Morgunblaðið - 10.03.1983, Blaðsíða 16

16
MORGUNBLAÐIÐ, FIMMTUDAGUR 10. MARZ 1983
Er þörf nýrra skatta
á bifreiðaeigendur?
Bensínskattur 1982 264 milljónir - hærri en 1978 á föstu
verðlagi - engin króna hækkunarinnar fór til vegagerðar!
— eftir Láurs Jónsson alþingismann
Alþingi fjallar nú um vegaáætlun til næstu fjögurra ára. Þetta er fyrsU
vegaáætlunin síðan langtímaáætlun í vegamálum var samþykkt einróma á
Alþingi eftir að fjárveitinganefnd hafði unnið eina tillögu úr tillögum sjálf-
stæðismanna og aðstandenda ríkisstjórnarinnar. Þar voru þau markmið sett
að árið 1983 skyldi 2,2% af þjóðarframleiðslu varið til vegamála, 1984 2,3%
og 1985 og síðar 2,4%. Á fyrsta ári langtímaáætlunar í framkvæmd er skorið
svo hressilega niður framlag ríkissjóðs til vegamála að til þess að nálgast
markið sem sett var fyrir nokkrum mánuðum er ráð fyrir því gert skv.
stjórnarfrumvarpi að leggja á nýjan skatt sem er miðaður við þunga hverrar
bifreiðar og er talinn hækka skattbyrði bifreiðaeigenda um 125 millj. króna
á þessu ári. Þessi skattheimta er réttlætt með lækkun innflutningsgjalds. Á
það er þó að líta að þessi nýi skattur kemur í kjölfar gífurlegra skattahækk-
ana á benzín umfram verðlagshækkanir á undangengnum árum. Ekkert af
þeirri skattahækkun hefur farið til vegagerðar, þvert á móti ríkisframlög til
vegamála hafa verið lækkuð en lántökur auknar. Þannig hefur framkvæmd-
um verið haldið uppi með ávísun á framtíðina.
Skattahækkun á benzín:
Á meðfylgjandi súluritum sem
eru gerð af Vegagerð ríkisins að
ósk fjárveitinganefndar sést á
mynd I hvernig skattar á benzín
hafa hækkað síðan 1978 (fast
verðlag m.v. 1982). Skattahækkun-
in milli áranna 1978 og 1982 nem-
ur 264 millj. króna reiknað á föstu
verðlagi (ársins 1982). Skyggði
hluti súluritsins sýnir að sá hluti
benzínskatta sem fer til vegagerð-
ar, þ.e.a.s. benzíngjaldið
svonefnda, hækkar ekki á sama
tíma. Söluskattur og tollar á benz-
ín sem renna í ríkissjóð en ekki til
vegagerðar hækkuðu svo mjög
vegna gífurlegrar hækkunar á
innflutningsverðlagi benzíns á
þessum tíma. Verðhækkun benz-
íns var því notað til svo freklegrar
skattahækkunar, sem raun ber
vitni.
Lítil aukning heildar-
framlaga — þrátt fyrir
stórauknar lántökur
Á súluriti nr. II er sýnt hvernig
Lárus Jónsson
lántökur hafa verið auknar til
vegagerðar á undanförnum árum.
Þær hafa verið tvöfaldaðar að
raungildi milli áranna 1978 og
1982 eða aukist um 106 millj.
króna á föstu verðlagi. Á sama
tíma sem skattar hafa hækkaða í
heild á benzín, sem að framan seg-
ir, og lántökur auknar hafa heild-
arframlög ríkissjóðs og vegasjóðs
til vegamála sáralítið aukist eða
einungis um 37 millj. króna milli
framangreindra ára 1978—1982
(sjá súlurit nr. III).
Er þörf á nýjum
skatti nú?
Á Alþingi í fyrra var samþykkt
ný langtímaáætlun í vegamálum.
Á það var Iögð áhersla í umræðum
um þessa áætlun sem samkomulag
varð um að hverfa bæri frá þeirri
stefnu undangenginnav>ára að
þyngja skatta á umferðina en
skera niður framlög til vegagerðar
af samtímatekjum. Við fjárlaga-
afgreiðslu í vetur var þetta ein-
mitt gert. Framlög til vegagerðar
voru skorin niður, þrátt fyrir
skattahækkanir á öllum sviðum,
og eftir skilið „gat“ í vegaáætlun
sem nú á að fylla með nýjum
skatti sem nemur 1 kr. á hvert kg.
allra bifreiða í landinu. Þessi nýi
skattur leggur 125 millj. kr. nýja
skattbyrði á bifreiðaeigendur til
viðbótar stórhækkun almennra
skatta síðustu árin. Auðvitað væri
ekki þörf á þessum viðbótarskatti,
ef staðið væri við þá eðlilegu
stefnu að skera ekki niður þau
framlög sem varið er af sameigin-
legum sjóði landsmanna til vega-
mála á fyrsta ári nýrrar langtíma-
áætlunar í vegamálum.
Dæmigert um vinnubrögð
Framsóknar og
Alþýðubandalags
Sú stefna í skattheimtu, lántök-
um og raunverulegum framlögum
til vegamála, sem hér hefur verið
lýst, er dæmigerð fyrir stefnu
Framsóknar og Alþýðubandalags
á öðrum sviðum ríkisfjármála og
framfaramála undangengin ár.
Frá árinu 1978 hafa þessir flokkar
ráðið lögum og lofum í þessum
efnum. Samgönguráðherra hefur
sérstaklega hrósað sér af sam-
þykkt langtíiifíaáætlunar í vega-
málum. Þau vinnubrögð og stefna
sem hann hefur í framkvæmd
hennar á fyrsta árinu sýna í reynd
hver hugur fylgir máli.
Lagerinn
Smiðjuvegi 54 Kópavogi
15% afsláttur af lága veröinu aöeins í
LÆGSTU PRÍSAR
í BÆNUM
í dag
rymkum fyrir miklu
magni af nýjum fatnaöi
Opin mánudag kl. 12—18, þriöjudag kl. 12—22,
miövikudag kl. 12—18, fimmtudag kl. 12—18,
föstudag kl. 12—22, laugardag kl. 10—16.
Wterkurog
kJ hagkvæmur
auglýsingamiöill!