir Sveinsson veitustjóri
annast rafmagnsteikningar, Jón
Dýrfjörð pípulagnir og Birgir
Guðlaugsson framkvæmdastjóri
annast sjálfa uppbygginguna.
Systrafélag kirkjunnar mun
gefa eldhúsinnréttingar í safn-
aðarheimilið. Hefur félagið efnt
til fjáröflunar og hefur hún
gengið vel. Næstu verkefni fé-
lagsins verða jólakortasala, sem
er árviss og sala á jólaföndri,
sem verið er að vinna að.
Á næstunni hyggst sóknar-
nefnd leita til félaga og einstakl-
inga í Siglufirði um aðstoð til að
fullgera safnaðarheimilið á af-
mælisári kirkjunnar, 1982. Leit-
að er eftir sjálfboðaliðum og öll
fjárhagsleg aðstoð er vel þegin.
Til að ítreka óskir sínar og vonir,
mun sóknarnefnd senda öllum
Siglfirðingum nær og fjær
beiðni um aðstoð við þetta mik-
ilvæga verkefni kirkju og staðar.
Nánari upplýsingar gefur sókn-
arprestur og gjaldkeri sóknar-
nefndar Hinrik Andrésson.
Er það einlæg ósk og von sókn-
arnefndar, að Siglfirðingar
bregðist vel við þessari beiðni,
eins og ávallt áður, þá er kirkjan
hefur unnið að stórum verkefn-
um við hin ýmsu tímamót í sögu
hennar.
Sóknarprestur
Fulltrúar íslands í Alþjóðaráðstefnu Rauða krossins, sem haldin var í
Manila á Filipseyjum. Lengst til hægri er stjórnarformaður RKÍ, Ólafur
Mixa, læknir, og við hlið hans er Jón Ásgeirsson, framkvæmdastjóri RKÍ.
Næstir þeim eru fulltrúar frá írlandi.
Fjölmenn ráðstefna Rauða
kross-félaga í Manila
NÝLEGA var haldin í Manila á Fil-
ipseyjum Alþjóðaráðstefna Rauða
krossins. Ráðstefnan skiptist í
þrennt, Aðalfund Kauða krossfé-
laga, Fulltrúaráðsfund og Alþjóða-
þing.
Aðalfundur Rauða krossfélaga
er venjulega haldinn annað hvort
ár og hann sitja fulltrúar allra
Rauða krossfélaga og Alþjóða-
sambandsins. Aðild að því eiga nú
128 þjóðir.
Fulitrúaráðsfundinn sitja auk
fyrrgreindra einnig fulltrúar frá
Álþjóðaráði Rauða krossins, sem
hefur aðsetur í Genf.
Alþjóðaþingið, sem venjulega
stendur yfir í vikutíma er fjöl-
mennast því þá eiga einnig rétt til
þátttöku fulltrúar ríkisstjórna
þeirra þjóða sem hafa Rauða
krossfélag starfandi og viður-
kennt.
Ráðstefnan í Manila stóð í tvær
vikur alls og voru þátttakendur
um 800 þegar flest var. Mikill
fjöldi margvíslegra mála var til
umræðu og afgreiðslu. Þar kom
vel fram hve fjölþætt starfsemi
Rauða krossins er um allan heim,
enda eru Rauði krossinn, Alþjóða-
sambandið og aðildarfélögin fjöl-
mennasta hjálparstofnun heims
með um 240 milljónir félags-
manna.
Tveir fulltrúar Rauða kross Is-
lands sátu ráðstefnuna í Manila,
Ólafur Mixa, formaður stjórnar
RKI og Jón Ásgeirsson, fram-
kvæmdastjóri RKI.
- segir Gudmundur H. Garðarsson, stjórn-
armaður í Lífeyrissjóði verzlunarmanna
RÍKISSTJÓRNIN hefur fallið frá
hugmyndum sínum um að skylda líf-
eyrissjóði landsins til að verja a.m.k.
45% af ráðstöfunarfé sínu til kaupa
á skuldabréfum frá þremur sjóðum,
Byggingasjóði, Framkvæmdasjóði
og ríkissjóði, og bindiskyldan verður
eftir sem áður 40%.
— Eins og kom fram í Mbl., þá
hafði fjármálaráðherra uppi mjög
ákveðnar ráðagerðir í sambandi
við það, að hið opinbera miðstýrði
45% af ráðstöfunarfé lífeyrissjóð-
anna, en þessu var harðlega mót-
mælt af Landsambandi lífeyris-
sjóða og Sambandi almennra líf-
eyrissjóða, auk ýmissa annarra
aðila, sagði Guðmundur H. Garð-
arsson, sem sæti á í stjórn Lífeyr-
issjóðs verzlunarmanna.
— Á fundum með fjárhags- og
viðskiptanefndum beggja deilda
Alþingis, þar sem fulltrúar Land-
sambands lífeyrissjóða sáu þau
frumvörp, sem ríkisstjórnin var
með í bígerð, var þessum ráða-
gerðum harðlega mótmælt, þá al-
veg sérstaklega þeirri hugmynd að
ráðherra ætti að hafa úrskurðar-
vald um að með hvaða hætti sjóð-
irnir mættu lána, auk annarra
þvingandi ákvæða, sem komu
fram í þessum frumvörpum.
