Morgunblaðið - 24.12.1981, Page 24

24
MORGUNBLAÐIÐ, FIMMTUDAGUR 24. DESEMBER 1981
Umsj&n: Séra Karl Sigurbjömsson
Séra AuÖur Eir Vilhjálmsdóttir
AUDROTTINSDEGI
Helgar stundir við jólatréð
Adfangadagur
við lesum: Jesaja 9,2—7
Þetta er sungið um barnið,
sem í Betiehem fæddist. Löngu
fyrr hafði Drottinn boðað komu
hans, boðað lausn og frið og
frelsi. Nú er frelsarinn fæddur!
Nú hefur draumur mannkyns
ræst. Nú hefur Drottinn svarað
neyðarópum mannkyns. Frelsar-
inn er fæddur. „Hafið þetta til
marks, þér munuð finna ung-
barn reifað og lagt í jötu!“ sagði
engillinn við hirðina. Þetta tákn
var hulið hinum vísu og voldugu.
En hirðarnir sáu það, og veittu
frelsaranum lotningu. „Sælir eru
hjartahreinir, því að þeir munu
Guð sjá,“ sagði Jesús síðar. Þess
vegna er það, að börnin eru
opnari fyrir undri jólanna, og
barnsaugun skær sjá og skynja
tákn Jesúbarnsins, að hann er
frelsarinn, gjöfin besta. Börnin
kunna að undrast og gleðjast,
treysta og trúa. Biðjum Guð um
„barnsins glaða jólahug".
biðjum:
Hjálpa mér, Drottinn, að
beygja hjartans kné við jötuna
þína lágu. Hjáipa mér að gleðj-
ast yfir gleðiboðskap jólanna, og
þakka gjafir þínar, sem birtast
mér í svo margvíslegum mynd-
um í kvöld, en umfram allt fyrir
gjöfina mestu: frelsarann Jesúm
Krist. Gef mér trú á hann og líf
með honum nú og að eilífu. Am-
en.
Faðir vor og blessunarorðin.
lesum eða syngjum: Sálm nr. 72:
„Nóttin var sú ágæt ein“.
Jóladagur
við lesum: Lúk. 2,1—20
Svona kemur Guð til manna.
Við hefðum vænst þess, að hann
kæmi í tign og veldi, í fylgd
herskara engla, með yfirþyrm-
andi vald, blindandi birtu. En
hann kemur sem barn, fátækt
allslaust barn, sem lagt var í
jötu. Þegar frá upphafi olli hann
mörgum vonbrigðum. „En öllum
þeim, sem tóku við honum gaf
hann rétt til að verða Guðs börn,
þeim sem trúa á nafn hans.“ Guð
gefi okkur náð til að taka við
honum og „trúa á nafn hans“ —
trúa því og treysta, að hann sé í
sannleika frelsarinn, Kristur.
biðjum:
Eilífi Guð og faðir, þú sem
með fæðingu þíns elskaða sonar
gafst heiminum lífið, sem er ljós
mannanna: Veit oss náð til að
taka við honum í hjörtu vor og
verða þín börn í honum, sem með
þér lifir og ríkir sannur Guð um
aldir alda. Amen.
Faðir vor og blessunarorðin.
lesum eða syngjum: Sálm nr. 85:
„Af himnum ofan boðskap ber“.
Annar í jólum
við lesum: Post. 6,8—15
Frá fornu fari hefur kirkjan
minnst Stefáns, fyrsta píslar-
vottsins hinn 26. des. Kristnir
menn hafa oft þurft að gjalda
með lífi sínu fyrir trúna á Drott-
in Jesúm Krist. Jafnvel á okkar
öld, sem reyndar hefur séð fleiri
píslarvotta deydda en nokkur
önnur öld sögunnar. Jesús fædd-
ist á jörðu til að leiða okkur til
Guðs og lífsins með honum. Það
kostaði baráttu, og loks dauða á
krossi. Það var barátta við þau
öfl, sem vilja halda mönnum frá
Guði og friði hans og lífi. Enn
vinna þau öfl hervirki meðal
mannanna. En við vitum, að það
eru aðeins fjörbrot, því Kristur
hefur sigrað, og mun brátt aug-
lýsa sigur sinn öllum mðnnum,
alls staðar.
