Morgunblaðið - 04.06.1982, Qupperneq 18
18
MORGUNBLAÐIÐ, FÖSTUDAGUR 4. JÚNÍ1982
Útskriftarhæf-
ir sjúklingar
ekki útskrifaðir
— segir í skýrslu um sjúklinga-
tal á sjúkrastofnunum
„Sá aldurshópur, sem mest
notaði sjúkrahúsaþjónustu
31.03. 1981, er aldrað fólk.
Sjúklingar 70 ára eða eldri eru
45% af heildinni og ef 65—69
ára eru teknir með hækkar
hlutfallið í 53.48%.“ Þessar upp-
lýsingar er að finna í nýútkom-
inni skýrslu um sjúklingatal á
sjúkrastofnunum í Reykjavík-
urlæknishéraði 31. mars 1981.
Eitt þeirra atriða sem kannað
var í sjúklingatalinu var álag á
hinum ýmsu deildum sjúkrahús-
anna, vegna sjúklinga, sem taldir
voru útskriftarhæfir frá læknis-
fræðilegu sjónarmiði en höfðu
ekki verið útskrifaðir sökum
heimilisaðstæðna, skorts á
hjúkrunar- og dvalarrými eða
skorts á sérhæfðu sjúkrarými.
Alls var talið að 300 sjúklingar,
eða um 17% sjúklinga þyrftu á
annars konar þjónustu að halda
en viðkomandi deild eða stofnun
bauð upp á. Af þessum 300 sjúkl-
ingum voru 114 sjúklingar
athugaðir sérstaklega og áttu
þeir það sameiginlegt að vera
eldri en 70 ára, dvelja vegna
langlegu og álitnir útskriftar-
hæfir frá læknisfræðilegu sjón-
armiði, segír í skýrslunni.
Þá segir í skýrslunni að tæp-
lega 40% rúma Reykvíkinga á
langlegudeildum séu notuð af
fólki 85 ára og eldra. 1367 sjúkl-
ingar eru á deildum fyrir líkams-
sjúka þar af 893 Reykvíkingar er
skiptist þannig að 55% voru á
bráðadeildum er 45% á langlegu-
deildum.
74 millj. kr. til breytinga á kreppulánum í langtímalán:
„Frekleg pólitísk misbeit-
ing á peningum Byggðasjóðs“
Fyrir skömmu var tekin í notkun stærsta jaröýta, sem flutt hefur verift til landsins. Hún er af gerftinni
Caterpillar — DGL og er flutt inn af Heklu hf. Þyngd hennar er 65 tonn og eigandi er Sufturverk á Hvolsvelii.
Jarðýtan er nú í vinnu fyrir Landsvirkjun vift Sigöldu vift lónþéttingu.
'O
— segir Vilhjálmur Bjarnason bankastjóri Útvegsbanka íslands í Vestmannaeyjum
INNLENT
„I FYRSTA lagi er meft þessum
vinnubrögðum verið að mismuna
fyrirtækjum þegar rekstrargrund-
völlinn skortir og þessi afgreiðsla
Byggðasjófts er greinilega frekleg
pólitísk misbeiting á peningum því
þessir peningar hafa ekki verift
auglýstir til úthlutunar, og ég tala
nú ekki um þann aðstöðumun sem
bankarnir verða fyrir,“ sagði Vil-
hjálmur Bjarnason, bankastjóri Út-
vegsbanka íslands í Vestmannaeyj-
um, í samtali við Mbl. í gær um
afgreiðslu Byggðasjóðs á um það
bil 74 milljóna króna láni til fyrir-
tækja í viðskiptum við Lands-
banka, Útvegsbanka og Búnaðar-
banka til þess að breyta lausa-
50.000 lestir af sfld veiddar I haust:
Helmingur hringnóta
fær leyfi til veiða
28% aflans má veiða í reknet
Sjávarútvegsráðuneytið hefur nú
ákveðið hvernig síldveiðum verður
háttað á bausti komanda og verður
veiðunum hagað samkvæmt tillögum
nefndar sem skipuð var á sínum
tíma til að endurskoða reglur um
síldveiðar. Alls verður heimilað að
veiða 50.000 lestir af síld í haust, en
það er það magn sem Hafrannsókn-
arstofnunin lagði til og mega veið-
arnar standa frá 10. ágúst til 15.
desember. Hringnótabátar fá að
veiða 69% aflans, reknetabátar 28%
og lagnetabátar 3%. Þá fær aðeins
belmingur hringnótaflotans leyfi til
síldveiða á þessu ári.
