Morgunblaðið - 16.01.1983, Blaðsíða 34

34
MORGUNBLAÐIÐ, SUNNUDAGUR 16. JANÚAR 1983
Victoria á barnaskólaámnum,
áður en hún varó „snobbuó og
leióinleg“.
Victoria Principal — Pam
Brokk-
geng
bernsku-
ár
Það gekk á ýmsu
hjá Dallas-stjörnunum
á æskuárunum
Það er ekki tekið út með sæidinni einni saman
að fara með stór hlutverk í vinsælum sjónvarps-
þætti og það hafa konurnar í Dallas fengið að
f reyna, ekki síður en Larry Hagman og aðrir karl-
|«é leikarar í þættinum. Frægðinni fylgir sá baggi að
W vera sífellt á milli tanna fólks og einkalífið fer undir
I smásjá slúðurdálkanna, sem eru eitt vinsælasta blaða-
“ efni í Bandaríkjunum. Leikkonurnar í Dallas-þáttunum
eru að vonum mjög umtalaðar, enda þykja þær bráð-
huggulegar og margir telja að þær eigi drjúgan þátt í
vinsældum þáttanna ekki síst vegna útlitsins. Og um
talið er hluti af þessum vinsældum, þar sem einkalíf-
ið er dregið fram í dagsljósið í blöðum og tímaritum.
I þeirri samantekt sem hér fer á eftir er fjallað
nokkuð um bernsku- og unglingsár Dallasstúlknanna.
Forseti nemendafélagsins,
Linda Grey.

Linda Gray — Sue Ellen
DAÐURDRÓSIN
VICTORIA
Victoria Principal, 'sem leikur
Pam, hina siðprúðu og nánast full-
komnu eiginkonu Bobby Ewing, er
hvorki siðprúð né fullkomin í
einkalífinu, ef marka má frá-
sagnir af henni. Á unglingsárum
sínum var hún dæmalaus daður-
drós, sem beitti kyntöfrunum til
að fá það sem hana langaði í og
hún þurfti ekki annað en að
smella saman fingrunum til að
strákarnir féllu flatir að fótum
hennar. Staðreyndin var hins veg-
ar sú, að hún kunni betur við eldri
menn en unga stráka að því er
heimild okkar segir. Þegar Vict-
oria var í gagnfræðiskóla stundaði
hún um skeið þá atvinnu að fylgja
ríkum, eldri herramönnum í sam-
kvæmi, starf sem kallað er
„party-escort" á máli Ameríku-
manna og einnig eru sögur á
kreiki um, að hún hafi á laun átt
stefnumót við suma af kennurnum
sínum.
Þetta stöðuga daður í Victoriu,
auk þess sem hún þótti snobbuð,
varð þess valdandi að hún naut
ekki vinsælda meðal skólasystkina
sinna, en hún kærði sig kollótta.
Hún hafði hvort eð er engan
áhuga á samneyti við þau, en
hugsaði um það eitt að komast
áfram í lífinu, — verða stjarna, og
það tókst henni svo sannarlega
eins og við þekkjum.
Victoria fæddist 3. janúar árið
1950, á Fukuoka í Japan, þar sem
faðir hennar starfaði í bandaríska
flughernum, en vegna starfa hans
í hernum var fjölskyldan á flakki
um heiminn þegar Victoria var
krakki. Hún var feimin sem lítil
stúlka, en feimnin fór af henni á
unglingsárunum, um það leyti sem
hún hóf nám í „Chicopee Compre-
hensive" gagnfræðaskólanum í
Chicopee í Massachusetts. Ein af
skólasystrum hennar þar fullyrðir
að Victoria hafi á þessum árum
talið sig vera skyggna og gædda
yfirnáttúrulegum krafti, en vitað
er að hún hellti sér út í dulspeki,
lófalestur og annað kukl á ungl-
ingsárunum. Skólasystirin segir
ennfremur að „Vicki hafi einnig
þróað með sér annað áhugamál á
þessum árum, — þ.e. karlmenn. —
Hún sneri strákunum um fingur
sér og þegar hún hafði húkkað þá
gaf hún þeim spark fyrir einhvern
nýjan, sem átti flottari bíl og
meiri peninga", — segir vinkonan
fyrrverandi. Og önnur skólasystir
bætir við: — „Hún var kæn og
slóttug og kunni þá list að daðra
við karlmenn. Hún var litli sæti
engillinn með hornin á enninu ...“
Talsvert fjaðrafok varð þegar
upp komst að Victoria hélt við
ökukennarann sinn, giftan mann
sem gaf henni þann vitnisburð að
hún væri „vitlaus í eldri menn“.
Skömmu eftir þetta flutti fjöl-
skyldan til Homestead i Florida
og Victoria stundaði nám í South
Dade-menntaskólanum. Hún gerði
stormandi lukku meðal strákanna
í Homestead, en mörgum skólafé-
lögum hennar fannst hún vera
snobbuð og drjúg með sig. — „Ein
af ástæðunum fyrir því að hún var
óvinsæl var að hún var svo sér-
stök“, — segir David Kross, sem
kenndi henni leiklist í South Dade.