biðjum:
Drottinn Kristur, við biðjum
þig fyrir öllum kristnum
mönnum, sem vegna nafns þíns
eru fyrirlitnir, ofsóttir, fjötraðir
og píndir. Hjálpa þeim, styrk þá
í trú og von er hyldýpi illskunn-
ar blasir við þeim. Og hjálpa
okkur að finna leiðir til að
hjálpa þeim. Lát þá finna og
skynja, að þeir eru ekki einir, að
það er fyrir þeim beðið.
Faðir vor og blessunarorðin.
lesum eða syngjum: Sálm nr. 76:
„Hin fegursta rósin er fundin".
Þridji í jólum
lesum: Lúk. 2,22—33
Líf Jesú var líf í algjörri sam-
stöðu með mönnum, sérstaklega
þeim, sem heimurinn smáir,
þeim, sem eru einmana, sjúkir,
án vonar. Hann lifði í fullkomnu
samræmi við orð sín og siðaboð.
Hann sýndi umhyggjusemi og
kærleika, sem við eigum að bera
áfram og auðsýna í öllu okkar
lífi. Guð varð maður. Það merkir
það, að hann veit hvernig okkur
líður, skilur ótta okkar, áhyggjur
og kvíða. Og hann einn getur
frelsað þig frá angist og ein-
semd. í Jesú Kristi varð Guð vin-
ur þinn. Vinur, sem aldrei
bregst.
biðjum:
Kom þú inn í líf mitt, Frelsari
minn og Drottinn. Helga þú
hjarta mitt og líf mitt allt. Lýs
mér og leið mig allar stundir ævi
minnar og um eilífð alla. Amen.
Faðir vor og blessunarorðin.
lesum eða syngjum: Sálm nr. 95:
„Ég vil með þér, Jesús, fæðast".
Söngur frá jólum til jóla
Hugsum um englasönginn á
Betlehemsvöllum jólanóttina
fyrstu. Það er kannski auðveld-
ara en oft ella eftir hinn mikla
og góða kirkjusöng, sem við höf-
um fengið að heyra og taka þátt
í á þessu kristniboðsári. Nú skul-
um við leggja við hlustir og
reyna að ímynda okkur hvað
hirðarnir fengu að heyra á jóla-
nóttina. Það er svo gott fyrir
hjörtu okkar að heyra lofsöng
um Drottinn, svo hollt fyrir sálir
okkar að syngja saman Guði til
dýrðar. Um jólin ómar öll hin
kristna kirkja af fögnuði yfir
fæðingu frelsarans, orgel og
lúðrar, fiðlur, hörpur og gítarar
taka undir hinn mikla kórsöng.
Svo líða jólin hjá. Hversdagur-
inn byrjar aftur. Samt er haldið
áfram að syngja. Kirkjufólkið,
sem hittist á jólanótt, heldur
áfram að hittast til að syngja
Frelsara sínum lof og dýrð. Brot
og stef úr sálmum og söngvum
um hann eru sungin og rauluð
þar sem fólk hans vinnur störf
sín. Hann er þar nálægur og
glæðir hversdaginn hiýju og til-
hlökkun. Hver og ein mannvera í
þessum mikla kirkjukór, sem
syngur hversdags og spari, æfir
saman og sér í lagi, fær sérstaka
tilsögn hjá Frelsaranum. Hann
heyrir hvar þarf að lagfæra.
Hann heyrir ef einhver syngur
verr í dag en í gær, ef einhver
syngur af offorsi ellegar lág-
róma af ótta. í þessum mikla kór
Drottins njótum við hin radd-
minni styrksins frá þeim, sem
alltaf voru svo lagvissir í trúnni,
Söru og Abraham, Móse og Mirj-
am, Pétri, Páli, Maríunum, Föbe
og Lýdíu, Lúter og móður Ter-
esu. En Kristur er stjórnandinn,
og um hann er lofsöngurinn, því
enginn er Frelsari nema hann.
Gleðileg jól.