í fréttatilkynningu, sem Sjávar-
útvegsráðuneytið hefur sent frá sér
um tilhögun síldveiðanna segir, að
kvóti hringnótaskipa verði 34.500
tonn og verði kvótanum skipt jafnt
milli þeirra báta, sem leyfi fá til
veiðanna. Þá verður verðmæta-
kvótinn með sama sniði og síðast-
liðið ár. Veiðitímabil hringnóta-
báta verður frá 20. september til
15. desember.
Við úthlutun leyfa til hringnóta-
báta verður það meginmarkmið
látið gilda, að aðeins koma til
greina þeir bátar, sem hafa fengið
leyfi til síldveiða í hringnót 1980 og
1981 og stundað veiðarnar að
minnsta kosti annað árið, þar með
taldir loðnubátar. Rétthöfum verð-
ur með úrdrætti skipt í tvo jafna
hluta og fær annar hópurinn leyfi í
ár, en hinn á næsta ári. Við skipt-
inguna verður tekið tillit til dreif-
ingar leyfa á verstöðvar og enn-
fremur þess, ef sami útgerðarmað-
Fræðslufundur um krabbamein
KRABBAMEINSFÉLAG Reykjavíkur
hefur ákveðið að taka upp þá nýjung að
halda opna fræðslu- og umrteðufundi um
krabbamein og krabbameinsvarnir fyrir
félagsmenn og annað áhugafólk.
Á fyrsta fundinum, sem haldinn
verður nk. mánudagskvöld, munu Sig-
urður Björnsson og G. Snorri Ingi-
marsson, sérfræðingar í krabbameins-
lækningum, flytja stutt erindi og svara
fyrirspurnum um lyfjameðferð ill-
kynja sjúkdóma og um efnið interfer-
on.
Þá mun formaður félagsins, Tómas
Á. Jónasson. yfirlæknir, gera grein
fyrir væntanlegum byggingarfram-
kvæmdum krabhameinsfélaganna og
áformum um aukna starfsemi í því
sambandi.
Ennfremur verður sýnd kvikmyndin
„Frá einni frumu“, stutt bandarísk
fræðslumynd með islensku tali, um
eðlilegan og illkynja frumuvöxt.
Fundurinn verður sem fyrr segir
haldinn nk. mánudag, 7. júní, og hefst
kl. 20.30. Fundarstaður er Hótel Hekla
við Rauðarár8tíg.
ur á rétt á leyfi fyrir fleiri en einn
bát.
Kvóti reknetabáta verður 14.000
lestir og hámarksafli á bát 450 lest-
ir. Veiðitimabil reknetaflotans
verður frá 15. september til 15. des-
ember. Leyfi til síldveiða í reknet
geta bátar 50 lestir eða stærri
fengið. Við úthlutun leyfa skal það
meginmarkmið gilda, að bátur hafi
fengið útgefin leyfi til reknetaveiða
árið 1980 eða 1981 og nýtt það að
minnsta kosti annað árið.
Leyft verður að veiða 1500 lestir
í lagnet og verður veiðitímabilið
frá 10. ágúst til 31. október. Bátar
undir 50 lestum geta fengið leyfi til
þessara veiða.
Þeir sem voru í nefndinni um
skipulag síldveiðanna voru þeir:
Gunnar Flóvenz frá Síldarútvegs-
nefnd, Ingólfur Falsson frá Far-
manna- og fiskimannasambandi
íslands, Kristján Ragnarsson frá
Landssambandi ísl. útvegsmanna,
Óskar Vigfússon frá Sjómanna-
sambandi Islands, Þorsteinn Gísla-
son frá Fiskifélagi íslands og Þórð-
ur Eyþórsson frá sjávarútvegs-
ráðuneytinu, en hann var formaður
nefndarinnar.
Tilgangurinn með skipan nefnd-
arinnar var fyrst og fremst sá að
athugað yrði hvernig gera mætti
síldveiðar arðbæari og íslending-
um þannig gert betur kleift að
mæta verðlækkun á erlendum síld-
armörkuðum, meðal annars vegna
aukinnar samkeppni við Kanada-
menn og Norðmenn-.
skuldum og vanskilum í langtíma-
lán, en af þessari upphæft komu
62,7 milljónir króna í hlut fyrir-
tækja hjá Landsbankanum, 5 millj.
kr. í hlut fyrirtækja hjá Búnaðar-
bankanum og 5,5 millj.kr. í hlut
fyrirtækja hjá Útvegsbanka ís-
lands.
Vilhjálmur sagði vanda fyrirtækj-
anna í Vestmannaeyjum mjög sér-
stæðan, því hann tengdist gosárinu
1973 og kvað hann vanta 20—25 millj-
ónir króna í þessu sambandi til Vest-
mannaeyja „til þess að fyrirtækin
geti staðið við greiðsluskuldbindingar
sínar og vanskil sem hafa verið að
hrúgast upp á undanförnum árum,“
en útibú Utvegsbanka íslands í Vest-
mannaeyjum er stærsta útibú bank-
ans utan Reykjavíkur.