— „Hún var afar fögur og hafði
yfir sér meiri yfirborðsfágun en
hinir krakkarnir í bænum", —
segir David.
Victoria gaf engan gaum að
strákunum í Homestead, en átti
hins vegar stefnumót við eldri for-
ingja í flugstöð hersins í Home-
stead, þar sem hún bjó ásamt for-
eldrum sínum. Og það var á þess-
um árum sem orðrómur um sam-
band hennar við kennarana komst
á kreik og einnig um starfa henn-
ar sem „samkvæmis-stúlku", en
auk þess kom upp leiðindamál út
af myndatöku, þar sem hún sat
fyrir helst til fáklædd. Myndir
þessar hafa nýverið birst í víðlesn-
um tímaritum og ollu talsverðu
fjaðrafoki. Skólafélagar hennar
frá Homestead minnast þess einn-
ig, að hún hafi á þessum árum
haldið því fram að hún væri borin
til mikils frama og hún vriðist
ekki hafa verið í neinum vafa um
frægðina sem beið hennar.
Ári eftir að hún útskrifaðist úr
menntaskóla steig hún stórt skref
í áttina til þessa frama, sem hún
var sannfærð um að biði sín, en
það var þegar hún fór til Evrópu
og fór að búa með auðjöfrinum
Bernie Cornfeld, stjórnanda fyrir-
tækis, sem velti milljörðum og
með auði sínum og samböndum
tókst honum að ryðja brautina
fyrir Victoriu með þeim árangri
sem við nú þekkjum.
VANDRÆÐABARNIÐ
BARBARA
Barbara Bel Geddes leikur Miss
Ellie í Dallas-þáttunum og í því
hlutverki er hún hin viljasterka
kona, öryggið uppmálað, sem með
festu sinni heldur Ewing-fjöl-
skyldunni saman. Líf hennar hef-
ur hins vegar síður en svo vérið
dans á rósum og sérstaklega var
bernskan henni þungbær. Þegar
hún var fimm ára gömul, árið
1927, var heimili hennar leyst upp
er faðirinn, Norman Bel Geddes,
yfirgaf fjölskylduna, en hann var
þekktur leiktjaldahönnuður. Við
það fór tilfinningalíf stúlkunnar
úr sambandi og hún var einatt til
vandræða bæði heima hjá sér og í
skólanum. Fyrrum skólafélagar
hennar segja að hún hafi átt í
stöðugum illdeilum við skóla-
systkini sín svo og kennara og
meðal annars nefbraut hún einn
kennarann, ef marka má heimild
okkar.
Hin rótlausa Ckarlene tlu ára
gömul. Fáir spáðu henni miklum
frama á þessum árum.
Charlene Tilton — Lucy
— „Barbara var illa liðin og frek
og reyndi alltaf að fá vilja sínum
framgengt með yfirgangi," segir
Nancy Rickert, æskuvinkona
Barböru, sem ólst upp með henni í
sömu götu í Millburn í New Jers-
ey, en þar bjó Barbara frá því fað-
ir hennar stakk af og þar til hún
var fimmtán ára gömul. Skólafé-
lagi hennar frá unglingsárunum
gefur henni svipaðan vitnisburð:
— „Hún var ráðrík og ofsafengin
og alltaf var hún potturinn og
pannan í ólátunum. Hún reyndi
líka að stjórna okkur krökkunum
og fá okkur til að láta illa. Eitt
sinn gekk hún upp að kennara-
borðinu og lamdi forfallakennara
einn í andlitið með pennastokk
með þeim afleiðingum að kennar-
inn nefbrotnaði," segir þessi fyrr-
um skólafélagi Barböru.
Eftir að faðir hennar yfirgaf
heimilið lagðist móðirin í þung-
lyndi og jafnan síðan grúfði mikil
sorg yfir heimilinu, eftir því sem
nánir fjölskylduvinir segja og
telja þeir að þetta hafi verið
ástæðan fyrir slæmri hegðan
stelpunnar. Hún var öryggislaus
og þráði athygli hinna fullorðnu.
Það er vissulega erfitt fyrir menn
að ímynda sér Barböru í þessum
ham þegar við virðum hana fyrir
okkur nú, rólega og yfirvegaða í
hlutverki Miss Ellie.
Barbara hafði leiklistina í blóð-
inu og hún virðist snemma hafa
ákveðið að hasla sér völl á því
sviði. Henni tókst oftast að pota
sér í aðalhlutverk á skólasýning-
um enda þótti hún sýna ótvíræða
hæfileika. Eftir að móðir hennar
náði sér af þunglyndinu urðu þær
mæðgur mjög samrýndar, en ein-
mitt þá varð Barbara fyrir versta
áfallinu, — móðir hennar dó úr
krabba þegar Barbara var fimm-
tán ára. Faðir hennar var þá
kvæntur aftur og hún hafði lítið
sem ekkert samband við hann,
þannig að skyndilega var hún orð-
in ein og yfirgefin í heiminum.
Hún átti að vísu eldri systur, sem
bjó í New York, en lítið samband