Eftir þessi mótmæli má segja að
framkomið frumvarp í sinni end-
anlegu mynd sé ekki ósvipað þeim
lögum, sem gilt hafa undanfarin
ár í sambandi við þessi mál. Af
þessu má því ótvírætt marka, að
ríkisstjórnin þurfti að hörfa al-
gjörlega frá þessum neikvæðu
fyrirætlunum sínum. Jafnframt
vil ég segja það, að í grundvallar-
atriðum eru sjóðirnir á móti öllum
lagaþvingunum sem skerða frjáls-
an ráðstöfunarrétt sjóðanna yfir
eigin fé, sagði Guðmundur H.
Garðarsson að siðustu.
Mjög hörð mótmæli komu fram
vegna fyrirætlana ríkisstjórnar-
innar. Björn Þórhallsson, vara-
forseti ASÍ, sagði að hann teldi
þessa hugmynd fráleita. Það hefði
verið of langt gengið að flestra
mati, þegar ákveðið var að auka
bindiskylduna í 40% hvað þá nú.
— Enda voru menn sammála í
verkalýðshreyfingunni um að vera
á móti þessari fráleitu fyrirætlan,
sagði Björn Þórhallsson ennfrem-
ur.
Hermann Þorsteinsson, fram-
kvæmdastjóri Lífeyrissjóðs Sam-
bandsins, sagði í samtali við Mbl.,
að stjórnvöld hefðu komizt á yztu
nöf þegar bindiskyldan var hækk-
uð í 40% á sinum tíma, þannig að
svona hugmyndir gengju engan
veginn. Mælirinn væri þegar orð-
inn fullur.
Þá mótmæltu samtök eins og
Vinnuveitendasamband íslands og
Kaupmannasamtök íslands þess-
um fyrirætlunum ríkisstjórnar-
innar mjög harðlega.
Spil
ársins
í Bretlandi
Fyrirtæki Aðalheiðar
Jörgensen hefur haf-
ið innflutning á
enska spilinu Kens-
ington, en það var
valið „spil ársins“ í
Bretlandi 1981.
Mótmælir árás-
um á einkarétt
Pósts og sfma
FÉLAG íslenskra símamanna hélt 12.
landsfund sinn dagana 21. til
23.október síðastliðinn f Munaðar
nesi, en landsfundir eru haldnir á 3ja
ára fresti.
Formaður félagsins, Ágúst Geirs-
son, setti fundinn en hann sátu 38
fulltrúar víðsvegar að af landinu.
Formaður félagsins flutti yfirlit
um störf þess og stöðu. Á landsfund-
inum voru mörg mál til umræðu.
Lagði fundurinn meðal annars
áherslu á að þeim starfsmönnum,
sem vinnu sinnar vegna dvelja næt-
urlangt eða lengur fjarri föstum
vinnustað, skuli greiddar samsvar-
andi greiðslur og fyrir útkallsvakt.
Einnig var þess krafist að allt
vaktavinnufólk njóti 50 mín. regl-
unnar.
Á landsfundinum var ályktað um
tölvumál og segir í ályktun að sök-
um þeirrar öru tækniþróunar, sem
nú eigi sér stað innan Pósts og
símar, einkum vegna tölvuvæðingar,
krefjist landsfundurinn þess, að
gerður sé samningur milli FIS og
stofnunarinnar varðandi áhrif
þeirrar þróunar á starfsmenn og
starfsaðstöðu alla.
Ályktað var um samningsrétt og
ítrekaði 12. landsfundur símamanna
þá eindregnu kröfu FÍS, að samn-
ingsrétturinn og þar með verkfalls-
rétturinn skuli vera í höndum hvers
félags innan BSRB.
I ályktun um skóla- og menntun-
armál var lögð áhersla á mikilvægi
Póst- og símaskólans fyrir starfs-
menn og stofnunina. Ennfremur
vakti fundurinn athygli á að ör
þróun hefur ekki aðeins átt sér stað
á sviði síma- og fjarskiptamála,
heldur hafa einnig orðið breytingar
á símaafgreiðslu- og skrifstofustörf-
um, sem þróast mun í byltingu á
næstu árum. Því sé mjög brýnt að
verði komið á námsbraut og endur-
menntunarnámskeiðum fyrir síma-
afgreiðslu- og skrifstofufólk innan
stofnunarinnar. Skoraði fundurinn
á Póst- og símamálastjóra að sjá til
þess að tillögur skólanefndar Póst-
og símaskólans, sem lagðar hafa
verið fram, komi nú þegar til fram-
kvæmda.
Hvað símþjónustu varðar mót-
mælir landsfundurinn árásum á
einkarétt Pósts og síma og öllum
tilraunum til að veikja hann og
hvatti alla símamenn til að taka
virkan þátt í baráttu gegn því að
þjónustu stofnunarinnar verði kom-
ið í hendur fjölmargra einkaaðila
eða fjölþjóðahringa.
Landsfundurinn taldi brýnt að
starfsréttindi símsmiða og sím-
virkja verði löggild. Þá mótmælti
fundurinn því að hagsmunir
BHM-manna sitji í fyrirrúmi í
stofnuninni í launamálum.
Landsfundurinn lýsti yfir fullum
stuðningi við baráttu fatlaðra fyrir
jöfnum rétti á við aðra þegna þjóð-
félagsins til starfa, starfsþjálfunar
og mannsæmandi lífskjara.
Forsetar fundarins voru kjörnir
þau Sigurbjörg Haraldsdóttir,
Reykjavík, og Hermann Guð-
mundsson, Akranesi.
Horfið frá hugmyndum um aukna bindiskyldu lffeyrissjóða:
Ríkisstjórnin varð
að hörfa algjörlega