„Með þessari fjárúthlutun Byggða-
sjóðs er þeim fyrirtækjum sem er
veitt fjármagn gert kleift að starfa
við þessar óeðlilegu aðstæður þar sem
rekstrargrundvöllinn vantar, en hin
sitja eftir við vonlausar aðstæður þar
sem þeim er gert vonlaust fyrir,“
sagði Vilhjálmur. „Þessi svæðis-
bundni vandi í Vestmannaeyjum sem
verið hefur með misjöfnum þunga frá
gosi, er ekki tekinn til greina í þessari
úthlutun, hvað þá heldur aflabrestur-
inn í loðnuveiðunum sem hefur bitnað
með meiri þunga hér í Eyjum, þar
sem hér starfa tvær af fimm loðnu-
bræðslum landsins í einkaeign, en
verksmiðjurnar á Neskaupstað og á
Eskifirði fá verulega úthlutun. Þess
má einnig geta að um árabil allt til
1980 hafa Vestmannaeyjar verið afla-
hæsta verstöð landsins í loðnunni.
Hér er augljóslega um að ræða frek-
lega pólitíska misbeitingu á pening-
um, þessi úthlutun er ekki auglýst og
aðstöðumunur bankanna sem verða
fyrir þessu er augljós. Útvegsbanki
íslands hefur að öllu jöfnu !ó af sam-
bærilegum útlánum Landsbankans og
sem dæmi um hina pólitísku misbeit-
ingu má geta þess að Stefán Guð-
mundsson, alþingismaður og stjórn-
armaður í Framkvæmdastofnun, er
stjórnarmaður í þeim fyrirtækjum
sem hafa fengið úthlutað verulegu
fjármagni á Sauðárkróki og það vek-
ur einnig furðu sú upphæð sem sam-
bandsfrystihús í Keflavík fær og
Meitillinn í Þorlákshöfn á sama tíma
og tvö af stærstu frystihúsunt lands-
ins í Vestmannaeyjum eru svelt í
þessari afgreiðslu og hin húsin ekki á
blaði.“
Listi yfir lánaúthlut-
anir Byggðasjóðs
HÉR fer á eftir skrá yfir lánaút-
hlutun Byggðasjóðs: ^
Útg.fél. V-lands Akranesi 1 millj.
Krossvík, Akranesi 1 millj.
Sæfang, Grundarf. 2 millj.
Hraðfrystihús Patreksfj. 3 millj.
Hraðfrystihús Tálknafj. 1,5 millj.
Fiskvinnslan Bíldudal 2 millj.
Skjöldur, Sauðárkróki 800 þús.
Útg.fél. Skagafj. 2,5 millj.
Fiskiðjan Sauðárkróki 500 þús.
Hraðfrystih. Hofsóss 1,2 millj.
Magnús Gamalíelss., Ólafsf. 1 millj.
Útgerðarfél. Ólafsfj. 1 millj.
Söltunarfél. Dalvíkur 750 þús.
Kaldbakur, Grenivík 1 millj.
Tangi Vopnafj. 3 millj.
Síldarvinnslan, Neskaupst. 2 millj.
Hraðfrystihús Stöðvarfj. 1 millj.
Stemma, Hornafirði 930 þús.
Hraðfrystist. Vestmannaeyja 1 millj.
Fiskiðjan Vestm.eyjum 1 millj.
Hraðfrystihús Stokkseyrar 1 millj.
Hraðfrystih. Eyrarbakka 1.750 þús.
Meitillinn 2 millj.
Hraðfrystihús Þórkötlust. 1 millj.
Miðnes 1 millj.
Garðskagi 1 millj.
Keflavík hf. 300 þús.
Sjöstjarnan 500 þús.
Stjarnarn, Njarðvík 500 þús.
Lýsi og Mjöl 750 þús.
Isbjörninn 2 millj.
Hraðfrystist. Reykjavíkur 1,5 millj.
íshúsfél. Bolungarv. 2 millj.
Hraðfrystihús Eskifj. 5 millj.
Hraðfrystihús Ólafsv. 3.750 þús.
Kópanes, Patreksf. 1,5 millj.
Þormóður Rammi 4,4 millj.
Sæblik Kópaskeri 300 þús.
Jökull, Raufarhöfn 3,7 millj.
Árborg, Selfossi 1 millj.
Meitillinn 4 millj.
Hraðfrystih. Keflavíkur 5 millj.
Sjófang 870 þús.
Samtals 73,5 millj.